Tuesday, December 12, 2006

بيتزا .. بيتزا



هل تستطيع أن تخمن إيه اللي في الصورة ؟؟؟

إنها بيتزا صنعتها أمي ..

فأمي تصر على أن تصنع لنا بيتزا .. تلك الأكلة الغربية الشهيرة ..

ومع كونها لا تجيد عملها (والصورة خير برهان ولك أن تتخيل الطعم !!) إلا أنها تصر على خبزها لنا ... ورغم أننا في بيتنا لا نحب البيتزا على الإطلاق إلا أنها مصممة أنها تعملها لنا على اعتبار أنها أدرى بمصلحتنا ...

وبعد أن خبزتها أمي لا يجرؤ أحد أن يقول إن دي مش بيتزا ولا يقول إن طعمها وحش أو إن إحنا مش بنحبها أو إنها مش مناسبة لنا .. الكل لازم ياكل وهو ساكت واللي يتكلم يبقى مش بيفهم حاجة ...

يظهر أن أمي متأثرة بأفكار العلمانيين ومدعي الثقافة في مصر

4 comments:

Unknown said...

معلش ياسيدى ربنا يخليهالكم ، ولو حتى تعمل ايه طالما من إيديها يبقى شهد :).... ربنا يباركلكم فيها

Anonymous said...

بيتزا.. علمانية.. مثقفين.. كله ممكن.. انما الأكيد انك بكده سيحت للست الوالدة بما يكفي عبر أثير الانترنت :)

تسلم ايديها على كل حال و على كل اللي بتعمله :)

واحـــد مـــــن الـنـــاس said...

يا عم قول الحمد لله

اهي احسن من سندوتش اللحمة اللي مفيهوش ريحة اللحمة

يالا
بس بجد مدونتك جميلة جدا ياباشا

همسات دافئه said...

ههههههههه
كل ده طلعته من البتزا:))
مش مهم شكلها ولا طعمها ركز فى الإحساس فى الحب المختلط بالعجينه مش بيقولوا بصله المحب خروف
أهو ده الى باحاول أقنع نفسى بيه:)))
انا برده ماما عندها مبدأ: الى عاجبه ياكل واللى مش عاجبه... برده ياكل:))
ربنا يخليهم يارب
عاجبنى تحليلك أوى وأسعدنى مرورى:)