Tuesday, April 15, 2008

تاج مصور

الدكتورة مااا علينا بعتت لي تاج ذو طبيعة خاصة جدا .. وبرغم إن التاج عجبني لأول وهلة إلا انه تعبني جدا وانا بجهزه .. ولولا اني عارف طيبة الدكتورة ... !!! .. كنت قلت انها بتعاقبني لأني مش بسمع الكلام ..

وطبعا أنا بحب التاجات جدا عشان بتبقى فرصة للرغي هنا في إمبراطورية أرض الرغي .. لكن وللاسف التاج دا عبارة عن صور فقط .. بدخل على موقع متحدد لي ومعرفش ليه دا بالذات .. واجاوب على كل سؤال في مربع البحث ومن النتيجة اختار صورة تجاوب على السؤال في التاج .. ليه اللفة دي ؟؟ مش عارف .. ما كنت اجاوب على طول واريحكم ؟؟ ما خبرش .. المهم وتطبيقا لمبدأ ما علينا ندخل في التاج ...



الحالة الاجتماعية


الحالة المزاجية


المطرب / الفرقة المفضلة


الفيلم المفضل


حيوان آليف تملكه


محل الإقامة


محل العمل


كيف تصف شكلك ؟


ماذا تقود


عملت ايه امبارح


برنامجك التلفزيوني المفضل


اوصف نفسك


حتعمل ايه انهاردة


اسمك


الحلوى المفضلة



طبعا نص الصورة مالهاش علاقة بالموضوع ومش عارف ايه علاقة الحصان بشغلي .. هو انا كتبت اني شغال في اسطبل ؟!! .. بس مادام احنا في شهر اربعة .. يعني شهر الهرتلة والتهييس يبقى لا بأس وكله شغال وصبح صبح يا عم الحاج

والتاج بمرره للتالي ذكرهم ودا مش عقاب لا سمح الله .. بس فرصة لفرض الهدوء شوية والتقاط الأنفاس من الحوارات والمناقشات الساخنة


16 comments:

مجداوية said...

اوى أوى أوى
بس كده .. انت تؤمر أخى الكريم ,,حلوة لعبة الصور دى أهو تغيير
استعنا على الشقا بالله
وفكرة جميلة الواحد يهيس شوية من زمان الواحد مهييس الا هيس دى جاية من منين ؟؟؟
جاية من هيسسسسس بتاعة الحصان برضه عشان يقف
ما علينا
لا مش بأنده لحضرتك دى يعنى ما علينا التانية اهه بدأت أهيس أهه
الحمد لله يبقى حاقدر اجاوب كويس
اشكرك جدا انك بعتلى التاج بجد أسعدتنى ربنا يسعد قلبك وقلب الدكتورة ما علينا الا احنا مش بنشوفها ليه ؟؟هو فيه اتنين ما علينا ؟؟

هوندا said...

هههههههههه صورة ظريفه عجبتنى اوى صورة شكلى ومجموعة من السيدهات هو الموقع ده متحدد لانه يعتبر اكبر المواقع الى بتترفع عليها الصور عشان كده البحث عليه هيجيب صور كتيرة

محمد عبد الغفار said...

اي يا عم ده انا لسه هعد ادور على صور لكل ده

وبعدين اغلب الصور اللى ممكن تعبر عن الكلام ده مظنش هلاقيها

رفقة عمر said...

جميله قوى فكرة البوست وصعبه فى نفس الوقت اختيار الصور هايكون صعب قوى
بس اختيارتك كلها جميله قوى
خصوصا احسن قناه
وهاتعمل ايه النهاردة
ان شاء الله هاجاوب عليه بس لما الاقى الصور لاول

Anonymous said...

LOOOOOOL@هو انا كتبت اني شغال في اسطبل

Thanks ya sady8y 3ly eltag

mohand said...

تعيش وتاخد غيرها

:D:D:D

http://kasperb4.blogspot.com/ said...

انا بردو كنت ناوي اسئل معناها ايه صورة محل العمل
ههههههههه

تسلم ايدك يا باشمهندس والف الف شكر انك افتكرتني
قريب جدا ان شاء الله

لني بحب لغة الصور جدااااااا

مجداوية said...

الأخ الكريم
لقيتلك حتة صورة !! تمشى مع موضوع البوست اللى فات ( أى كلام )
تعالى خدها

Ma 3lina said...

ههههههههههههه

الف الف مبروك يا بشمهندس بقيت مربى خيول ربنا يبارك و يزيد

احم احم كابتن بالنسبة لاول سؤال يعنى عاااااااااااااااااااااااا

مدحت محمد said...

ولسة ياما يخترعو تاجات
ههههههههههههه
التاج فى 20010 بيقولو هيبقى بكاميرا
ههههههههههه
بجد ده اغرب تاج شفته من اول مادونت
من سنة

ammola said...

معلش أنا آسفة على التأخير
بس أصل حالة البحر حاليا عااااااااالى الموج كالجبال مع دوامات كارثية وسحب رعدية مما قد ينذر بحدوث نحر فى الشواطىء المقابلة..ربنا يستر ودعواتك يا باشمهندس
بالنسبة حضرتك للتاج فأنا طبعا أشكرك عليه شكرا شديد اللهجة بس أنا لو جاوبت عليه دلوقتى احتمال اللى يقراه يجيله حالة من التبلد العقلى مع حول فى العين الوسطى وارتخاء فى قرون الاستشعار وده راجع زى ما قلنا لحالة البحر اللى قلناها من شوية..بس أن شاء الله حجاوب عليه أول ما الارصاد تدينى أشارة الامان
أجاباتك كالعادة فوق العادة وخصوصا بتاعت الاسطبل
:)
دعواتك الله يكرمك

المجاهدة said...

:D
يضحك اوى التاج ده
:d

لحظة said...

طبعا التورته ممتازة جدا
لاني نفسي فيها قوي

مافهمتش الصورة بتاعة سؤال ماذا تقود

واحلى صورة هتعمل ايه النهارده

shaimaa samir said...

محل العمل
مممممم
غريب شويتين

عرفت يا مجداوية كنتى وخداه منين

شكرا لك

ma 3lina said...

مجداوية
آه فيه طبعا الدكتورة ما علينا .. حضرتك اتعرفتي على مدونتها
إذا كنت أسعدتك وأسعدت قلبك فليه يا استاذة حضرتك عايزة تزعليني ..

HoNdA
كويس إنها عجبتك
:)
بس ليه مش الصور على جوجل مثلا .. مجرد سؤال
:)

محمد عبد الغفار
ما هو الطريف إنك مش حتلاقيها .. فتحط صورة تانية مالهاش علاقة بالموضوع .. هنا بقا .. نقطة التهييس

رفقة عمر
لا بس إجاباتك كانت احسن بكتييير ..
جزاكي الله خيرا على إجابة التاج .. وردك على التعليق في البوست اللي بعديه

ahmed
هههههه
في انتظار إجابتك يا هندزة

mohand
أنا مجنوووون ؟؟؟
ماااااشي
:D

آلام وآمال
طيب بتحب لغة الصور فرجنا
وليه مختفي كل المدة دي .. لعل التغيير أتى ثماره وحنشوف جديد منك قريب

Dr. Ma 3lina
أول سؤال دا مش عااااااا
دا عاااااا وإهيء إهيء كمان
بس الحمد لله مش كومبليكيتيد
:)

مدحت محمد
ههههههه .. حلوة قوي حكاية التاج أبو كميرا ده
سعيد بمرور واتشرفت بتعليقك

ammola
ربنا يكرمك يا ست المحامية .. وياريت تجاوبي على التاج حتى لو الموج عالي .. عشان الإجابات تطلع زي ما هي كده بتلقائية .. من غير إشارة الأرصاد .. عشان أي حاجة حتقوليها حتكون كويسة إن شاء الله
يارب يرزقك من الخير كله .. ويعطيكي فوق ما تأملين .. ويجعلك الأمواج دائما هادئة مستقرة

المجاهدة
اهو فايدة من فوايد التاج العقاب ده على رأي أختنا رفقة عمر
:)

لحظة
والله دا انا اللي نفسي اكل حاجة حلوة
لا انا مش بقود حاجة وكتبت نوثينج بس لقيت صور غريبة اخترت اي حاجة فيهم
:)

shaimaa samir
يا اهلا وسهلا بحضرتك .. شرفتي المدونة
:)
محل العمل مش كده خالص والله .. هو الموضع ده اللي فيه صور غريبة
:)

مجداوية said...

السلام عليكم

الأخ الكريم
عظيم امتنانى لمؤازرتكم واصلاحكم العطب