Sunday, May 27, 2007

خناقة .. خناقة .. أوعى يغرك جسمك


ماعليناإزيك يااااااااااااااااااااااااض
سكتم بكتممعلمي .. بخير يابشبوش
ماعليناعامل إيه ... أوعى لا سمح الله تكون في البيت
سكتم بكتمأه لية .. لسة داخل
ماعليناياااااااااااه من زمان انت ما كنتش في بيت يلمك .. كل ما اكلمك .. تكون متشحطط باللاب نوب في حتة
سكتم بكتمنعمل أية أكل العيش مر يا أبن والدي .. والقرش الأبيض ينفع في البحر الأحمر .. وقال يا جارية أطبخي ياسيدي كلف
ماعليناايه يا عم ما خلاص انت فتحت
ماعلينا.. النت فصل .. الله يخرب بيتك ياواد ياناششكة بانشاكة يا بتاع النت .. الواد عاطيني وصلة مضروبة
سكتم بكتمالواد باينه حط بدل النشوق بطيخ .. كشفت راسي ودعيت عليك يا ماعلينا
ماعليناالمهم أنت شفت بوست النقاب ؟
سكتم بكتمأه
ماعليناإيه رأيك ؟ .. شغال ؟؟؟
سكتم بكتممهم يعني
ماعليناقوووووووووووول
سكتم بكتملازم يعني
ماعليناخلص
سكتم بكتمشوف ياسيدي
ماعليناهاااااااا
سكتم بكتممن حيث الأسلوب .. أنا ملاحظ أن أسلوبك الأدبي بيتطور .. وبصراحة مش مصدق .. أنك اللي كاتب الأسلوب ده مع رزالتك وغلاستك المعهودة .. ده من حيث الأسلوب .. وشكرا .. نكتفي بهذا القدر
ماعليناكمل
سكتم بكتملا ياعم أنت ايدك طارشة
ماعليناهات ما عندك
سكتم بكتمطيب .. بص ياسيدي ممكن أسألك الأول حاجة .. أنت لية قلت المنقبة مقلتش المحجبة ولا حتي المختمرة .. ممكن اعرف
ماعليناعشان هما الأكتر معاناة في الحر .. والحجاب فيه منه خفيف خالص .. فلو قلت محجبة حيدخل معاها كل محجبة خفيف وتقيل حتى المايوه الاختراع العجيب اللي اسمه مايوه شرعي .. فأنا كنت عايز أبين الفرق بين الأكتر معاناة في الحر في مقابل الأكتر انحلالا .. المقابلة بالضد بتبين المعنى .. اسلوب بلاغي .. :-P
سكتم بكتميعني بس كده يعني أنت لغيت المحجبات اللي هم أختي وأختك ومامتي ومامتك .. والبنات المحترمات الكتيير جدا
ماعليناأكيد طبعا المحترمات كتير .. بس خدت بالك تصنيفي إيه للبوست ؟
سكتم بكتمفتاة احلامي يا كذاب
ماعليناايوه .. فتاه أحلامي أنا .. يعني مش مامتي ولا مامتك .. لا .. سيبك إني ممكن أتأندل مع واحدة مش منتقبة .. لكن فعلاً فتاة احلامي منتقبة .. ولو أتأندلت حيبقى بفعل الكهربا
سكتم بكتموهل لازم فتاة أحلامك تبأه منقبه
ماعلينابص .. أنا قلتها صريحة وواضحة .. لكل الناس .. انا عايزها منقبة أو مختمرة أو محجبة مش حتفرق معايا .. بس أهم حاجة .. واخد بالك من اهم حاجة دي .. إنها تكون هي عارفة هي عاملة كده ليه شرعا .. يعني عارفة انا محجبة بس .. ومش منقبة عشان كذا وكذا وكذا .. عارفة حتقول إيه لربنا سبحانه وتعالي .. مش بتقلد وخلاص .. مش بتقول ما هما اللي قالوا يجوز كشف الوجه (في حالة المحجبة) أو بتقول ما هما اللي قالوا ما ينفعش ابين وشي (في حالة المنقبة) .. لا مفيش هما اللي قالوا .. افضلها عارفة بنفسها ... وأفضلهن عندي .. المنتقبة حياءا .. وبالنسبة ليا فانا عندي محجبة تونسية أفصل من منتقبة سعودية .. وفي كل خير .. في حالة حياد باقي العوامل .. فهمتني ؟؟
سكتم بكتموالله شوف أنا فتاه أحلامي مش متنقبة رغم احترامي لكل المتنقبات عن أرادة ذاتية وهن في رأيي قليلات جدا
ماعلينايعني إيه إرادة ذاتية قليلات ؟ .. قصدك يعني إن المنتقبات أكترهن بالغصب ؟
سكتم بكتمآه .. والدليل هل تجد بيت عادي مش بيت راجل شيخ وبدقن فيه بنت متنقبة لوحدها كده مع نفسها عن أقتناع شخصي
ماعلينامعلش بقى بحكم إني قريب من الموضوع ده فاسمح لي اقول لك لأ طبعا .. المنتقبات بإرادتهن الحرة هم الأكثرية وبشوف منتقبات لأزواج بيسبوا الدين كمان والعياذ بالله .. والله يوم الجمعة لسه واحد قالي كده عن جارته المنتقبة
سكتم بكتموالله لا أظن .. وأن كنت أتمني تكون أنت صح وأنا غلط
ماعليناالبيت الملتزم .. غالبا بيساعد على إن البنت تنتقب بإرادتها .. عشان كده بيبقى غالبا المنتقبة بتخرج من البيت الملتزم .. اما البيت العادي .. بيتي وبيتك .. فغالبا برضه بيقف ضد النقاب وتسمع بقى كلام من نوعية وانتي لسه صغيرة ولما تتجوزي ... وربنا مقالش غطوا وشكم .... إلخ
سكتم بكتممقلناش حاجة طيب مش لو هي مقتنعه من جواها بشدة زي ما أنت بتقول مفروض تحارب علشان كدة
ماعليناحرام عليك .. انت عارف بيوتنا وعارف اللي فيها وعارف البنت حتحارب على إيه ولا إيه ؟ .. ومش كل البنات عندهم الروح القتالية ... إذا كان الولاد ما عندهمش يبقى البنات حيبقى عندهم ؟!
سكتم بكتمبس بقولك غلط أنك أتكلمت علي فئة شديدة الخصوصية .. مجموعة من الناس لقيت مامتها كدة .. وباباها لبسها الطرحة من 6 سنين .. ومبقتش تقدر تفكر في نفسها غير بزيها الأسلامي الجميل الساتر .. نفس البت في ظروف تانية كانت بقت حاجة تانية ... لكن في بنات كتيير محجبات في بيئه متبرجة .. وحجابهم اصعب بكتير من نقاب الجماعة الحلوين اللي بقدرهم جدا اللي أنت أتكلمت عليهم
ماعلينايا بني .. أنتوا ليه بتقارنو كلامي بالمحجبات .. أنا كان قصدي تقارنوه بالمنحلات اللي بالمايوهات .. كلامي عن صنفين .. واحدة ع الشط عريانة في مقابل واحد منتقبة ملتزمة ظاهرا وجوهرا .. أنا اتكلمت على الصورتين دول بس .. وقارنت بين الاتنين دول بس
سكتم بكتمأشمعني المحجبات لا
ماعليناعشان أكمل حاجة عندي في فتاة أحلامي .. هي المنتقبة بإرادة ذاتية حسب تعبيرك .. ومش معقول ادعو محجبة إنها تتحجب .. وانا عايزهم يفكروا في الأكمل من وجهة نظري .. خد بالك من حاجة مهمة .. إنه كان دار حوار عند بينو حولين النقاب وأنا قلت رأيي ساعتها إني شايف إن النقاب فضل مش واجب .. فهمتني ؟
سكتم بكتموالله حتي لو فهمت الظاهر أن أنا عجزت يا بني وخلاص مبعرفش أغير رأيي بسهولة .. وبعتمد دلوقتي بعد نظري ما ضعف علي أحساسي .. وأنا أحساسي قلتهولك خلاص .. من أول قراءه للمقال
ماعلينابتدافع عن حد معين .. :-P ???
سكتم بكتموالله بفكر أعتزل الطب وأتحجب .. هههههههههههه ... لا ياسيدي والله الحمد معنديش اللي أدافع عنه اللهم إلا وجهة نظري اللي راح .. إيه رأيك عندي فكرة كويسه
ماعليناهاااااااااا .. قول
سكتم بكتمياسيدي أنت عارف تعمل أية في البوست الجديد .. تنزل الشات اللي أحنا كتبناه ده
ماعليناها .. امممممممممممممممممم
سكتم بكتموتقول مثلا أن دة خلاف في وجهات النظر .. وإن أنا رأيي كذا وفلان ده رأية كذا ونشوف رأي الناس
ماعليناشغال والله فكرة ظريفة .. أجرب

تحديث:
برجاء من زواري الكرام الذين أتشرف بمرورهم في مدونتي المتواضعة .. أرجو منهم في هذا البوست بالذات التعليق على كلامي مع سكتم فقط وليس على تعليقات الزوار الآخرين .. اعتذر عن هذه الإضافة واجعلها لهذا البوست فقط .. وللجميع مني خالص التحية والتقدير

20 comments:

Ma 3lina said...

الله انا اول واحدة مش هقولك ادفع اللى عليك و الكلام دا علشان حسابك تقل المهم

هيا عركة دى كلمة اسكندرانى؟؟؟

انا متفقة مع سكتم فى حاجات كتير بس الاختلاف انى فاهمة وجهة نظرك فى موضوع رسالة الى اختى المنتقبة انت حبيت تجيب حاجة كويسة اوى مقارنة بالمصايب اللى بتحصل

بس برده كان لازم توضيح وجهة النظر دى

اما حكاية البيت الملتزم بيفرض على البنت النقاب فا انا اؤيد الكلام دا

بس ثوانى يعنى ايه بيت ملتزم ؟؟ لازم يكون الاب ملتحى و الام منقبة علشان نقول عليه ملتزم ممكن يكون الاب والام فى لبسهم عاديين و بيطبقوا شرع ربنا و بيحفظوا ولادهم القران و كل حاجة
ليه نحكم بالمظاهر ؟؟؟

كفاية كدا و لو جه فى بالى حاجة تانية هقول

Ma 3lina said...

ما البيت العادي .. بيتي وبيتك .. فغالبا برضه بيقف ضد النقاب وتسمع بقى كلام من نوعية وانتي لسه صغيرة ولما تتجوزي ... وربنا مقالش غطوا وشكم .... إلخ


دا على اساس ان البيت العادى جاهل و ميعرفش حكم النقاب اللى اصلا اختلف فيه العلماء

وعلى اساس برده ان البيت العادى كل همه تجويز بنته حتى لو ملبستش الزى الاسلامى المحتشم

Ma 3lina said...

آه .. والدليل هل تجد بيت عادي مش بيت راجل شيخ وبدقن فيه بنت متنقبة لوحدها كده مع نفسها عن أقتناع شخصي

عاوزة اقولك ان فيه شيوخ ازهريين بناتهم حتى مش محجبات
يعنى مش قاعدة

اهو انت قلت قولى رايك
كفاية عليك كدا باه

و ما عليناااااااا

Ma 3lina said...

حرام عليك .. انت عارف بيوتنا وعارف اللي فيها وعارف البنت حتحارب على إيه ولا إيه ؟ .. ومش كل البنات عندهم الروح القتالية
---------------------
انا اعرف بنات حاربو علشان يتحجبوا بس مش نقاب لا حجاب بس و كانت بتلبسه فى المدرسة و اول ما تتطلع البيت تقلعه علشان مامتها متخدش بالها

ولما مامتها عرفت اتهانت و اتجبرت انها متلبسهوش بس بعد فترة كبيرة من مقاطعة مامتها اخيرا ماماتها سبتها مع العلم ان فيه منهم امهات مش لابسة الحجاب اصلا

يعنى مش بس البيت الملتزم اللى بيطلع منه ناس ملتزمة
وبتهيالى البنت دى ثوابها اكتر

ولو اتكلمنا باه على ان المنتقبات بيواجهوا صعوبات و انتقادات

فحتى المحجبات العاديين برده فى ظل تزايد معدلات الانحراف برده بيتهاجموا مع انهم معتدلين فى اللبس بس برده بيتهاجموا و بتوع الموضة بيفتنوهم بلبس المحجبات الجديد الغريب دا اللى مالى السوق و برغم كدا بنفصل و نحاول

Ma 3lina said...

تكملة باه لاصحاب الحجاب العاديين فدى اكتر فئة مضطهدة علشان هما بيمثلو الوسط

يعنى مش عاجبين الناس المتبرجين و لا المنتقبات لان فى نظرتهم الزى ناقص

طبعا دا مش تعميم لان برده حزب الوسط يقدر بسهولة يوصل للطرفين و دى ميزة ممكن بيها ياثر على الفئة المتبرجة اللى ممكن تسمع من الوسط و تتجاوب معاهم و لكن تعاند مع المنتقبات و انا شفت حالات كتيرة كدا من النوع دا

انت فتحتنى على فكرة و شكلى مش هقفل

Ma 3lina said...

اما باه عن الحجاب اياه الجديد المستفز دا اصلا ميتقلش عليه حجاب بس سؤال باه بغض النظر عن حكم الحجاب

كدا احسن و لا يبقوا بشعرهم و نص كوم و كت و شورتات ؟؟؟؟

نتفق ان مش اسمه حجاب بس هل كدا احسن و لا يبقوا مفيش خالص

يمكن فى يوم من الايام الحجاب يكبر و البلوزة تتطول و اهى خطوة فى طريق طويل

مازلت اكرر انى مش بسمى دا حجاب بس انا شايفة انه احسن الوحشين

واكرر تانى انا مش مع الحجاب اللى يبين الرقبة و الكلام دا

Ma 3lina said...

اخيرا باه علشان نفسى اتقطع رايحة جاية فى المدونة

نازلة طالعة

كوباية مية باه علشان بقت عركة هههههه مش مع سكتم بس لا معايا كمان

وتحية للاخ سكتم علشان جاتله فكرة نقل الحوار للمدونة

واخيرا خناقة اخلى بكتير من كلمة عركة

و السلام عليكم و رحمة الله و بركاته

ملحوظة :اى حد عاوز يتخانق معايا على ارائى نرحب بكم بس فى مدونتى علشان عيب نتخانق فى بيت حد منعرفهوش هههههههههه

محمد عبد الغفار said...

واضح انكم بتحبوا بعض

انما اسلوبكم فى الكلام عامل كده ليه

رفقة عمر said...

الجدال الازلى بين النقاب والحجاب ايهما افضل اليس هناك الاسلام وهناك الايمان وهناك الاحسان
اعتقد ان النقاب من الاحسان زى مثلا اللى بيقوم الليل ويصوم اتنين وخميس ويتصدق زيادة على الزكاه كل دة من الاحسان انك تعبد الله زيادة عن الفرض واعتقد من تنتقب انها تريد التشبه بامهات من المؤمنين ومن تشبه بقوما فهو منهم وحشر معهم وانها ايضا تريد التقرب اكثر الى الله بارتدائها النقاب ودة شئ لا يعيبها ابدا وانا عرفت من ارتدت النقاب عن اقتناع وتعاملت مع من ارتدته دون اقتناع بسبب زوجها او ابيها او اخيها وبجد لم اجد معامله طيبه غير من ارتدته عن اقتناع لانها عرفت قيمه ما ترتديه وبجد وانا فى المعهد وجدت مهازل من بعض المنقبات من غش فى الامتحانات من عدم القاء السلام من اشياء كثيرة لا ترقى الى ما ترتديه ولكنى احب النقاب واحب من ترتديه لانها فعلا بتكون عندها ارادة قويه ربنا يثبتنا جميعا على الحق ورزقنا حسن الاتباع

عصفور المدينة said...


صح

المنتقبات بإرادتهن الحرة هم الأكثر
البيت الملتزم .. غالبا بيساعد على إن البنت تنتقب بإرادتها
وانا عايزهم يفكروا في الأكمل من وجهة نظر

غلط

الظاهر أن أنا عجزت يا بني وخلاص مبعرفش أغير رأيي بسهولة

كتبت التعليق في ملف نص قبل أن ادخل التعليقات
:)

أعتقد أني أكبر منكما سنا ولي مشاهدات تؤيد كلامك

والحمد لله أن الوضع الحالي تحسن لدرجة أن سكتم رأى رأيه ذلك بناء على أوضاع تحسنت والحمد لله
http://ctybrd.blogspot.com/2007/04/blog-post_28.html

وأيضا هذا لا يقلل من أجر الفتاة التي وجدت البيئة تساعدها
لا يحق لنا أن نختبر الناس نقوم نحط لهم اوضاع لا تساعد عشان نعرف هما صادقين ولا لأ
بالعكس ده المطلوب شرعا أن يكون المجتمع ملتزم عشان يهيء فرصة للي عايز يلتزم إنه يلتزم
طبعا العكس الأجر بيكون أكبر

أمــانــى said...

هو الموضوع اصلا اختلط مثل ما اختلط كثير من الامور واللى بنقدم فيها العرف والعادات على الشرع
انا بصراحة بأحييك على موضوع النقاب لان لازم يحسوا فى حد معاهم من حقهم وبرضو فى محجابات برضو بيتعبوا زى المنقابات
الاتنين بيكون فيها الاختارى ولا الاجبارى انا بقى هاتكلم عن المحجابات اجبارى او طبقآ للعادة اصلى دول اللى بأشوفهم كتير يعنى مثلا واحدة من المفروض محجبة فالاولى لما تفتح الباب تكون برضو محجبة لانها ممكن تستقبل ضيوف ورجالة من غير حجاب ده بقى ما يبقاش حجاب وممكن كمان تكون فى مناسبة بدون حجاب
بس بقى ممكن نتكلم شوية بصراحة ونقول الاسلام بيفرض ايه وبيقول ايه
ده الاهم والمشايخ شوية بقى يكون حازمآ فى مثل هذه الموضوعات ولا يخافوا لومة لائم ولازم يحسموا الموضوع

وبعد كده
اللى عايزة تتنقب براحتها واللى عايزة تكون بحجاب ولكن حجاب شرعى من حيث الملبس وشكل الحجاب برضو براحتها
ربنا ينصر الاسلام والمسلمين ويثبتكم ويثبت كل المسلمين
ومن غير خناقة لازم اختلاف الاذواق يعنى
:D

رينـــــــــــا said...

كل دا علشان البوست اتكلم فيه عن المنقبات!!!

امممممممممم
بص يا سيدى من خلال احتكاكى للمنتقبات واللى انا منهم الحمد لله
الحمد لله فى الفترة الاخيرة دى
المنتقبات كلهم تقريبا منتقبات بكامل ارادتهم الحرة
بل وبيلاقوا كمان حرب فى بيوتهم
وبيتمسكوا بيه جدا
ونحسبهم على خير ان شاء الله كل المنتقبات

بس مش معنى كدا ان المحجبات اللى مش لابسين النقاب
فيهم حاجة وحشه لقدر الله
هما مقتنعين انه هو دا الحجاب اللى امر بيه ربنا
وانا بردوا الحمد لله احتكيت ببنات كتير محجبات حجاب عادى
وجوهرهم احسن من منتقبه(مش بقلل من شأن المنتقبات )
بس فعلا انا شفت الاتنين
الجوهر والله اهم شىء
سيبك من اللى بره دا خالص
اهم حاجة قلبك فيه ايه!!!
انت من جوا عامل زاى!!
ربنا مش بينظر لوجوهنا ولكن بينظر لقلوبنا
الشكل دا مكمل للى جوا
لكن مش هو كل حاجة

ايه الرغى دا كله
كفايه لحسن تطردنى:D

Unknown said...

اسمحلى عندى هههههههههههههههههه ممكن اهيهههههههههههههههههها

هههههههههههههههههههههههه

مش عارفة الموضوع قلب معايا ضحك كدة ليه

بس رأيك او رأى سكتم ده شئ متعارف عليه من زمان اوى

ان فى ناس مع النقاب وفى ناس مع الحجاب

بس بالنسبالنا- كبنانيت يعنى- الامر بيقف على هل ألبس النقاب أو لأ .. مش هل موافقة عليه أو لأ

منا ممكن اكون موافقة عليه من بنات كتير لإنى مش لابساه وانا مصاحبة ناس كتير منتقبات وعادى خالص .. بحترم اختياراتهم وقناعاتهم الذاتية حتى لو انا مش لابسة النقاب ومش بفكر حتى إنى البسه

بس فى " الحوار " اللى دار بينكم كان الفرق إنكم ولاليد

بمعنى ان اللى فيكوا بيحب النقاب عاوز فتاة احلامه تكون منقبة واللى بيفضل الحجاب العادى عايز فتاة احلامه تكون محجبة .. وهكذا

بس بشكل عااااااااااام ... محجبة او منقبة ، كلهن اخواتنا وحبايبنا الحمد لله

ammola said...

الحقيقة انا رأيى المتواضع اننا بدانا نقع فى نفس الفخ اللى بيقع فيه الغربيين لما بيحكموا على الاسلام من خلال تصرفات المسلمين.يعنى المفروض بدلا من اننا نبحث فى ايهما افضل المحجبة فقط مع اخلاق اسلامية واللا المنتقبة مع اخلاق مش ولا بد المفروض اننا نستغل فرصة النقاش ده علشان نوضح بالادلة الصحيحة هل النقاب فرض ام مستحب من غير ما نقول اصل بعضهم مش بتبقى على قدر المستوى.المسالة ان لو النقاب فرض يبقى الموضوع عامل زى المدرسة اللى عاملة يونيفورم لها هل لو فى طلبة مش شاطرين ده يديهم الحق يخلعوا اليونيفورم؟لا طبعا حيفضلوا لابسينه بس حنفضل وراهم لغاية ما يبقوا شاطرين او درجاتهم حتقل فى النهاية.اما موضوع فرضية النقاب فانا مش حاتكلم فى الادلة الشرعية لكن حاسال اى راجل فيكم:هى ايه اكتر حاجة فى المراة بتبقى مثار فتنة للرجل؟ تفتكروا الدين اللى الزم المراة تغطى قدمها امام الرجال حيسيبها كاشفة وشها؟هو ايه اللى ملفت اكتر القدم واللا الوجه؟وبعدين حتى الفقهاء اللى اباحوا كشف الوجة-انا باتكلم على علماء السلف-رجعوا اشترطوا ان المراة ماتكونش ملفتة وان الرجال يكونوا اتقياء-طيب لو المراة مش جميلة هل احنا دلوقتى فى زمن التقوى والورع واللا الفسقة بيعاكسوا حتى المنتقبة.سؤال اخير لو يوم القيامة اتضح ان النقاب فرض المحجبة حتقول ايه؟ وهل حتتعاقب واللا لأ؟طيب لو مش فرض هل المنتقبة حتتعاقب انها لبست النقاب واللا حتبقى محاولة منها للتقرب لله تثاب عليها.ارجوكم بلاش ننساق ورا الكلام اللى من نوعية منتقبة وبتسىء او محجبة مش كويسة ونسيب القلوب لله هو اللى يحاسبنا عليها علشان ما نشاركش اللى بيشككوا فى كل ما هو اسلامى.

سكتم بكتم said...

حريقة حريقة التعليقات المره دي سخنة نار

أنا مش عارف أية اللي سحبني من لساني وقلتلك أنشر الشات وأنت مصدقت

العموم يا جماعة انا عايز الكل يعرف أننا جميعا مع الألتزام بأوامر الله بس أحناشباب متفتح ونحب نتناقش ونسمع الناس صوتنا وأني أنا أحب الجميع في الله منقبات ومختمرات و محجبات طول ماهدفها رضا لله عز وجل

وعايز أكلمكم عني وعن ماعلينا انا في بعض الأوقات بستغرب جدا أزاي أحنا صحاب .ده تقريبا مفيش حاجة بنتفق فيها دايما مختلفين ولو نشرنا كل حواراتنا مع بعض حتفهموا أكتر ..أقول يمين يقول شمال والعكس

ولكن سبحان الله يمكن علشان كدة بنحب بعض وسعات بحس أن ربنا خلقني أنا وهو بمخ واحد الفص اليمين عندي والفص الشمال عنده دايما مختلفين.. دايما بنكمل بعض .. دايما كل واحد عنده نصف ضارب

بس أنا طبعا أحلي وأذكي وألطف منه بكتير

شكرا للجميع سعدت جدا بحواركم الراقي اللذي أرجوا أن يستمر

وللعلم كلمة عركة الإسكندراني أحلي بكتير من كلمة خناقة
معلش بأه في دي بذات مقدرتش أمسك نفسي لازم أعلق علي غيري
السلام عليكم ورحمة الله

ammola said...

ماليش دعوة
انا باعلق على سكتم بكتم
برغم انى اسكندرانية مش باتكلم اللهجة الاسكندرانى
الا انى مع سكتم بكتم ان عركة احلى

Anonymous said...

ايه ياعمى ده اجى على خناقه كده؟

شوف بقى من الاخر لا حجاب ولا نقاب

انت تدور على القلب الطاهر النضيف

القلب الأبيض اللى مش عايز حاجه من الدنيا غير انه يدخل الجنه وخلاص

---------------------------------
أسعد الله قلوبا طاهرة ان وصلنا شكرت وان قصرنا عذرت وان غبنا تذكرت وان زللنا صفحت

ودمت بخير أخى الحبيب

سلام

البنت الشلبية said...

حوار ظريف اوى واكتر حاجة عجبتنى
هيا المايوه الشرعى بجد انا كمان مستغربة اوى الموضوع ده ,,ماهو برضه ضيق واسمه مايوه

انا متفهمة وجهة نظرك ,,وفعلا هيا وجهة نظر سليمة اهم حاجة انك ترتبط بانسانة بتعرف تفكر وليها رأيها الخاص بيها وطبعا يكون رأيها سليم بالذات فى حاجة مهمة جدا وهيا الدين..

كل الى اقدر اقوله ان ربنا يوفقك وينولك الى فى بالك انت وكل المسلمين

على فكرة سكتم بكتم واضح انه انسان لذيذ ههههه

BinO said...

السلام عليكم
مش فاهم يا ماعلينا
داهليز الخناقة كده مش تريح
أنت عايز تتجوز مين
عموماً اللي عايز تتجوزها لازم تكون علي نفس الموجة اللي أنت عايز تعيش فيها عشان ترشي ربك

ماعليها
لو رأيت دروس العلم وما تمتلئ به من أخوات فضليات لم يرغمهن أحد علي ان يحضروا تلك الدروس , ستعرفين حجم ونسبة الفتيات التي ألتزمن دون تدخل من البيت

وحتي لو كن ألتزمن بسبب التزام الأهل فنعم الألتزام , وفضل من الله أن تنشأ في بيت ملتزم
رغم ما يعنيه ذلك للبعض أنه جاء نتيجة فرض الباء علي أبنائهم وبناتهن , ولكن في وقت ما يعلمون فضل الله ومنته عليهم بوجودهم في هذه البيوت
كما من الله علينا أننا ولدنا مسلمين وكفا بها نعمة

BinO said...

لو شئتم أقرأوا
http://3yooon.blogspot.com/2007/03/blog-post_06.html