Wednesday, November 12, 2008

عودة

هل اقول سكت فغر المدونين السكوت .. وظنوني لمدونتي قد نسيت .. واني لم انس .. ام اقول الحقيقة وأنه ما أجمل أن أجلس وطيفها من حولي يدعوني أن أكتب ..

لكن قبل أن أبدأ أبرر لمدونتي وزائريها توقفي الذي دام شهور وبدأ بشهر رمضان ثم اعقبه انشغال شديد اضافة إلى حالة من الحيرة انتابتي وأنا لا اكتب في الفترة الأخيرة إلا عنها .. وشعرت أنك - يا مدونتي - قد سئمتي مني ومن البوح بمشاعري إليك .. بعد أن رأيتي ان جل ما اكتب منذ ان عرفتها هو عنها فتطالبينني الآن أن اكتب كما كنت أكتب من قبل وهذا مطلب صعب ..

حاولت أن أرضيكي - مدونتي - فاكتب عن أي شيء غير تلك المشاعر التي تتجول بداخلي ذهابا وإياباً .. حتى أذهب عنك الملل وأنوع مواضيعك وأثريك بنقاشات المدونين وأحاديثهم وتحليلاتهم .. لكن لم استطع لذلك سبيلا

ألم نتفق أنا وأنت منذ ان بدأت ادون أن اكتب ما اريد بلا حدود ولا رقيب ولا إطار ولا توجيه .. ألم نتفق على ذلك ونمارس ذلك طوال عامين هو عمرك الصغير الذي غير في حياتي الكثير والكثير .. فما بالك الآن قد سئمت من كتاباتي .. تراك تغارين منها ومن إقبالي عليها وحدها واعراضي عما سواها ؟؟ إن كان ذلك فهي خير منك .. فهي التي استوصت بك خيرا وأزعجها بعدي عنك .. فلازالت تطلب مني ان اعود إليكي وارعاكي .. وأنا لا ارد لها أمر .. حتى جئتك الآن اقص عليكي ما اقص

مدونتي العزيزة هل لنا في بداية جديدة معا .. تقنعين فيها بأنك لست أول اهتماماتي وتتركينني على سجيتي اكتب واقص عليكي ما اشعر به دون ان تفرضي علي طريقة ولا تطلبي مني نهجاً ؟!!

26 comments:

ammola said...

حمد الله على السلامة
وبجد شرفت التدوين من تانى
الحقيقة يا باشمهندس أنا معاك فى أن المدون بيكتب اللى بيحس بيه وينفعل معاه
وأنا شخصيا موافقاك انك تكتب عنها
:)
بس المهم ماتغيبش عن التدوين تانى
واكيد مدونتك حتتفهم الموقف وحتتمنى لك السعادة

مجداوية said...

السلام عليكم

طيب مش كنت تقول حضرتك ان فيه خناقة بينك وبين مدونتك عشان نقعد كده مع شوية مدونين ومدونات مع مدوناتهم ويعقلوها ويفضوا الخناقة
بقى ده كان الشبب ان المدونة ضاغطة عليك نفساويا
على العموم الحمد لله انكم اتصالحتوا
واكتب اللى انت عايزة
ادبحلها القطة
مدونة ايه اللى تمشى كلامها على باشمهندزززززززز أد الدنيا

اكتب عن فتاة أحلامك ولا يهمك
ننام منك نزهق
نروح ونطفش
نروح نجيبهالك عشان نستريح ولا يهمك
اكتب واحنا حنستحمل
احنا والمدونة والكل كليلة

وعدودا أحمدا( وأمل) فى الله كبير أن تنول ما تتمنى

وتعالى خد التاج لو سمحت عشان حيحمض

Ma 3lina said...

اخيرااااا يا بشمهندس رجعت تانى

طبها مش هقولك زعلانة وواخدة على خاطرى و الايملات مش بيترد عليها

يالا ما علينااااا

و مستنيين البوستات الجديدة

Ma 3lina said...
This comment has been removed by the author.
وشوشات said...

سألت عليك الباش مهندس عصفور المدينة و طمني انك بخير :)

عود حميد :)

جنـه said...

حمد الله ع السلامه ياباشمهندس
المدونات لازم تستحملنا
ماكلنا بنبعد بس مانقدرش نستغني عنها
وبعدين المدونه اكيد سعيده بعودتك وبسعادتك بمشاعرك الجديده
واتمني اسمع خبر جميل قريب وبرضه ع المدونه

وحمد الله ع السلامه مره تانيه
:)

جنـه said...

حمد الله ع السلامه ياباشمهندس
المدونات لازم تستحملنا
ماكلنا بنبعد بس مانقدرش نستغني عنها
وبعدين المدونه اكيد سعيده بعودتك وبسعادتك بمشاعرك الجديده
واتمني اسمع خبر جميل قريب وبرضه ع المدونه

وحمد الله ع السلامه مره تانيه
:)

سكتم بكتم said...

هندسه حبيب قلبي

ياعم أكتب اللي يعجبك

ماخرج من القلب وصل للقلب

ولو كتبت أنا أوعدك أني أسمع الكلام وأشرب اللبن وأقعد مؤدب ومش حفتح بقي

قصدي ححاول مفتحش بقي

سلام

Unknown said...

بجد فرحت بعودتك من تانى

حمد الله ع السلامة يا استاذى

:)

(صندوق الدنيا) said...

عودا أحمدا أخانا الفاضل
وربما لو قرأت هنا ستعود للكتابه
http://ma-3lina.blogspot.com/2006/11/blog-post.html

مجداوية said...

السلام عليكم
أخى الكريم المهندززززز ابراهيم

جئت بعصفور الجنة كى تقر عينيك
أخيرا وجدتها


وجئت أقول لو أن تاج الأسكندرية يجعلك تشعر بالضغط فلا تكتب عنه فمن بعد عودتك نسيت تعاقدك الجديد مع المدونة

فلا تلزم نفسك به واعتبر ه كتب
وكل ما أخشى أن يتحول الى اعترافات ليلية
ويتحول التاج الى شبكة لفتاة أحلامك

:)
:)

الراقـــص مع الذئـــــاب said...

السلام عليكم
حمد الله علي السلامة يا باشمهندس
هكذا لسان حالنا كلنا مع مدوناتنا يا باشمهندس

مرة تانية حمد الله علي السلامو ونورت المدونة

مجداوية said...

السلام عليكم
كل عام وأنت وأسرتك الكريمة بألف خير وعيد سعيد ان شاء الله

kochia said...

(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)

BinO said...

حمداً لله علي السلامة
وتقبل الله منا ومنكم صالح الأعمال
وكل عام وأنتم بخير

Anonymous said...

مممكن سؤال غلس هو حضرتك بتكتب بالخط ده ازاي على المدونة يا ريت ترد علي ول اللأجر والثواب

حنان احمد said...

طب الحمدلله ع السلامة

اهم شي الاخلاق وحب الوطن

Anonymous said...

السلام عليكم

هو فيه ايه يا باشمهندس

لا حس ولا خبر
لا هنا ولا هناك

ده وقته برضه
كنا محتاجين وجودكم معانا في مدونتنا الجديدة يا ترى انتو على كوكب الأرض ولا ربنا رحمكم منها وطلعتوا القمر ؟؟؟

مجداوية said...

السلام عليكم

بسرعة قبل المدونى ما تقفل عليا ومتدخلنيش تاني زى ما حصل
برجاااااااااااء شديد
تطمنونا عليكم وايميلي على مدونتي لو كان أنسب احنا بس عايزين نطمن وحنبطل زن وسؤال

ويارب يكون المانع خير

مسلم said...

بعوده الأيام يا سيد ماعلينا

أنا كمان كان بقالي زيك بالظبط قتره كبيره مبكتبش حاجه؛ بس مكنتش مخاصم المدونه و لا حاجه

عموماً يا سيدي؛ إحنا ممكن نعمل قعدة عرب و نجيب المدونه بتاعتك و نصالحكوا علي بعض

و عشان خاطرنا إرجع بقه يا سيدي واحشنا

ammola said...

لاأملّ من المرور بمدونتك والتجوال بها..لعلّى أحظى بمفاجأة..ليست مفاجئة على الاطلاق..وأن تكون شعرت بحنين مرة اخرى...للأماكن اللى كلها مشتاقة لك

ma 3lina said...

ammola
الله يسلمك يا ملكة الكلمات
أنا حسمع كلامك واكتب عنها واكتب عنها واكتب عنها .. بس يارب هي بقا ما تزهقش وتقول ايه الراجل الرغاي ده
:)
مرورك بالمدونة وتجوالك بها هو أسعد المفاجآت وأحلاها
دمتي طيبة كما انتي دائما

مجداوية
وعليكم السلام ورحمة الله وبركاته
والله يا أم نسمة أنا مش عارف أودي وشي منك فين
ومكسوف لأبعد الحدود .. يعني لغاية السلوم كده
لكن أهل الفضل زي حضرتك يعفوا ويصفحوا .. أتابع نشاطك التدويني وأغبطك عليه وأتمنى لو أني أشارك
وما دام حضرتك قلتي اني اكتب وما يهمنيش .. يبقى خلاص حكتب وأنا مطمن

بعتذ لحضرتك تاني عن قلة ذوقي وتأخري في الرد .. لكم اتفقنا أنك صاحبة فضل وكرم وعفو وصفح

Ma 3lina
ربنا يخليكي يا دكتورة
وأديني نزلت بوست جديد

عــلا
جزاكي الله خير يا استاذة علا على السؤال ودمتي بخير

جنـه
الله يسلم حضرتك .. عندك حق المدونات لازم تستحملنا
:)
أمال يعني احنا فاتحينها ليه ؟

سكتم بكتم
آآآآه .. انا حكتب لك حاجة هنا أظن إنك مش حتقراها ولا استطيع ان أواجهك بها حتى لا تنهمر منا الدموع
لكن يا صديقي .. سأفتقدك كثيرا
سأفتقد جلساتنا وحوارتنا وتهييسنا
يارب تروح وتيجي بالسلامة

إنـســـانـة
ربنا يفرحك دائما وربنا يسلمك دائما

(أم البنين)
جزاكي الله خيرا أم البنين وأدام عليكي الصحة والعافية


الراقـــص مع الذئـــــاب
وعليكم السلام ورحمة الله وبركاته
الله يسلمك يا ح الظابط
يا ترى أخبار حضرتك إيه؟؟ قربنا نخلص جيشنا .. مش كده ؟؟؟
شوف الأيام بتجري إزاي .. نورتني يا هندسة .. بجد نورتني

kochia
ربما يخليكي وعيد سعيد


BinO
الله يسلمك يا أنا
تقبل الله منا ومنك وكل عام وأنت بخير
كيف حالك أخي .. ياريت تطمني على أحوالك

Anonymous
والله هو فيه كذا طريقة
ابسطها إنك تحط البوست بتاعك ما بين التالي
< div style="font-family:tahoma;font-size:12pt" >
البوست بتاعك
< / div >
استبدل 12 بالحجم اللي تريده

حنان احمد
الله يسلمك
فعلا أهم شيء حب الوطن
:)

مسلم
لو تعرف يا باهندسة تعليقك لما شفته أسعدني أد إيه
مع اخترامي لكل التعليقات .. لكن تعليقك أخي فرحني فرحة مضاعفة لأنك تذكرني
أدام الله عليكي وعلى أهلك وجميع من تحب نعمة السعادة والسرور في الدنيا والآخرة

Anonymous said...

ليه بتعمل فيا كده؟؟؟؟؟؟؟؟
لييييييييييييييه

Anonymous said...

يا قبلة الحب يا من جئت أنشدها ... شعرا لعل الهوى يشفي جراحاتي
ماتت بمحراب عينيك ابتهالاتي ... واستسلمت لرياح اليأس راياتي
جفت على بابك الموصود أزمنتي ... ليلى وما أثمرت شيئا نداءاتي
أعتق الحب في قلبي وأعصره ... فأرشف الهم في مغبر كاساتي

ما ضر لو عانق النوروز غاباتي ؟؟ ... أو صافح الظل أوراقي الحزينات ؟؟
ما ضر لو أن كفا منك جاء شيئاً ... تحقد تنفض آلامي المريرات ؟؟

ولكن ولكن للعشاق قاتلتي ... إذ أعقب فرحتي شلال حيراتي
فعدت أحمل نعش الحب مكتئباً ... أمضي البوادي وأسماري قصيداتي

ممزق أنا لا جاه ولا ترف ... يغريك فيّ فخليني وآهات
كل القناديل عذب نورها وأنا تظل ... تشكو نضوب الزيت مشكاتي

عانيت لا حزني أبوح به ... ولست تدرين شيئا عن معاناتي
أمشي وأضحك يا ليلى مكابرة لعلي ... أخبئ عن الناس إحتضاراتي
لا الناس تعرف خطبي فتعذرني ... ولا سبيل لديهم في مواساتي
يرسو بجفني حرمان يمص دمي ... ويستبيح إذا شاء ابتسامتي
عندي أحاديث حزن كيف أسطرها ... تضيق ذرعا بي أوفى عباراتي

معذورة انت إن اجهضت لي أملي ... لا الذنب ذنبك بل كانت حماقاتي
أضعت في عرض الصحراء قافلتي ... فمضيت أبحث في عينيك عن ذاتي
وجئت أحضانك الخضراء منتشيا ... كالطفل يحمل أحلامي البريئات
حتى إذا انبلجت عيناك في الأفق ... وطرز الفجر أيامي الكئيبات
غرست كفك تجتثين أوردتي ... وتسحقين بلا رفق مسرات
توغلي يا رماح الحقد في جسدي ... و مزقي ما تبقى من حشاشات

Anonymous said...

شكرا لكل دقيقه..

سمحت بها عيناك في العمر البخيل

شكرا لساعات التهور، والتحدي،

واقتطاف المستحيل..

شكرا على سنوات حبك كلها..

بخريفها، وشتائها

وبغيمها، وبصحوها،

وتناقضات سمائها..

شكرا على زمن البكاء ، ومواسم السهر الطويل

شكرا على الحزن الجميل ..

شكرا على الحزن الجميل

Anonymous said...

مرهقة أنتي .. وخائفة وطويل جداً مشواري

غوصي في البحر .. أو ابتعدي لا بحر من غير دوار

الحب مواجهه كبرى .. إبحار ضد التيار .. صلب بين الأقمار

يقتلني جبنك يا امرأة .. تتسلى من خلف ستار

انفعلي .. انفجري .. لا تقفي مثل المسمار

اختاري الحب أو اللاحب .. فجبن أن لا تختاري