Monday, March 03, 2008

شلضم ح يضرب شطا




شطا الفتوة القديم عنده تسعين سنة
كان عنده مال وحريم .. سلطان زمان فنى
ولا ليه في الفتونة

شلضم أبو العضلات
فتوة الحارات
موصوف له يضرب شطا
في اليوم تلات مرات

لو واد عطس في الحارة .. شلضم بيضرب شطا
لو جارة نادت جارة .. شلضم بيضرب شطا
لو يوم شطا قال أي .. شلضم بيضرب شطا
إرهاب لكل الحي .. شلضم بيضرب شطا

شطا الفتوة الهرم .. م الراس لحد القدم
ملفوف بشاش فوق شاش
والتاني ما استكفاش
وتاني راح يضربه .. اكمنه -تستغربوا-
خطر عليه بيرعبوا .. رهيب ما يستناش
بعبع .. وفي الإنعاش

- بهاء جاهين -

10 comments:

Ma 3lina said...

شلضم هيفضل يضرب شطة لغاية لما يموت و بعدين هيخش على البقية

لغاية لما يجى حد يقف قدام شلضم و يهزمه

بس السؤال امتى هيجى بااااااه

محمد عبد الغفار said...

فكرتنى بنكته انت مش لابس الطاقيه ليه

شلضم الى زوال وان مشفش جزائه فى الدنيا لا جدال من انه هيتظبط الطاق طاقين فى الأخره

مش زعلان على شطا لأن من اعمالكم سلط عليكم

رفقة عمر said...

والله شطا دة مش عارفه هايفضل ساكت لامتى
ادينا بنتفرج لغايه ما نشوف اخره دة ايه

صوت من مصر said...

ولا هو هنا شطه
احنا شطا
كلنا شطه

ammola said...

سنة الدنيا كده
يبقى فى ناس شلاضم..وفى ناس شطا
اختار انت بأه

محمد عبد الرحمن said...

شلضم هرانا يا سيدى ومش باين لشطا قومةولا حتى نومة
إصحى بقى يا شطا فضحتنا

فوق يا شطا بقى خلاص شلضم هيشوطك

جنـه said...

شلضم وشطا اولا اختيارك هايل وجاي في وقته
السؤال دلوقتي مين اللي غلطان
وهل شطا فعلا يستحق نزعل عليه
ولا نزعل منه

مجداوية said...

ما علينا دى كلمتى دايما أقولها لما أعوز أغير الموضوع ومحمود عبد العزيز نشرها بين الناس ما علينا .,أول مرة أزور المدونة وعجبنى جدا ما كتبته عن يوم ميلادك ,,انت لسه شباب وده لوحده أمل يخلى الحزن ياخد جنب وتعدى انت وبعدين كمان وقبل كل شىء فى دايما ربنا يخلى الدنيا تهون بكل اللى فيها من غدر وبلاوى متلتة دى اسمها دنيا يعنى سفلى يعنى ولا حاجة وده سبب يخليك تضحك عليها مش هى اللى تضحك عليك ,,اما عن شطا وشلاضم مش عدا بقى وقت الرمزية ده شطة ايه بس وشلاضم ايه اقرأ قصيدة اغضب لفاروق جويدة تحفة

مجداوية said...

اغضب
فإن جحافل الشر القديم تـُـطل من خلف السنين
اغضب
ولا تسمع سماسرة الشعوب وباعة الأوهام .. والمتآمركين
اغضب
فإن بداية الأشياء .. أولها الغضب
ونهاية الأشياء .. آخرها الغضب
والأرض أولى بالغضب
سافرت في كل العصور
وما رأيت .. سوى العجب
شاهدت أقدار الشعوب سيوف عارٍ من خشب
ورأيت حربا بالكلام .. وبالأغاني .. والخـُطب
ورأيت من سرق الشعوب .. ومن تواطأ .. من نهب
ورأيت من باع الضمير .. ومن تآمر .. أو هرب
ورأيت كـُهانا بنوا أمجادهم بين العمالة والكذب
ورأيت من جعلوا الخيانة قـُدس أقداسِ العرب
ورأيت تيجان الصفيح تفوق تيجان الذهب
فاغضب
فإن الأرض يـُحييها الغضب
اغضب
ولا تُسمع أحد
قالوا بأن الأرض شاخت .. أجدبت
منذ استراح العجز في أحشائها .. نامت ولم تُنجب ولد
قالوا بأن الله خاصمها
وأن رجالها خانوا الأمانة
واستباحوا كل عهد
الأرض تحمل .. فاتركوها الآن غاضبة
ففي أحشائها .. سُخط تجاوز كل حد
تـُخفى آساها عن عيون الناس تـُنكر عجزها
لا تأمنن لسخط بركان خمد
لو أجهضوها ألف عامٍ
سوف يولد من ثراها كل يومٍ ألف غد

اغضب
ولا تُسمع أحد
اسمع أنين الأرض حين تضم في أحشائها عطر الجسد
اسمع ضميرك حين يطويك الظلام .. وكل شئ في الجوانح قد همد
والنائمون على العروش فحيح طاغوت تجبّر .. واستبد
لم يبق غير الموت
إما أن تموت فداء أرضك
أو تـُباع لأي وغد
مت في ثراها
إن للأوطان سراً ليس يعرفه أحد

هذا جزء من قصيدة اغضب اذا اردتها كاملة قل لى وأنا اضعها لأنها طويلة

ma 3lina said...

Ma 3lina
البقية ؟؟
هي البقية ناقصة .. ما هي مينة أصلا
إنتي فين يا دكتورة مش باينة ليه ؟

محمد عبد الغفار
هههههههههه
أنا مش كنت عارف النكتة .. بس جوجل بقا ربنا يخليه لينا
أنا زعلان على شطا .. آه من أعماله .. بس مش قادر ما ازعلش عليه
الضيف وصل ولا لسه ؟

رفقة عمر
ساكت ساكت لحد ما تضمر أجهزة الحس عنده
أيوا صح إحنا بنتفرج
:))

صوت من مصر
صح كلنا شطة .. واللي فاكر إنه مش شطة انهاردة بكرة حيبقى شطة بجد

ammola
لا مش حختار .. ما انيل من إلا
مش كفاية اكتئاب بقا ..
:)

طال الليل
تعالى كلنا نزعق بصوت عالي يمكن يصحى ويفوق

جنـه
الحمد لله على السلامة
الاتنين .. نزعل منه ونزعل عليه

مجداوية
أهلا بيكي .. وجزاكي الله خيرا على الكلام الجميل
والقصيدة جميلة فعلا .. ولو اني مع الأخ جويدة مش قد كده يعني وشعره بيقف في زوري ..
:)
لكن بجد القصيدة دي حلوة .. جزاكي الله خيرا على إضافتها