كمطور ويب ارشح للمستخدم الانترنت على نظام تشغيل الويندوز برنامج انترنت اكسبلورر7 .. لأن دا حيساعدني اني اعرض صفحات الويب بإمكانيات معينة لا يمكن اظهارها مع متصفح آخر كال فايرفوكس مثلا.. زي مثلا لو كنت عايز عمل خلفية بلون متدرج لخلية في جدول ولا اعرف كم سيكون ارتفاع هذه الخلية .. بمعنى انها خلية والكلام المكتوب داخلها سيأتي من داتا بيز مثلا .. وسأقوم باستخدام شريحة مدرجة اللون كباكجراوند للخلية .. سيكون شكل الشريحة كالتالي :
ولو استخدمت الشريحة في خلية حيكون الكود كالتالي <table width="200" align="center" background="bg.png"><tr><td
المشكلة حتظهر مع عدم توقعنا لارتفاع الخلية المعتمد على كمية الكتابة الموجود داخلها .. يعني لو كان الموضوع اكبر من كده حتلاقي الشكل كالتالي :
بمعنى إن تدرج اللون مش حيطول معاك مع تغير ارتفاع الخلية ... وحتى لو حاولت تمنع التكرار باستخدام الـ Styles بمعنى إن الكود يبقى كده : <table style="background-repeat:repeat-x"width="200" align=center background="bg.PNG"><tr><td valign=top>نص الموضوع نص الموضوع .... نص الموضوع</td></tr></table>
طيب وايه الحل ??? الحل بمنتهى البساطة هو الاستغناء عن الشريحة واستخدام الكود التالي <table style="FILTER: واللي حيطلع لي النتيجة التالية :
واللي بالتأكيد حيكون مناسب تماما لكل ارتفاع لهذه الخلية واللي مستخدمي أي متصفح آخر غير الإنترنت إكسبلورر لن يتمكنوا من مشاهدتها .. واللي حتمثل صعوبة على مطور الصفحة إذا أراد لمستخدم أي متصفح آخر أن يرى بغيته نوع آخر من الإمكانيات أتاحه لي استخدام حضرتك للانترنت اكسبلورر بدلا من غيره onclick="document.images['ImageID'].width -=25;document.images['ImageID'].height -=25;" onclick="document.images['ImageID'].width +=25;document.images['ImageID'].height +=25;" اتفرج على المزيد من اللعب في كثافة الصورة وتدويرها وعمل ميرور ليها وحاجات تانية واتفرج كمان على اللعب بالظلال ياسلام على الصورة لما تتعمل على شكل موجات .. ايه الجمال ده اتفرج على عمل سليدز زي الباور بوينت بالظبط وكله سكريبتات كفاية كدا عشان نراعي مشاعر اخواننا اللي بيستخدموا فايرفوكس .. واللي يا حرام مش شايفين اي حاجة من الحاجات اللي فوق دي
لكن المزايا اللي الناس بتتناقلها كميزة كبرى وفارق شاسع بين الفاير فوكس والانترنت اكسبلورر زي مثلا إنه سريع ؟؟ انا مش عارف مين مصدر الإشاعة .. بس لكل الناس النت بيبقى سريع أو بطيء تبعا لسرعة الاتصال .. اما الفروق بين البروزرات فدي فروق في طريقة تحميل الصفحة .. وهي ايحائية اكتر منها جدية .. يعني لما واحد قديم شوية في النت يقول للتاني الجديد في عالم النت الفايرفوكس سريع ونزله .. التاني ينزله ويجربه وتلقائي بيقول والله فلان دا عنده حق .. الموضوع بالظبط عامل زي نظرية القرود الخمسة ونفس الميزة تنطبق على موضوع الآمان .. فأنا استخدم برامج الحماية المتعلقة بالـ Internet Security واللي وظيفتها الأمان عند تصفح النت بغض النظر عن نوع متصفحك عموما قناعتي بأفضلية الانترنت اكسبلورر 7 لأنه افضل للمطور وبالتالي الفائدة ستعود للمستخدم والنقطة دي مهمة جدا ولا يمكن إغفالها .. إلا إني برضه أوجه تهنئة لكل مستخدمي الفايرفوكس على ظهور الاصدار الثالث من البرنامج ورغم اني مش من مستخدميه لكن نزلته وجربته عندي لاحتياجي لوجود اكتر من متصفح ويب على الجهاز ليرقد بسلام إلى جانب اخويه الاوبرا والنيتسكيب كل في انتظار فرصته للقفز على مكانة الانترنت اكسبلورر |
Monday, June 23, 2008
إنترنت إكسبلور vs فايرفوكس
Subscribe to:
Post Comments (Atom)
6 comments:
أمامك طريق طويل لإقناع الناس ألا تستخدم فايرفوكس
أنت سلكت طريقا غير معتاد أن تقول للناس لا تستخدموا فايرفوكس عشان مايكروسوفت بتجامل الإكسبلورر واحنا كمطورين بنستفيد من هذه المجاملات
اكسبلورر يا إبراهيم عامل زي الشيلة المخرومة اللي كل شوية توقع من ناحية
فايرفوكس عالم مليء بالإضافات
السلام عليكم ورحمة الله وبركاته
ماعتقدتش اني عدت اقدر استخدم الاكسبلورر تاني باحس لو اضطرتني الظروف استخدمه اني بارجع لعصر ماقبل التاريخ او عصر ما قبل الفايرفوكس زي ما باحب اسميه
خصزصا بقي IE7
مش عارفه ليه فيه سوء تفاهم بينا لله في لله
الحمد الله اني مش مطورة برامج
:)))))))))
سلام
فايرفوكس استخدامه اسهل بكتييييييييييير
لكن اكسبلورر ده مستفز صراحة
بس فعلا موضوع اختلاف التمبليت بين الاتنين ده بيعمل مشاكل
عندى ليك خبر حلو :))
Please visit this link
https://addons.mozilla.org/en-US/firefox/search?q=&cat=1%2C4
I use always the user agent switcher
عصفور المدينة
وإن كان طريق غير معتاد بس مليان اثباتات .. يعني بعد خطوتين المفروض المبرمجين يقتنعوا على طول .. اذا اقتنع المبرمجين بعيوب الفايرفوكس ومزايا الانترنت اكسبلورر ... يبقى الناس كلهم حيمشوا وراهم لأنهم اللي بيرشحوا للناس ...
مايكروسوف مش بتجامل الانترنت اكسبلورر .. دا برنامجها وبتطوره والمفروض اني استفيد من التطوير دا والمستخدم برضه يستفيد .. والمتصفحات التانية مش بتجاري التطوير ده
فايرفوكس له عيوبه زي ما هو موجود في رابط الويكبيديا .. اما عن الاضافات فاول البشاير انه الاصدار الثالث يرفض ريكوردر الريال بلاير
user agent switcher
باشمهندس انا مش عارف دا ايه فايدته خصوصا اني بختار الانترنت اكسبلورر ومش بيحصل اي فرق
خمسة فضفضة
وعليكم السلام ورحمة الله وبركاته
حضرتك سيبك من 6
حاولي بس مع الانترنت اكسبلورر 7 وحتلاقي فرق .. اكيد فيه فرق للاحسن
:)
حضرتك مش مطورة ويب بس مستخدمة .. صدقيني الصفحة حتبقى مع الانترنت اكسبلورر ألذ ألذ ألذ
Ma 3lina
والله بقا انا قلت اللي يريح ضميري .. كل واحد حر بعد كده
مدوناتك عرفتنا أخبارك الحلوة .. ربنا يسعدك في الدنيا والآخرة
انا باستخدم سفارى بتاع ابل و بصراحة فرق سرعة كبير .. بس لسه بادرسه يوم بعد يوم . انما فابرفوكس اساسى علشان الاضافات
Post a Comment