Saturday, November 17, 2007

مش بفلوسي يا ساويرس مش بفلوسي



لأن الأمر زاد عن حده وطفح الكيل وبلغ السيل الزبى وقول كل اللي أنت عايز تقوله .. فأنا بقول لك :

مش بفلوسي يا سويرس مش بفلوسي
NoT wiTh My MoNeY


قررت أغير خط التليفون بتاعي ومهما كانت الصعوبات والدربكة اللي حيسببها ليا تغيير الخط دا حستحمل ... حستحمل إن شاء الله
ومش كده وبس أنا حقاطع كمان جنب مقاطعتي لشبكتك كل استثماراتك ...
شركة موبينيل وقناة OTV وقناة O-Tunes وموقع مصراوي وموقع مزيكا وصحيفة المصري اليوم اللي بتملك تلت أسهمها وحتى لينك دوت نت اللي اشتركت فيه غصب عني عشان شركتك فارضة سيطرتها على السنترال اللي انا تابع ليه .. في اقرب فرصة حغيرها برضه.
ومش كده وبس دا أنا حقاطع كمان جزئيا كل الشركات اللي اعرف إنها بتعلن عندك

موقع الحملة
http://boycott-mobinil.blogspot.com/

اهداف الحملة
بسبب تصريحات ساويرس المتطرفة والسلوك غير المسئول للقناة التي يملكها , ولاصرارها على تحدي قيمنا الثقافية والأخلاقية لتحقيق هدفها الواضح لإنجاح أجندة ليبرالية غير اخلاقية ... وإيمانا منا بأهمية تفعيل دورنا كمستهلكين ...
نحن نعلن رفضنا لهذه السياسات اللا اخلاقية التي تنافي قيم مجتمعنا ومبادئ ديننا .. مؤكدين على دورنا الإصلاحي ومسئوليتنا الاستهلاكية الضميرية أصدرنا تعهدا يقضي بمقاطعة السيد نجيب ساويرس واستثماراته قدر الإمكان, وعلى رأس تلك الاستثمارات خدمات شركة موبينيل للمحمول

30 comments:

عصفور المدينة said...

أحسن الله إليك وفعلا هذا الأمر لابد من تفعيله واقعا أنا أقوم بالدعوة إلى هذا الأمر منذ مدة في الحياة الواقعية

وموضوع تغيير الرقم لا يسبب أي دربكة تقدر تضحي بكارت ب 100 ولا حاجة تبعت بيه رسايل لكل اللي يهمك يعرفوا الرقم

إنـســـانـة said...

تصفيق حاااااااااد

:D

mohand said...

السلام عليكم

انا رقمي موبنيل من زمان قوي
من سنة 2001

ودي المشكلة
بس انا هبداء من دلوقتي اي حد هكلمه هقولة اني غيرت رقمي



لحد ما اقدر استغني عنه نهائيا

تحياتي لك

بالنسبة للباقي انا ممكن اقاطعه من دلوقتي واعتبرني بدات كمان

البنت الشلبية said...

احييك على الدعوة الى انا شخصيا دعيت صحابى الى اعرفهم بيها عشان نشجع بعض
لان الخط بتاعى موبينيل من ايام الثانوية واتعلقت بالرقم نفسه
لكن بأذن الله هغيره يعنى هغيره عشان واحد زى ساويرس ده بيستغل فلوسنا ضدنا
وهوا الى الى بدأ والبادى اظلم
ناس كتير بتهاجمه لعل يرجع عن تفكيره واقواله
حتى لو بيفكر انه يحارب الاسلام بينه وبين نفسه مش مشكلتنا لكن يعلنها ويتحدى مشاعر المسملين ده الى مش هنقدر نستهون بيه
ربنا ينتقم منه ويقوينا نعمل حاجة نرد بيها عليه
جزاك الله كل خير
واسمحلى آخد لينك الصورة احطها عندى فى البلوج
سلام

آلام وآمال said...

متضامن معاكم
والحمد لله انا مش موبينيل
والحمد لله بردو مش بتفرج على ولا قناه من بتوعو
والحمد لله بردو مش بتابع المصري اليوم
وان شاء الله أسبوع بالكتير واحول من لينك دوت كوم

كل ده بفضل الله سهل اوي اننا نعملو
وان شاء الله ييجي بفايدة

وقريبا جدا سأعلن عن الحملة ف المدونة عشان كل اللي بيزوروني يعرفو

تحيتي ليك

رفقة عمر said...

الحمد لله انا عندى خط احتياطى فودافون مش هاشحن تانى موبينيل
لغايه ما نشوف اخرتها معاه
بس ارجع واقول فين الازهر فين وزير الاعلام والحكومه اعتقد ان النايل سات علشان قمر عربى لازم كان حاطط شروط لبث القنوات انها تراعى عادات وتقاليد ومقدسات المسلمين
اعتقد ان الموضوع محتاج واقفه من المسئولين اذ كان لسه عندهم دم اصلا
حسبى اله ونعم الوكيل
احب اسجل سعادتى انك كتبت تانى وان شاء الله اللخبطه دى تزول بس ياريت تطمنا ايه اللخبطه دى
وانا خلصت مستحيل اغير سياستى وانت السبب اللى خلتنى ادخل لسياسه
زى ما قلتلك
انا مش ينفع ادون لوحدى

ياسر مدني ...دينامو الإخوان said...

إلي كل غيوووووووووووووووور
إترك موبينيل حالا مش بالتدرج
مش فاضل غير بس تعملوا فينا جميله وتزروا مدونتي ولا ايه رأيك؟؟؟

لحظة said...

الحمد لله
شئ الهي خلاني لما جبت الخط من كام سنه
اعرف اختار
فودافون
صاحبها كان اسمه محمد نصير
وام نبيل
صاحبها اسمه نجيب ساويرس
فاخترت فودافون
هو سبب مش هو
لكن اعتقد دلوقتي اني كان معايا حق
معلش
ما عليهوش عتب
ان كان فيه ناس من جلدتنا ولسننا بيقولوا زيه
يبقى ما عليهوش عتب

ammola said...

اقولك ايه بس
انا كان نفسى والله اعمل زيكو..بس أنا فودافون ..ومش باشوف قنواته..ومشتركة مع تى-داتا ومش باقرا المصرى اليوم..خلاص بلاش مصراوى
بس ليك عليا أجرسه فى كل حتة وأخلى كل الناس اللى أعرفهم تقاطعه
مش احنا برضه اللى ساهمنا فى فلوسه بطيبتنا؟؟

Mohamed A. Ghaffar said...

جدع

سها said...

كده
قال كده بجد عيني عينك
؟؟؟؟؟
ماهو لما شاف مسلمين بيقولوا تدين ظاهري وتطرف وتشدد يبقى يقول هو كمان
يعني هو هيبقى ملكي اكتر من الملك
وعلى راي المثل
اللى يقول لمراته يا هانم يقبلوها على السلالم ........... واللى يقول لمراته يا حوله يلعبو بيها الكورة

عموما انا فودافون

dr.nour said...

ياه انا بجد فرحانه ان لسه فيه ناس بالشكل ده


بارك الله فيك وفى كل الى هيشتركوا فى الحمله

الحمد لله انا مش موبنيل

وكنت بدخل موقع مصراوى بس خلاص وقفته


ربنا يكرمك

خمسة فضفضة said...

السلام عليكم ورحمة اله وبركاته

بارك الله فيك

انا غيرت بقالي شهر لخط اتصالات ، وحسيت بعدها اد ايه ان موبينيل دي كانت بتستغلنا
اقل حاجه انك لما تعوز تعرف رصيدك كام يخصموا منك فلوس
لما تحب تدخل خاصية النت علي الموبايل لازم تتصل ويطلعوا عينك وياخدوا منك بيناتك وناقص ياخدوا مقاس الشوز لامؤاخذه
دا غير المصاريف الاداريه اللي لغوها مؤخرا مرغمين علشان يقدروا ينافسوا
الرصيد اللي ممكن تصحي الصبح تلاقيه ناقص مع انك لسه شاحن قبل ماتنام وماكلمتش حد

وغيرها من الحاجات اللي لو قعدنا نعدها مش هانخلص

ma_3alina said...

عصفور المدينة
جزاك الله خيرا يا باشمهندس على التشجيع .. والحمد لله الموضوع قيد التنفيذ .. دعواتك بتمام الأمر على خير


إنـســـانـة
الله يخليكي .. سمعونا زغرودة بقا
:D

mohand
وعليكم السلام ورحمة الله وبركاته .. أهو دا الكلام .. يالا بقا وعلى نفسها جنت براقش .. هو اللي جابه لنفسه


البنت الشلبية
الله ينور عليكي يا شلبية هانم والله أنتوا ناس مية مية وزيكوا مفيش .. ربنا ينصر بيكم ويحفظكم من ساويرس وأعماله
جزاك الله كل خير وطبعا الصورة متاحة للجميع وانا مش صاحبها

آلام وآمال
ولا انا والله بتفرج على قنواته .. يالا بقا ربنا يخرب بيتك يا ساويرس .. قولوا آمين .. تحياتي لك



رفقة عمر
الأزهر طنطاوي منيمه والإعلام هو اللي سمح لساويرس واللي زيه أنه يركب االمصرييين ويدلدل رجليه ويفتكر إن بفلوسه حيغسل دماغنا

.. رفقة أنا سعيد جدا بتعليقاتك لكن بوستين صور عندك يخلوني افتقد تدويناتك ... أرجوا أن سياستك تتغير من ناحية الصور دي


ياسر مدني ...دينامو الإخوان
إلى كل غيووووووووور .. اسمعوا الكلام .. جزاك الله خيرا



لحظة
دا سبب مية مية وربنا ينر بصيرتك كده على طول ياااارب ويلهمنا السداد عند الاختيار كما ألهمك كده ... أظن لو كنت استخرت زمان قبل

شراء خط موبينيل مكنتش اتحطيت في اللخبطة دي

ammola
إيه دا .. دا انتي مقاطعاه من زمان يا اسكندرانية .. ما شاء الله أنا برضه من زمان بقول إن أكل السمك بيفتح المخ ويصحصحه كده .. الله ينور

عليكي .. واديها فضيحة بقا لساويرس يمكن يتهد ويتلم


Mohamed A. Ghaffar
دا من ذوقك بس


سها
مثل حكاية بجد .. الله ينور عليكي جبتي من الآخر .. وأنا كمان بقيت فودافون بس 016 .. عاااااا


dr.nour
بارك الله في كل الناس اللي حيشاركوا في مقاطعة ساويرس .. ربنا يكرمك يا دكتورة

جـيـداء said...

انا اصلا فودافون وبكره موبينيل دى من زمان
غير ان قناة او تى فى دى زبالة و قذرة و برامجها كلها تافهة فمش بتفرج عليها

بس انا اول مرة اعرف حكاية المصرى اليوم دى

ض/خالد said...

الله يجزيك خير يا معالينا

ويجعله في ميزان حسناتك

شــــمـس الديـن said...

سبحان الله

انا و الحمد لله فودافون من ايام ما كان اسمها كليك :)

انا فعلا ساويريس دا مش برتاح له لله في لله ... و خاصة بعد ما دخلنا دش قريب و شوفت شوية من برامج قناة او تي في ... بجد حسيت بان القناة ( رائحتها وحشة ) و كفايا انه بيقرا الاخبار باللغة العامية و عايز يعمل اي شئ يدمر اللغة العربية و بالتالي ثقافتنا و هويتنا الاسلامية

مضمونها من الاخر كدا ضد كل شئ حلو و اسلامي ...دي بتنظر للدين نظرة فلكلورية حتي الادان بتاع المغرب في رمضان مكانوش بيجيبوة يا ربي


عفارم عليكم الحركة دي و ياريت نعمل بانر تعمل عليه شعار ضد كل منتجات ساويريس مثلا و نحطة كلنا في مدوناتنا

انا مش ضد اي حد نصراني و لكن المشكلة انهم هما اللي بيبتدوا الاول و البادئ اظلم

عامة يا اخت رفقة الازهر و كل مؤسسات الدولة اساسا مش بتاعتنا ... بلدنا محتلة منها فيها ... متعوليش علي حد و لنبدأ كلنا بانفسنا و ربنا معانا ان شاء الله

تدوينة شديدة

رفقة عمر said...

ماعلينا
انت متاكد انك موجود
طيب اثبت لنا انك موجود

رفقة عمر said...

معلينا
من فضلك طمنا عليك

ma_3alina said...

جيداء
شرفتيني بالزيارة وكويس إنك مالكيش معاملات مع موبينيل وبتكرهي قنوات ساويرس الإباحية ..

ض/خالد
يجزينا وإياكم يا دكتور ربنا يبارك فيك .. أسعدتني بزيارتك جدا

شمس الدين
أهلا وسهلا بالدكتورة
أنا كمان مش ضد معامة أي حد نصراني .. لكن اللي يخالف ديني ويحاربه يبقى لا يمكن اسمح لنفسي إني أكون شريك له ..
والبنر موجود يا دكتورة وناس كتيرة فعلا حاطته عندها ..
شرفتيني وأسعدتيني بجد بزيارتك

رفقة عمر
ربنا يخليكي يارفقة ويرزقك من الخير كله جزاء طيبتك ومعروفك واهتمامك بالناس كلها وسؤالك عنهم وتفقدك لأحوالهم
أنا داخل مخصوص لما شفت تعليقك .. انا الحمد لله بخير .. وأرجو أن اعود لمدونتي العزيزة ومدوناتكم التي افتقدها كثيرا في أقرب وقت ممكن
جزاكي الله كل خير ... واسألك الدعاء

رفقة عمر said...

الحمد لله انك بخير
بس يرضه مش طمنتنا
فيه حاجه مضايقك
ياريت تقولنا
ربنا ييسر لك كل خير اللهم امين
ويوفقك لما يحبه ويرضاه
ويجعل لك من كل ضيقا مخرجا ومن كل هما فرجا اللهم امين يارب العالمين

mohand said...

السلام عليكم

ايه يا استاذ باشمهندس

انت تعبان ولا في ايه بس؟

مش باين ليه كده ؟

يا رب تكون بخير

ftataljanna said...

طيب المنطقة اللى انا فيها مش فيها شبكة غير لموبينيل اعمل ايه بقاااااااا

هو كل الحاجات التانيه دى اعتبرنى مقاطعاها اصلا لان انا لحد دلوقتى ما سمعتش عن القناة دى

ماااا علينا

المهم شكلي كده هانضم لقوافل اتصالات بعد دقائق ومش مهم الشبكة :)

اتمنى حضرتك تزورنى بمناسبة مرور سنة على المدونة

أبو دجانة said...

بس يا ريت .. حد يولى هى فودافون شركة أمريكية ولا لأ ..
واتصالات أصلها ايه ؟؟ امارتى فعلا .

رفقة عمر said...

ماعلينا وبعدين
ايه الحكايه هو الشيطان
اللى انت عارفه جالك هنا فى المدونه ولا ايه

ma_3alina said...

رفقة عمر
ربنا يخليك يا رفقة .. انا فعلا كويس ومفيش حاجة الحمد لله .. بس انشغلت شوية .. شوية كتير ..اليومين اللي فاتوا .. وربنا يسهل وارجع تاني بسرعة .. فعلا مفيش حاجة خالص لا تعب ولا شر ولا شياطين .. هههههه
الحمد لله على كل حال

mohand
وعليكم السلام ورحمة الله وبركاته
كيف حالك يا مهند باشا .. أنا الحمد لله مش تعبان ولا حاجة وبخير بفضل الله .. فترة انشغال بس شوية تعدي عن قريب إن شاء الله .. دعواتك
:D

ftataljanna
كل سنة وانتي طيبة وعقبال ميت سنة ومبارك زواج شلولو عبد الجبار سابقا وعقبال اللي في بالي ياااارب .. تحياتي وأهلا بيط في قوافل المتحدين لإمبراطورية ساويرس

أبو دجانة
أولا مرحبا بك في زيارتك الأولى لمدونتي ويارب ما تكون الأخيرة
ثانيا اسم محبب جدا لقلبي مش بس لأنه اسم الصحابي الفريد أبو دجانة لكن لأنه كمان اسم أحد المقربين إلي فك الله أسره وأعاده لأهله سالما معافى
ثالثا مش حتفرق كون اتصالات أو حتى فودافون أجنبية فمقاطعة ساويرس ليس بسبب اختلاف الدين وليس المقصود مقاطعة المنتجات الأجنبية .. وإنما المقصود منع استغلال ساويرس بالذات لأموالنا في نشر فساده في بلدنا

أميرة محمد محمد محمد said...

يجب ان يتم تفعيل المقاطعه دي
انا مش عارفه كل اللي بيشتمونا عاملين ثرواتهم بفلوسنا وبرضه مش بنعمل اي رد فعل
ربنا يكرمك

truelove said...

الموضوع سهل قوي ومشهيحصل دربكة خالص
انت بس تقول لواجد انك غيرت رقمك وهتلاقيه قال لكل الي يعرفك وتعرفوه بسيطة وحلوة قوي الحملة ويارب دايما يف ياجابية ونهضة يارب

رفقة عمر said...

على فكرة ليك تاج
ومش عندى استعداد لاى اعتذرات
هاتاخده اجبارى

ma_3alina said...

أميرة محمد محمد محمد
ياريت تتفعل وتنتشر وياريت تعلني عنها في كل مكان وبين أصحابك .. لو كل واحد ارسل رسالة لأصحاب الموبيلات عنده اللي يتبعون لموبينيل وطلب منه ارسالها لغيره توصل المقاطعة للكل .. ويبقى اعتذرنا لله عز وجل ولعلهم يرجعون .. ربنا يكرمنا وإياكم يا دكتورة

truelove
يا أهلا وسهلا بالست الصحفية .. نورتي المدونة .. الحمد لله الموضوع تم على خير والله المستعان وهو بسط مما كنت اتخيل بفضل الله عز وجل

رفقة عمر
يااه يا رفقة جزاكي الله كل خير .. التاج جيه في وقته عشان يخليني اكتب حاجة على طول .. ربنا يخليكي .. طبعا حقبله ومش حعتذر
:D