Tuesday, February 19, 2008

البلد دي اللي يشوفها من فوق غير اللي يشوفها من تحت

وراحت شوشو من ميدان السيدة زينب تخترق الأزقة والحواري، وتسأل بعد كل خطوة عن خوخة السعدان، وهي على طول الطريق ترمقها ألف عين نصف نائمة نصف يقظانة، يتمطى أصحابها في كسل لذيذ وفي شمس الشتاء على المقاهي الكثيرة المتراصة بجوار بعضها على الطريق وأحست شوشو بالضنا وأحست بالتعب وتمنت لو استطاعت أن تعود من حيث جاءت بعيدا عن هذه الخرائب التي تفوح منها رائحة كريهة، وكأنها رائحة خنزير مذبوح !!

ولكن ماذا يقول عنها بابا وماما وكل أخوتها وقد تحدتهم جميعا، وأصرت أن تسير وحدها حتى نهاية الشوط .. نعم ماذا يقول كل هؤلاء لو أنها نكصت على عقبيها وعادت إلى قصر أبيها من جديد ..

ووقع نظرها على عشش مهدمة، وبرك طين تسبح فيها الكلاب واستاءت شوشو لكل هذا الفقر المحيط بها، وتمنت لو تعثر على حل سليم للقضاء على كل ما في هذا الحي من فقر، وتمنت لو أنها تملك ملايين كثيرة، إذن لتبرعت بآلاف عديدة، لتشتري لهؤلاء الناس صابونا وجازاً وخبزاً وسيارة لتنقل أطفالهم إلى المدارس، وأجهزة راديو واسطوانات لموزارت وبيتهوفن ورمسكي كورساكوف .. آه لو استمع هؤلاء الفقراء إلى موسيقى كورساكوف إذن لأرتقت أحوالهم، وتغيرت معالم حياتهم ولأصبحوا خلقاً جديدا ..

راحت من جديد تنظر إلى الناس وإلى الحيطان وإلى الأطفال والكلاب واقتحم سمعها كلام غريب يطلقه الناس بلا استحياء ويقصدون به التحية والسلام .. كلام لم تسمع مثله من قبل وأوصاف تكاد تجعلها تضرب رأسها في الحائط ، هؤلاء الفقراء ليسوا مؤدبين، لو أنهم دخلوا مدارس أجنبية إذن لتعلموا الذوق ولفهموا معنى الأتيكيت، ويا سلام يا شوشو لقد هبط الحل السليم الذي كانت ترجوه.

وليكن حل المشكلة من هنا .. من المدارس الأجنبية، فإنها لو لاقت وسيلة لاقناع هؤلاء الناس بضرورة الالتحاق بالمدارس الأجنبية، إذن لضمنت تخريج جيل جديد من هؤلاء الفقراء يعرف كيف يتحدث وكيف يأكل، وكيف يحب وكيف يتصرف برشاقة .. وعندئذ سوف تصفو لهم الحياة.

وامتلأ قلب شوشو بالخوف عندما هلت على خوخة السعدان .. ليس هذا المكان بشارع ولا بحارة ولا بزقاق ، الوصف الصادق له أنه خرم في الحي وهل من المعقول أن أحدا من الأحياء يعيش في المكان ؟ ..

كانت شوشو قد وصلت إلى حالة قاسية من الإعياء .. كانت تود لو ألقت بنفسها على الأرض وبكت إلى ما لا نهاية .. أحست أنها ألقت بنفسها في حفرة مظلمة بشعة، وهؤلاء الفقراء الذين آمنت بهم وتمنت أن تخلصهم من شقائهم مجموعة من الوحوش الضارية .. جهلة حمقى .. وأشرار . مثل أكلة لحوم البشر ..

استدارت فأعطت الجميع ظهرها وسارت تقطع خوخة السعدان بخطوات مترنحة .. وراحت تحث الخطى في الشارع الضيق الملتوي نحو ميدان السيدة .. حيث تنتظرها العربة الفارهة هناك ..
وعندما أطلت على الميدان الكبير استراحت نفسها واطمأنت .. ورنت في أذنيها كمات بابا الخالدة : هؤلاء الفقراء كلاب .. لا يحمدون الله أبدا وإذا شبعوا تنمردوا .. ومن الخير أن يبقوا على ما هم فيه من شقاء.

مقتطفات من خوخة السعدان لمحمود السعدني
والعنوان من فيلم طيور الظلام

7 comments:

رفقة عمر said...

آه لو استمع هؤلاء الفقراء إلى موسيقى كورساكوف إذن لأرتقت أحوالهم، وتغيرت معالم حياتهم ولأصبحوا خلقاً جديدا

شوشو دى طيبه قوى يعنى موسيقى كورساكوف هى اللى ناقصهم
جميله قوى
وانا شوفت اللى شافته شوشو دة
فى اماكن بجد لاتتخيل ان الاماكن دى موجودة او حد حاسس بيهم
هما دول مش ليهم حق فى اموال الحكومه واموال لزكاه مش ليهم حق فى الحياه الادميه
الحمد لله الذى عفانا مما ابتلى بيه غيرنا

Anonymous said...

امممممممم

يشبه تعليق شفته من فترة
:(

اتمنى ماتكونش انت كمان...يا اما هاعيط

Anonymous said...

ودي فكرة من افكار السعدني بس مش مهم الفكرة المهم الي يعيس علشان الفكرة

Anonymous said...

المهم اللى شايفها من فوق
هما اكتر ناس بيسرقوها وسبب ان فيها تحت وتحت قووووى كمان
ربنا على المفترى

Anonymous said...

سعدت للغاية بزيارة مدونتك المميزة
التى تعرفت عليها من زيارة لمدونة مصر تانى
حقيقى مدونة دسمة وفكرها حلو
إنت عارف أول ماعملت مدونة كنت هسميها على كلام الفنان محمود عبد العزيز
ماعلينا
لكن كويس إنى ماعملتش الإسم ده
عارف ليه
الإسم حلو وفكره عالى وكان يستحق مدونة حلوة أوى زى بتاعتك وأنا لم أكن أستطيع أن أفعل مثلك
كلامى بصدق
تقبل تحياتى وودى

Anonymous said...

بتجيبوا فى سيرتنا ليه
دة احنا عايشين احلى عيشه
ايه الحقد دة حد طول يعيش فى العشوائيات

ma 3lina said...

رفقة عمر
شوشو دي مش عايشة في دنيتها بس
:)
وكفاية إنها من الأول ما خرجتش عشان تساعد الفقرا فعلا وخرجت بس كنوع من المغامرة .. وخوفها أنها ترجع بس عشان خايفة من شماتة اللي حواليها ..
وبعيد عن القصة ... اللي فعلا عايز الإصلاح لازم يتوقع ويستحمل الأذى
ويارب يا رفقة ما تكونيش بطلتي انتي كمان وصحاباتك بطلتوا تزوروا الناس وتساعدوهم

واحد صاحبك
امممممممم
هو انت هو ولا انت مش هو ؟؟؟
طب انا مش فاهم قصدك ايه ؟؟ .. لو انت هو كلمني ع اللافلافون وفهمني

masrtany
شرفتني بجد بزيارتك وتعليقك واضافتك لمدونتي

Anonymous
لا واللي فوق دول كل شوية يطلعوا يقولوا لك حنعمل كذا عشان محدودي الدخل .. حنسوي كذا عشان الفقرا
واللي بيحصل إن الفقرا بيزدادوا فقر وهما بيزدادوا افترا

أحمد التابعى
أسعدني للغاية تعليقك .. وفعلا الكلام ده فوق ما استحق بكتييير
تحياتي لك .. شرفتني بالزيارة والتعليق


مواطن مطحون عشوائى
هههههههههه
محدش بيجيب في سيرتنا .. ماهو سيادتك مش واخد بالك أنا كمان مواطن عشوائي مطحون
:)