Wednesday, February 28, 2007

اليوم .. الحكم في قضية مصادرة أموال الإخوان

شاهد هذا الفيديو بقلبك

الفيديو لمعاذ أحمد شوشة .. ابن المهندس أحمد شوشة الضابط السابق في الجيش المصري .. أحمد شوشة حالياً مواطن مدني يحاكم أمام المحكمة العسكرية وفي نفس الوقت يحاكم مع زملائه وعلى نفس التهم في محكمة أمن الدولة .. وفي نفس الوقت هناك قرار باعتقالهم من وزارة الداخلية .. كله في وقت واحد وبنفس التهم

اليوم المحكمة تصدر الحكم في التظلم الذي قدمه محاميو الإخوان على قرار التحفظ على أموال موكليهم .. تلك الأموال التي سرقتها حكومة اللصوص عيني عينك .. نهاراً جهاراً .. حاميها حراميها

وصدق أحمد مطر لما قال
بالتمادى يصبح اللص فى أوروبا مديرا للنوادى
وفى أمريكا زعيما للعصابات وأوكار الفساد
وفى بلادى التى من شرعها قطع الأيادى
يصبح اللص رئيساً للبلاد

وأخيراً شوف قلمها الحر بيقول إيه



تحديث : صدر الحكم بتأييد قرار سرقة الأموال ..ولا حول ولا قوة إلا بالله

Tuesday, February 27, 2007

كلمتين في النص

من كلام قعدة الستات .. الزعيمة حست إنها بتسمع لستات قاعدين فى نادي الشمس بيشربوا كابتشينو ... ...
فعلاً يا زعيمة إحساسك في محله تمام .. ودا اللي بنقصده لما نقول كتب السنة وكتب العلوم الشرعية .. مش حواديت وتسالي .. بنقضي بيها صلاة الجمعة والاحتفال بالمولد النبوي وخلاص .. لأ
دا فيها حاجات فيها بتحصل ما بيننا لغاية دلوقت .. مجتمع وحياة ودنيا ومشاكل ناس قبلينا اتعرضوا لها وحلوها بالإسلام .. واحنا كمان ممكن نستفيد بالحلول بتاعتهم .. مش لازم ندور على الحلول في حتة تانية لمجرد إن احنا مش عاجبنا إنهم كانوا بيركبوا جمال وإحنا دلوقت بنركب البي إم دبليو .. أنتوا اللي بتركبوها طبعا مش أنا
صح يا زعيمة .. عقول الناس وتصرفاتها رجالة أو ستات .. تقريباً زي ماهي من زمان لغاية دلوقت .. ودا مش غلط .. دي طبيعة الإنسان .. حتى لو وسائل الانتقال والاتصال تطورت .. لسه بنحب نفس الحاجات ونكره نفس الحاجات .. إحنا بني آدمين .. طبعنا كده .. والإسلام اللي ظبط عقول وتصرفات الناس زمان هو نفسه اللي لو أخد فرصته دلوقتي حيضبط عقول الناس وتصرفاتها ...
والحكاية اللي أنتي حسيتي منها الإحساس ده .. نقطة في بحر ..
أيوه صح فيه كتب مليانة حواديت وقصص وإسرائيليات .. .. لكن فيه حاجات تانية قايمة على دراسة وفحص .. وإهمالها لأنها مش على هوانا ومش داخلة دماغنا .. نوع من التعدي على قيم البحث العلمي.
أما موضوع الإسرائيليات .. اسمحوا لي أقول فيه كلمتين ..
أي حديث أو خبر بنسمعه في كتب العلوم الشرعية بيبقى فيه حاجة اسمها السلسلة أو رجال الخبر
يعني مثلاً خالد حيحكي خبر فيحقول أخبرني عيون حدثته رفقة أنها سمعت من الدكتور المحارب .. وهكذا ... إلى أن يصل لقائل الكلام .. ودي بالمناسبة ما اسمهاش عنعنة .. العنعنعنة حاجة تانية ..
المهم لو أنتهت السلسلة دي للنبي عليه الصلاة والسلام .. فدا ما ينفعش نقول عليه إسرائيليات .. دا حيبقى حديث وليه وصف من اتنين ... يإما مقبول ويبقى الحديث مية مية ونقول عليه صحيح أو حسن .. يإما مرفوض وبنقول عليه ضعيف أو موضوع
أما لو انتهت لحد تاني غير النبي عليه الصلاة والسلام فممكن تكون إسرائيليات ..
بس هو يعني إيه إسرائيليات؟؟
الإسرائيليات دي حكايات من الديانة اليهودية .... ومنها الكويس ومنها الوحش .. يعني مش كلها وحش ... بس السلسلة بتاعتها مش بتنتهي للنبي صلى الله عليه وسلم ولا في الغالب لحد من الصحابة .. وإنما بتنتهي للتابعين في معظم الأحوال .. اللي هما الجيل اللي جه بعد الصحابة .. وكان فيه منهم يهود وأسلم فكان متأثر لسه ببعض حواديت اليهود .. فبيحكيها .. على اساس إن النبي عليه الصلاة والسلام سمح بإننا نحكي حواديتهم لو كان فيها عبرة أو فايدة ... ولأن الفايدة هنا محل نظر باستخدام العقل ..فالواحد ممكن ينظر في الأخبار دي ويشوف فيها فايدة ولا هي مجرد إسرائيليات فارغة من غير فوايد ...
أما بقى الأحاديث المنتهية للنبي صلى الله عليه وسلم فدي حاجة تانية خالص .. لأن الحكم عليها بيكون مش بكلمة إسرائيليات .. لأ .. دا بيكون ... يإما صحيحة النبي قالها ودي مقبولة .. يإما مرفوض نسبتها للنبي عليه الصلاة والسلام ودي تبقى مردودة .. ودي مش كفاية نحكم عليها بمجرد النظر .. لازم أدوات للحكم على الحديث لازم ندرس سلسلة رواة الخبر كويس .. مش نكتفي بعقلنا .. لأن عقلنا ساعتها حيبقى معندوش معلومات كفاية عشان يوصل للحكم ... ولو ما عملناش كده وحكمنا في الحديث بعقلنا مجرد عن الأدوات .. يبقى ساعتها بقى كان عندهم حق يحرقوا جاليليو عشان قال إن الأرض كروية بتدور حول نفسها .. ما هو قال حاجة ما تدخلش العقل ؟؟!!!
فأول خطوة في رحلة البحث عن صحة الحديث إن احنا نجيب كل راجل أو ست في السلسلة ونشوف قصة حياته .. كويس .. وحش .. بيعمل خير .. بيساعد الناس .. بياكل وهو ماشي في الشارع .. بيحفظ كويس .. بينسى كتير .. بيكتب الأحاديث .. مش بيكتب وبيكتفي بالحفظ .. .. كل حاجة عنه .. كوووووول حاجة
عشان ابين يعني إيه كل حاجة .. بعض العلماء رفض أحاديث واحد عشان مرة ركب البرزون ودا نوع من الخيل غير الخيل العربي الأصيل فبيتمخطر وهو ماشي .. فما عجبهمش إزاي راجل ماشي يتمخطر على الحصان ويقول حديث .. فضعفوا أحاديثه ... ودا يدي فكرة إزاي كانوا متشددين في مسألة إن الراوي يكون صاغ سليم .. وطبعاً لو مقدروش يكملوا معلومات عن الشخص الراوي .. فيبقى الراوي مجهول وبرضه الحديث بياخد استمارة ستة

وبعد كده .. ننتقل للمرحلة التانية ... ندرس كل راجل قابل الراجل اللي قابليه في السلسلة .. والراجل اللي بعديه في السلسلة ولا لأ ؟؟؟
يعني عيون لازم يكون قابل كل من خالد اللي حكى عنه ورفقة اللي نقل منها
لو قابلوا بعض يبقى شغال ونكمل .. لو ما قبلوش بعض ... هوووووب استوب ووقف الكلام كده ويبقى الحديث Out
وبعدين مرحلة كمان .. نص الخبر نفسه ندرسه دراسة مقارنة مع بقية الأحاديث .. يمكن يكون فيه حاجة كده ولا كده ..
لو عدى الحديث من كل الاختبارات دي يبقى حديث مقبول صحيح ويصح نسبته للنبي عليه الصلاة والسلام وإلا الحديث يقع على طول ويترفض وما ينفعش ننسبه للنبي عليه الصلاة والسلام ولا نستدل به في أي حاجة

المسألة مش كده وبس .. دي أكتر من كده واعقد بمراحل ... بس حبيت أدي صورة موجزة

واحد زي البخاري .. جمع أحسن كام ألف حديث ينطبق عليها كامل الشروط وحط شروط تانية كمان زيادة من عنده.. وسمى كتابه الجامع الصحيح
واحد زي مسلم عمل كده برضه في كتابه صحيح مسلم
الناس اللي جم بعديهم مش حيسبوهم في حالهم .. قعدوا وراهم حديث حديث .. يتأكدو من صحة جمعهم .. والكل قال الناس دي طبقوا الشروط بحذافيرها وزيادة شوية كمان .. حتى اللي حاولوا يطلعوا أي حاجة غلط في 3 أو 4 أحاديث .. طلع كلامهم مش مظبوط ..
وفيه ناس قالوا إحنا حنجمع الأحديث القريبة من الصحة وبكده ندي فرصة للباحثين إنهم يتأكدوا من صحتها .. زي
سنن الترمذي وابن ماجة ومسند الإمام أحمد وسنن أبي داوود والبيهقي والنسائي –بفتح الميم والسين - وغيرهم

طولت عليكم .... قولوا لأ ماطولتش يا أبو مريم ...

المهم حديث أم زرع موجود في الكتب التالية :

صحيح البخاري .. كتاب النكاح .. باب حسن المعاشرة مع الأهل
صحيح مسلم .. كتاب فضائل الصحابة.. باب ذكر حديث أم زرع
صحيح ابن حبان .. كتاب إخباره صلى الله عليه وسلم عن مناقب الصحابة
مسند أبي يعلى .. مسند عائشة رضي الله عنها
سنن النسائي الكبرى .. كتاب عشرة النساء .. شكر المرأة لزوجها
المعجم الكبير للطبراني .. كتاب ذكر أزواج رسول الله صلى الله عليه وسلم منهن .. باب السيدة عائشة بنت أبي بكر الصديق
كتاب الشمائل المحمدية للترمذي ..
طبعاً كل اللي فاتوا ذكروا الحديث بسلسلة رجال تمتد منهم شخصياً إلى السيدة عائشة رضي الله عنها
فيه ناس تانية ذكروا الحديث نقلاً من هذه الكتب إما للشرح أو لاستخراج الفوائد .. ومنهم ابن حجر في فتح الباري أو الشيخ سيد سابق في فقه السنة وغيرهم..

حاجة كده ع الماشي : الناس اللي بحبهم جداً جداً واللي بيشرفوني بالزيارة والتعليق وربنا يعلم كم أحب تعليقاتهم .. أرجو منكم ألا تجعلوني سبب للتشاحن فيما بينكم .. برجاء من كان لديه ملحوظة .. علي ما أكتب أو على ما يكتب غيري أن يراعي اللطف واللين في العرض .. إحنا مش عايزين نبقى زي المدونات اللي حضراتكم كلكم عارفينها اللي مفيهاش فايدة غير إثارة الغضب فيما بيننا .. الأمور قابلة للعرض بهدوء

حاجة تانية ع الماشي برضه : انا لسه لغاية دلوقت ما قلتش اللي عايز أقوله

Monday, February 26, 2007

الست أم زرع وصلت

مش فيه ناس بيقولوا عليا إني سيء الظن .. آمممممممم .. ماشي ..
بالمرة بقى .. ما دام أنا سيء الظن .. فخدوا بالكم من الست اللي اسمها أم زرع دي .. لأني شاكك بصراحة في نواياها .. أنا حقول الكلمتين اللي هي قالتهم وبعد كده في مرة جاية إن شاء الله .. حبقى أقول ليه قلت الحكاية بتاعة قعدة الستات دي .. وليه أنا شاكك في نوايا الست أم زرع ..

الست أم زرع قالت : أنا جوزي اسمه أبو زرع .. انتوا عايزين تعرفوا أبو زرع .. أنا مقدرش أختصر أبو زرع في موقف أو في كلمة .. فمعلش أنا ححكي الحكاية كلها ..
انتوا شايفين دلوقت وداني مدلدلة من الذهب اللي هو مغرقني فيه وشايفني إزاي أنا متختخة ومكلبظة من العز .. لكن الحقيقة إني كنت قبل ما اتجوزه مسلوعة زي بنات اليومين دول - الحتة دي من عندي على فكرة - وعايشة في بيت زي الجحر .. عشة ... مع أهلي الفقرا الغلبانين .. فأخدني فقيرة من بيت أهلي وخلاني في بيته أميرة ... من الناس أصحاب الأملاك .. هو اللي خلاني في العز ده .. وبعد ما كنت باكل أي حاجة واللي موجود يسد .. وأي حاجة تقضي .. دلوقت بقيت باكل أحسن أكل .. واشرب أحسن شرب ..
قعد يدلع فيا وينفخ فيا ويطلعني السما ويقول عليا كلام وأوصاف من نوعية إنتي ست الستات وأنت أجمل ست في الدنيا وهم الستات دول يجوا جنبك إيه ... لغاية ما صدقت وبقيت فعلاً متهيألي إني ملكة جمال وست الستات.
لما اتكلم الكل يسمعني ويقدر كلامي وهو أولهم وعمره ما يقول إيه اللي أنتي بتقوليه ده .. ولا أنتي اتهبلتي ولا الكلام الفارغ بتاع الاجواز ده .. ولما أجي أشرب اشرب بدلع .. ويقعد يتحايل عليا .. ولما انام ما اصحاش قبل الظهر .. مش بيصحيني بدري أحضر له الأكل والشرب .. وانضف البيت والكلام ده.. لا ... يسبني نايمة لغاية ما اقوم براحتي .. ماهو عندنا خدامين كتير هو جايبهم لي عشان يريحني ..
ولا حماتي ... ياعيني على حماتي .. بيتها واسع جداً عشان تستقبل الستات وعندها شنطة فيها .. لا .. مش وزة وبطة .. لا ... شنطة مليانة خيرات توزع على كل الناس .. بصراحة ست كمل .. وخيرها مغرق الكل
ولا تربيته للعيال .. أقول لكم إيه !!!
الواد ابنه .. واد شياكة كده .. راجل ... ياكل أقل أكل وينام في أي حتة ..
والبنت بنته .. بنت مؤدبة تسمع كلام أبوها وأمها دا غير جمالها ودلالها ملو هدومها مش مسلوعة زي بنات اليومين دول - برضه من عندي - .. عشان كده كايدة العوازل على طول
الخدامة بتاعتنا اتعلمت في بيته الأدب والأخلاق .. أكيد منه.. فبقت أحسن خدامة .. لا تسيب البيت من غير تنضيف ولا تضيع خزين البيت في كلام فارغ ولا تروح تطلع أسرارنا بره .

طبعاً مستغربين .. إني بتكلم على واحد اسمه أبو زرع مع إن جوزي ما اسمهوش أبو زرع ..

أه .. اشرح لكم .. أبو زرع دا يبقى جوزي الأولاني .. اصله .. طلقني .. طلقني ليه ؟؟؟

أبداً .. كان طالع في مرة الصبح بدري .. فقابل واحدة ست تانية عجبته فطلقني واتجوزها هي .. حقه هو ما عملش حاجة غلط ..

المهم بعديها اتجوزت جوزي الحالي .. ودا راجل غني برضه جداً .. بيركب أحسن ركوبة .. وعنده أحسن الحاجات وكان من كرم أخلاقه .. كل ما يطلع حاجة لبيتنا .. يطلع قصادها حاجة لبيت أهلي ..

ليه أنا اتكلمت على أبو زرع في الأول ؟؟ ...
لأن الحقيقة إن جوزي دلوقت مهما عمل معايا حاجة كويسة .. ضفر أبو زرع برقبته

Sunday, February 25, 2007

قولوا ياناس لأمن الدولة .. عمر الظلم ما قوم دولة

بيان من المحالين للقضاء العسكري علي ذمة القضية 2 لسنة 2007

نحن أساتذة الجامعات ورجال الأعمال والمهنيين المحبوسين علي ذمة القضية 963 لسنة 2006 أمن دولة عليا والـتي أحيلت مؤخراً إلي القضاء العسكري برقم 2 لسنة 2007 نود طرح الحقائق التالية علي شعب مصر العظيم .
أولاً :
إن الاتهام الموجه إلينا هو إتهام ملفق لا سند له ، ولا دليل عليه ، وإنما الغرض منه إقصاء المعارضين عن الساحة السياسية في الوقت الذي تشهد فيه مصر تغييرات دستورية يقصد بها تقييد الحريات ، وتزييف الإنتخابات ، وتفصيل المواد الدستورية بما يحقق تكريس نظام الحكم الإستبدادي وعزل الشرفاء في مصر ومن بينهم الإخوان المسلمون عن العمل الإجتماعي والسياسي والإقتصادي .
ثانياً :
إن حكم محكمة الجنايات قد صدر في 28 / 1 / 2007 بإخلاء سبيل جميع المعروضين عليها فوراً دون تأخير ، وبدلاً من أن تقوم وزارة الداخلية بإحترام القضاء وتنفيذ أحكامه ، أصدرت علي الفور قرار اً باعتقال جميع الأشخاص الذين أخلت المحكمة سبيلهم ، ثم تلي ذلك صدور قرار رئاسي بإحالة القضية إلي القضاء العسكري بغرض حرماننا من المثول أمام القاضي الطبيعي وتفويت فرصة الاستئناف أو النقض ، مما يؤكد الدوافع السياسية ويشكل حالة من حالات إنكار العدالة في خصومتنا .
ثالثاً :
إن نيابة أمن الدولة قد خالفت الإجراءات المنصوص عليها في قانون غسل الأموال رقم 80 لسنة 2002 وقامت باتهامنا ظلماً بغسل الأموال دون أي دليل أو حتى شبهة ودون اعتبار للإجراءات الجنائية االتـي ينظمها القانون في هذا الشأن – بل سارعت النيابة بطلب التحفظ علي أموالنا وأموال زوجاتنا وأبنائنا القصر علي الرغم من أن مصادر أموالنا وأموال زوجاتنا معلومة ، حيث أن بعض الزوجات يعملن موظفات أو مدرسات أو أساتذة بالجامعة الأمر الذي يؤكد أن الغرض من ذلك هو إيلام الأسر لأسباب سياسية وهو أمر لم نشهد له مثيلاً سوي في المجتمعات الديكتاتورية .
رابعاً :
إن الغالبية العظمي من المحبوسين لا يملكون شركات ولا يديرون شركات وإنما يشترك بعضهم أو يساهم في شركات ذات ذمم مالية مستقلة عن ذممهم ، وحقوق هذه الشركات ملك لأفراد وليست ملكاً لجماعة الإخوان .
خامساً :
إن سياسة تلفيق الاتهامات بغية إقصاء المعارضين السياسيين ومن بينهم الإخوان المسلمون لا تصب في مصلحة هذا الوطن ، وإنما تصب في مصلحة العدو الصهيوني الذي سارع إلي الترحيب والإشادة بهذه الإجراءات ضد الإخوان المسلمين .
إن الإجراءات التعسفية المتخذة ضدنا تتعارض كلية مع دعاوى الإصلاح والتغيير ، وتحرمنا من حقوقنا كمواطنين وتصادر حق الملكية الذي ضمنه الدستور ، وتؤثر سلبا علي المناخ الاقتصادي في مصر ، ولا تشجع علي جذب الاستثمار

إننا نطالب جميع القوي الوطنية في مصر بالتعبير عن رفضها لمثل هذه الإجراءات ، ونطالب الشرفاء في مصر ، وكل من يدعو لإقامة العدل في العالم أن يتعاونوا ويعملوا علي رفع الظلم والبغي والعدوان الذي يتعرض له جميع المعارضين السياسيين في مصر .
ونحن نؤكد أننا مستمرون في موقفنا الوطني وإن كان لابد من دفع ضريبة الإصلاح فنحن راضون بذلك ونحتسب ما يجري لنا عند الله سبحانه وتعالي " إن الله لا يضيع أجر من أحسن عملاً "
" والله غالب علي أمره ولكن أكثر الناس لا يعلمون "

المحالون للقضاء العسكري علي ذمة القضية 2 لسنة 2007 وهيئة الدفاع عنهم
القاهرة في السبت 6 صفر 1428 هجرية الموافق 24 فبراير 2007

Saturday, February 24, 2007

قعدة ستات

البوست دا رجالي شوية .. يعني موجه للرجالة اللي بقالهم كام مليون سنة كده نفسهم يفهموا نفساوية الست وإيه اللي بتحبه وإيه اللي مش بتحبه ... وزي حالاتي لسه مش عارفين .. لأن البوست دا فيه وثيقة للحاجات اللي بتحبها الستات في أجوازها والحاجات اللي ما بتحبهاش .. والحمد لله الوثيقة اتسربت ووصلت لإيدينا .. ولابد ندرسها كويس جداً .. يمكن نقدر نفهم .. عشان لما نفهم نعمل اللي هما نفسهم فيه عشان يبطلوا يتهمونا بإن إحنا مش بنحس بيهم .... يمكن !!!
نص الوثيقة موجودة في الكتب بعنوان حديث أم زرع ... أنا ححكي القصة والي يحب يرجع للوثيقة حيلاقيها في كتب كتيرة زي صحيح البخاري وفقه السنة ..
في مرة من ذات المرات وفي قعدة من قعدات سمر الستات وكانوا حداشر واحدة - ويظهر كانوا قطعوا في فراوي ناس كتيرة - فقالوا من باب التنويع تعالوا نجيب في سيرة أجوازنا .. كل واحدة تقول حاجة واحدة عن جوزها توصفه بيه .. واتفقوا إنهم يقولوا الصدق .. ما تستغربش فيه ستات ممكن يقولوا الصدق على اجوازهم .. ساعات بتحصل ..
المهم بدأوا واحدة واحدة
أول واحدة قالت : عارفين اللحمة السمينة العجوزة الجملي .. تخيلوا بقى حتة اللحمة دي فوق جبل .. وجبل إيه جبل صعب جداً طلوعه .. تفتكروا مين الأهطل اللي يتعب نفسه بطلوع جبل زي كده وعشان ياخد حتة لحمة زي كده ؟؟!!
أهو أنا جوزي أخلاقه صعبة جداً جداً زي الجبل ده وحتى لو وصلت لطريقة أتفاهم معاه بيها مش حاخد منه حاجة عليها القيمة ... !!!
ثاني واحدة قالت : جوزي .. أنا اتكلم على جوزي .. لا يمكن أبداً ... عيييييييب .. دا لو عرف يزعل مني جداً ويخاصمني .. وبعدين يعني لو اتكلمت عليه حقول إيه ولا إيه .. حتكلم ع اللي أنتوا شايفينه .. واللي اللي محدش عارفه غيييييري.
ثالث واحدة قالت : جوزي طويل .. بس تحس إنه طوله على هبل كده .. أفضل حطه بوزي في بوزه مش بيكلمني وابقى متعلقة كده لا انا عازبة ولا أنا متجوزة .. ويادوب لو نطقت بكلمة يتلكك عشان يطلقني.
رابع واحدة قالت : جوزي عامل زي ليل الصيف الساكت .. لا هو حر ولا هو برد .. هادييييييييييي ..لدرجة تغيظ .. ما تعرفيش امتى زعلان وامتى فرحان .. لا هو ممل ولا هو يخوف .. حاجة كده يعني
خامس واحدة قالت : جوزي بره البيت أسد غضنفر في وسط الناس الكل يحترمه ويخافه .. ولما يدخل البيت بيبقى زي الفهد كده .. قوي لكن مش بيدقق في كل حاجة يعني الحاجات الصغيرة بيعديها .. مش من نوعية الأجواز اللي يقعد يزعق على الفاضي والمليان واللي يقعدوا يجعروا لما يلاقي حاجة مش في مكانها ولا حاجة مرمية ع الأرض .. لا الحاجات دي بيطنش فيها ويعديها .. وكمان لما بيديني فلوس عشان أجيب حاجة .. عمره ما يقول لي فين الباقي .. هاتي باقي الفلوس ... لا لا عمره ... ولو هو عمره جاب حاجة ويقولي لما تخلص .. لحقت تخلصيها ولا وديتها فين يا ست هانم ولا الكلام ده .. جوزي أخلاق يعني.
سادس واحدة قالت : جوزي لما يجي ياكل يلف على كل الأطباق اللي قدامه .. مايسيبش طبق إلا لما يتعامل معاه على طول.. ودا طبعاً لأن طبيخي مفيش زيه .. ولما بيجي يشرب .. يشفط للآخر .. ولما يجي ينام يلف نفسه لوحده بالباطنية واللحاف ولا أكن فيه واحدة طفحته ولا شربته .. ولا شكر ولا كلمة ولا كتر خيرك يا أم أحمد .. ولا عامله إيه وأخبارك إيه وإيه مزعلك .. لأ .. يجي ياكل ويشرب وعلى طول خ خ خ خ خ
سابع واحدة قالت : جوزي غبي ما بيفهمش البعيد .. وكمان عيان .. واخدين بالكم .. عياااااااااااااان .. مفيش عيب في راجل مش موجود فيه .. لما اتكلم معاه بيعاملني بـ 3 طرق : يإما يفتح نافوخي يإما يكسر عظامي ... يإما الاتنين يفتح نافوخي ويكسرعظامي مع بعض.
ثامن واحدة قالت : جوزي أكتر حاجة بتعجبني فيه اهتمامه بشكله ومظهره في أي وقت وفي أي مكان .. دايما هدومة شياكة ودايماً ريحته كويسة
تاسع واحدة قالت : جوزي طويل بس إيه هيبة كده .. كريم لدرجة كبيرة .. على طول يعزم الناس عنده .. صحابه ما يقدروش يستغنوا عنه أبداً .. لدرجة إنهم بيوفقوا أماكن مقابلتهم على المكان اللي هو موجود فيه.
عاشر واحدة قالت : جوزي اسمه مالك .. طبعاً انتوا عارفينه لأنه كريم مع كل الناس.. لكن الحقيقة انتوا ما تعرفوش غير حاجات صغيرة عن كرمه وأخلاقه .. حقول لكم حاجة واحدة بس عنه مالك .. عندوا جمال كتيرة مش بيطلعها ترعي .. عشان مخليها يدبح منها للضيوف اللي بيفرح بيهم جداً لدرجة إنه عنده عيال واقفة بالزفة كل ما يجيلوا ضيوف يضربوا لهم سلام .. الجمال تسمع صوت الزفة من هنا تعرف على طول إن الجزار جاي من هنا ..

فاضل واحدة الست أم زرع ودي نخليها بوست لوحدها ... بصراحة تستحق

Friday, February 23, 2007

إيه النظام ؟؟

فكرت ؟؟ ياترى إيه النظام .. طيب نلم الموضوع كده ...
خلاصة الكلام اللي فات .. إن نفسية المسلم هي نفسية تتبع دين الله عز وجل .. اعترافاً منها بحق الله على العباد وامتثالاً مع المحبة والشكر ... وليس نفسية من أراد الخلاص من مشكلاته الدنيوية ..
وعليه فالمطلوب من المسلم الرغبة في الإسلام حتى لو ح يتعرض للابتلاء والمحن والفتن ويقتل أو يسجن او يشرد .. سواء كان حيعود الإسلام عليه بالنفع في الدنيا أو لا .. يعني مش ح يحلحق زي مصعب رضي الله عنه كده
والفرق بين النفسيتين أن النفسية الراغبة في حل مشاكلها عن طريق الإسلام هي التي تتثاقل إلى الأرض إذا جاءها الأمر الشاق على نفسها كما قال تعالي في الآية وهو يخاطب المسلمين {يَا أَيُّهَا الَّذِينَ آمَنُواْ مَا لَكُمْ إِذَا قِيلَ لَكُمُ انفِرُواْ فِي سَبِيلِ اللّهِ اثَّاقَلْتُمْ إِلَى الأَرْضِ أَرَضِيتُم بِالْحَيَاةِ الدُّنْيَا مِنَ الآخِرَةِ فَمَا مَتَاعُ الْحَيَاةِ الدُّنْيَا فِي الآخِرَةِ إِلاَّ قَلِيلٌ}
هي التي قال الله تعالى عنها {لَوْ كَانَ عَرَضًا قَرِيبًا وَسَفَرًا قَاصِدًا لاَّتَّبَعُوكَ وَلَكِن بَعُدَتْ عَلَيْهِمُ الشُّقَّةُ وَسَيَحْلِفُونَ بِاللّهِ لَوِ اسْتَطَعْنَا لَخَرَجْنَا مَعَكُمْ يُهْلِكُونَ أَنفُسَهُمْ وَاللّهُ يَعْلَمُ إِنَّهُمْ لَكَاذِبُونَ} .. يقول عنهم سيد قطب – رحمه الله - وإنهم ليعيشون على حاشية الحياة وإن خيل إليهم أنهم بلغوا منافع ونالوا مطالب
أما النفسية الثانية فهي القليل التي قالت لما سمعت قول الله تعالى {وَلَوْ أَنَّا كَتَبْنَا عَلَيْهِمْ أَنِ اقْتُلُواْ أَنفُسَكُمْ أَوِ اخْرُجُواْ مِن دِيَارِكُم مَّا فَعَلُوهُ إِلاَّ قَلِيلٌ مِّنْهُمْ} لو أمر ربنا لفعلنا .. هي التي قال عنهم الله عز وجل {مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلًا}
ممكن ناس حتقول الجملة الشهيرة الصالحة لأي وقت .. هو دا وقته ؟؟ .. وناس حتقول .. ياعم احمد ربنا إن احنا مع الإسلام أصلا بقى ومش زي الناس التانين !!! .. {يَمُنُّونَ عَلَيْكَ أَنْ أَسْلَمُوا قُل لَّا تَمُنُّوا عَلَيَّ إِسْلَامَكُم بَلِ اللَّهُ يَمُنُّ عَلَيْكُمْ أَنْ هَدَاكُمْ لِلْإِيمَانِ إِن كُنتُمْ صَادِقِينَ}
ممكن ناس تقول نجمع الناس حوالين الإسلام الأول على إنه حلال المشاكل وبعدين نفهمهم .. أسلوب ملتوي .. ميكافيللي شوية
النبي عليه الصلاة والسلام ما عملش كده .. ومفيش نبي ولا رسول عمل كده .. وعشان كده كان دايماً أكتر ناس بتواجه المشاكل هم الأنبياء والرسل ومن بعديهم الدعاة على درب الأنبياء
كلهم جاءوا بمعنى واحد .. هو معنى العبودية لله عز وجل .. معنى الاتباع لأوامر الله عز وجل دون النظر لعاقبة الاتباع سواء كانت ترضاها النفس أو تخشاها
{لَقَدْ أَرْسَلْنَا نُوحًا إِلَى قَوْمِهِ فَقَالَ يَا قَوْمِ اعْبُدُواْ اللَّهَ مَا لَكُم مِّنْ إِلَهٍ غَيْرُهُ }
{وَإِلَى عَادٍ أَخَاهُمْ هُوداً قَالَ يَا قَوْمِ اعْبُدُواْ اللّهَ مَا لَكُم مِّنْ إِلَهٍ غَيْرُهُ }
{وَإِلَى ثَمُودَ أَخَاهُمْ صَالِحًا قَالَ يَا قَوْمِ اعْبُدُواْ اللّهَ مَا لَكُم مِّنْ إِلَهٍ غَيْرُهُ }
{وَإِلَى مَدْيَنَ أَخَاهُمْ شُعَيْبًا قَالَ يَا قَوْمِ اعْبُدُواْ اللّهَ مَا لَكُم مِّنْ إِلَهٍ غَيْرُهُ }
{وَإِبْرَاهِيمَ إِذْ قَالَ لِقَوْمِهِ اعْبُدُوا اللَّهَ وَاتَّقُوهُ }
جاء في الأصل الخامس للأمام البنا رحمه الله
والأصل في العبادات التعبُّد دون الالتفات إلى المعاني, وفي العاديات الالتفات إلى الأسرار والحكم والمقاصد
يقول وليد شلبي في شرحه لهذا الأصل عند الإمام
يوضح الإمام هاهنا قاعدةًَ مهمة وهي أن الأصل في العبادات التي شرعها الله وحدَّد صورَها وأوقاتَها وشروطَها وزمانَها ومكانَها.. التعبد، أي الانقياد لأوامر الله، معظِّمين إياه، واقِفِين عند ما حدَّده الشرع، غير ملتفتين إلى البحث عن حِكَمِ ذلك وأسرارِه وعللِه، وإن كنا نؤمن أن ذلك ما شُرِع إلا لحكمةٍ يعلمها الله وقد يوضح لنا بعضها وهو قليل

واختم طرحي هذا بكلام جميل للامام بن القيم رحمه الله وهو يتحدث عن قصد الهجرة إلى الله تعالى : فهو – أي القصد – يبعث على السلوك بلا توقف ولا تردد ولا علة غير العبودية من رياء أو سمعة أو طلب محمدة أو جاه ومنزلة عند الخلق ... فيجعل ديدنه الاستسلام لتهذيب العلم وإجابة داعي الحكم .... أما الأسرار والحكم الداعية إلى شرع الحكم فإجابتها قدر زائد على مجرد الامتثال فإنها تدعو إلى المحبة والإجلال والمعرفة والحمد .. فالأمر يدعوا إلى الامتثال .. وما تضمنه من الحكم والغايات تدعوا إلى المعرفة والمحبة.

Thursday, February 22, 2007

آب ديت .. آب ديت .. جدد النية

والشيء بالشي يذكر .. وما دام إحنا دخلنا في الموضوع ده .. يبقى اكمل الكلمتين ورزقنا على الله ..
الموضوع وما فيه .. سيبك من حقيقة الإسلام .. سيبك من إن هو الحل ولا لأ .. أجل الجزئية دي شوية بعدين ... خليك دلوقت في نفسك
معايا .. حضرتك عايز الإسلام ليييييه ؟؟ .. نيتك إييييه ؟؟
سيبك بقى من إن الإسلام حلو وجميل ونعمة .. أنا بتكلم عليك أنت .. بناقش أفكارك أنت مش بناقش صلاحية الإسلام من عدمها ..
أنت .. قصدي حضرتك عايز الإسلام لمصلحتك ولا عايز الإسلام عشان هو الدين عند الله وهو مستحق للعبادة وسواء كان الإسلام فيه مصلحتك و لأ فأنت معاه على طوووووووووول ؟؟
عايز الإسلام في المقام الأول عشان يبطلوا رشاوي اللي بتكعها كل ما تقضي مصلحة .. وعشان يبطلوا فساد وظلم .. عشان تاخد حقك في شغلك وتترقى وولادك يتعلموا تعليم كويس ويلاقوا شغل لما يتخرجوا .. وعشان يجي لنا حاكم كده يوزع الأموال علينا زي عهد عمر بن عبد العزيز .. ونبقى دولة قوية بين الدول زي عهد هارون الرشيد ونمشي بكرامتنا لما نسافر بره بدل ما كرامتنا ممسوح بيها السيراميك والبلاط والرخام في كل حتة .. ونبقى بلد مية مية ونعيش في تبات ونبات ونخلف صبيان وبنات ...
ولا عايز الإسلام في المقام الأول عشان دا حق ربنا علينا وسواء كان الحلول فيه ولا لأ .. انت حتاخد بيه ؟؟ ثُمَّ اسْتَوَى إِلَى السَّمَاء وَهِيَ دُخَانٌ فَقَالَ لَهَا وَلِلْأَرْضِ اِئْتِيَا طَوْعًا أَوْ كَرْهًا قَالَتَا أَتَيْنَا طَائِعِينَ
وصلت الصورة .. لسه شوية ؟؟ .. نضرب مثال
إحنا بنحب الإسلام عشان فيه حلول لكل المشاكل ..وبرنارد شو قال : ما اشد حاجة العالم في عصره الحديث إلى رجل كمحمد يحل مشكلته القائمة العقدة بينما يتناول فنجان القهوة .. صح ؟؟
طيب لو ربنا سبحانه وتعالى فرض علينا وكتب علينا حاجة كده جامدة على نفسنا مفيهاش نعمة ظاهرة لينا .. بالعكس دي حاجة بنكرهها .. زي مثلاُ ما أمر سبحانه وتعالى بني إسرائيل بإنهم يقتلوا انفسهم .... أو أمرنا مثلاً فقال لنا اخرجوا من دياركم .. حنعمل إيه ؟؟ .. حننفذ ولا لأ ؟
مثال تاني ... عارفين الناس اللي كان الإسلام عندهم حلو لما كان صلاة وزكاة وأخلاق كويسة وبس على كده .. فلما كتب عليهم القتال .. زعلوا قوي وقالوا مش لاعبين .. أَلَمْ تَرَ إِلَى الَّذِينَ قِيلَ لَهُمْ كُفُّواْ أَيْدِيَكُمْ وَأَقِيمُواْ الصَّلاَةَ وَآتُواْ الزَّكَاةَ فَلَمَّا كُتِبَ عَلَيْهِمُ الْقِتَالُ إِذَا فَرِيقٌ مِّنْهُمْ يَخْشَوْنَ النَّاسَ كَخَشْيَةِ اللّهِ أَوْ أَشَدَّ خَشْيَةً وَقَالُواْ رَبَّنَا لِمَ كَتَبْتَ عَلَيْنَا الْقِتَالَ لَوْلا أَخَّرْتَنَا إِلَى أَجَلٍ قَرِيبٍ ... هل أحنا من الناس دول ؟؟
طيب بالمرة بقى فكر في الحاجات دي أنت بتعملها في المقام الأول ليه ؟؟
ليه مش بتاكل لحم الخنزير؟ .. عشان فيه دودة شرطية – بفتح الشين - مؤذية والعلم الحديث اثبت كده .. ولا عشان ربنا أمر بكده ولو ربنا أمر إن احنا ناكله .. حناكله حتى لو فيه دودة أمن دول كمان
ليه مش بتشرب خمر؟ .. عشان بتذهب العقل وتؤدي إلى كل الشرور قتل وزنا .. ولا عشان ربنا أمر بكده .. ولو أمرنا نشربها حنشربها
ليه مش بتاكل ربا .. عشان دا ظلم وبيدمر بناء الدولة الاقتصادي .. ولا عشان ربنا أمر بكده
أنتي ليه لابسة الحجاب .. عشان العفة والطهارة وحماية المجتمع وصيانة لنفسك .. ولا عشان ربنا أمر بكده ..
المقام الأول عندك إيه ؟
وقف بقى هنا .. شوية كده .. أرجع لورا.. فكر خمسة .. وجملة مايكروسوفت الشهيرة اللي لزقاها في كل ويندوز .. يالا حنعمل أب ديت لنظام التشغيل

Please sit back and relax while Windows ISLAM installs on your mind

فكر أنت عايز الاسلام ليه .. وارجع لي بعد شوية ..
أسيبك مع أفكارك دلوقت ... سلام

Wednesday, February 21, 2007

الإسلام .... والحل ؟!

هل تظن إنه إذا ساد الإسلام سننعم بالرخاء والسخاء في بلادنا .. ؟؟!!
هل تفكر أن تعمل من أجل نصر الإسلام عشان الإسلام لما ينتصر حيكون هو الحل لكل مشاكلنا الاقتصادية والاجتماعية والسياسية ..
اسمح لي أن أقول لك دي نظرة منفعية بحتة للإسلام .. واسمح لي أن اعترض عليها
من أراد الإسلام لينعم بالراحة والهدوء ويستقر نفسياً ومادياً في مجتمع تفصيل يرضاه لنفسه فهو مكلف للأشياء ضد طباعها .. متطلب في الماء جذوة نار !!
فعلى النقيض تماماً .. فالإسلام يعني المشاكل يعني ابتلاء واختبار .... وهي دي سنة الله في الكون ..
أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ * وَلَقَدْ فَتَنَّا الَّذِينَ مِن قَبْلِهِمْ ۖ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ.. فقط بمجرد قولهم آمنا وقع عليهم الابتلاء والفتنة .. وما يرتاح المؤمن حتي يضع قدمه في الجنة.
لو افترضنا أن اقتنع الناس بمبدأ الإسلام هو الحل لجميع مشاكلهم .. فأيدوه لذلك .. وانتظروا المكافأة .. وهي حل الإسلام لجميع مشاكلهم بالعصا السحرية .. ماذا سيحدث ؟ .. هل ستحل جميع المشاكل ..
على العكس ستبدأ المؤمرات تدبر من الداخل والخارج وستبدأ الاستفزازات وستتهم الحكومة الإسلامية وقتها بأنها ضد الأقليات وضد التسامح وأنها ضمن محور الشر وأنها تنقض العهود وأنها ضد المرأة وستوصف بالتخلف ودعم الإرهاب وأنها وأنها ......
وما تلبث أن تجد تحالف الأحزاب عليها لإسقاطها بالتعاون مع المنافقين في الداخل وأصحاب الأهواء .. وعندها لما لن يجد الناس حلاً لمشاكلهم بل على العكس ستزداد مشاكلهم .. عندها سينقلبون على حلهم الإسلامي ويبحثوا عن حل آخر ..
عندها سيقولون مَّا وَعَدَنَا اللَّهُ وَرَسُولُهُ إِلَّا غُرُوراً
بالضبط كما قال ربنا ...
وَلَوْ دُخِلَتْ عَلَيْهِم مِّنْ أَقْطَارِهَا ثُمَّ سُئِلُوا الْفِتْنَةَ لَآتَوْهَا وَمَا تَلَبَّثُوا بِهَا إِلَّا يَسِيراً * وَلَقَدْ كَانُوا عَاهَدُوا اللَّهَ مِن قَبْلُ لَا يُوَلُّونَ الْأَدْبَارَ ۚ وَكَانَ عَهْدُ اللَّهِ مَسْؤُولاً
وهذا بخلاف من أراد الإسلام طاعة لله دون النظر إلى عاقبة الإتباع فهؤلاء سيقولون هَذَا مَا وَعَدَنَا اللَّهُ وَرَسُولُهُ وَصَدَقَ اللَّهُ وَرَسُولُهُ ۚ وَمَا زَادَهُمْ إِلَّا إِيمَاناً وَتَسْلِيماً ...
ورغم أن المشهد واحد لكن شتان بين رؤية من انتظر منفعة الدنيا ومن انتظر وعد الآخرة
لابد للذين يختارون الإسلام أن يختاروه لا لأنه الحل لجميع مشاكلهم .. ولكن لابد أن يختاروه لأنه دين الله .. دين الخالق الذي أمر العباد باتباعه .. وأن يعلموا جيداً أن عاقبة اتباعهم لدين الله ستكون القتل والسجن والتشريد ومصادرة الأموال والتعذيب .. وبشر الصابرين .. أَمْ حَسِبْتُمْ أَن تَدْخُلُواْ الْجَنَّةَ وَلَمَّا يَأْتِكُم مَّثَلُ الَّذِينَ خَلَوْاْ مِن قَبْلِكُم ۖ مَّسَّتْهُمُ الْبَأْسَاءُ وَالضَّرَّاءُ وَزُلْزِلُواْ حَتَّى يَقُولَ الرَّسُولُ وَالَّذِينَ آمَنُواْ مَعَهُ مَتَى نَصْرُ اللّهِ ۗ أَلا إِنَّ نَصْرَ اللّهِ قَرِيبٌ
من أراد الإسلام فلابد أن يريده ليس دواءا لأمراضه فقط ولكن لابد أن يريده لأنه حتماً عليه وواجباً أمره الله تعالى وكلفه به .. ليس له اختيار سوى التسليم .. ليس له حرية إلا الإسلام .. ويأمن مع كل هذا عواقب الإتباع فهو يعلم أنه يأوي إلى ركن شديد ...
فإن منّ الله عليه وثبته في الابتلاء وكتب له النصر وفرج الله همه وحل الله بالإسلام جميع مشاكله فنعم هي وإلا فهو صابر على ما يبتلى به في دين الله يبتغي الآخرة ولا يريد من الدنيا شيء
يتعرض لألوان الابتلاء واختبار الفحص والتمحيص ... مَّا كَانَ اللّهُ لِيَذَرَ الْمُؤْمِنِينَ عَلَى مَا أَنتُمْ عَلَيْهِ حَتَّىَ يَمِيزَ الْخَبِيثَ مِنَ الطَّيِّبِ ۗ وَمَا كَانَ اللّهُ لِيُطْلِعَكُمْ عَلَى الْغَيْبِ وَلَكِنَّ اللّهَ يَجْتَبِي مِن رُّسُلِهِ مَن يَشَاءُ ۖ فَآمِنُواْ بِاللّهِ وَرُسُلِهِ ۚ وَإِن تُؤْمِنُواْ وَتَتَّقُواْ فَلَكُمْ أَجْرٌ عَظِيمٌ .. يتعرض لألوان الابتلاء لمعرفة الصادق الذي يبذل من أجل دين الله .. من الكاذب المنتظر للمكافأة
وعند النجاح في اختبار الصلاحية والخوف وعندها فقط .. يأتي الحل .. يأتي التمكين .. وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً ۚ يَعْبُدُونَنِي لَا يُشْرِكُونَ بِي شَيْئاً ۚ وَمَن كَفَرَ بَعْدَ ذَلِكَ فَأُوْلَئِكَ هُمُ الْفَاسِقُونَ
فليس الإسلام هو الحل .. بل الإسلام هو الابتلاء ولا يأتي الحل إلا بعد الثبات في الابتلاء
وأخيرا أقول .. لا تنسوا إخوانكم المعتقلين ظلماً وبهتاناً والمقدمين إلى المحاكمات العسكرية بالدعاء بالثبات وتفريج الهم وأن ينصرهم الله ويعيدهم إلى أهليهم سالمين .. اللهم آمين

Tuesday, February 20, 2007

بين حسن الظن .. والغفلة

بدايتي مع التدوين لم تكن مع بداية هذه المدونة .. ولكن بدأت التدوين من قبل ذلك بكثير .. تحديداً من سن السادسة عشر .. غير أني كنت نادراً لما أكتب شيء بنفسي وكانت مدونتي وقتها – أجندتي الصغيرة - تعتمد على كتابات الآخرين .. فكلما وقع في يدي شيء يعجبني أضعه في مدونتي فوراً ..
من أمثلة ما دونته فيها زجل للمهندس وحيد حامد الدهشان .. بعنوان حكاية سيكو .. نشرت في بريد القراء جريد الأخبار من سنوات طويلة .. وللأسف لم أدون تاريخ نشرها .. وهي بعنوان حكاية سيكو .. بيقول فيها :

الناس معادن كما قالو اللي قبلينا
فيه ناس دهب والدهب غالي وكمان زينة
فيه ناس بتبرق لكن أصلها فالصوا
فيه ناس صفيح إنما مطلية بالمينا

الناس معادن كما قالوا في الأمثال
بقول لكم معاني تبقى لكم رس مال
ممكن تلاقي عيال في السن بس رجالة
ممكن تلاقي رجال في السن بس عيال

بين الخلايق بشر الله لا يوريكو
يقلعوا لو تزرعوا تكسوه يعريكو
خسة وندالة وقلة أصل ورونا
إيه كان جزاة الأسد لما خدم سيكو

وسيكو فار مشكلته كانت في أنه حقير
منبوذ لغاية ما يعمل فعل بس كبير
حب الأسد يخدمه قام قال له اربطني
أمشي وراك ينصلح حالك وتبقى خطير

قول نص ساعة تفك رقبتي بعديها
الدور عمله مكانة ما حلم بيها
قاعد وجنبه الأسد والكل بيحييه
ويقول يا معلمة .. صدق وساق فيها

عدى المعاد والأسد قاعد ذليل مخنوق
عمال يحايل في سيكو فكني م الطوق
ساعتين ثلاتة الأسد جه يقول له ياااا سيكو
قال له قول معلم سيكو يا كلب خليك ذوق

Monday, February 19, 2007

صورة وحكاية واعتذار

أما الصورة -
فمن منزل المهندس الإستشاري أحمد النحاس بعد حملة التفتيش التي قام بها ضباط أمن الدولة لمنزله قبل اعتقاله

- أما الحدوتة
عم احمد الخفير بيحكيها عن رجل الأعمال عبد الرحمن سعودي :
الراجل ده كان بيزور المزرعة في الصيف اللي فات وكنت انا ماشي علي رجلي في اخر المزرعة عند البير اللي تحت وهو كان راكب عربيته السودا الكبيرة ولما قرب مني وقف العربية ونزل سلم عليا ولا كأني اخوه وبعدين سألني عن اسمي فجاوبته فراح مطلع من جيبه مبلغ كنت أول مرة في حياتي امسك زيه وقالي خد يا عم احمد المبلغ ده للاولاد بس ليا طلب عندك
قلتله أأمر يا بيه
قالي كل ما تفتكرني تدعيلي ان ربنا يرحمني يوم القيامة ويخفف حسابي
وشدد عليا اني ما اجيبش سيرة الموضوع ده لحد مهما كان مين هو وبعدين راح ركب العربية ومشي

تعقيب : جاء في صحيح مسلم عن أبي ذر الغفاري رضي الله عنه .. قيل لرسول الله صلى الله عليه وسلم : أرأيت الرجل يعمل العمل من الخير ، ويحمده الناس عليه ؟ قال " تلك عاجل بشرى المؤمن "

أما الاعتذار-
فأضم صوتي لمجدي سعد فيه وهو موجه لزوجة خيرت الشاطر ولكل زوجات المعتقلين
الاخت الفاضلة - فاطمة
اعتذر لكي وباسم كل الاخوان وكل مواطن في مصر
عن كل لحظة ستمر عليك تريدين فيها التحدث الي زوجك حبيبك ولن تستطيعي لانه خلف الاسوار
عن كل دقيقة سيغيب فيها عن ناظريك لانه خلف الاسوار
عن كل وقت احتجت فيه اليه لتشكي اليه همك كما تفعل كل زوجة محبة ولن تجديه بجانبك
عن كل دمعة ستجري من عينيك اشتياقا اليه ورغبة في لقاءه
عن كل لحظة الم ستشعرين بها امام النيابة وسيارة الترحيلات مبتعدة وكذلك عندما يعلو صوت الشاويشية معلنا انتهاء الزيارة
عن كل موقف تحتاجين فيه الي صوت الاب الحاسم لينهي شجار الابناء ولن تسمعيه لانه خلف الاسوار
عن كل لحظة حيرة تقعين فيها وأحد الابناء يسألك اين ابي
عن كل مرة تشاهدين فيها زوجين مع بعضهما ويعتصر قلبك الم الفراق والبعد

والحدوتة والاعتذار من مدونة مجدي سعد يالا مش مهم

Sunday, February 18, 2007

الاعتصام

فقد تلخص مما تقدم أن مطالبة المخالف بالموافقة جار مع الأزمان لا يختص بزمان دون زمان
فمن وافق فهو عند المطالب المصيب على أي حال كان .. ومن خالف فهو المخطئ المصاب
ومن وافق فهو المحمود السعيد .. ومن خالف فهو المذموم المطرود
ومن وافق فقد سلك سبيل الهداية .. ومن خالف فقد تاه في طريق الضلالة والغواية .........
فتردد النظر بين أن
أتبع السنة على شرط مخالفة ما اعتاد الناس فلابد من حصول نحو ما حصل لمخالفي العوائد ، لاسيما إذا ادعى أهلها أن ما هم عليه هو السنة لا سواها .... إلا أن في ذلك العبء الثقيل ما فيه من الأجر الجزيل
وبين أن
أتبعهم على شرط مخالفة السنة والسلف الصالح فأدخل تحت ترجمة الضلال عائذا بالله من ذلك .... إلا أني أوافق المعتاد وأعد من المؤالفين لا من المخالفين
فرأيت أن الهلاك في اتباع السنة هو النجاة وأن الناس لن يغنوا عني من الله شيئاً .. فأخذت في ذلك على حكم التدريج في بعض الأمور فقامت علي القيامة وتواترت علي الملامة وفَوَّقَ إلى العتابُ سهامه ونُسبتُ إلى البدعة والضلالة وأُنزلتُ منزلة أهل الغباوة والجهالة وإني لو التمستُ لتلك المحدثات مخرجاً لوجدت .. غير أن ضيق العطن والبعد عن أهل الفطن رقى بي مرتقا صعباً وضيق علي مجالاً رحباً. ............
وخرج ابن وضاح في كتاب القطعان حديث الأوزاعي أنه بلغه عن الحسن أنه قال : لن يزال لله نصحاء في الأرض من عباده يعرضون أعمال العباد على كتاب الله فإذا وافقوه حمدوا الله وإذا خالفوه عرفوا بكتاب الله ضلالة من ضل وهدى من اهتدى فأولئك خلفاء الله.
من مقدمة الإمام الشاطبي في كتابه الاعتصام

Saturday, February 17, 2007

واحد شكاك تعمله له إيه ؟؟!

بيقولوا إن مدونة كل واحد مساحة للتعبير عن رأيه وعن شخصيته .. صحيح الكلام ده ؟؟!!!
طيب ح اقول رأيي.. بس مش عايز حد يزعل مني وخصوصاً .... شارم .. الكلام دا مش تجريح في شخصه زي ما قال .. أنا نقلت أمور حصلت فعلاً .. وقلت رأي خاص بي ..
في مرة قبل كده كان معلمنا الكبير خالد عمل بوست عن مواقع تسيء للإسلام .. وكنت صارحته برأيي إن الإيميلات اللي بتوصلنا عن هذه المواقع واللي بتبدأ عادة بجملة تستفزك لزيارة هذه المواقع أولا بتقول ادخلها بنفسك لتتأكد وتنتهي باستفزاز تاني بإنك لازم تنشرها على عشرتاشر واحد تعرفهم وإلا مش بتكون بتحب الله ولا الرسول ولا الإسلام .. صارحت خالد بإن رأيي إن هذه الرسايل ما هي إلا مكيدة لنشر وترويج هذه المواقع بين المسلمين وبيد المسلمين فهي وسيلة آمنة باستغلال عاطفة المحبة ولربما وصلت هذه المواقع لشخص بسيط فيقرأ ما في هذه المواقع من أكاذيب فتزعزع قناعته .. وأن الأولى بمروجي هذه الرسائل إذا جاءهم أمر أن يردوه إلى أولي العلم ليتولوا الرد على ما في هذه المواقع من شبهات ولكن المحبين أذاعوا به ..
والحقيقة أني دائم الشك في كل ما يأتي عن طريق النت .. لأنه مكان مفتوح ويختلط فيه الخير بالشر وإحنا المسلمين عندنا قاعدة اسمها فتبينوا ولا يحل لنا نشر أي كلام وصل إلينا إلا بالتثبت واليقين منه .. سواء كان أمر خير أو شر .. وَإِذَا جَاءَهُمْ أَمْرٌ مِّنَ الأَمْنِ أَوِ الْخَوْفِ أَذَاعُواْ بِهِ ۖ وَلَوْ رَدُّوهُ إِلَى الرَّسُولِ وَإِلَى أُوْلِي الأَمْرِ مِنْهُمْ لَعَلِمَهُ الَّذِينَ يَسْتَنبِطُونَهُ مِنْهُمْ ۗ وَلَوْلاَ فَضْلُ اللّهِ عَلَيْكُمْ وَرَحْمَتُهُ لاَتَّبَعْتُمُ الشَّيْطَانَ إِلاَّ قَلِيلاً .. وكفي بالمرء كذباً ان يحدث بكل ما سمع
المهم .. امبارح برضه .. وأنا ع النت وبتجول في بعض المدونات .. دخلت على مدونة شارم وهو يقول عن نفسه أنه تركي الأصل ولد في مصر ونشأ في السعودية وحالياً يعيش في بور سعيد .. وجدت مدونته تحمل طابع مصري عروبي قومي إسلامي .. فله بوست عبارة عن مجموعة من أحاديث النبي صلى الله عليه وسلم .. ثم نقد لبعض أوضاع بلادنا العربية عموماً .. ثم ذم في الأمريكان .. وذم في كريم .. وأخيراً مقالة تفصيلية وبحث مطول يمدح فيه قدرات الجيش المصري واستعداده لخوض أقوى المعارك
وانهالت عليه الردود لتبارك له على المجهود الطيب الذي بذله في هذا البحث .. وبدأ البعض يوجه له آراءهم بأن ما ذكره في البحث غير صحيح .. حتى قالت له سمراء النيل أنها في نادي الجيش وتعرف الكثير عن حال الجيش فطلب شارم منها أن تتأكد من رتبة عقيد فما فوق عن صحة المعلومات فلبثت قليلاً ثم عادت إليه برأي لواء في الجيش وذكرت اسمه ...
شارم برضه حاطط أكواد كتيرة لنشر البوست وطلب من من يعجبهم المقال نشره وفعلاً ناس قالوا إنهم حيضعوا رابط للبوست والبحث .. وعلى فكرة مدونة شارم تحمل كثير من لوجوهات حملات المدونين ونصرة النبي صلى الله عليه وسلم .. وراديوا سوا
ومرة أخرى أجد نفسي في إطار من الشك والريبة .. ويمكن أكون صح ويمكن أكون غلط .. بعتت لشارم وصارحته أني شاكك في الموضوع وخايف إنه يكون حاجة من اتنين .. يإما جاسوس .. مش شرط لإسرائيل .. ممكن لأي حتة تانية .. وبيحاول يجمع معلومات عن حقيقة جيشنا والتفاف الناس حوله وقناعة ضباطه .. وبياخد المعلومات دي من المدونين زي ما عمل مع سمراء النيل وهي بطيبة عطيته معلومات .. أو بأستاذنا محمد عبد الغفار والأباصيري والناس اللي على قوة الاحتياط - وأنا منهم - اللي حيردوا على مدونته بما رأوه داخل الجيش المصري .. تأكيداً لمحتويات بحثه أو نفياً لها .. و قلت له إنه في هذه الحالة يبقى هو بيحاول نشر البوست في كل حتة عن طريق الكود عشان يدخل على المدونة أكبر عدد ويستقبل أكبر عدد من الردود ... فدا الاحتمال الأول عندي إنه جاسوس وبيحاول يخدعنا بتمثيل إنه محب لمصر وللعروبة وللإسلام واتمنى من كل قلبي أن أكون على خطأ في هذا الظن
والأمر الثاني .. أنه يفعل هذا بحسن نية .. وإني غلطان ومش فهمان حاجة خالص .. وساعتها أرجو إنه يقدر أنا قلت الكلام ده ليه ؟ .. لكن برضه رأيي إن الكلام عن إمكانيات الجيش وقدراته وقناعات أفراده ليس محله المدونات أو الصحف .. ونقد قدرات الجيش إيجابا أو سلباً لا يكون على الملأ ولا يكون إلا عن طريق قنوات رسمية وفي إطار داخلي .. وإلا فسيكون لخدمة أعداء الأمة والمتربصين الذين يستقون معلوماتهم من مصادر عدة منها المدونات ..
ورجوت شارم عدم العودة للحديث عن إمكانيات الجيش مرة أخرى ولا يطلب من أحد تزويده بمعلومات في هذا الموضوع ..
واعتذرت له عن صراحتي أو شكي الدائم .. وقلت له إن اللي يتلسع من الشوربة ينفخ في الزبادي ... وحتى الآن لم أر منه إلا ما يستدعي الريبة .. وأخبرته إني حنقل كلامي له وأضعه في بوست على مدونتي
وكان رده
يا ساتر يا رب .. ايه يا عم الكلام اللى انت بتقوله ده .. طب انا مش عارف اقول ايه ؟
جوايا شتايم بالهبل و عايز اقولك ازاي تكلمنى كده وازاي تدينى الصفة دي وفي نفس الوقت حاسس انك خايف بجد على البلد و راجل وطنى وعشان كده خايف اقولك كلمة تضايقك .. بص انا مش هطول فعلا في الرد عليك
بس انا قلت في الردود كذا مرة انى مش جايب حاجة من عندي .. المصادر زي ما انا اوردتها اهي
وذكر المصادر
لو لقيت كلمة انا كاتبها مش موجودة فيهم ابقى تعالى .. متبقاش تزعل لو مسحت الكومنت بتاعك عشان ضايقنى بجد لانه تجريح في شخصى انا و كان الاجدى انك ترد عن نص الموضوع نفسه لو انت معترض عليه و تقراه للاخر و تفتح عينك للمصادر اللى جايبها هي و لنكاتها في وسط الكلام قبل ما تقول كلام زي ده

Friday, February 16, 2007

أرجوك ما تفهمنيش غلط

لما حد يذكر أمامي اسم الحجاج بن يوسف الثقفي أو أقرأ كتابات فيها اسمه فغالباً بيكون سياق الكلام عن الظلم والبطش.. لكنه غالباً لا يعلم صاحب الكلام أن كلامه وقتها يفقد اتصاله عندي .. لأني كلما تذكرت الحجاج اتذكر معه صورة حكام العرب الآن .. ولا استطيع أن أفصل الصورتين عن بعض .. فيظهر الحجاج في صورة قطة وحمل وديع .. فيكون سياق حديث أخينا وكأنه كلام هزلي يتحدث عن قطة تقتل وتظلم وتسفك الدماء
والمشكلة أني لا استطيع الفصل بين الصورتين .. الحجاج و حكام العرب .. واتعجب من ضرب أهل زماننا هذا المثل بالحجاج في الظلم مع أن أمراء وملوك ورؤساء العرب أكثر جدارة بهذه المنزلة .
والمقارنة بين الحجاج وقادة العرب تبين الفرق الشاسع بين الصورتين في الظلم ولكن يبدو أن الناس في عهد بني أمية كانوا أكثر وعياً منا الآن فأقل الظلم لديهم يكون جرماً عظيماً ... أما نحن الآن فأصبح الظلم نمطاً يومياً معيشياً نألفه ونعتاد عليه .. حتى هان علينا أعظم الظلم.
الحجاج خرج من سواد الناس وصنع اسمه بنفسه ولم يركن إلى جاه أو إرث أو عائلة .. وكان أبوه رجلا تقيًّا على جانب من العلم والفضل، وقضى معظم حياته في الطائف، يعلم أبناءها القرآن الكريم دون أن يتخذ ذلك حرفة أو يأخذ عليه أجرا... وكذلك عمل الحجاج في بداية حياته معلماً أيضاً للصبيان.
وقادة العرب خرجوا من عباءة الاحتلال أو ورثوا الحكم عن آباءهم أو جاءوا على ظهور الدبابات ..
الحجاج تميز بملكات إدارية وموهبة فذة في القيادة دون خلاف بين مؤيديه ومعارضيه في ذلك .. وبرع في الأدب والبلاغة واشتهر بالفصحاة وحسن البيان واتقانه للقرآن وتعظيمه لأهل القرآن وكرمه الشديد معهم وكان حريصاً على العلم فتلقى من الصحابة عبد الله بن عباس، وأنس بن مالك، ومن التابعين مثل سعيد بن المسيب.
وقادة العرب اشتهروا بسوء الإدارة وتخبط القرارات والجهل الشديد بالقرآن واللغة .. ومحاربتهم للعلم بكافة صوره علوم الدنيا وعلوم الدين .. حتى أصبح حال التعليم في بلادنا أسوأ حال
يذكر التاريخ للحجاج لما ولي الحجاز تحسنت أحوال الحجاز، فبنى مسجد ابن سلمة بالمدينة المنورة، وحفر الآبار، وشيد السدود.
وبعدها ولي العراق وكانت الأمور في العراق بالغة الفوضى والاضطراب والفتن .. فأخمدها جميعاً وأجرى العديد من الإصلاحات فأمر بعدم النوح على الموتى في البيوت، وبقتل الكلاب الضالة، ومنع التبول أو التغوط في الأماكن العامة، ومنع بيع الخمور، وأمر بإهراق ما يوجد منها، وعندما قدم إلى العراق لم يكن لأنهاره جسور فأمر ببنائها، وأنشأ عدة صهاريج بالقرب من البصرة لتخزين مياه الأمطار وتجميعها لتوفير مياه الشرب لأهل المواسم والقوافل، وكان يأمر بحفر الآبار في المناطق المقطوعة لتوفير مياه الشرب للمسافرين.
ومن أعماله الكبيرة بناء مدينة واسط بين الكوفة والبصرة.
في عهد حكام العرب بتزيد الفتن وتكتر الاضطرابات وهما اللي بيزودوها .. يطلع واحد منهم ويقول لك بلدنا علمانية ولا التاني الي مجري كلابه ورا كل واحد محجبة .. دا غير التخريب في بنى البلاد ولو عملوا حاجة واحدة بس كويسة يفضل الإظلام الحكومي التابع ليهم يهلل لما دماغنا تورم ... واحد منهم أمر ببناء سد واحد .. لسه بيهللوا له لغاية دلوقت !!
كان الحجاج يدقق في اختيار ولاته وعماله، ويختارهم من ذوي القدرة والكفاءة، ويراقب أعمالهم، ويمنع تجاوزاتهم على الناس، وقد أسفرت سياسته الحازمة عن إقرار الأمن الداخلي والضرب على أيدي اللصوص وقطاع الطرق.
لكن دلوقتي سداح مداح وأنت مش عارف إنت بتكلم مين دي الجملة الرسمية للخروج من الأزمات المستعصية دا غير الولاة اللي كلشنكان اللي بيعينوهم دا حتى في اسكندرية بيقولوا عينوا محافظ بعد توصية المدام عليه عشان يهد مستشفى الأطفال .. ويبني فندق .. وعجبي
يذكر التاريخ للحجاج أنه ساعد في تعريب الدواوين، وفي الإصلاح النقدي للعملة، وضبط معيارها، وإصلاح حال الزراعة في العراق بحفر الأنهار والقنوات، وإحياء الأرض الزراعية، واهتم بالفلاحين، وأقرضهم، ووفر لهم الحيوانات التي تقوم بمهمة الحرث؛ وذلك ليعينهم على الاستمرار في الزراعة.
ومن أجلِّ الأعمال التي تنسب إلى الحجاج اهتمامه بنقط حروف المصحف وإعجامه بوضع علامات الإعراب على كلماته.
مش بس كده ... دا كمان بعد أن وحد الحجاج الدولة الإسلامية مرة أخرى استأنف الفتح الإسلامي الذي كان قد توقف بسبب الثورات الداخلية فأعد الجيوش لذلك واختار القادة الأكفاء ومنهم القائد المعروف قتيبة بن مسلم ونجح في فتح العديد من النواحي والممالك والمدن الحصينة، مثل: بلخ وسمرقند ، وبيكند، وبخارى، وشومان، وكش، والطالقان، وخوارزم، وكاشان، وفرغانه، والشاس، وكاشغر الواقعة على حدود الصين إضافة إلى مدن وادي السند وكان يقول لقادة جيوش الفتح الإسلامي : أيكم سبق إلى الصين فهو عامل عليها .. تحفيزاً لهم لفتحها.
لكن دلوقت كل بلادنا احتلت عسكريا وفكريا على أيدي حكامنا اللي جابوا الغرب إلى أرض المسلمين ودفعوا لهم من أموال المسلمين ليبقوا ولا يغادروا أرض المسلمين .. هل رأيتم تجبر وطغيان مثل هذا ..
هل فعل الحجاج مثل هذا
الحجاج قتل ناس كتير وسجن ناس كتير كتير ومنهم علماء وتابعين كبار .. بس كان الحجاج متأول فقد كان يرى كفر الخارج على السلطان الحاكم بشرع الله .. وعشان كده كان بيعمل كده طاعة لله .. مش موضوعنا دا صح ولا غلط .. موضوعنا المقارنة .. كان بيعمل كده وهو فاكر إنه طاعة لله ..
لكن حكام العرب برضه قتلوا وسجنوا ألاف .. ومنهم دعاة إلى الله أعدموا على حبل المشنقة .. وفعلوا ذلك بدون تأول فعلوه حفاظاً على عروشهم وارضاء لرغباتهم وأهوائهم
لما مات الحجاج لم يترك فيما قيل إلا 300 درهم
فكم يكنز حكام العرب الآن من سرقة شعوبهم
الحجاج كان يرجو الله دائماً وكان يقول عند موته
يا رب قد حلف الأعداء و اجتهدوا ..... أيمانهم أنني من ساكني النار
أيحلفون على عمياء ويحهم ..... ما ظنهم بعظيم العفو غفار
قد ورد أيضاً أنه دعا فقال : اللهم اغفر لي فإن الناس يزعمون أنك لا تفعل
حكام العرب بنشوفهم بيصلوا 3 مرات .. مرة في العيد الكبير ومرة في العيد الصغير ومرة في الجمعة الأخيرة من رمضان .. مش عارف ليه .. وأحلى حاجة إنهم ساعات بينيبوا عنهم رئيس الوزراء في الصلاة .. صبح تاتا
الحجاج كان بيبطش بمعارضي الدولة وليس معارضيه هو شخصياً فمن طرائفه
أنه خرج في يوم من الايام للتنزه فصرف عنه أصحابه وانفرد بنفسه فلاقى شيخا من بني عجل
فقال له: من أنت يا شيخ. قال: من هذه القريه. قال: ما رأيكم في حكام البلاد.
قال:كلهم أشرار يظلمون الناس و يختلسون أموالهم.قال:وما قولك في الحجاج؟
قال: هذا أنجس الكل سود الله وجهه و وجه من استعمله على هذه البلاد. قال: تعرف من أنا؟
قال: لا والله.قال: أنا الحجاج.قال: أنا فداك و أنت تعرف من أنا.قال:لا.
قال:أنا زيد بن عامر مجنون بني عجل أصرع كل يوم مره في مثل هذه الساعه. فضحك الحجاج و أجازه
أما حكام العرب فلا يمكن أن يسيروا بلا موكب كما فعل الحجاج .. وهم لمحاربيهم أشد فتكاً ممن يحارب بلادهم.
بعد كل دا ... يبقى ليا حق إني أشوف الحجاج جنب حكام العرب قطة وحمل وديع ولا لأ ؟؟
بقى أن نقول شيئاً واحداً للتأمل وهو أن الحجاج مات مبطوناً بسرطان المعدة ليلة السابع و العشرين من شهر رمضان عام 95هـ

Thursday, February 15, 2007

بعيدا عن تشنجات جمعيات المرأة المتوحشة

ذكر تقرير إخباري أن ولاية ماليزية تعتزم منح مكافآت خاصة للرجال المسلمين المتزوجين من أربع نساء بينهن امرأتان على الأقل يعولن أطفالاً في خطوة تهدف إلى تشجيع الشبان على الإقبال على الزواج من الأرامل والأكبر سنا بغرض رعايتهن. واتخذ مسئولو مجلس ولاية تيرينجانو بشمال شرق ماليزيا القرار بمنح المكافآت في بادرة للاعراب عن تقديرهم للرجال متعددي الزوجات مقابل اعتنائهم بأرامل وأمهات يعولن أطفالاً من زواج سابق.
ونقلت صحيفة (بريتا هاريان) اليومية الناطقة بالماليزية عن رئيس لجنة شؤون المجتمع بالولاية وان محمد وان حسن القول إن (هذه المكافأة لا تمنح سوى للرجال الذين يتزوجون نساء يعلن أطفالاً .. هذا قرار الولاية لحماية مصالح الأمهات اللاتي يعلن).
وقال إن الحكومة حريصة على كشف ذلك السر من أجل المساعدة على إقامة حياة عائلية سعيدة في ظل تعدد الزوجات مشدداً على ضرورة وضع الرجال الذين يتزوجون من نساء أكبر منهم سناً كمثل يُحتذى به أمام الآخرين. وتمنح ماليزيا الرجال الحق في الزواج حتى أربع نساء شريطة حصول الزوج على إذن شفوي من زوجاته السابقات قبل إتمام قرانه على زوجة جديدة.

Tuesday, February 13, 2007

الكذاب الغريق

برغم المرارة التي اشعر بها منذ أيام نتيجة لاضهاد الإخوان المسلمين والذي بلغ ذروته بتحويل 16 منهم إلى المحاكمة العسكرية وتزامن ذلك مع إقدام اليهود على الاعتداء على المسجد الأقصى بدعوى الترميم في ظل شجب رسمي باهت واعتراضات شعبية بأشكال مختلفة .. ليزيد ذلك من حالة الكآبة والحزن ..
وفي ظل هذا الجو الداكن .. تخرج علينا قضية فضائية لتثير الأجواء بعاصفة من الآراء وجلسات تحليلية منوعة .. وأجد نفسي في هذا الموقف ويا للغرابة .. أضحك .. ولا استطيع التوقف عن الضحك.. وتستمر كريزة الضحك معي بصوت أو بدون .. تستمر إلى الآن ولا أستطيع أن أتوقف عن الضحك .. لماذا ؟؟ لا أدري !!!


كم ذا بمصر من مضحكات و لكنه ضحك كالبكا


هل ما يحدث هذا حقيقي ?? .. أم إنه محض خيالي المكتئب ..
مذيعة منحلة اساءت كثيرا .. ومارست الكذب مرات لا تحصى ثم تعرض برنامجاً عن فتيات الليل وتتعرض للشرطة ودورها في حماية الفساد في البلد فيكتشف الجميع عندها .. وعندها فقط .. كذبها واحتيالها.
معذرة يا أستاذ بينو .. لا استطيع أن امنع نفسي من الضحك والشماتة مثلما فعلت أنت .. كيف أمنع نفس من الشماتة في واحدة مثل هالة ظلام .. كيف أمنع نفسي من الشماتة في من أفسد علينا ذوقنا ولوث عقولنا وعبث بأخلاقنا فأظهرنا في أسوأ صورة.
عفوا بينو لا استطيع أن امنع نفس من الشماتة فيمن ساهم في رفع أسافل الناس ليجعلهم نجوم المجتمع ومسطري تاريخه.
معذرة إن صدمت من كان يظن أن أخلاقي طيبة لا تسمح لي بالشماتة .. فخيبت ظنه وكشفت شماتتي حقيقتي ..
شمتت ليس لأني أظن أن هالة ظلام مدانة حقا .. بل إني أظن وكما تظن العائشة في الأحلام أنها وللمرة الوحيدة بريئة .. ولكن كم مفسد يمهل له ثم يؤخذ على أهون سبب .. وكم من ظالم وقع على أظلم منه ففتك به.
لم أشاهد الحلقات وأتشرف بأني لا أتابع برامج الهيافة والإسفاف المنتشرة على الفضائيات وأمتلك ثقافة الرفض اللي أظنها عزيزة الآن.
ولكن أتيح لي أن أشاهد الحلقة الأولى بعد ما نزلتها من موقع الأقباط المتحدون الذي يتلقف كل ما يسيء لمصر فيعرضه ..
أغرب حاجة سمعتها في هذه الحلقة هو مقدمة الحلقة اللي كان فيها سب للمجتمع بصورة عامة تقول هالة ظلام عنا :
مجتمع يتغطى بقشرة من الفضيلة الزائفة التي يغطي جوهرا متعفنا .. إن مجتمع جديد أدمن ارتداء الأقنعة السميكة التي تخفي الملامح الحقيقية تحت ماكياج صارخ يحولنا إلى مهرجين وبهلونات في سيرك الحياة .. مجتمع أصبحت فيه دعارة الجسد أقل صور الدعارة خطراً أقل من دعارة الكلمة ودعارة السياسة ودعارة الفكر ودعارة القلم ودعارة الميكروفون.
ثم تنقل كلام عن الصدق والموضوعية في عرض مواضيع الإعلام لأحد أقلام العلمانية ..
عندما اعترض على موضوع اسأل نفسي هل هذا الموضوع يحدث في المجتمع أم لا .. هل هو ينتمي إلى الخيال العلمي أم أنه ينبض بالحقيقة والصدق هذا هو الفيصل الوحيد .... هناك الصدق في الرصد والتحليل وكل الموضوعات مباحة بشرط التناول الإعلامي والمهني الصحيح ..
شوفتم المفارقة .. كلام .. كله كلام .. صدق ومهنية وحقيقة .. وفي الآخر كله كلام
مش قصدي إن الحملة مقصودة عشان تغطي على محاكمة المدنين في المحاكم العسكرية واعتداءات الأقصى .. حقول حاجة تانية .. سيبكم من هيافة هالة وشركائها واللي عملته واللي لسه لما تطلع منها حتعمله .. خلونا نركز في قضية واحدة .. قضية واحدة بس نركز فيها للآخر .. يمكن لما نركز كلامنا حولين حلم واحد من أحلامنا .. يمكن الحلم يتحقق ونكون زي علي رحالية .. ولو مش حتركزو اعملوا زي ما بعمل أنا .. اضحكوا

Monday, February 12, 2007

وماذا بعد استبعاد جماعة الإخوان المسلمين؟

تحولت مناقشة مشكلة الإخوان إلي مادة صاخبة للصراخ والتحيزات غير النزيهة، واختزل التعامل معها عبر بوابة الاعتقالات الأمنية، وغاب أي فهم سياسي أو علمي للتعامل مع ملف شائك ومعقد، اختزل في شعارات تحريضية، ودعاوي مبسطة لحل مشكلة الإخوان بإقصائهم أو استئصالهم من المجال العام، دون أي قراءة لطبيعة الواقع السياسي الذي نعيشه، وحجم المشكلات التي يواجهها المجتمع المصري في هذه المرحلة الحرجة من تاريخه.
ومشكلة النظام السياسي، لا تكمن في الحقيقة من أنه ليبرالي لا يفضل الإسلاميين، أو يميني يكرههم، إنما هو في الحقيقة نظام غير جاد وغير كفء، لم يقدم رؤية سياسية ملهمة للناس تنقلهم ولو خطوة متدرجة نحو إصلاح سياسي واقتصادي، يستطيع من خلاله أن يواجه الإخوان بمصداقية سياسية ولو محدودة، بدلا من السير بذراع واحدة هي ذراع الأمن الغليظة.
والحقيقة أن مسالة السياسة والأمن ظلت حاكمة لعلاقة الإخوان بالسلطة، فمصر في المرحلة الليبرالية نجحت في حصر دور الإخوان في المجال الدعوي والديني، ومصر الناصرية واجهت الإخوان بالاعتقال، ولكن بجوارها كانت هناك قيادة عبدالناصر الاستثنائية، ومؤسسات تابعة للنظام لديها مشروع سياسي أيا كانت أخطاؤه وأيا كان الرأي فيه، وبقيت هذه هي المرة الأولي التي يجري فيها استبعاد الإخوان لصالح الفراغ المطلق، ولحساب أحزاب معارضة مفلسة أو مسلية، وموظفين مطيعين في الحزب الوطني، وبجانب ذلك أو نتيجة لذلك هناك حالة نادرة من حالات الاحتقان المجتمعي بدأت تنفجر من حين لآخر بشكل عشوائي لا علاقة لها بالسياسة ولا التنظيمات السياسية.
وحين نسعي لإقصاء هؤلاء لصالح الفراغ يكون الحكم قد راكم مزيداً من الأخطاء ووضعنا جميعا في مهب الريح.

المصري اليوم : بقلم د.عمرو الشوبكى ٨/٢/٢٠٠٧

Saturday, February 10, 2007

يا نائح الطلح أشباه عوادينا .. نشجى لواديك أم نأسى لوادينا


إليكم يا من تقبلون أبناءكم كل صباح ..
عار عليكم .. عار عليكم .. وأبي قابع خلف أسوار الحديد

أين أنتم ؟؟؟

قامت الدنيا ولم تقعد حتى الآن لأنهم اعتقلوا طالب فاشل سب الإسلام وأهله .. فعرضه النظام للمحاكمة في ثلاثة أشهر .. فانبرت الأقلام والحملات للدفاع عنه تحت دعاوى الحرية ..
ولكني أعجب من هذه الحرية العوراء فهي حق لهذا الفاشل دون غيره .. وأتساءل أين أنتم يا أصحاب دعاوى الحرية من البقية .. أين أقلامكم وأين مدوناتكم وأين حملاتكم .
أين أنتم من آلاف المعتقلين من الإسلاميين .. بدون قضية ولا تهم ... اعتقال مفتوح .. دون محاكمة لسنوات طويلة...
أين أنتم من طلبة الأزهر الذين اعتقلوا وكأنهم مجرمين لمجرد أنهم أفزعوا ملائكة الأمن المركزي ورجال الشرطة الأشاوس. رجال الشرطة الذين فضحتم أنتم ممارساتهم ضد المواطنين وضد بنات هذا الوطن .. حتى ذكرتم أنهم يفعلوا بالمواطنين ما يفعله الإسرائيليون بالفلسطينيين .. الآن وقد وقف لهم طلبه يعترضون تمثيلياً على ممارساتهم فاعتقلوا تخليتم عنهم وقلت إنا برآء منكم ومما تفعلون كفرنا بكم وبدا بيننا وبينكم البغضاء !!!!
أين أنتم ممن اعتقلوا من رجال الأعمال لانتمائهم لجماعة الإخوان التي سميتموها محظورة وهل يعقل أن تقبلوا حظرا من حكومة هي أصلاً عندكم غير شرعية ولا تمثل إلا نفسها .. أهكذا التقى الأسد مع الذئب على مائدة الضحية .. ؟؟!!
أبن أنتم ممن تركوا أزواجهم وأبنائهم وديارهم وأغلقت أشغالهم وأغلقت معها بيوت من وراء هذه الأشغال كانت مفتوحة .. ؟؟
أين أنتم من سبعين شاب من 17 ل 35 سنة معتقلين على إنهم من تنظيم القاعدة منذ أكثر من خمسة أشهر..هل يتذكرهم أحد ؟؟.. وإلى الآن لم يقدموا لمحاكمة ..
أين أنتم من رجال الدعوة السلفية وغيرهم الذين لا يدري أحد لم تم القبض عليهم فهم قد أعلنوها لا نتكلم في السياسة..
أين أنتم من البقية ؟؟؟
هؤلاء جميعا الذين قالت عنهم دراسة جامعية أن 90% منهم لا يمثلون أي فكر متطرف واعتقلوا فقط لتوجههم الإسلامي ... أين أنتم من هؤلاء ؟؟ ... تفرغتم للئيم فما عاد عندكم من وقت لتذكروهم ؟؟ ... أصار اللئام رموز حرية التعبير ..
والآن أين أنتم الآن .. أين المدونون ؟؟ .. أين داليا وشاهيناز وعمرو ومالك ووائل .. الذي صدعوا رءوسنا دفاعا عن طالب فاشل لا يخدم إلا نفسه .. أين كفاية واليسار والغد وطعيمة والناصريين .. ..
أين أنتم جميعا من اعتقال دكاترة الجامعة وعلماء مصر أين أنتم من الأطباء والمهندسين والأساتذة ورجال الأعمال والطلبة المتفوقين ... رموز النجاح الذين يعمرون هذه البلد .. أين أنتم من إحالة مدنيين من الإخوان إلى المحاكم العسكرية بعد أن أفرجت عنهم المحكمة المدنية ..

Friday, February 09, 2007

ما دام مش بعمل حاجة غلط .. ما يهمنيش كلام الناس

أنا حر وأنا حرة جملة ماشية على اللسان .. ممكن يكون بيقولها واحد عايز يعمل كل الغلط اللي يقدر عليه ويبرر لنفسه بإنه حر وإنه هو اللي حيتحمل مسئولية أفعاله ودا شخص مهما أقنعناه فرغبته في عمل الغلط أكبر من أي حجة وأي اقناع
لكن النوع التاني اللي بيقولها دا واحد - أو واحدة طبعاً – مش بيعمل حاجة غلط وعشان كده هو مش شايف سبب للتقيد بالآخرين وعايز يبقى حر لأنه عارف إنه رقيب على نفسه وواثق إنه حتى لو أخد الحرية الكاملة برضه مش حيعمل الغلط ... ودا كلامي ليه ...
ماشي ما يهمكش أهلك وناسك ومجتمعك .. لكن مش بالشكل ده .. اتجاهلهم بس مش بالقسوة دي.
قالوا حرية لسانك تنتهي عند نهاية الحدود التي تبدأ منها حرية أذني
والمعادلة اللي بتقول ما دام مش بعمل حاجة غلط .. ما يهمنيش كلام الناس معادلة مش كاملة ..
لأن العنصر الأول في المعادلة - اللي هو حضرتك - مع العنصر الثاني - اللي هو الغلط - ممكن ما يطلعش ناتج لكن في وجود وسط معين - اللي هو المجتمع - يحصل التفاعل ويطلع الناتج
فتأثير الوسط مهم جدا وممكن المعادلة تكون مش بتنتج حاجة غلط لكن لو أهملنا وجود الوسط فالناتج حيكون غير اللي أحنا كنا متوقعينه خالص
المجتمع له احترامه ولابد أن يؤخذ رأيه في الاعتبار .. لا وشوف المفاجأة الكبيرة بقى ... حتى لو كان رأيه دا مش أصح حاجة .... أيوه حتى لو كانت مش صح 100% وانا شايف إن رأيي أصح برضه لازم احترم رأي الناس .. مفيش مشكلة إني اتقيد بعادات المجتمع وتقاليده ما دامت لا تمس ديني .. ود مش عيب فيا ولا ينقص من قدري شيء.
النبي صلى الله عليه وسلم رفض أن يقتل عبد الله بن أبي بن سلول رغم أنه خان النبي صلى الله عليه وسلم وسحب ثلث الجيش في غزوة أحد وتآمر مع العدو وقذف السيدة عائشة في عرضها وسب النبي صلى الله عليه وسلم .. كان ممكن يقتله ولكن لعادة العرب الذين إن تحدثوا لن يقولوا محمد قتل ابن سلول لأنه يفعل كذا وكذا بل سيقولون محمد يقتل أصحابه وخلاص على كده ... رفض النبي صلى الله عليه وسلم قتله حتى لا تتحدث أحياء العرب بأن محمد يقتل أصحابه
فالنبي صلى الله عليه وسلم وهو بيعمل الصح وضع في الاعتبار المجتمع المشرك اللي هو عايش فيه واللي حيقولوه عليه .. فليه يطلع مننا واحد ولا واحدة وتقول ما دام ما بعملش حاجة غلط ما يهمنيش كلام الناس .. خد بالك الناس اللي هما مسلمين كمان مش مشركين.
مش دا الموقف الوحيد .. برضه لما أراد النبي صلى الله عليه وسلم إعادة بناء الكعبة على القواعد التي وضعها سيدنا إبراهيم عليه السلام .. وكانت قريش قد غيرتها .. وضع في الاعتبار أقاويل الناس لأنهم سيقولون هدم محمد الكعبة ولن يتحدثوا عن الأسباب فتجده يقول لعائشة رضي الله عنها .. لولا أن قومك حديثو عهد بجاهلية لأمرت بالبيت فهدم فأدخلت فيه ما أخرج منه ..
والخلاصة .. مش عيب أبدا إني ألتزم بعادات مجتمعي .. وأسيب رأيي عشان رأيهم
الكلام ده أوجه خاصة للمدونة الجميلة اللي طالبت بحقها كبنت في إنها تروح حفلة لوحدها وتعيش لوحدها وتسافر عشان تشتغل بره لوحدها وتقعد من غير جواز وتكتفى بنفسها فى مرحلة معينه من حياتها .. إلخ كلامها ..طيب ليه ما كتبتش الرد في مدونتها عشان تقراه ... أنا بصراحة خفت منها ..... لأنها بتقول أن بيستفزها لما حد ملوش علاقة بيها ويحاول يرجعها للصواب .. دا على حد تعبيرها .. ويكون مش مكتفى إنها محترمة رأيه وخلصنا لا ده عايز يشربها لها ... برضه على حد وصفها .. فقلت الواحد يؤثر السلامة ويكتب في مدونته وخلاص أهو لوصلها كلامي .. يبقى من بعيد لبعيد .. ولو ما وصلش أهو يبقى كلام واد عم حديت.

Thursday, February 08, 2007

ستار أكاديمي

دعني أصبُّ الســمَّ في أحشــــاهاوأمــرغُّ الأعــــــراض فوق رُباهـا
دعني أُخـــدّرُ بالهُـــــــــراء جراحــها دعني أرقّــصهـا على أشـــلاها
دعني أُضحّـــــــــكُها على خيباتهــاوأهــينُ عــزّتهـا وعــــزم إبــاهـا
دعني أُعـــري الشرق من أخــلاقـهليـعربدَ الغـــربيُّ فــــوق ثـراهـا
هذا قطيعٌ من 'ستـــــــــار بهائمـي'يهتكن بالبلوى 'ستـار' حيــــاها
و'البيغ براذر' قد ســــــــقا 'بذْر البغَا' في صبحـها ونهــارها و مساها
ما زلتُ أفــتحُ للقـرود حظــــــــائريلأبــيح عـرض فتــــاتهــا لفتــاها
دعها تغــــــــصُّ اليوم في شهواتهـا والحـربُ ســـــافرةٌ تُــدارُ رحاها
دعني أزلــزلُ بالمعــــــازف سمعـها عن صــوت دجـلتها وعن أقصاها
سأُشيــعُ طبعَ الفُحْشِ في أجيالهاعن دينها الصافي.. وعن مولاها
دع 'صوفيا' تتـلو تراتيــــــــــل الهوىفي أمّـةٍ ركعــت إلى أهــــواهـا
وارفع 'هشام' الصفـــيقَ على الملابمنـابرٍ حكـْرٍ عـلى أشقـــاهـا !!
دعنـي أضـعضعها وأهــــدمُ شرعهاوأقـودُ للنيران ســير خطــــــاها
لـطّخْ بــــــــأوحال السـواد وجوهـهاواهــزأْ بمـــاضيها، وقضّ عُــراها
وأســـــلكْ بها سُبلَ الفجـور لعلّهـا فـي كـلّ وادٍ بالخنــــا تتـــباهـى
وامسخ عقــــــول الناشـئين بفتنـةٍ عن صوت داعيـها ونـور هـــــداها
لمّا أُصيــب القـوم في أخــــلاقهـم ضاعت مبــــــــادئها، وعـزّ دواهـا
هي أمّةٌ سكرى ستـــذهبُ ريحهاإن لم يصنـــــــها دينهـا وحيــاها
وإن ارعـــــوت لله جـــــلّ جــــــلالُه فاللهُ جــــــــــــلّ جلالـه يرعــاها

شعر: صالح بن علي العمري

Wednesday, February 07, 2007

مفيش أحسن من كدا تربية

مجموعة من أساليب النبي صلى الله عليه وسلم في تربية الأطفال ..
النبي يعلم أطفال المسلمين آداب الطعام
عن عمرو بن أبي سلمة قال :كنت غلاما في حجر رسول الله صلى الله عليه وسلم ، وكانت يدي تطيش في الصحفة ، فقال لي رسول الله صلى الله عليه وسلم : يا غلام ، سم الله ، وكل بيمينك ، وكل مما يليك. فما زالت تلك طعمتي بعد. ... ما شتمهوش وقال له يا واد ياابن الـ ... كل عدل وإلا حرقع لك صداغك .. ولا نادى على أمه وقال لها شوف الواد يا ست هانم بياكل إزاي .. هي دي التربية التربية اللي أنتي مربيها له ..
النبي يسلم على الصبيان
عن أنس بن مالك رضي الله عنه أنه مر على صبيان فسلم عليهم وقال كان رسول الله صلى الله عليه وسلم يفعله .... .. سنة مهجورة .. السلام على الصبيان ... لكن احنا دلوقت واكلين نشا .. مش بنسلم ع الكبار يبقى حنسلم ع الصغار
النبي يعلم طفل صغير العقيدة
عن عبد الله بن عباس رضي الله عنهما قال : كنت خلف رسول الله صلى الله عليه وسلم يوما قال يا غلام ، إني أعلمك كلمات : احفظ الله يحفظك ، احفظ الله تجده تجاهك ، إذا سألت فاسأل الله ، وإذا استعنت فاستعن بالله ، واعلم أن الأمة لو اجتمعت على أن ينفعوك بشيء ، لم ينفعوك بشيء إلا قد كتبه الله لك ، وإن اجتمعوا على أن يضروك بشيء لم يضروك إلا بشيء قد كتبه الله عليك ، رفعت الأقلام وجفت الصحف ..
لو واحد دلوقت قال لطفل الكلام ده .. حتلاقي ألف لسان ولسان بيتفذلكوا ويقول لك دا طفل صغير بريء لسه ما يفهمش بتقول له كلام في العقيدة صعب عليه .. إنت بتكرهوا العيال في الدين ... وتطلع أنت عندهم أنت اللي غلطان والغلط راكبك من ساسك لراسك وتستاهل ضرب الدزمة.
النبي كان يربي الأطفال على عزة النفس
ذكر ابن حجر في فتح الباري عن زيد بن أسلم أن غلاماً قرأ عند النبي السجدة ، فانتظر الغلام النبي صلى الله عليه وسلم أن يسجد ، فلما لم يسجد قال : يا رسول الله أليس في هذه السجدة سجود ؟ قال : بلى ، ولكنك كنت إمامنا فيها ، ولو سجدت لسجدنا ... يا سلاااااااااام النبي بيقول على غلام صغير إنه إمامه في الآية .. أهو كده الواد من صغره يتربى على إنه كبير .. مش يتربى على إنه كوتوموتو يا حلوة يا بطة.
وجاء للنبي صلى الله عليه وسلم في مجلسه شراب، فشرب منه وعن يمينه غلام وعن يساره أشياخ كبار فقال للغلام: "أتأذن لي أن أعطي هؤلاء؟"، ... النبي بيستأذن من الطفل يا نااااااس .... فقال الغلام: لا والله لا أوثر بنصيبي منك أحدًا! فتله يعني وضعه في يده .. لكن احنا دلوقت بنكرش عيالنا من مجالسنا ونقول لهم عيب يا ولد تقعد مع الكبار .. أنت حتعمل راسك براسنا .. ولو قعد يبقى يا ويله لو نطق بكلمة والكل مش معبره لما الواد يكره نفسه
النبي يهتم بلعب الطفل
عن أنس بن مالك رضي الله عنه : كان رسول الله صلى الله عليه وسلم من أحسن الناس خلقا . فأرسلني يوما لحاجة . فقلت : والله ! لا أذهب . وفي نفسي أن أذهب لما أمرني به نبي الله صلى الله عليه وسلم فخرجت حتى أمر على صبيان وهم يلعبون في السوق . فإذا رسول الله صلى الله عليه وسلم قد قبض بقفاي من ورائي . قال فنظرت إليه وهو يضحك . فقال : " يا أنيس ! أذهبت حيث أمرتك ؟ " قال قلت : نعم . أنا أذهب ، يا رسول الله !
مفيش بقى أنت يابن .... ما رحتش مطرح ما قلت لك ليييييييه ... وبالشبشب وفين يوجعك لاااااا .. بيضحك ويدلع عشان عارف أهمية اللعب للأطفال وانس لقى العيال بيلعبوا وقف يتفرج .. الدنيا ما اتهدتش .. السيدة عائشة كانت تقول فاقدروا قدر الجارية الحديثة السن الحريصة على اللهو .. أيوه البت الصغيرة لما تعوز تلعب يبقى حقها ولازم نقدر أهمية اللعب عندها .. مش نعكنن عليها ونقرفها
عن أنس قال إن كان النبي صلى الله عليه وسلم ليخالطنا .. واخد بالك بيخالطهم مش قاعد في برج عاجي ومالوش دعوة بالناس ... حتى يقول لأخ لي صغير يا أبا عمير ما فعل النغير ؟ كان له نغير .. عصفورة يعني .. يلعب به فمات . الواد الصغير عجبته الكلمة وكل شوية يردد الأنشودة اللي داعبه بيها النبي يا أبا عمير ما فعل النغير ... يا أبا عمير ما فعل النغير ... ههههههههههههه .. يا بخته
وكانت الوليدة من ولائد أهل المدينة لتجيء، فتأخذ بيد رسول الله -صلى الله عليه وسلم-، فما ينزع يده من يدها حتى تذهب به حيث شاءت .. البنت الصغيرة بتيجي تاخد بإيد النبي عشان تلففه وراها في المدينة ... بتلعب !!! .. وهو ما يشيلشي إيده لغاية ما تخلص لعب وتشبع وهي اللي تسيب إيده .. ودي لا بنته ولا حاجة ... في أحن من كده ؟؟!!
وما ننساش إن النبي يأمر الأطفال بالعبادة زي الكبار تمام
يقول للصحابة مروهم بالصلاة لسبع واضربوهم عليها لعشر وفرقوا بينهم في المضاجع ..
والربيع بنت مُعّوذ رضي الله عنها كانت بتقول : ونصوَّم صبياننا الصغار منهم ونذهب إلى المسجد فنجعل لهم اللعبة من العهن .. عروسة صوف يعني ... فإذا بكى أحدهم على الطعام أعطيناه ذاك حتى يكون عند الإفطار. ... اتعلموا على إيد النبي صلى الله عليه وسلم .. معلش انهاردة الواد بيعيط شوية .. فندي له اللعبة يسكت ... ولغاية ما يتعود ...
يعني لما نقول البنت الصغيرة مثلا تلبس الحجاب يبقى مش عشان شهوة ولا أبصر إيه .. لا بتلبسه عشان تتعود عليه عشان لما تكبر تلبسه برضه مش عشان شهوة ولا ما ادرك إيه .. لا .. تلبسه عشان بس ربنا أمرها بكده .. واحد يجي يعيط بقى ويقول الزهور البريئة والورود المتفتحة اللي مش عارف إيه إزاي نحبسها خلف الطرحة إلى آخر الكلام الخيبان ده .. نقول له على رأي الست فراغ محايد .. اتنيل يا مدهول لما تعامل الأطفال زي ما كان بيعاملهم النبي عليه الصلاة والسلام ابقى تعالى واتكلم.

Tuesday, February 06, 2007

وليس لي فـي سـواك حـظ .. فاعف عني

مهما بلغ الإنسان من منزلة لابد أن يدرك افتقاره لله عز وجل في كل حركة أو سكون .. وأبسط الأشياء التي نفعلها يومياً آلاف المرات مثل التنفس الذي يتم لا إراديا يتم بقدرة الله بلا تدخل من الإنسان ولو أوكل الله لنا عملية التنفس وأصبحت عملية إرادية لمات الإنسان .. إن لم يمت نهاراً لمات أثناء النوم ....
وحتى في الطاعة لا يظن أحد أنه لطاعته لله أو لمحبته لله قد بلغ المراتب العليا فهو لا يدري كيف تكون خاتمته ولا يدري إذا ما ابتلاه ربه كيف يكون حاله وقد كان سمنون رحمه الله ينشد :
وليس لي فـي سـواك حـظ فكيفـمـا شـئـت فاختبـرنـي
إن كان يرجو سواك قلبـي لا نلت سؤلي، ولا التمني!
غرته طاعته ومحبته لله فطلب الاختبار والابتلاء لاثبات المحبة فامتحنه الله تعالى فابتلاه بحبسة بول، فجزع وفزع وكان يلتوي علي الرمل، ويقول يا رب! قد تبت إليك وبعد ذلك لما عافاه الله كان يدور على أبواب الكتاتيب يوزع الحلوى على الصبيان الصغار ويقول لهم ‏:‏ ادعوا لعمكم الكذاب.
تذكرت كل هذا من يومين وأنا أحاول ولمدة ساعتين الانتهاء من طبق رز صغير ولا استطيع بسبب اختبار صغير .. ومن قبل كان ضعف هذا الطبق يختفي من أمامي في ثوان معدودة .. فالحمد لله الذي عافاني
يا رب لا إله إلا أنت إني كنت من الظالمين
يا رب! قد تبت إليك .. يا رب! قد تبت إليك

Monday, February 05, 2007

إحنا والموبايل

والدتي جابت موبايل وقاعدة في الصالة .. وأختي معاها موبايل وقاعدة في أوضتها .. وأنا قاعد في أوضتي معايا موبايل .. أمي بترن على أختي .. وأختي بترد عليها الرنة .. أختي بترن عليا وأنا برد عليها الرنة .. أمي في الصالة بعتت لي رسالة .. وأنا في أوضتي وبعديها بشوية بعتلها رسالة !!! ..
خالي ساكن في الشقة اللي جنبنا على طول ومعاه موبايل وزوجته وهي ربة منزل معاها موبايل وأولاده الثلاثة كل واحد معاه موبايل وبنته الصغيرة 8 سنين .. طلعت من كام يوم ومعاه موبايل كان بتاع أخوها وقالت إنها حتاخده عشان أخوها جاب موبايل جديد ...
البنت الصغيرة قاعدة مع عمتها اللي هي والدتي عشان تعلمها إزاي تجيب النغمات –البنت الصغيرة هي اللي بتعلم العمة مش العكس- ... وبعدها دخلت البنت الصغيرة أوضتي تقول لي هات رقم الموبايل بتاعك عشان لما اشحن نبقى نرن على بعض !!!!.
والدي هو صاحب المبدأ الوحيد في موضوع الموبايل فهو آخر واحد في مصر ممكن يمسك موبايل مهما عمل الناس هو مش حيقلدهم .. ومهما اتكلموا عن أهميته في حياتهم .. هو عارف إيه اللي مهم في حياته .. لو بيوزعوه ببلاش .. برضه مش حياخده .. ولو بيوزعوه ببلاش وفوقيه ألف جنيه .. حياخد الأف جنيه وح يبيع الموبايل. .. كم أحب أصحاب المبادئ

Sunday, February 04, 2007

الخواجة الامريكانى

الخواجه الامريكانى والسماسرة اللى وراه
تخنوا بالكدب ودنه وعرضوا له مقاس قفاه
فهموه من غير ما يفهم
ان سوق الشرق مغنم
والخواجه بطبعه مغشم
والمصاري معفرتاه
حب يعمل فيها تاجر
وانطلق يسلب وينهب
ف الزباين بالنهار
يحدف الدولار يلمه تلتميت مليون دولار
بالقزايز والبنات
باللبان والبمبونات
بالمدافع والدانات
او بأفلام الرعاة
قول بقي ... تااااااااجر وفاجر
وانفلت لص المواشي رعب ماشي فى البلاد
يشفط البترول ويطرش كل الوان الفساد
طايح يموت من غير فرامل
يقلب العرسان أرامل
حتى فى بطون الحوامل كان بيدبح الحياة
بالسناكي والخناجر
والنهايه يا خواجه .. مش ف يوم كانت بدايه ؟
البدايه برضه لازم ييجي يوم توصل نهايه
مهما زاد الراسمال الهلاك هو المآل
والتاريخ هو اللى قال
لعبه الموت فى الحياة .. تسحب الروح م الحناجر

أحمد فؤاد نجم .. كتبها من زمااااااااان

Saturday, February 03, 2007

صديقي

عندما أسكب ألواني على لوحاتي السوداء مفضلاً صخب الألوان على صمت السواد ثم أجد لوحتي بعد أن نفذت جميع ألواني لاتزال سوداء .. عندها أجده معي
عندما أرى الطيور تهاجر .. وهي لا ترضى بسماء واحدة فتحلق إلى سماء أخرى وأنا على قطعة أرض أنظر إليها في حسرتين .. عندها أجده معي
عندما تزهر الحدائق في حلمي وتسكن الفراشات زهوري وتحلق البلابل فوق أشجاري ثم أصحو فأجد نفسي في صحرائي .... عندها أجده معي
عندما أعدو بكل ما في كياني من قطرات دم ثم أجد نفسي لم أغادر مكاني ... عندها أجده معي
عندما ابتسم في وجهك صباحاً وتنساني قبل أن تفترق عينانا ... عندها أجده معي
عندما أقف على الأبواب أطرق الباب تحت الأمطار ولا يفتح لي عندها أجده معي
عندما أشعر بمرارة الظلم وقبل أن تواسيني دمعتي أجده معي
عندما أكتب كلمات الوداع أو أقرأ رثاء الأحباب.. أجده معي

ألا يستحق الحزن أن يكون صديقي وما من وقت شدة إلا وكان معي

Friday, February 02, 2007

أيوه أنا بشر .. بني آدم يعني

طيب وبعدين ..
أنت فاكرني ملاك .. إنا مش ملاك .. إنا بشر .. واحد من البني آدمين يعني بحب نفسي واخاف عليها واقدم مصلحتها على حاجات تانية كتير وعايز يبقى عندي فلوس كتير وعيال كتير ولما ربنا يرزقني بيهم يبقوا عايشين أحسن عيشة ومرتاحين .. والرغبات دي بشرية مش ملائكية
لأ اسمع بس .. أنت ملاك
يا سيدنا أنا باكل ومش بس باكل دا انا بحب أكل أحسن أكل وألبس أحسن هدوم وابقى مشهور في وسط الناس ولما بشوف واحدة ست حلوة قوي بدوخ على طول وأدوب أنا وكلام كده .. وده مش بيحصل للملايكة !!
لأ لأ بس اسمع كلامي .. أنت ملاك
شوف بقى أنا بحب ربنا وبحب ديني وساعات بعمل حاجات صح لكن ساعات كتير برضه الواحد بيغلط وتعدي منه حاجات ما هي النفس أمارة بالسوء .. وساعات واحد يقول لي كلمتين أصدق كلامه ويلخبطني ويخليني أعمل حاجات غلط ودا مش بيحصل مع الملايكة
حتى لو ما كنتش ملاك ممكن نحولك تبقى ملاك
إزاي يا عم أنا بشر أيوه أنا بشر ... بني آدم يعني ... حتحولني إزاي .. معاك عصاية سحرية حتحولني ؟؟!!
والله بقى ماعرفش (بنرفزة) ما تتعبنيش معاك.. المهم لازم تبقى ملاك عشان الحاجات اللي أنا جايبها لك من بلاد بره دي تنفعك وتدخل عليك .. امال انا بس جايبها لك ع الفاضي ؟؟!!! بص جايبلك إيه
مش عايز ابص .. أنت مالك ملهوف ع البيعة دي كده ليه .. انت بتسمثر من وراها ؟؟؟ حتطلع لك بقرشين حلوين يعني ..
أهو والله بقى كل واحد بيشوف أكل عيشه ... ما هو أنا مش ملاك أنا كمان !!! وعايزين نعيش .. بص بس جايب لك إيه معايا بص .. حتة ديمقراطية .. إنما حتة ظريفة جداً تلبسها لو حتشارك بنسبة في حكم البلد وصوتك مش حيبقى جي من عصبية لعائلة ولا قبيلة ولا عرق ولا دين ولا حيتأثر بفلوس المرشحين ولا خداعهم ولا كلامهم البراق .. يعني صوتك حيبقى جاي من دراسة مستفيضة ودقيقة للناخبين وأيهم الأكثر صلاحية والأفضل عشان تديه صوتك .. سواء كنت متعلم أو غير متعلم .. سواء كنت بتفهم في السياسة أو مالكش فيها .. أي نعم كل واحد بيفتي في تخصصه .. لكن دي حتخلي العملية مهلبية ... وكمان إيه الناس اللي حيرشحوا نفسهم لو ح ياخدوا حتة الديمقراطية دي لا زم يبقوا عايزين بس خدمة الناس وخدمة البلد ومش حيكون لهم أي مصلحة شخصية وكمان بعد ما ينجحوا عمرهم ما ح يستغلوا نجاحهم لأغراضهم الخاصة وحيفضلوا على مبادئهم ... وكمان الناس اللي مالهاش في السياسة أصلا حتختار ناس عشان تراقب الناس الأولانيين وتشوفهم شايفين شغلهم ولا لأ ؟!! .. وممكن كمان يختاروا ناس تالتين يراقبوا الناس التانيين بيراقبوا الناس الأولانيين ولا لأ .. وهكذا .. وبكده يبقى الراجل البسيط الغير متعلم هو اللي بيراقب الراس الكبيرة في البلد
دا كلام نظري بحت ما ينفعش يتعمل غير ع الورق أو لو احنا كنا ملايكة ..
عشان كده لازم أنت كمان تكون ملاك .. وعلى فكرة الديمقراطية دي حاجة أصيلة قوي .. اخترعها الأغريق من يجي كده 2500 سنة .. ولما بلاد بره فلست ومالقتش حاجة تقدمها للمسلمين عشان يسيبوا شريعتهم قاموا دوروا في دفاترهم القديمة لغاية ما لقوها فجابوها وسرفلوها ولمعوها ورقعوها وبيبعوها لهم على انها جديدة لنج واختراع إنساني وإنها أحسن من الإسلام اللي هو يعني برضه حلو وجميل بس قديم خالص يا حرام .. بقاله 1400 سنة. فبيبعوها في بلاد بره على انها بتاعة اليومين دول وأنا اشتريته لك مخصوص.
حل عن دماغي ... مش طايقك
بص كمان حتة حرية .. يا سلااااااااام عليها حاجة كده ولا في الأحلام .. تاخدها لو أنت حتتكلم في اللي يفيد بس ومش حتضر وتكون مش عايز تشتهر ولا تقول كلمتين من اللي بيشهروا الطلبة الفاشلين ويتعمل لهم بيها حملات على البلوجز .. تاخده لو أنت فاهم أن حريتك مش بالتعدي على حرية الآخرين ولا بتجاوز عادات وتقاليد مجتمعك .. .. والفنانين ياخدوه لو حيقدموا حاجة هادفة للناس مهما كان حيخسروا في الإيرادات ... والستات تاخد كمان الحرية لو الرجالة بيعاملوا الستات عادي خااالص زي أخواتهم بالضبط.
دول يبقوا ملايكة برضه ..
ما قلت لك .. عشان كده لازم تكون ملاك .. عشان تاخد الحاجات دي
أرحمني وغوووووووووووور من وشي
كان معايا بقى حتة اشتراكية ... إنما إيه فرز أول .. عشان تاخدها لازم تكون الفلوس دي ولا في دماغك .. يعني يتحط قدامك الفلوس بالزوف كده وأنت ولا يهمك ومش كده وبس دا كمان لما يبقى معاك فلوس تقوم واخدها بكامل إرادتك وبرضا تام وعاطيها لكائن غير موجود غير ع الورق بس .. وعلى فكرة نفس الكائن ده هو حيبقى مديرك في الشغل واللي حيتابعك في كل حاجة وطبعاً مش حوصيك إنك ساعتها حتشتغل بضمير .. أي نعم هو مش موجود وأنت شغال منك لنفسك .. لكن حتشتغل بضمير زي ما يكون موجود بالضبط
وبص كمان جايب لك إيه .. فانلة حوار أديان .. وأحذية قومية .. وشرابات مواطنة .. وللمدام جايب لها إيشاربات مساواة و ..... ....
حيلك حيلك إيه دا كله إنت جبت بلاد بره كلها معاك وجاي تجرب فيا .. يا عم أنا بشر ... بشاااااااااااااااااااااااااار ... بني آدم يعني ... أنت إيه ما بتفهمش ؟