Monday, April 30, 2007

حلم ليلة صيف

الترجمة الأدق لعنوان مسرحية شكسيبر [A Midsummer Night's Dream] هو حلم منتصف ليلة صيف .. وإن كان الاسم لن يعني لنا الكثير فالواقع أن أحداث المسرحية لم تكن في الصيف أصلاً كما يوهم العنوان وإنما جرت أحداث المسرحية وكما وضح حسين أحمد أمين في تقديمه لترجمته للمسرحية ووفق لما يدور على ألسنة أبطالها جرت في شهر إبريل .. شهر العشق والجنون حيث تتضارب فيه قصص الحب .. فهي تحبه بينما هو يحب أخرى التي بدورها تحب شخصاً آخر يحب غيرها ...

وكانت ليلة الحلم المقصودة تحديداً هي ليلة يومنا هذا .. ليلة أكثر جمالاً من ليلتنا هذه على رأي عم الحاج الدوق آرثر .. المهم زي ما بنقول جرت الأحداث زي انهاردة كده ليلة 30 إبريل والتي تنتهي بنهاية شهر المحبين وبداية شهر مايو ..

تدور أحداث المسرحية في أثينا القديمة حيث كانت الفتاة هرميا تحب الشاب ليساندرا وكان ليساندرا يحبها .. في الوقت الذي تقدم لخطبتها ديمتريوس ووافق عليه أباها إيجوس في حين رفضت هرميا الزواج به رفضاً قاطعا .. فما كان من أبيها ايجوس إلا أن توجه للملك تيسيوس حاكم اثينا وطالبه بتطبيق قانون أثينا بإعدام ابنته هرميا لأنها ترفض الشاب ديمتريوس .. الزوج الذي اختاره لها

ولأن الملك تيسيوس هو أيضا من العشاق إذا يحب الجميلة هيبوليتا ويستعد للزواج منها .. فقد أمهل هرميا أربعة أيام وإلا سيضطر لتنفيذ حكم القانون فيها

عندها تتفق هرميا مع حبيبها ليساندرا على الهروب سرا إلى عمته التي تعيش في بلدة بعيدة لا يطبق فيها القانون .. وتخبر هرميا صديقتها المقربة هيلينا بخطة الهروب

ولأن هيلينا تحب ديمتريوس الذي تقدم لخطبة هرميا ولكنه يرفض حبها لولعه الشديد بصديقتها هرميا .. فلما تعلم هيلينا بخطة الهروب تسارع بإخبار ديمتريوس لعله ينسى أمر هرميا ويبادلها حبها بحب .. لكن ديمتريوس لم يستسلم ويقرر مطاردة العاشقين

تتوجه هرميا مع حبيبها ليساندرا إلى الغابة في طريق رحلتهما من أجل إنقاذ حبهما .. تلك الغابة التي يسكنها الجن بقيادة الملك اوبرون وزوجته الملكة تيتانيا ويختلف ملك الجن مع زوجته لأنه يطلب منها أنت تمنحه ولد هندي صغير تبنته تيتانيا وجعلته إلى جانبها وأراد أوبيرون أن يتخذه وصيفاً, لكن تيتانيا رفضت أن تتخلى عنه. وتشتد المواجهة بينهما حتى تقرر تيتانيا هجر أوبيرون الذي يقسم بدوره أن يعذبها بالحب ..

يستدعي أوبيرون مساعده باك الشقي المرح ويطلب منه أن يأتيه بزهرة الحب المجنون والتي إن وضعت بعض قطرات من رحيقها في جفون النائم فإنه سيقع في حب أول شخص يراه عندما يستيقظ ..

وبينما أوبيرون في الغابة يستعد لتنفيذ كيده لتيتانيا .. يرى العاشقان هرميا وليساندرا .. ثم يرى ديمتريوس يطاردهما بحثاً عن حبيبته هرميا .. ومن ورائه خرجت هيلينا تطارد حبيبها ديمتريوس .. فيتمنى ملك الجن أوبيرون لو يصحح هذا الوضع ويسعد الجميع بجعل ديمتريوس يقع في حب هيلينا ..

وبالفعل يأمر ملك الجن مساعده باك بان يبحث في الغابة عن شاب أثيني - يقصد ديمتريوس - ويضع في عينيه أثناء نومه من رحيق زهرة الحب المجنون .. ولكن الجني العابث باك يخطأ الرجل المقصود فيضع من الرحيق في عيني ليساندرا الذي نام بجوار حبيبته هرميا ليرتاحا من عناء السفر ..

تبحث هيلينا عن حبيبها ديمتريوس في الغابة حتى تجد هرميا وليساندرا نائمين فتوقظ ليساندرا لتسأله هل رأي ديمتريوس أم لا ؟ .. فما أن يستيقظ ليساندرا حتى يقع في حب أول من رآها هيلينا بفعل السحر .. ويبدأ يخاطبها ويوجه لها كلمات الحب والعشق والهيام .. فتغضب هيلينا من حبيب صديقتها الذي انقلبت مشاعره فجأة ليحبها وتظن أنه يسخر منها فتعاتبه وتذهب بعيدا عنه .. لكن ليساندرا يترك هرميا ويبدأ في مطاردة هيلينا

يتوجه ملك الجن إلى زوجته تيتانيا ويضع في عينيها قطرات من رحيق زهرة الحب المجنون ثم يجعل رأس أحد القرويين النائمين في الغابة على شكل حمار .. وما أن تستيقظ ملكة الجن فتجد القروي برأس الحمار حتى تقع في حبه وتهيم عشقاً به

في الوقت ذاته يدرك ملك الجن أوبيرون خطأ مساعده باك عندما يجدا ديمتريوس نائما تحت شجرة بعد أن اعياه البحث عن هرميا وليساندرا .. فيقوم ملك الجن بوضع الرحيق في عين ديمتريوس

بعد عناء تجد هيلينا أخيرا ديمتريوس نائما تحت الشجرة فتوقظه ليقع في حبها بفعل السحر بمجرد أن يراها .. ويبدأ هو الآخر في بث غرامه لهيلينا .. التي تندهش من تحول عواطفه هو وليساندرا فجأة من حبهما لهرميا ليقعا معا في حبها
ويبدأ الشابان ليساندرا وديمتريوس في الاقتتال من أجل هيلينا .. وكذلك تبدأ الفتاتان في العراك وتبادل الاتهامات

يعالج الملك سريعاً الوضع المتأزم ويأمر باك بإحداث ضباب كثيف حتى يفصل بين المتعاركين .. ويأمر باك بأن يحرر ليساندرا من حبه لهيلينا ليعود من جديد إلى حبيبته هرميا بينما يبقى على ديمتريوس تحت تأثير السحر ليظل يحب هيلينا إلى الأبد ..

وفي الوقت ذاته يشعر بالأسى على حبيبته تيتانيا فيحررها من سحرها وتهب له الولد الهندي الذي أراد ..

ينام الجميع ويجعل ملك الجن أوبيرون كل ما حد ث في هذه الليلة .. آخر ليالي شهر إبريل يبدو وكأنه حلم .. حلم الحب الجميل الذي مر على الجميع في هذا الشهر

يستيقظ الجميع كل مع محبوبه .. ويتوجه العشاق إلى الدوق ليطلبوا الصفح والموافقة على الزواج ويقنع الدوق تيسيوس إيجوس والد الفتاة هرميا بالموافقة .. ليتنتهي أحداث المسرحية باكتمال سعادة الجميع بختام شهر إبريل الجميل بعد حلم منتصف ليلة صيفية

Saturday, April 28, 2007

محتاج لك يارب

رأيت في الشارع ذات مرة إحدى سيارات الميكروباص وقد كتب صاحبها على ظهر السيارة عبارة "محتاج لك يارب" .. الكلمة البسيطة جعلتني اتأمل في أمور

فكثير من سائقي الميكروباص يشتهرون بسمعة سيئة وسوء الأخلاق والبعد عن تعاليم الدين .. ولكن أن يدرك صاحب السيارة هذا المعنى باحتياجه في كل خطوة إلى الله تبارك وتعالى .. فهذا من أعلى مراتب الإيمان بالله عز وجل ..

اعلم أن صاحب السيارة من الممكن أن يكون كتبها دون تفكير أو حتى ترك غيره يكتبها له .. ولكن على أي حال فهناك شخص ما قد كتبها .. هذا الشخص قد يكون لا يحفظ كثير من آيات القرآن ولا أحاديث النبي صلى الله عليه وسلم .. وراد أن يكتب شيء يعبر به عن معنى لديه .. فلم يجد إلا عبارة محتاج لك يارب

تأملت هذه الجملة مع ما حكاه لي أحد الأخوة الأفاضل عن رجل وجيه غني متعلم بلغ السبعين من عمره ساهم في بناء مسجد وقام بالحج عدة مرات ويحافظ على الصلوات في المسجد .. وفي حديث له مع هذا الأخ قال : إحنا كده تمام والواحد يموت وهو مستريح .. عياله ورباهم أحسن تربية .. وأما عن ربنا فإحنا عاطينه حقه وزيادة !!!

لما سمعت جملته حقه وزيادة أذهلتني أيمكن لأحد أن يعطي الله حقه .. وإن كان .. فهل ممكن أن يكون بالزيادة كمان ..

الفرق بين النفسيتين كبير .. فالأولى وإن غلب عليها الشرور .. إلا إنها تشعر بمدى فقرها واحتياجها لله تبارك وتعالى .. أما الثانية ومع ما يظهر منها من الصلاح إلا أنها استكبرت بالطاعة

والله عز وجل غني عن طاعتنا وإنما يريد منا تحقيق معاني العبودية له والتذلل بين يديه ولذلك فجبال من الطاعات تكون يوم القيامة هباءا منثورا .. وأعمال بسيطة ككلمة لا إله إلا الله تقال خالصة من القلب ولا يوجد ما ينقضها تطيح بسجلات مد البصر من الخطايا

رب معصية أورثت ذلا وانكسارا خير من طاعة أورثت غرورا واستكبارا

كثير من الناس قد فتح الكتب وقرأ حتى امتلأت رأسه .. وكثير من أنفق وبذل .. ولكنهم مع ذلك لم يصلوا إلى ما وصل إليه الرجل البسيط من تحقيق معاني الإيمان والاستسلام لله تبارك وتعالى

من لي بمثل مشيك المدلل .. تمشي الهوينى وتجيء في الأول

كان الإمام أبو المعالي عبد الملك بن عبد الله الجويني رحمه الله قد تبحر في علم الكلام حتى بلغ الغاية فيه، قال أبو الفتح الطبري الفقيه دخلت على أبي المعالي في مرضه، فقال : اشهدوا علي أني قد رجعت عن كل مقالة تخالف السنة، وأني أموت على ما يموت عليه عجائز نيسابور.

Thursday, April 26, 2007

من حفر حفرة لسكتم بكتم

وبما إننا جبنا سيرة الناس اللي بتنرفزني وتحرق دمي زي أخوكم محمد بتاع الـ 3 بوستات اللي فاتت
فأحب أحكيلكم قصة واحد برضه من الناس اللي بتنرفزني وتحرق دمي على طول ..

على فكرة البوست دا رقم 100 .. يعني بوست المئوية وكان نفسي احتفل بيه بطريقة خاصة .. لكن بعد احتفال الأهلي بالمئوية .. الواحد نفسه اتسدت عشان كده ححكي لكم حكايتي مع سكتم بكتم

والحكاية تبتدي من أولى اعدادي .. لما تركت مدرستي الابتدائية وانتقلت للمدرسة الإعدادية ودخلت فصلي 1/6 واستقريت في الفصل يومين كده ولا حاجة .. لغاية ما حصل اللي حصل ودخلوا المدرسين عشان ينظموا الفصول من تاني وقرروا إني ما ينفعش استمر في فصلي 1/6 ولازم انتقل لفصل المتفوقين المجاور 1/5 .. طيب يا جماعة ما هو أي فصل وخلاص والمدرسة كلها مدرسة متفوقين .. يعني العملية شغالة برضه وأنا خلاص حطيت حالي وترحالي .. إلا أبداً لازمن ولامد تروح الفصل دوكها .. رحت لافع العدة فوق ظهري واتنقلت للفصل المذكور لأبحث عن مكان لي فيه ..

ولأن العدد كان في الليمون وكأن البلد كلها متفوقين وخلاص ما عدش فيه لا نص نص ولا خايبين .. فيادوب لقيت مكان بالعافية جنب الثنائي الباشمهندس (وس) والدكتور (اس) واللي سبحان الله .. أصبحوا إلى الآن أصدكائي المكهربين .. آآقصدي المقربين .. وأصبحنا ثلاثي أضواء المسرح

الناس اللي لسه مستغربة إني بكتب كل يوم بوست .. أحب أقولهم إني أتشارك مع الباشمهندس (وس) والدكتور (اس) في آلاف الذكريات .. يعني لو خصصت مدونة ليهم لوحدهم .. فحكتب فيها برضه بوست كل يوم مرتاح .. فمحدش يستغرب من الرغي الكتير لأني ببساطة عضو في فريق أضواء المسرح ..

لما عملت المدونة طبعاً كان لازم أقول لهم هما بالذات إني عملت مدونة .. ومش كده وبس دا قعدت أزن عليهم عشان كل واحد يعمل مدونة خاصة بيه .. بس اعتذرت لهم إني مش حديهم عنوان مدونتي لأني أحتاج مساحة من الحرية اكتب فيها براحتي عن كل شيء من وجهة نظري دون الاستماع إلى رخامتهم ... آآآ قصدي نصايحهم ..
وفعلاً ما عطيتش حد العنوان برغم توسلات الدكتور (اس) اللي أخيرا استجاب وعمل مدونته فضفضة .. بس للأسف سابها فاضية وما أضافش فيها مواضيع .. وكل ما اسأله يقول لي : والله أنا مش فاضي للكلام ده أنا مشغول والمستشفى والنيابة والماجستير إلخ إلخ .

لغاية ما توقفت فترة كده عن التدوين وحولت المدونة لموقع مفكرة الإسلام .. وسألني الدكتور (اس) عن أخبار المدونة فزلة لسان مني قلت له : حولتها على موقع مفكرة الإسلام .. على اعتبار إني خلاص مش حفتحها تاني فميش مشكلة .. راح الواد الدكتور ما كدبش خبر وأخد المدونات كعب داير لغاية ما وصل لمدونة الغائبة الحاضرة رفقة عمر ولاقى آخر التاجات اللي جاوبت عليه وشرفتني بإنها ذكرت اسم مدونتي عندها وعتبت عليا إني حولت المدونة فعرف عم الناصح اسم المدونة ..

وتدور أيام وسنين .. وكل ما اسأله : نزلت بوست ؟؟ يقول لي : مش فاضي .. لغاية ما في يوم لقيت واحد باسم سكتم بكتم بيعلق عندي .. وكالعادة لما حد يدخل يشرفني بالتعليق لازم اروح اشوف مدونته واطلع على مواضيعه قبل ما ارد عليه .. وأول ما دخلت مدونته وكان فيها موضوعين فقط .. أول ما دخلت شميت ريحة الفورمالين في كل أنحاء المدونة .. النغمة بتاعة الكلام دي مش غريبة على ودني .. رحت كلمته ع الماسنجر : يابني المدونة دي بتاعتك .. قال لي : مدونة إيه وكلام فارغ إيه أنا مش فاضي أنا ورايا ... وأنا مش عارف إيه ..

طيب ماشي ..

بس إن جيتوا للحق كل ما عم سكتم ده يعلق عندي ريحة الفورمالين مش راضية تفارقني .. لدرجة إني كنت بكلمه على إنه الواد الدكتور صاحبي وكنت بقول له يا دكترة .. على الرغم إني مش عارف هو بيشتغل إيه .. وكل ما اشوف خلقة الدكتور (اس) اقعد اقول له : يا بني هو أنت ولا مش أنت وهو يقعد يلف ويدور ويلاعبني ويقول افرض إنه أنا .. وكلام خيبون كده

عم سكتم لما حط بوستات بعد كده وبطريقة رده على الناس وبالضحكة اللي تفرس اللي مفيش غير اتنين بيضحكوها في القطر المصري : هو والواد الدكتور التاني المكلبظ (صاحبي برضه بس نسيت شكله) الضحكة اللي تغيظ : نياه نياه نياه نياه .. قلت بس هو بعينه برخامته بوشه العكر .. وبعت له SMS الساعة 6 صباحا .. قلت له فيها :


رد عليا وقال :

بااااااايخ
وأخيرا في يوم عزمني عنده وكانت حالتي متأندلة خالص وأعصابي مش مستحملة فلم لاقاني كده قال يريحني من واحدة من الاسئلة اللي في دماغي وصرح لي أخيراً إنه هو سكتم بكتم وكان بينتقم مني عشان مش كنت راضي أقول له على المدونة بتاعتي ..

طبعاً لكم أن تتخيلوا عملت فيه إيه ..

عشان كده في آخر تاج كان سؤال مين اللي منرفزك دلوقتي قلت سكتم بكتم .. ولغاية دلوقتي هو أكتر واحد لأنه بيغظني بحاجة كده حبقى أقول لكم عليها بعدين

وبمناسبة الحاجات اللي حقولها لكم بعدين .. عم سكتم عامل كل حاجة في الـ Profile بتاعه سر سر .. فمعنديش مشاكل خالص اللي عايز يعرف حاجة عنه أنا في الخدمة

ومبدئياً كده وعربون محبة حقول لكم إنه دكتور عناية مركزة يعني حانوتي بدرجة بكالوريوس الطب .. طبعاً مش كل دكاترة العناية كده ,, دول ناس محترمة جداً ربنا يبارك فيهم كلهم وعلى رأسهم دكتورنا المحارب .. أنا اقصد سكتم بكتم تحديداً لما يكون دكتور عناية يبقى حانوتي على طول .. وامتحانات الماجستير بتاعته على فكرة على الأبواب .. ابقوا ادعوا له .. أو ما تدعوا له .. يعني براحتكم .. والملاك البريئة الرقيقة (اللي هي خطيبته) مطلعة عينه .. وإيه كمان يا واد يا ماعلينا .. إيه كمان .. مش عارف بقى .. اللي عايز يعرف حاجة عنه يسأل وأنا حقول

طبعاً حيهددني ويقول لي أنه هو كمان حيقول كل حاجة عني .. حقول له ما تقدرش .. الـ DVD بتاعتك اللي أخدتها منك آخر مرة لقيت عليها الكليبات اللي أنت وزمايلك بتاكلوا العيانين فيها .. لو فكرت تعمل حركة كده ولا كده .. حتلاقيها بكرة على جوجل وقد اعذر من انذر

سلاااااااام يا صاحبي

Wednesday, April 25, 2007

كلمتين في الزور

معلش يا جماعة .. على هامش قصة محمد بتاعتهم دي .. فيه كلمتين محشورين في زوري ولو ما قلتهمش حيحصل لي حاجة .. فلازم أقولهم

بص بقى يا عم محمد أنت عشان أنت واللي زيك بصراحة .. خنقتوني .. أنا مش عايزك تزعل مني .. دا أنت حبيبي والله .. بس مش معقولة تسيب نفسك ريشة كده كل واحد يقول لك كلمة تمشي وراه .. فين عقلك .. ما قريتش في القرآن خالص {......... أَفَلَا يَعْقِلُونَ} ..

بص يا عم محمد الالتزام بالإسلام لا يرتبط بشخص واحد أيا كان هذا الشخص .. دعوة الإسلام دعوة لا تدور في فلك أي شخص أو شيخ أو عالم نحن لسنا بهائيين ولا بوذيين .. نحن مسلمين لله .. محور الدين لدينا هو كتاب الله وسنة النبي صلى الله عيه وسلم .. وأنت يا صديقي جعلت كل الناس محاور لدينك فكل من قال لك كلمة تبعته حتى تسمع كلمة تنقض أختها السابقة فتتخلى عن القديمة من أجل الجديدة .. وأنت في هذا الحال حتى وصلت لما وصلت إليه ...

يا صديقي العلماء والشيوخ والملتزمين يعرضون الأدلة في المسائل المختلفة فقط ثم يقولون آرائهم الاجتهادية .. وآراءهم غير ملزمة لأحد وإنما الأدلة هي الملزمة

وأنت عليك أن تنظر في أدلة كل فريق ثم تأخذ الحكم وفق ما تريد أن تقابل به ربك .. يعني ما ينفعش تقول الشيخ فلان قال كده وأنا ماشي وراه وعلقها في رقبة عالم تطلع سالم ... ما قريتش في القرآن ..{يَوْمَ تُقَلَّبُ وُجُوهُهُمْ فِي النَّارِ يَقُولُونَ يَا لَيْتَنَا أَطَعْنَا اللَّهَ وَأَطَعْنَا الرَّسُولَا * وَقَالُوا رَبَّنَا إِنَّا أَطَعْنَا سَادَتَنَا وَكُبَرَاءنَا فَأَضَلُّونَا السَّبِيلَا} [سورة الأحزاب : 66-67]
العلماء بيقولوا أدلة (قرأن وحديث صحيح وفعل صحابة) وفي الآخر بيرجحوا رأيهم النهائي في المسألة ... إحنا تلزمنا الأدلة فقط ونختار لأنفسنا حسب الأدلة الأقوى .. أما رأيهم فبس عشان نتأكد من ترجيحنا صح ولا غلط

الصحابة رضي الله عنهم لما كانوا بيتسألوا عن مسألة .. كانت إجابتهم على طول بالدليل .. مثلاً .. ما حكم كذا فيرد الصحابي : قال رسول الله صلى الله عليه وسلم كذا ... أو يقول : قال الله تعالى .... مش بيقول رأيه هو خالص ... والأمثلة كثيرة .. لو عايز اذكرها في بوست منفصل

هكذا علمنا العلماء .. إن إحنا ما ناخدش حكمهم النهائي في المسائل دون النظر لأدلتهم .. وإنما نفهم أدلتهم ونختار الحكم وفق قوة أدلة كل فريق ووفق عبوديتنا لله واستحيائنا إن إحنا نقابله بأدلة ضعيفة

بص وشوف العلماء قالوا إيه ...

وقول أعلام الهدى لا يعمل ... بقولنا بدون نص يقبل
قال أبو حنيفة الإمام .. لا ينبغي لمن له إسلام
أخذا بأقوالي حتى تعرضا على الكتاب والحديث المرتضى
ومالك إمام دار الهجرة .. قال وقد أشار نحو الحجرة
كل كلام ذي قبول ومنه مردود سوى الرسول
والشافعي قال إن رأيتم قولي مخالفاً لما رويتم
من الحديث فاضربوا الجدار بقولي المخالف الأخبار
وأحمد قال لهم لا تكتبوا .. ما قلته بل أصل ذلك فاطلبوا
فانظر لما قال الهداة الأربعة .. واعمل بها فإن فيها منفعة
لقمعها لكل ذي تعصب والمنصفون يكتفون بالنبي

فهؤلاء الأئمة الأربعة نهوا عن مقولة أباح أبو حنيفة .. أو أجاز أحمد .. أو حرم مالك .. أو غير ذلك
ودعوا طلبتهم للاهتمام بالدليل والاختيار بين الأرجح من الأدلة

فمثلاً مسألة كاللحية أو النقاب أو غيرها من المسائل .. يقول العلماء أدلة على القول بالوجوب .. أو أدلة على كونها سنة وفضل

فأنت عليك أن تقف هنا وتنظر في أدلة كل فريق ثم تتخذ رأياً تستطيع أن تقابل به ربك .. ولا يصح أن تكتفي بقول الشيخ فلان قال كذا ..

ولكي تستطيع ذلك لا بد أن تتعلم الحد الأدنى من دينك الذي تستطيع التمييز به بين الأدلة الصحيحة وغيرها .. وهو العلم المفروض على كل مسلم في المأثور .. طلب العلم فريضة على كل مسلم .. ومن ترك هذا العلم فقد فرط في أولى مقومات سلامة دينه ...

فلماذا لم تتعلم أخيا دينك .. لماذا لم تنظر في كتاب الله وسنة النبي صلى الله عليه وسلم قبل أن تأتي تلوم على الملتزمين أنهم قد اختلفوا فيما بينهم ... وسببوا لك التشتت والتخبط وقد علمت أنهم مرشدون على الطريق وليسوا مسئولين

لماذا لم تبين للملتزمين كيف يكونوا من سعة الأفق والتسامح بدلاً من جلوسك تندب حظك تزعم أنك أردت الالتزام لكنك تهت بين الملتزمين والاختلافات بينهم

يا صديقي اسمح لي أن أقول لك أنك المسئول عما وصلت له وليس غيرك ..

Tuesday, April 24, 2007

ملحق بالبوست السابق

البوست السابق عبارة عن محاكاة لموضوع آخر بنفس العنوان [اسمي محمد] ينتشر في المدونات والمنتديات ويتبادل على الإيميل .. وكنت أظن أنه منتشر لدرجة تعفيني من الإشارة إليه .. حماية لنفسي ولحضارتكم من حرقة الدم والعكننة التي يسببها لي هذا التائه المشوش ..

ولكن .. ومع أن من حضراتكم من قرأ الموضوع الأصلي بالفعل وأدرك تماما وجهة نظري إلا إنه يبدو أن من حضراتكم أيضاً من لم يقرأ البوست الأصلي ... ومن حضراتكم من لم يقرأ البوست الذي كتبته وظن انه إعادة للبوست الأصلي .. ففضلت قبل الرد على حضراتكم التأكد من اكتمال الصورة

فإليكم رابط البوست الأصلي .. واحذر إنه يحرق الدم ويعكنن

وهذا رابط واحد فقط والموضوع منتشر جداً

وأنبه أن المكتوب في البوست السابق باللون الأحمر هو الاختلافات التي أجريتها على الأحداث .. ويبقى لي تعليق على قصة محمد الأصلية أذكرها في بوست قادم إن شاء الله

وللجميع مني فائق التحية والتقدير

Monday, April 23, 2007

اسمي محمد

قرأت قصة محمد واعرف أنه موجود بكثرة بيننا .. ولكني أعرف أن محمد آخر موجود أيضاً وأردت أن أبرز قصته كما برز الأول .. قد تختلفوا معي وتعتبروا أن محمد الذي أحكي قصته أقل بكثير من محمد الذي حكوا قصته .. لكن وجود محمد الآخر جدير بأن ينشر أيضاً ...

أنا إسمي محمد..
ربما تكون شاهدتني قبل ذلك
أو ربما لم تفعل
اسمي محمد.. أصلى وأصوم
حين كنت فى الثانوية تعرفت على شخص متدين
قال لي: انه يجب على كل مسلم ان يعمل من أجل الإسلام..
فوجدت الحق معه واقتنعت بحجته ومنطقه في الكلام فلست أحمق كل من بث في أذني بكلمات تبعته .. ولكن الحقيقة اقنعني بحجته وبدأت رحلة تعلم ديني والعمل من أجله .. العلم والعمل
فعلت وذهبت معه وانضممت لأصدقائه
وبدأت العمل من أجل الإسلام
لكن بعد أسابيع أوقفني أحد المتدينين الآخرين
وقال لي أن المتدينين الأولانيين مبتدعين
ولا يسيرون على نهج الرسول الكريم
لأنهم لا يطلقون اللحى ولا ينقبون نسائهم
فقلت له سآخذ منهم ما يفيدني وما يرضي ربي من أفعالهم وسأطلق لحيتي وادعو من اعرف من النساء للنقاب .. فهذه أعمال ولا شك وكما بلغني من الإسلام ولفاعلها أجر إن شاء الله
إسمي محمد..
ذهبت لصديقى الأول وقلت له ما حدث
فقال لي: إن اللحية سنة وليست فرض ويجوز تركه
فقلت له ولأنها سنة عن نبي الله صلى الله عليه وسلم فسأفعلها إن شاء الله
قلت له سأفعلها ليرضى عني ربي سواء كانت فرض أم سنة
لن أوقع نفسي في الدوامات .. وهكذا اتفقنا جميعاً ولم أخسر أياً منهما
إسمى محمد ..
تعرفت على صديق ثالث .. ولكني هجرته سريعا
فأنا لم اتعاطى يوما الحبوب المخدرة
لأني أتذكر اسمي فإسمي محمد..
وضعت قدمي فى الجامعة..
ورأيت ما يتعاطاه الجميع ما يسمي الحُب ورأيت من يتمشّى مع الفتيات
ومن يداعب منهن
لكن يوما لم أكن لأنساق وراء شهواتي فانا اعلم ديني وأعلم ما فيه من حلال وحرام
فإسمي محمد
قام بيريز.. وهو يهودى حقير.. بمذبحة قانا
في جنوب لبنان..
كنت وقتها فى مسجد الكلية اقرأ في المصحف انتظر موعد المحاضرة التالية بعد صلاة الظهر ..
وقف بجواري شاب يبدو عليه أنه من المتدينين الأولانيين
وقد شعرت انه يعرفني او أنني أعرفه
ربما رأيته فى رحلات المساجد
أو الدورات الرياضية المسجدية
إسمي محمد.. ويدي الآن ممسكة بمصحفي
قال لي : أطفالنا على المذابح
يتمزقون ونسائنا بين الأعادي يُتبادلون وشبابنا
تحت الدبابات يُقتلون وأنتم هنا ماذا تفعلون ..
ماذا تبقى من فلسطين الأبيّة؟..
ماذا تبقى من غزة؟..
ماذا تبقى من لبنان ؟
هيا لنعلنها غضبة باسم الاسلام
اسمي محمد..
انهيت قراءتي في مصحفي وقررت مقتنعاً أن اشارك معه
وخرجت خلف الصديق هاتفاً
خيبر خيبر يا يهود جيش محمد سوف يعود
الى الامام الى الامام يا كتائب القسام
ونظرت خلفي فوجدت الفتيات
يرتدين الخمار والنقاب
يبكين لكنهن لا يهتفن
وكبرت المظاهرة وتحطمت الأبواب
واصيبت رأسي برصاص مطاطي
لكنني مازلت محمد ومازلت اهتف
خيبر خيبر يا يهود جيش محمد سوف يعود
إسمي محمد..
انتهت المظاهرة
لكن أحدهم قابلني
وقال لي: المظاهرات بدعة لم يفعلها النبي الكريم..
هؤلاء مبتدعين.. هؤلاء يخرجون على الحاكم
وهذة كبيرة من كبائر الإسلام
قلت له .. أين حجتك ؟؟ فكما قلت لكم لن اسمح لأحد يعبث في رأسي .. فحار جواباً .. وقال فلم يقنع .. فتركته وانصرفت
عدت مسرعاً ورأسي به عدة غرز
من أثر الرصاص المطاطي
وقلت لصديقي الذى أهاج ثورتي: هل أنتم مبتدعون..
هل النبي لم يفعلها
فقال لي: لقد فعلها.. ألا تذكر يوم أن أسلم الفاروق
فخرج المسلمون فى صفين على رأس أحدهم عمر
والآخر حمزة وصلّوا فى الحرم
, أليست هذه مظاهرة؟
قلت لهم كفاكم .. كفاكم .. قد عرضتم ما لديكم .. أما أنا فسأختار ما يناسب ما اعرفه من ديني وما سأقابل به ربي ولست بالخب ولا يخدعني الخب وأنا مسلم .. والمسلم كيس فطن .. فإن أصبت فمن الله وإن أخطأت فاسأل الله لي العفو والغفران .. فأنا اعرف ديني جيدا
فأنا إسمي محمد..
أنا الآن فى حديقة الكلية أشاهد من وقف يسحب
نفسا من سيجارة بانجو قبل أن يضع
يده فى يدي فتاة .. احمد الله أن انعم علي بنعمة العقل والتمييز
أنا إسمي محمد.. قارب موعد زفافي,
خطبت فتاة عادية ليست من إياهن,
ليس من المعقول أن تكون زوجتي
واحدة من تلك الفتيات المائلات بالكلية التي والتي والتي
مش معقول طبعا.. المهم انني فعلتها وتزوجت
فرحي سيكون في المسجد فإسمي محمد..
حسناً سأتفق مع فريق ينشد الأناشيد
ويتقاضى مالاً لقاء ذلك
إسمى محمد.. ذهبت واتفقت ودفعت..
ليس المال بالقليل وليس بالكثير..
شجعني صديقي الأولاني..
هل تذكرونه؟ ..
آه اللي خلاّنى ألتزم من الأول..
شجعنى على إقامة فرحي هكذا
لكن صديقي التاني.. اللي نصحني بإطلاق اللحية جزاه الله عني خيرا..
قال لي: ما أنشد أحد فى حفل زفاف على عهد الرسول
فذكرت له ما علمته من إنشاد الصحابة في عهد النبي صلى الله عليه وسلم فقال لي صدقت واقتنع هذه المرة بحجتي .. هؤلاء هم اصدقائي اختلف واتفق معهم لكن كلنا أحبة .. كلنا أخوة
إسمي محمد.. أفكر فى تطليق زوجتي التى عقدت عليها
.. فهي مصممة على نزع حجابها في هذه الليله وتقول هي ليلة في العمر
وأنا أخشى أن أقوم بموافقتها على هذا
أهلها يناقشوني ويقولون كذا وكذا
وأنا وأصدقائي نقول لهم كذا وكذا
إسمي محمد.. طلقت زوجتي لأنها لا تحب دينها كما أحبه
وها انا
في المسجد أُزفّ إلى أخت فاضلة متدينة بحق كانت معي فى الجامعة .. تعرفت عليها وأحببتها من كل قلبي واتفقنا على الزواج وأتم الله لنا على خير

أنا إسمي محمد.. أجلس الآن بجوار زوجتي الحبيبة
وأضع يدي فى يديها أتابع الأحداث..
فجأة.. خبر عاجل
إستشهاد المهندس يحيى عياش
ابكي.. كم كنت أحبك يا فتى؟
وجاء رجال القسام ودفنوه سرا
لكن القيادة أبت أن يدفن المهندس سراً
فأخرجوه من القبر في اليوم نفسه
وأعدّوا له جنازة مهيبة
وخرجت أنا فى مظاهرة فى نادى الأطباء
وهتفت بالدموع
عياش حي لا تقل عياش مات
وهل يجف النيل او نبع الفرات
وأخذت أحلم بحزام ناسف أنفجر فى وسط اليهود
ليكون جهاداً .. نصر أو استشهاد
وهتف لساني
سيرى سيرى يا حماس إنتي المدفع واحنا رصاص
يا رابين حضر الأكياس بكره جايلك جند حماس
وتبرعت بما معي من مال بل تبرعت زوجتي بخاتمها الوحيد للجهاد
وحين عدت قابلني صديقي..
وقال: أن من تبكيه هذا مبتدع
يجعل الشباب ينتحرون ويقتلون انفسهم
لقد قال الشيخ فلان ان العمليات الاستشهادية
حرام حرام حرام
قلت له .. نعم وأنا ارفض هذه العمليات .. لكني ومع رفضي لها أبكي أصحابها وأحزن عليهم واعتبرهم أبطالاً واسأل الله لهم الرحمة وادعوا لهم بأن يحشروا في زمرة الشهداء انصرف عني .. ثم اتصل بي بعد ذلك ليطمئن علي بعد فترة الحزن فجزاه الله عني خيرا

أنا إسمي محمد
حولي أفكار كثيرة واتجاهات كثيرة لكني تعلمت ديني فلم ولن اسمح لأحد أن يعبث برأسي
أسمي محمد
أحب الله وأحب الرسول وأحب إخواني من اتفق معهم ومن اختلف معهم
لم أكن يوماً لعبة في يد أحد فأنا اعرف ديني
ولأنني ببساطة أسمي محمد

Monday, April 16, 2007

السلطانية تاني

تاج جديد من مبرمج حر .. وأسرع رد على تاج مني .. مش كنا هدينا اللعب يا باشمهندس وقلنا كفاية تاجات .. اعتبر ده يعني إلغاء لتفاهم إبريل ومعاهدة الشات بوكس ؟؟ .. لو كده يبقى خد بالك على نفسك ؟؟!!!

section 1
last beverage? Tea in 50 with Milk
ِlast phone call ? Shi7' Ahmed
last instant message ? You , Not You but You
last cd played ? Anasheed
last time u cried ? From a long long time , Maybe 20 Hours
last text message ? Yesterday

Section 2 - Have You Evers
dated someone twice? No
hv u evers been cheated on ? No
kissed someone & regretted it? No
lost some one special? Yes
been depressd ? Yes
been drunk and threw up? إيه يا عم الأسئلة دي No

Section 3 - List 3 Favorite Colors
Blue, Black, White

Section 4 - This month have you
Made a new friend? No
Fallen out of love? No
Laughed until you cried? No
Met someone who changed your life? Yes
Found out who your true friends were? No , I know them
Is there something you want to tell someone? Yes
Would you kiss anyone on your top friends? No
How many people on your top friends do you know in real life? Most of them
How many kids do you want to have? many .. many .. many , I hope
Do you have any pets ? No
Do you wanna change your name? No , Some One Wants to do
What did you do for your last birthday? Nothing , it was the fourth day in My Army Srevice days, By the Way My last Birthday was from 3 years ago , Ha Ha Ha , It is the truth
What time did you wake up today? 4.20 am
What were you doing at midnight last night? out with My best friend
Name something you CANNOT wait for? Meet My Love
Last time you saw your father? 2 days ago
What is one thing you wish you could change about your life? be more Controled by Myself
What are you listening to right now? Birds
Have you ever talked to Tom? مين توم ده ؟؟
Have you ever talked about someone behind their back? Yes, I am sorry
What’s the last piece of clothing you borrowed from anyone? Never
Who’s getting on your nerves right now? SokTom BokTom
Most visited webpage? Google
Coke or Pepsi ? Neither مقاطع
Mac or PC? PC

التاج دا نمرره لمين ؟؟
مش عارف الناس كلها بتدعي عليا بسببك يا أحمد .. طيب نقول
من بابا وماما وتيتا للحاج بينو بمناسبة سلامة الوصول وألف حمد لله ع السلامة
ومن العاملين في مجلس المدينة للدكتورة فضفضة وبنقولك ربنا يخليكي يا دكتورة
والفنان الكبير اللي مصر كلها بتحبه ربنا يديله الصحة الاستاذ الدكتور الفنان حسن .. آآآه قصدي خالد
وللبني آدم اللي ما يتسماش سكتم بكتم اللي حفضحه عن قريب واعمل له جرسة بجلاجل

وبهذوها المناسبة السعيدة احب اهدي تاج القيادة اللي فات للاستاذ محمد عبد الغفار .. هو متأخر شوبة .. بس بعد مراجعة قوانين التاجات لقيت مفيش مادة تمنع تمرير تاج متأخر شوية

Sunday, April 15, 2007

موقع متعدد اللغات

المبرمج كريم كان اقترح فكرة إني اكتب مقال تقني مرة كل شهر واخترت يوم 15 عشان يكون موعده .. ولأني طبعاً لم يسبق لي كتابة موضوع كامل قبل كده فالبوست دا عبارة عن دردشة بصوت عالي ..

إحنا دلوقتي عايزين نعمل موقع بكذا لغة باستخدام ASP.net بحيث يكون واجهة الموقع بالشكل التالي


الاسمما علينا
الوظيفةمطور مواقع
العنوانمصر

الكلمات باللون الأخضر دي ثابتة في الصفحة والكلمات المقابلة حتيجي من داتا بيز وتتحط في Labels

طيب إحنا حنتكلم على نقطتين في الموضوع ده :

أول حاجة شكل قاعدة البيانات حيبقى عامل إزاي
إزاي حبني قاعدة البيانات بتاعتي لموقع متعدد اللغات هل حعمل الـ structure واحد لقاعدة بيانات وبعد كده اعمل قاعدة بيانات لكل لغة ولا اعمل نفس قاعدة البيانات واخلي فيها Fields مستقلة لكل لغة .. طبعاً الطريقة الأولانية حتكون اسهل كتير بالنسبة لي كمبرمج لأني عند استدعاء اي صفحة بأي لغة كل اللي حيختلف عندي ساعتها هو الـConnection String أما الكود اللي أنا كاتبه فحيفضل زي ما هو .. وممكن الـ Connection String يتنادى مرة واحدة بس في بداية الـ session أو في ال Constractor لو أنا عامل Class

وبالمرة حكون عامل بروجيكت لكل لغة عندي ويبقى الروابط زي ما بنشوفها في المواقع الـ ٍStatic

لو عايز تعرض الصفحة العربي يبقى

http://.......................com/arabic/index.aspx

ولو الإنجليزي يبقى

http://.......................com/English/index.aspx

ويبقى عندي على رووت الموقع فولدر بكامل الموقع لكل لغة

لكن الطريقة دي رغم إني مش حتعب كتير فيها كمبرمج إلا إني حدفع تمن داتا بيز زيادة ومالهاش لازمة وكمان حضاعف المساحة المستغلة .. ولأنك غالباً واخد من السيرفر اللي أنت عامل عليه هوست عدد محدد من الداتا بيز .. ولو إن دلوقتي السيرفرات بتدي عدد غير محدود من الداتا ييز .. لكن برضه الأفضل الأصل إن لكل مشروع ولكل موقع قاعدةبيانات واحدة بس .. وكمان لو فرضنا إن موقعك زاد عدد اللغات فيه فمش معقول لموقع واحد تعمل 5 أو 6 قواعد بيانات .. و5 أو 6 أضعاف المساحة

فعشان كده نلجأ للأسلوب التاني اللي حيكون فيها فكرة مختلفة شوية لأنك حتعمل كل جدول فيها Fields للعربي وللإنجليزي وحتخلي اسم الفيلد نهاية تعبر عن لغته ...

يعني مثلاُ لو قلنا عندنا جدول العملاء اللي باين في المثال فيه

CustomerID (index , Primary Key , Identity),

CustomerName_A (الاسم بالعربي), CustomerName_E(الاسم بالإنجليزي),

CustomerJob_A(الوظيفة بالعربي), CustomerJob_E(الوظيفة بالإنجليزي),

Address_A(العنوان بالعربي), Address_E(العنوان بالإنجليزي)

وطبعا الـ Fields العربي Unicode وعملية ال Insert حتكون باستخدام الـ Parameters وإلا حتلاقي الناتج على كتير من السيرفرات ؟؟؟؟؟؟؟؟؟

وحيكون لعبنا بالحرف الأخير لأنك حتحط session للغة


Session("langauge") = "A"

أو

Session("langauge") = "E"


في الـ Session start في البرنامج حتبدأ مثلاً بالعربي وفي زرار تغيير اللغة تبدأ تغير ما بين اللغتين

If Session("langauge") = "A" then

Session("langauge") = "E"

Else

Session("langauge") = "A"

End if

لو عايز تجيب البيانات باللغة العربي يبقى الـQuery بالشكل ده حتجيب dr اللي هو عبارة عن datarow لل Record المطلوب عرضه

Lbl_CustomerName.text = dr("CustomerName_" & Session("langauge"))

Lbl_CustomerJob.text = dr("CustomerJob_" Session("langauge"))

Lbl_Address.text = dr("Address_" Session("langauge"))

دا شكل كودك .. شكل موحد يختلف حسب الـ session


تاني حاجة
بالنسبة للكلمات اللي باللون الأخضر في المثال واللي هي حتتغير حسب اللغة المختارة فببساطة فيه كذا حل ليها ..

الأول .. إنك تعمل جدول في الداتا بيز لكلمات التصميم بحيث يتم استدعائها .. شايفها طريقة غريبة جداً .. وحمل زائد بدون داعي على الداتا بيز وما ذكرتش الطريقة إلا لأني اعلم شركة خارج مصر تستخدمها وتؤكد على أفضليتها على باقي الطرق

الطريقة الثانية أن تضاعف محتويات كل صفحة فكل كونترول للغة العربية له نظيره في الإنجلزية ويتم التبادل بين ظهور كل منهما عبر زر تغيير اللغة .. وهنا يظهر نفس السؤال .. ماذا لو كان عندنا أكثر من لغتين ..

الطريقة الثالثة المفضلة عندي ... وهي استخدام namespace اسمها Resources ونقوم بالخطوات التالية :
1- انشأ ملف Resourc وليكن اسمه Langauge_A وآخر Langauge_E وبطريقة كتابة الـ XML ادخل نفس المفاتيح في كلا الملفين ولكن بقيم مختلف كمثل التالي

في العربي :

<data name="CN">

<value>الاسم : value>

<data>

في الإنجليزي

<data name="CN">

<value>Name :value>

</data>

2- في كود صفحتك إنشأ object من الـ namespace المذكورة وليكن كالتالي

Public SafLang As System.Resources.ResourceManager
SafLang = New System.Resources.ResourceManager("Ma_3lina.Langauge" & Session("Langauge"), System.Reflection.Assembly.Load("Ma_3lina"))

نلاحظ أن الـ object سيختار الـ Resource الخاص باللغة الذي سيستعمله من الـ session وحسب حالتها Ma_3lina هي الـ NameSPace الذي نعمل تحته

أيضاً لا حظ أن الـ object اللي سمناه
SafLang سماحيته Public .. لماذا ؟؟؟

3- في صفحات الديزين يمكن وضع الـ object المسمى SafLang والحصول على القيم داخله

<td><%=SafLang.GetString("CN")%></td>


ففي حالة الحصول على البيانات من ملف العربي تظهر الكتابة بالعربي وفي حالة الإنجليزي تظهر بالإنجليزي يمكن عندها إضافة عدد كبير من ملفات الـ Resource وسيبقى الكود كما هو .. لن يتغير إلا زر تغيير اللغة فقط بعد إضافة Fields للغات في الداتا بيز

ياريت تعذروني لو الموضوع متلخبط شوية بس أرجو أن يكون فيه فايدة ولا تبخلوا علينا بالنصح

Saturday, April 14, 2007

خيال .. بيحصل

وقفت الشلة داخل الكلية كالعادة .. وكالعادة أيضاً بدأت أصواتها ترتفع وخاصة أصوات ضحكات البنات الهيستيرية ... تميز من بين الأصوات صوت فتاة تحديداً تردد .. والله ما حسيبك .. والله ما حسيبك .. ثم تقترب هذه الفتاة من الشاب بكامل جسدها وتحاول أن تقفز على قدمه بضربات سريعة على الأرض يقفز هو لأعلى وللخلف لتفاديها بينما تكرر هي المحاولة .. حتى ثبت فجأة فاندفعت لتصطدم به .... تعالت الضحكات مرة أخرى وتقول الشلة في صوت واحد هييييييييييه ..

دفعها الشاب بكلتا يديه بعيداً عنه ثم فر هارباً خلف الشلة .. امسكت صدرها متألمة وكررت والله ما حسيبك وجريت وراه في شكل دائرة التعلب فات حول الشلة .. وقف الشاب قليلاً ليلتقط أنفاسه فقفزت إليه ومدت يدها إلى أذنه وهي تقول : ها حتحرم ولا لأ ؟؟؟ فأمسك يدها بكل سهولة وثناها خلف ظهرها واقترب منها من الخلف وقال لأ .. مش ححرم ..

أخرجت بنات الشلة الموبيلات لتصور المعركة والضحكات تتعالى

ضربته بكعب حذائها في قدمه .. فترك يدها .. فدفعته بعيدا ثم قفزت على رأسه في حركة تطويق أعناق لتصبح رأسه بين ذراعيها .. ويقف هو منحني الجسم وجهه لأسفل وذراعه قد أحاط بخصرها .. تفلت منها وحملها بين ذراعيه ثم تركها لتسقط على الأرض ولازلت الضحكات مستمرة ..

وقف الجميع يشاهد .. إما حاسداً لهم .. يتمنى لو كان ينتمي لهذه الشلة الروشة .. أو ساخطاً عليهم يمصمص شفتيه أسفاً على أخلاق الشباب والبنات

لكن ظهر في المشهد شاب واحد هادئ .. توجه إليهم مبتسماً قائلاً : يا جماعة إيه اللي بتعملوه ده ما يصحش كده .. دا برضه في الآخر مكان طلب علم مش نادي وحتى لو نادي ما يصحش كده .. تراجعت معظم الفتيات للخلف وقد وضعن إيدين على أفواههن يكتمن ضحكات ساخرة وبادرت إحداهن : وأنت مالك أنت .. !!!

قال لها بهدوء ونظره موجه لأحد الشباب : إزاي أنا مالي أنتوا بتعملوا الكلام دا قدامي وفي كليتي يعني مكان عام .. مش بتعملوه في مكان خاص ما حدش شايفكم فيه ..

صرخت إحداهن في زميلتها السائلة .. سيبك منه .. دا حتى مش بيبص لنا .. هو إيه بيتكلم بقرف كده ليه ؟؟ .. ذلك أنه بدا لها هي الأخرى أنه يغض البصر بطريقة فجة منفرة ..

اندفع أحد شباب الشلة قائلاً : ياعم إحنا صحاب وبنلعب عادي يعني ما تحبكهاش .. بلاش عقد

دافع الشاب الهادئ عن نفسه وقال : مش عقد .. دا دين وأدب وأخلاق ..

ظهر شاب آخر من الشلة وقال محتداً : وأنت مال أهلك أنت ؟؟ .. أنت حتعمل لنا في أمها واعظ ولا مصلح اجتماعي

ظهر الضيق على وجه الشاب الهادئ وقال : لو سمحت انا ما غلطتش في أهلك .. فما تغلطش في أهلي .. لأن أهلي علموني ما اعملش الغلط ..

قال الشاب وهو يسب أمه بوصف قذر : جرى إيه يا ابن ..... أنت حتغلط في أهلي

وأمسك بياقة جاكتة الشاب الهادئ وكانت تلك إشارة لبدء المعركة داخل حرم الجامعة لينال الشاب الهادئ نصيبه من الضرب قبل تدخل الأطراف لفض النزاع ..

أخيرا ظهر حرس الجامعة على استحياء فأخذ الشباب كلهم للتحقيق في الواقعة .. ومعهم الشاب الهادئ المعروف لدى أمن الجامعة بإنه ينتمي للتيار الإسلامي

أثبت أفراد الشلة إنهم كانوا واقفين بيراجعوا شوية حاجات دراسية ومعهم الزميلات وكانوا بيهزروا هزار عادي فجاء إليهم هذا الشاب وبدأ يحدثهم عن حرمة الاختلاط وحرمة مصافحة الأجنبية ووجوب الحجاب وعورة صوت المرأة .. فلما قالوا له أنه يستذكرون دروسهم انهال عليهم بالشتائم ووصفهم بالجهل وتطاول عليهم باليد وعلى أهلهم بالسب ..

شهد جميع أفراد الشلة بذلك وانطلقت الفتيات تضفى على الشهادة آداءاً مسرحياً بوصف كيف كان يقف هذا المتشدد ينظر إليهم بقرف رافعاً حاجبيه وشوية وحيضربهم .. حتى أن إحداهن من فرط الانفعال بكت وهي تصف خوفها منه وهو يحادثها ..

صدر قرار بفصل الشاب الهادئ أسبوعين لسوء السلوك

Friday, April 13, 2007

وبالمثال يتضح المقال

أولا أحب أوضح للجميع إني برد على كل التعليقات في اللينك اللي ع اليمين فوق اللي اسمه ردود سريعة كل ما عليك هو الضغط على الرابط ويظهر الفيل .. برد على كل التعليقات طازة بطازة .. يوميا .. مش معقول طبعاً اتجاهل الناس اللي بتكلف نفسها وتيجي لغاية هنا وتقرا وتعلق عندي .. حتى يبقى عيب عليا والحدق يفهم.

المهم أحنا كنا بنتكلم على ست الحسن والجمال اللي غالباً لو حسن حبها حتقلبه وحتروح للواد ابن الملك اللي عنده حصان أبيض أخر موديل وحساب في البنك ..
فانهاردة حبيت أجيب قصة لحسن تاني غيري اتنيل على عينه وحب ست الحسن والجمال بس طبعاً لأنه فقير وكحيان قلبته .. كالعادة
حسن المرواني شاب من اهالي الزعفرانيه وهي منطقه من مناطق بغداد وكان هذا الشاب شابا رزين خلوق لكنه كان من أسرة فقيرة ودخل الى كليه الاداب جامعه بغداد فتعلق قلبه بفتاة من كركوك تسمى سندس وتقدم لمصارحتها بحبه لكنها صدته وما كان منه الا وعاود الكره معها بعد عامين و عادت وصدته فتفجر شاعرية وألف قصيدة شعر هي أروع قصيدة شعر قيلت في الحب على الإطلاق قصيدة أنا وليلى التي تغنى ببعض أبياتها المطرب العراقي كاظم الساهر .. لم يعرف لحسن المرواني غير هذه القصيدة .. ولم يعرف أين هو الآن ويقال أنه يعمل في مجال التدريس في ليبيا.. ويقال أنه مات عام 1991 .. لكن وأيا كان مكانه فقد ترك لنا قصيدة واحدة فقط .. ولكنها قصيدة غير عادية .. القصيدة تحمل كل مشاعر الحب والجرح الذي سببه حبه لليلى و هو اسم الكنيه عن الحبيبة في الشعر العربي ..

ألقى حسن المرواني قصيدته في حفل التخرج لكلية التربية في جامعة بغداد عام 1978مستهلاً بكلمة قال فيها :

يا ليلى... كثيرا ما يسألوني ما دامت قد رفضتك ..
لماذا لا تبحث عن واحدة أخرى؟
أتدرين ماذا كنت أقول لهم؟
لا بأس أن أشنق مرتين .. لا بأس أن أموت مرتين
ولكني بكل ما يجيده الأطفال من إصرار
أرفض أن .... أحب مرتين


دع عنك لومي وأعزف عن ملاماتي ... أني هويت سريعا من معاناتي

أنا لمن طينة والله أودعها ... روحا ترف بها عذب المناجات

دع العقاب ولا تعذل بفاتنة ... ما كان قلبي نحيت في حجارات

إنا بغير الهوى أخشاب يابسة ... أنا بغير الهوى أشباه أموات

عشق البنات حرام في مدينتا ... عشق البنات طريق للغوايات

إياك أن تلتقي يوما بامرأة ... إياك إياك أن تغري الحبيبات

أن الصبابة عار في مدينتا ... فكيف لو كان حبي للأميرات

سمراء ما حزني عمرا أبدده ... ولكن عاشق والحب مأساتي

الصبح أهدى إلى الأزهار قبلته ... والعلقم المر قد أمسى بكاساتي

يا قبلة الحب يا من جئت أنشدها ... شعرا لعل الهوى يشفي جراحاتي

دوت أزهر روحي و هي يابسة ... ماتت أغاني الهوى ماتت حكاياتي

ماتت بمحراب عينيك ابتهالاتي ... واستسلمت لرياح اليأس راياتي

جفت على بابك الموصود أزمنتي ... ليلى وما أثمرت شيئا نداءاتي

أنا الذي ضاع لي عامان من عمري ... وباركت وهمي وصدقت افتراضاتي

عامان ما رف لي لحن على وتر ... ولا استفاقت على نور سماواتي

أعتق الحب في قلبي وأعصره ... فأرشف الهم في مغبر كاساتي

وأودع الورد أتعابي وأزرعه ... فيورق الشوق وينمو في حشاشات

ما ضر لو عانق النوروز غاباتي ... أو صافح الظل أوراقي الحزينات

ما ضر لو أن كفا منك جاء شيئاً ... تحقد تنفض آلامي المريرات

سنين تسع مضت والأحزان تسحقني ... ومت حتى تناستني صباباتي

تسع على مركب الأشواق في سفر ... والريح تعصف في عنف شراعاتي

طال انتظاري متى كركوك تفتح لي ... درباً إليها فاطفي نار آهات

متى سأجد إلى كركوك قافلتي ... متى ترفرف يا عشاق راياتي

غداً سأذبح أحزاني وأدفنها ... غداً سأطلق أنغامي الضحوكات

ولكن ولكن للعشاق قاتلتي ... إذ أعقب فرحتي شلال حيراتي

فعدت أحمل نعش الحب مكتئباً ... أمضي البوادي وأسماري قصيداتي

ممزق أنا لا جاه ولا ترف ... يغريك فيّ فخليني وآهات

لو تعصرين سنين العمر أكملها ... لسال منها نزيف من جراحاتي

كل القناديل عذب نورها وأنا تظل ... تشكو نضوب الزيت مشكاتي

لو كنت ذا ترف ما كنت رافضة ... حبي ولكن عسر الحال مأساتي

فليمضغ اليأس آمالي التي يبست ... وليغرق الموج يا ليلى بضاعاتي

عانيت لا حزني أبوح به ... ولست تدرين شيئا عن معاناتي

أمشي وأضحك يا ليلى مكابرة لعلي ... أخبئ عن الناس إحتضاراتي

لا الناس تعرف خطبي فتعذرني ... ولا سبيل لديهم في مواساتي

لاموا أفتتاني بزرقاء العيون ولو ... رأوا جمال عينيك ما لاموه افتتاناتي

لو لم يكن أجمل الألوان أزرقها ... ما اختاره الله لونا للسموات

يرسو بجفني حرمان يمص دمي ... ويستبيح إذا شاء ابتسامتي

عندي أحاديث حزن كيف أسطرها ... تضيق ذرعا بي أوفى عباراتي

ينز من حرقتي الذل فأسأله ... لمن أبت؟... تباريح المريضات

معذورة انت إن اجهضت لي أملي ... لا الذنب ذنبك بل كانت حماقاتي

أضعت في عرض الصحراء قافلتي ... فمضيت أبحث في عينيك عن ذاتي

وجئت أحضانك الخضراء منتشيا ... كالطفل يحمل أحلامي البريئات

أتيت أحمل في كفي أغنية ... أجترها كلما طالت مسافاتي

حتى إذا انبلجت عيناك في الأفق ... وطرز الفجر أيامي الكئيبات

غرست كفك تجتثين أوردتي ... وتسحقين بلا رفق مسرات

واغربتاه مضاع هاجرت سفني عني ... و ما أبحرت منها شراعات

نفيت وأستوطن الأغراب في بلدي ... و مزقوا كل أشيائي الحبيبات

خانتك عيناك في زيف وفي كذب ... أم غرك البهرج الخداع... مولاتي

توغلي يا رماح الحقد في جسدي ... و مزقي ما تبقى من حشاشات

فراشة جئت ألقي كحل أجنحتي ... لديك فاحترقت ظلما جناحاتي

أصيح والسيف مزروع بخاصرتي ... و الغدر حطم آمالي العريضات

هل ينمحي طيفك السحري من خلدي؟ ... وهل ستشرق عن صبح وجناتي

ها أنت أيضا كيف السبيل إلى أهلي؟ ... ودونهم قفر المنارات

كتبت في كوكب المريخ لافتة ... أشكو بها الطائر المحزون آهاتي

وأنت أيضا ألا تبت يداك ... إذا آثرت قتلي و استعذبت آناتي

من لي بحذف اسمك الشفاف من لغتي ... إذا ستمسي بلا ليلى حكاياتي


Thursday, April 12, 2007

الأميرة من الأمارة

كل أب وكل أم المفروض يخلي باله من عياله .. وأديكم شايفين اللي مش حيخلي باله من عياله .. عياله حيطلعوا كده زيي .. يهيسوا في الربيع وبيدوروا على ست الحسن والجمال ..

عشان كده بحمل أي أب وأب أم المسئولية الكاملة إضافة للمدرسين والمدرسات والخطر الأكبر من هذا كله التلفزيون .. هذا الجهاز المفترس اللي دلوقتي بالذات بكرهه جداً ..

عشان من وإحنا صغيرين كل البنات اللي بيحكوا لنا عليهم كلهم من نوعية :

ست الحسن والجمال – سندريلا – سنووايت – شهرزاد – الأميرة إنجي – الأميرة النائمة – أليس بتاعة بلاد العجائب – دورثي بتاعة الساحر أوز ..

هما دول البنات اللي حكوا لنا عليهم .. جمال إيه !! وأدب إيه !! وطيبة إيه !! .. حاجة كده بقى في القصص الخيالية .. الكلمة منهن بحساب النظرة بحساب .. الابتسامة الرقيقة على طول .. اللبس المحترم البسيط .. الوش البريء الطيب .. الهدوء والاتزان الأنتكة بتاعة الأمراء .. أميرات يا جدعان أميرااااااات

اما البنات اللي كانوا معانا في المدرسة وإحنا صغيرين وبنشوفهم بعيننا كانوا بيجروا ورانا ويحدفونا بالطوب ويزحلقونا في المية .. اللي يسامحك يا نهى عمري ما حنساها ليكي .. وكمان البنات دول كانوا بيلعبوا استغماية وكهربا وكيكا ع العالي .. والحال دا ما يختلفش كتير عن الكبار .. واللي مش مصدق يروح الجامعة ويتفرج على البنات ..

البنت بتلعب كورة بعلبة كنز مع بقية الشلة ولاد وبنات ..

أو واقفة صوتها مجلجل ولا أكنها بتبيع جرجير .. والضحكة المسخرة اللي مسمعة آخر الدنيا .. عمركم سمعتم أميرة بتضحك بصوت عالي قوي كده ??!! .. الأميرات آخرهم ابتسامة دي آخر حاجة ممكن يطولها أي حد منهن

هدوم بنات عامة الشعب تلاقيها ملفتة للنظر وملخبطة كده .. لكن الأميرات مش محتاجين يلبسوا هدوم تلفت نظر الناس ليهم .. ولبسهم فساتين .. فساتين وبس زهقنا من البنطلونات .....

مكياج بنات عامة الشعب صارخ عشان يبقوا حلوين .. الأميرات حلوين في كل وقت الصبح وبالليل كبار وصغيرين ومن غير مكياج

بارفانات بنات عامة الشعب جامدة جداً تجيب لغاية أسوان .. الأميرات مش محتاجين ده لأن ريحتهم الذاتية حلوة على طول

بنات عامة الشعب لسانهم وحش .. بيقولوا كلام وحش ويشتموا يابن كذا ولا بنت كذا لأنها عندهم حاجة عادية .. الأميرات حاجة تانية مش بيقلدوا عامة الشعب في شتايمهم .. لأ .. لسانهم دايما حلو ونظيف ومع أي حد وفي أي ظرف بيمروا بيه لسانهم وكلامهم دايما كلام أمرا .. فيه إيتيكيت عندهم .. فيه أدب .. فيه أخلاق .. واخد بالك يا باشمهندس .. ؟؟!!

المهم طلعنا شايفين نوعين من البنات ..

النوع الأولاني الأميرات ودول اللي بنتطلع ليهم ونجري وراهم وقلبنا متشعلق بيهم ..
والنوع التاني بنات عامة الشعب ودول اللي في الاخر بنتجوزهم .. وعشان كده بنفضل طول عمرنا بنفكر في الأميرة اللي ضيعناها واتجوزنا واحدة من عامة الشعب

موضوع الأميرة وست الحسن مش قصدي بيه جمال وعيون وشعور وفلوس ومنصب .. لا متهيألي دا إحساس نابع من جوا البنت إنها أميرة .. فلازم تتصرف على إنها أميرة حتى لو كانت سندريلا الخدامة عند مرات أبوها

للوهلة الأولى .. أي ست بقابلها بتبقى أميرة عندي .. وانتظر منها إنها تتصرف كأميرة لغاية ما هي بتتنازل طواعية وبإرادتها عن صفتها دي وتثبت لي إنها واحدة من الرعاع ..

Wednesday, April 11, 2007

تهييس ربيعي

هو إيه اللي حصل في آخر قصة الشاطر حسن وست الحسن والجمال .. اصل أنا مش عارف آخر القصة ... هما اتجوزوا ؟؟ .. طب هي دي آخرة قصتهم .. يعني حصل إيه بعد ما اتجوزوا ؟؟

طب لما كملوا حياتهم كانت عاملة أزاي ؟؟

يعني بعد شهر العسل لما ست الحسن قالت للشاطر حسن .. بقول لك يا حسونتي إنت لازم تحافظ على مركزي الاجتماعي قدام الرعية وعشان كده لازم تشتغل مع أبويا السلطان .. إيه أبويا دي .. قصدي مع دادي السلطان ..
ياترى الشاطر حسن عمل إيه ؟؟ .. إتحمأ وقال إنتي مستعرية مني يامدام ولا إيه ؟؟ وراح سايب لها القصر وهابد الباب وراه .. ولا بلع الإهانه وقال خلينا عايشين وخلاص ..

طيب بعد سنة في احتفالهم بعيد جوازهم لما جابلها وردة .. يا ترى ست الحسن قالت له إيه ؟؟ .. قالت له ياما جاب الغراب .. ولا قالت له .. إيه ده جايب لي حتة وردة .. دا انا كان بيجيلي الدهب والألماظ يترمي تحت رجليا من بشوات وهوات البلد ...

طيب لما الشاطر حسن كبر في السن وشعره وقع وبقى عنده كرش .. ست الحسن فضلت تحبه زي ما هو ولا قعدت تتندم على عمرها اللي ضيعته على راجل ما يستهلهاش ؟؟

ياريت اللي يعرف أي تفاصيل عن حياة الشاطر حسن وست الحسن بعد الجواز يقولوا لي

هو مش جنان .. بس كل الحكاية لما تكون زي حالاتي بتحلم تتجوز أميرة وأنت طبعاً مش أمير .. بتلاقى نفسك زي حالاتي مهتم جداً بالتفاصيل دي ..

مشكلة الموضوع إنك تحلم بالأميرة .. بست الحسن بس أنت عارف إنك مش لوحدك في القصة .. معظم القصص اللي عارفينها كان الشاطر حسن لوحده هو اللي بيحب ست الحسن .. لكن الدنيا مش كده عشان القصة فيها كمان الفارس الأمير اللي حيجي ياخد ست الحسن على حصانه الأبيض .. فحتروح فين يا شاطر وسط الأمرا .. عشان كده الشاطر راح القناطر .. قنطروه يعني ..

وحتى لو سلمنا إن ست الحسن اتعمت في نواظرها وقبلت بالشاطر حسن ورفضت ابن الملك .. يعني عم حسن دا حيستعبط بقى ؟؟!! .. مش واخد باله من اللي حيحصل بعد كده .. إنه يإما يبقى شغال عند دادي السلطان .. يا إما تبقى عيشته نكد في نكد ومعايرة بحالها قبل الجواز وبعده

حسن ده بصراحة جوازه مشكلة .. عايز ست الحسن .. بس هو عارف إنها حتبقى جوازة معقربة وكلها مشاكل .. عشان هو مش عايز ست الحسن ترضى بيه ... لأ دا قال إيه عايز ست الحسن ما ترضاش غير بيه ... شفتوا الخيبة ؟؟!!!

حسن كمان .. عايز ست الحسن تبقى عاقلة .. مع إن هو أصلا مجنون أو على الأقل شبه مجنون أو نقول مجنون موسمي .. زي موسم الربيع اللي أحنا فيه دا واللي بتجيلي فيه كريزة تهييس من العيار الثقيل .. فازاي عايز واحدة عاقلة ترضى بواحد مجنون .. يعني لو فرضنا إنه لقى واحدة عاقلة .. حنقول إنها فرصته فحيروح لها .. بس حيروح يعمل إيه ؟؟ ما هي لو عاقلة أكيد حترفضه وحتحرجه .. ولو قبلت بيه وما رضيتش غير بيه زي ما بيحلم .. تبقى أكيد مش عاقلة زي ما هو عايز ....

حسن واقف برضه عمال يفكر .. يدور على واحدة شايلة هم زي اللي هو شايله .. وساعتها تبقى حياتهم نكد في نكد لو ما توفرلهاش عوامل التعاسة الذاتية من مصروف بيت وأمراض العيال وكسوة الشتا .. فأكيد حيتوفر لها عوامل التعاسة الخارجية .. يعني إن ما كانش نكد من جوه يبقى أكيد نكد من برا
ولا ياخد واحدة منفضة للدنيا مش في دماغها حاجة .. وساعتها حتبقى حياتهم برضه نكد .. عشان حيبقى هو دمه محروق وبيغلي بسبب همه وهي حتبقى قاعدة تتفرج على ستار أكاديمي ...

حسن عايز واحدة تفهمه وتقدر شغله واهتماماته عشان ساعتها تقدر تفهم حجم سعادته وانتعاشه لما ينجز حاجة معينة وكمان تفهم تعاسته واكتئابه لما يعجز عن عمل حاجة معينة ... مش معقول أصل يبقى هو شغال ع الكمبوتر مثلا وهي تفتكره إنه قاعد يتلعب بلاي استيشن .. وتقول له .. يا حسن .. بدل ما انت قاعد كده تعال قمع معايا البامية ..

متهيألي حسن ده ما ينفعلوش جواز..

Tuesday, April 10, 2007

التاج التاني على التوالي

الدكتور الطيبة جداً جداً ما علينا .. قامت مشكورة بتوجيه تاج للعبد لله .. هو أقرب لمقلب من كونه تاج .. بس بما إنها الأستاذة فأنا لازم اسمع الكلام وأجاوب ..
هو عبارة عن اختبار سمات شخصية .. مين أنت في الزعماء
What Famous Leader Are You?
ومع إني زعيم مستقل وما احبش على رأي محمد صبحي الناس تقول عليا بقلد حد لكني قلت اعمل التيست وأشوف مين من الزعماء .. واخدين بالكم .. مين من الزعماء هو اللي يشبه لي ؟؟
المهم ما كدبتش خبر ودخلت ع الرابط لقيته تست كنت عملته قبل كده وكنت طلعت فيه اشبه
حاجة غريبة .. قلت أكيد ساعتها ما جاوبتش صح .. فرحت مختار أكبر عدد من الأسئلة .. 45 سؤال طلعوا عنيا .. وجاوبت عليهم وفي الآخر لقيت نفسي شخصية تانية .. لقيت نفسي ومش عارف إزاي شبه ..

قلت وماله بس أجرب مرة كمان على أقل عدد اسئلة .. 9 اسئلة .. ونشوف .. فلقيت نفسي شبه ...

قلت لاااااا .. التيست دا أي كلام بقى أنا التلاتة دول !!! .. طيب إزاي ؟؟ .. وبعد التقصي لقيت التيست بيدي تسع شخصيات مفيش غيرهم
غاندي - تريزا - كلينتون - جيفارا - إينشتاين - هتلر - كنيدي - صدام - لينكلون
هما دول وبس .. وفين بقيت العالم ؟؟ .. مش عارف

وبعدين أقول لكم على حاجة بلا تيست بلا بتاع .. لو عايزين تعرفوا أنا بحس إنه اشبه مين من الزعماء .. فانا بحس إنه شبه ...

قصدي هو اللي يشبه لي .. أقول لكم ... ماااااااااااعلينا
عشان كده التاج قبل ما امرره لازم اعدل فيه .. واخليه :
قل لنا أنت بتشعر إنك تشبه لمين من زعماء القرن العشرين .. وليه ؟

أمرره لمين ؟ والله التاج دا ذو طبيعة خاصة فمعلش يا بينو .. كنت ناوي ما امررلكش تاج تاني بس التاج دا لازم يعدي عليك
ميمو كمان عارف إنها مش بتحب التاجات بس التاج دا زي ما قولنا ذو طبيعة خاصة .. وهو كدا كدا اتوجه لها قبل كده بموجب مرسوم من جهات ملكية أخري .. يعني أنا بس بفكرها ..
معلش يادكتور التاج دا برضه محتاجين حضرتك تجاوب عليه
والصارم الحاسم لازم نعرف شخصيته .. قبل ما نرسمك كبير للقعدة
وياريت الأفوكاتو أماني كمان تجاوب لنا مشكورة عليه

Monday, April 09, 2007

كافحوا مخترعي التاجات

التاج دا من تأليف وسيناريو وحوار المبرمج الحر اللي يظهر إنه بطل برمجة وتفرغ لإمداد البلوجرية بالتاجات .. يعني خلي بالكم التاج دا not recognized لأنه من اختراعه
وقد قام المبرمج كريم بتدشين حملة مكافحة مروجي التاجات على الأنترنت وسأشارك بكل جهدي في هذوها الحملة .. ياسلااام يا أحمد صحيح عدوك ابن كارك ...
كل من يريد الانتقام من مبرمج حر عليه إنه يحضر سؤال وسيتم تجميع كافة الأسئلة وتوجيهها إليه وعليه الالتزام بالإجابة وإلا سيقوم الفدائيون البلوجارية بمهمتهم الخاصة جدا.

لكن لأني بحب التاجات فحجاوب طبعا ع التاج وهو عبارة عن سؤال واحد بيقول :

تكلم عن هواية لما بتمارسها بتستغرق فيها تماماً وتنفصل عن عالم الواقع لفترة من الوقت أثناء ممارستها

هي مش هواية وبس دي احتراف كمان .. يعني باختصار بقت حياة بما تمثله الحياة من فرح وحزن ونجاح وفشل .. هي هوايتي ومهنتي ولعبتي وتسليتي البرمجيشن يا واد عمي
البرمجة لمن لا يعرفها .. هي مجموعة أكواد بتترص جنب بعضها عشان في الآخر تنفذ مهمة محددة أو مجموعة مهام .. أكواد بتترص .. زي بالضبط مجموعة من الألوان بتترص جنب بعضها عشان تعمل لوحة أو مجموعة من الكلمات تترص جنب بعضها عشان تعمل قصيدة

عندك هدف عايز تعمله .. تبدأ تحط مجموعة من الخطوات .. خطوة ورا التانية لغاية ما توصل لهدفك في النهاية .. وفي كل خطوة لازم تراعي كل الاحتمالات .. هي دي البرمجة .. هي دي الحياة

عايز تعمل برنامج .. يبقى لازم تتعرف على عقلك بيفكر إزاي .. لو عرفت عقلك بيفكر إزاي فأنت مبرمج .. تعال نعمل برنامج بيجمع رقمين .. عقلك بيفكر إزاي ؟؟!! ها .. فكر كده
أول حاجة عقلك بيسأل فين الرقم الأول
تاني حاجة عقلك بيسأل فين الرقم التاني
تالت حاجة عقلك بيحط الاتنين على بعض جوا حاجة افتراضية اسمها الناتج
أخيرا عقلك بيطلع لك الناتج دا
هي دي البرمجة

بيقولوا الموسيقى لغة عالمية لأن كل الناس في كل مكان مهما كانت لغتهم بتفهمها .. طبعا الكلام دا غير صحيح من وجهة نظري .. اللغة مش بس رموز يتعرف معناها .. لأ اللغة عبارة لازم تفهمها وتحس بيها
والموسيقى عند القبائل الأفريقية مثلاً إحنا بنعتبرها نوع من الخبط والرزع .. مش بنفهمها على الإطلاق .. والموسيقى الآسيوية غير الآسيويين مش بيفهمومها .. والموسيقى الشرقية غير الشرقيين لا يفهموها غالبا .. وهكذا كل أهل بلد هما بس اللي بيفهموا موسيقاهم بالرغم من إن الرموز واضحة للكل ..
برضه الموسيقى اللي بيسمعها الناس الكبار غير اللي بيسمعها الشباب غير المراهقين .. إزاي بقى تبقى الموسيقى لغة عالمية ؟؟!!

اللغة العالمية الحقيقية هي البرمجة .. كل الناس مهما كانت لغاتهم ممكن يتكلموا بيها .. أنت ممكن تقرا كود عمله واحد ياباني وأنت مش بتعرف ياباني وممكن تصلح له الكود وتعدل له فيه لو كان فيه غلطة وأنتوا الاتنين مش بتعرفوا لغة بعض ..

وأنا شغال في أي أكواد .. بغوص جواها .. ورغم إن ناس كتيرة عارفة عني الهدوء وطولة البال .. إلا إن في الشغل الناس كلها عارفة عصبيتي أثناء السباحة في عالم الأكواد .. لأني لا اتحمل حد يكلمني وأنا غطسان جوا الأكواد .. فأيا كان الحد دا لو قطع افكاري بيبقى هوا اللي جابه لنفسه ولا بيهمني مدير ولا غفير .. وعشان كده بقول إني حترفد قريب لأنهم أكيد زمانهم زهقوا مني

وانا شغال بشعر إني عازف على البيانو .. زي الصورة دي بالضبط ..




ولو سبق إنك اشتغلت برمجة قبل كده فأكيد عارف وظيفة الزر الجميل F5 واللي معناه إنك أنهيت مهمتك تقريباً ووصلت لهدفك .. فعلاً لو حد شافني وأنا بضغط عليه زي عازف البيانو كده وأنا بعد ما انتهي من الكتابة ارفع إيدي لفوق واروح نازل بشكل مسرحي دا دا على زرار F5 إيذانا بتنفيذ البرنامج .. صورة كوميدية جدا ..

المتعة اللي بشعر بيها لما اعمل حاجة مميزة لا توصف .. والحسرة والضيق اللي بشعر بيه لما حاجة تقعد محيراني فترة طويلة برضه لا توصف .. عشان كده بيقولوا إن دايماً المبرمج تلاقي عنده وهو في سن صغير كام شعرة بيضا كده .. أو شعره يقع بدري بدري ويبقى أصلع ..

بالمناسبة كريم قال لي اكتب موضوع تقني كل شهر في مجال البرمجة وإن شاء الله يوم 15 اكتب أول موضوع لما نشوف حينفع اكتب ولا لأ ؟؟!!

نمرره لمين .. نمرره لمين .. طبعاً لبينو اللي شكله أخد الجنسية الكورية فنحاول نفكره بالبلد والعائشة في الأحلام لما ترجع من السفر بإذن الله والبنت الشلبية عشان تبطل سياسة شوية ومهند الباحث عن الحقيقة وكفاية كده المرة دي عشان ما حدش يدعي عليا .. اللي عايز يدعي على حد اتفضلو مبرمج حر ادعوا عليه زي ما انتوا عايزين وربنا يتقبل .

Sunday, April 08, 2007

صويان الهاجري

البوست دا كان المفروض اكتبه من أكتر من شهر .. لكن زي ما بيقول أمير الشعراء .. لكل شيء في الحياة وقته ..

إذا كنت من مدمني النت مثلي .. وبالمناسبة فهذا الوصف لا يمثل لي أي مشاكل نفسية .. يعني بكبر دماغي من اللي يقول لك ادمان الكمبيوتر انعكاس لفقدان التواصل مع الآخرين في الواقع ومحاولة خلق عالم افتراضي لمش عارف إيه .. إلى آخر هرتلات النفساويين ولا مؤاخذة والكلام الخنيق ده .. المهم
لو كنت من مدمني الإنترنت فأكيد وأنت تتصفح مر عليك هذا الاسم .. مفكرة الإسلام .. وممكن تكون دخلت على الموقع وأكيد برضه ساعتها أخدت بالك من الطابع المميز لموقع مفكرة الإسلام .. وإن هذا الطابع قليل جدا على الإنترنت .. وهو طابع المتابعة الإخبارية من منظور إسلامي سني جاد
أكيد برضه لو أنت من متابعي الإنترنت فأكيد شوفت البنر دا في مكان ما ...

أو البنر دا حتى

وممكن تكون دخلت ع الموقع دا واستغربت من كم المعلومات والأخبار والصوتيات والمرئيات الموجودة في هذا الموقع والرد على الشبهات المثارة حول النبي محمد صلى الله عليه وسلم

أما بقى لو كنت في النت جامد طحن ومتابع كل جديد في أي مكان .. فأكيد وصل لمسامعك عن البرنامج العربي الأول لحماية الأسرة من مخاطر الإنترنت وليف .. هذا البرنامج الجبار الذي يوفر لأي أب وأم تحكم كامل في المواقع المسموح للابناء متابعتها واوقات المتابعة ومنع الماسنجر والبالتوك والأي سي كيو ومجموعة من المزايا الأخرى التي .. في رأيي الشخصي .. ترتفع بهذا البرنامج ليقف مع أكبر وأهم برامج الفاير وول في العالم خصوصاً انه عكس فكرة Parental Control فأنت لا تدخل المواقع المحجوبة لأن هذه الفكرة ليست كاملة الحماية نظراً لتجدد المواقع وظهور الجديد منها كل يوم .. ولكنه يحجب كل ما له اتصال بالنت إلا ما يسمح به ولي الأمر .. وهو ما يناسب بلا شك الأسر العربية

هذه الانجازات وغيرها .. يقف وراءها رجل واحد .. هذا الرجل هو المربي السعودي الشيخ صويان الهاجري .. أو أبو مبارك كما يكني أو الحاج صويان

الحاج صويان شخصية فريدة من نوعها .. قلما تقابل شخص مثله فهو مع بساطته وتلقائيتها واعتزازه بإصوله البدوية وافتخاره كثيرا بأنه رجل أعرابي لا يستطيع مجاراة التقنيين إلا أنه أتعب الجميع في مجاراته .. فهو رجل حباه الله بالخلق الرفيع ودود لأقصى درجة متدين ولا نزكيه على الله .. محب للإسلام.. ومخلص جدا لقضيته .. نحسبه كذلك

لما بدأت مفكرة الإسلام عام 2001 كانت عبارة عن صفحات html ويعمل معه أفراد قليلة واستمر يرتفع بها ويرعاها ويوفر لها ما تحتاجه حتى اصبح للمفكرة الآن مراسلين في أماكن كثيرة في العالم .. ومترجمين لمعظم اللغات

كانت المفكرة هي أول المواقع التي توفر الأخبار الغير موجهة ... اللي مش ملعوب فيها ... وتوفر تغطية لمشاكل المسلمين في أنحاء العالم وهو موقع إسلامي متكامل تجد فيه ما يخص الأطفال والكبار الرجل والمرأة والأسرة والشباب والدعاة والمفكرين والمحللين ..
وفي بدايتها رفض الحاج صويان الاعتماد على الإعلانات لسداد مرتبات العاملين وكان ينفق عليها من ماله الخاص وكانت وجهة نظره انه لا يريد للاعلانات أن توجه أخبار المفكرة ولا تكون ورقة ضغط عليه لإخراج مفكرة الإسلام عن مضمونها .. وقد كان له ما أراد وأصبح للمفكرة شكلها وأسلوبها الخاص الذي يحترم المسلم ويراعي دينه .. ولذلك قامت عليه الأقلام واتهم كالعادة بالوهابية مرة والتشدد وكان أعجب ما سمعت به مهاجمة أحدهم للعاملين بالمفكرة ولصاحبها أبي مبارك يصفهم بانهم عملاء للموساد وهكذا لا يسلم داعية من سلاطة لسان المدعين

ولما حدث الاحتلال الأمريكي للعراق وقفت المفكرة تعرض كتابها عن صدام .. وسواء وافقت او اختلفت مع مضمون الكتاب إلا أن وجهة نظر كهذه موجودة كان يخشى أصحابها إظهارها خوفاً من النقد .. لكن المفكرة عرضتها وعرضت من وجهة نظرها ما للرجل وما عليه .. ويكفيها فخرا أنها يوما لم تسر مع التيار ..
وقامت المفكرة بتوفير مراسلين لها في العراق وهاجمتها وزارة الخارجية الأمريكية واتهمتها بانها تلفق الأكاذيب وقتها عن قتلاها وعن عمليات المقاومة .. والتي يتضح لنا الآن أن كل ما كانت تنشره المفكرة صحيحاً وأن الخارجية الأمريكية هي من كانت تكذب

لما حدثث مشكلة الدانمارك .. كانت مبادرة الحاج صويان لإطلاق موقع نصرة النبي صلى الله عليه وسلم .. ورغم ان للوهلة الأولى من الممكن أن تشك بإمكانية إمداد موقع كهذا بالمعلومات إلا أنه وبتشجيعه للعاملين معه وصل إلى ما وصل إليه الآن

يالإضافة للمفكرة والنصرة ووليف .. فهناك أمور أخرى مميزة في البناء الذي بناه أبو مبارك أذكر منها كتابه صناعة الهدف وهو كتاب مميز له في فن الإدارة ..

والخلاصة أن أبا مبارك شخصية فريدة من نوعها يذكرك بهؤلاء المخلصين الغيوريين على دينهم وأمتهم الباذل لدين الله كل ما يستطيع من جهد ومال ووقت .. الذي إن أراد شهرة ومال لكان له ما أراد ولكنه آثر على ذلك العمل بعيدا عن الأضواء وابتغاء الثواب الآخروي.

صويان الهاجري .. أبو مبارك .. الان معتقل خلف الأسوار في المملكة بناء على توصية من الحكومة العراقية

فضيحة جديدة لحكومة عربية تكشف الغطاء عن وجه التبعية والذلة والقرابين التي يبذلها كل حاكم عربي لأمريكا حماية لعرشه وسلطانه .. يتساوى في ذلك من ادعى تطبيق الإسلام أو من ترك الاسلام أو من رقص على السلم

اعلم أن في بلدي مصر كثير ممن هم خلف الأسوار ممن قد يكون لهم سير خير من سيرة أبي مبارك .. ولكن هذه كلمات خاصة جدا لا استطيع أن أقدم غيرها لرجل مثل الحاج صويان.

أرجو ممن يدعون الله أن يظهر أمثال عمر بن الخطاب وخالد بن الوليد وصلاح الدين الأيوبي .. أدعوهم أن يتمهلوا في دعائهم فإنهم لو ظهروا فينا لألقينا بهم في السجون ولوصفناهم بالتشدد والوهابية والتزمت والإرهاب .. وسنتركهم ونتخلى عنهم كما تخلى أهل الكوفة عن الحسين رضي الله عنه لجنود عبيد الله بن زياد .. ثم يبكون عليه كل عام وسنكون أشد من بني اسرائيل الذين دعوا الله أن يبعث فيهم ملكا ليقاتلوا في سبيل الله فلما بعثه الله خذلوه .. تمهلوا فلازلنا اقل من أن يظهر فينا رجل كصويان الهاجري فكيف نستحق رجل كعمر بن الخطاب.