Tuesday, May 01, 2007

عايز تصلي .. اطلع بره

بعد مسابقة لاختيار التصميم المناسب لمكتبة الاسكندرية تم منح الجائزة الأولي ومقدارها ستون ألف دولار أمريكي لشركة Snohetta للتصميمات المعمارية ومقرها أسلو بالنرويج.

تبلغ المساحة موقع مجمع مكتبة الإسكندرية ٢٠٠,٠٤ م2• ويبلغ اتفاع المكتبة عشرة طوابق.
ويشمل تصميم المكتبة الجديدة أربعة مستويات تحت الأرض وستة طوابق علوية

راعي التصميم الهندسي للمبنى في حسبانه الترتيب الوظيفي للأرفف والمكاتب المخصصة للقراءة.
وكذلك فإن جسم المبني يغوص أسفل الأرض لحماية محتوياته من عوامل البيئة الخارجية. وتعد قاعات القراءة العديدة المفتوحة هي السمة البارزة في مكتبة الأسكندرية، حيث تضم 2500 قسم للقراءة تؤدي إلي سبعة شرفات. ولقد تم تخزين الكتب أسفل هذه الشرفات لتسهيل الحصول عليها.

ونظراً لارتفاع منسوب المياه الجوفية فقد قامت الشركة المنفذة بإنشاء حائط جار بعمق 35 متر (وهو عمق لم يسبق استخدامه) تم تدعيمه علي عدة مراحل. و هذا الأسلوب لم يتم استخدامه قبل خارج الشرق الأقصى. ولقد أدخلت الجدران الخرسانية في البنيان تحسباً لأية أحمال أخري بما في ذلك الرياح والزلازل.

ويوجد داخل حائط الجار جدارين إضافيين من الخرسانة حيث يوجد أحداهما علي المستوي الأرضي ويفصله عن حائط الجار طبقة مضادة للماء ومزود بآليات صرف وهو ما يسمي بالجدار الخارجي. ويتحمل هذا الجدار الحمل الرأسي للطوابق الأرضية ولديه القدرة علي مقاومة ضغط الماء في حالة حدوث أي تسريب بحائط الجار في أي مرحلة من عمر المبنى والذي يقدر بـ 200 عام.

ونتيجة للحالة الغير مواتية لموقع المشروع احتاج هذا المجمع إلي أعمال هندسية وأعمال تأسيس ضخمة شملت الحفر وشفط المياه ودق الخوازيق والتحسينات التي أضيفت إلي خلطة الخرسانة.

راعى التصميم تقسيم قاعات القراءة إلى سبعة مستويات ، في كل منها مساحة للإطلاع ومساحة لرفوف الكتب ، بالإضافة إلى مكتب معلومات. كما راعى التصميم توزيع المساحات في كل مستوى بالشكل الذي يوفر الراحة للقراء والزائرين. كما قسمت المستويات السبعة بالمكتبة حسب الموضوعات والمواد المعرفية بالشكل الذي يخدم كافة الأنشطة المصاحبة للمكتبة
وفوق تلك المستويات السبعة ، توجد قاعتان للندوات متصلة بالجزء الإداري والبحثي بالمكتبة من خلال كوبريين.

كل شيء في المكتبة يبدو مدروسا ومخطط له جيدا .. شيء واحد قد يجعلك تندهش .. وهو أن المكتبة الضخمة ذات المساحة الواسعة .. لا يوجد بها مكان مخصص للصلاة .. وإن دخل عليك وقت الصلاة وكنت عايز تصلي .. فاطلع بره ..

الحق يقال أن هناك مكان عبارة عن ثلاثة امتار في متر واحد داخل المكتبة وهو مخصص للعاملين فقط وغير مسموح للجمهور بالدخول فيه .. أما إن كنت من الجمهور البائس وصادف ذلك كونك مسلما تريد الصلاة .. فيمكن التوجه لأحد أفراد الأمن بالمكتبة وطلب مكان للصلاة فمن الممكن أن يتركك مشكورا تصلي في أي ركن يراه مناسباً ..

طبعاً لن يفوت إدارة المكتبة تشنجات أمثالي من المتزمتين المتشددين الرجعيين المتطرفين الوهابيين السوداويين الإظلاميين الذين سيطالبون بمكان للصلاة داخل أرجاء المكتبة الفسيحة .. فإدارة المكتبة بينت وجهت نظرها في عدم تخصيص مكان للصلاة بان المكتبة مكان عالمي لا يقتصر على ديانة دون أخرى وقالوا لو حنخصص مكان كمسجد لصلاة المسلمين يبقى لازم نخصص مكان ككنسية وكمعبد يهودي كمان .. ولأن دا مش ممكن فمش حنقدر نخصص لكم مكان تصلوا فيه .. حتى لو قلتم إن غالب رواد المكتبة من المسلمين وإن صلوات المسلمين تختلف عن غيرهم في كونها ملزمة وعلى مدار اليوم .. ما نقدرش .. عايز تصلي .. اطلع بره

كل حاجة ليها مبرر حتى اللي قتلوا الأنبياء كان ليهم وجهة نظر ورؤية ..

الموضوع ده أخبرني بيه أحد المعارف العاملين في المكتبة .. والعهدة على الراوي وإن كنت لا اتهمه بكذب

أظن دلوقتي عرفت معنى كلمة من الكلمات اللي كنت اسمعهم .. التغريب التغريب .. متهيألي فهمت معناها .. التغريب .. هو إنك تذبح نفسك كقربان للغرب حتى لو الغرب لم يطلب منك مثل هذه التضحية ..

وسلموا لي ع المادة التانية من الدستور ..

18 comments:

عصفور المدينة said...

نسوا الله فنسيهم

Anonymous said...

تجسيد للغباء والانسياق ورا كلام الغرب

بغبغانات وخلاص .... مش يقروا دينهم ويفهموا...لأ...آل يعني عندهم عدالة

محمد عبد الغفار said...

وتصلى ليه يعنى مش مشكله

ده رد المستقبل القريب

eldoctor said...

الا لعنة الله على الظالمين

أمــانــى said...

هنقول ايه عليهم ربنا
ربنا يخسف بيهم الارض ويذلهم فى الدنيا قبل الاخرة امــين يااااااااااارب العالمين
ربــنا يثبتنا جميــعا ياااااااااارب أمين

khaled said...

حسبى الله و نعم الوكيل
بلد مسلمة
بها اكثر من سبعين فى المائة مسلمين
و لا نستطيع ان نصلى
طب يللا بينا نخرج نصلى بره البلد

BinO said...

المادة الثانية من الدستور بتسلم عليك وبتقولك وحشتني جداً

Ma 3lina said...

عااادى خالص و لا تاخد فى بالك

اصل البلد بقت كلها ...

اقولك ما عليناا

استاذ بينو :

بتقول ايه المادة التانية باه ؟؟

elbostagy2 said...

السلام عليكم ورحمة الله وبركاته

أخي الغالي
هذا الوضع غير مقتصر على المكتبه وفقط

في حدائق المنصورة لا يوجد مساجد ولو سألت الأملن يقولك اتفضل صلي بره واقطع تذكره تانيه وأدخل

وفي مساجد الكليات خاصة كلية طب المنصورة
المسجد يغلق الساعه 2

بالرغم من ان فيه محاضرات وسكاشن بتستمر للساعه 7

حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل

أسألكم الدعاء......البوسطجي 2

ana ga3an said...

الموضوع حقيقي فعلا
سيبك من دة مش مهم
لما يكون في وفد اجنبي موجود و هايزور المكتبة عارف بيعملو اية
بيرشو الدنيا مية ويرمو اي حد جوة المكتبة برة

خمسة فضفضة said...

السلام عليكم ورحمة الله وبركاته

حسبنا الله ونعم الوكيل

اللهم لا تحاسبنا بما فعل الجهلاء منا

AHMED SAMIR said...

ياسلاااااااااااااام
تخيل اني رحت المكتبة بتاع مرتين كدة ومالفتش نظري الحكاية دي خالص
بس تصدق مبرر كوميدي قوي بتاع ان المكتبة لكل الاديان...دة على اساس ان الشعب المصري فيه المسلم والمسيحي واليهودي والهندوسي والسيخي والبوذي وكدة يعني
فعلا
مصر يابلد العجايب
تحياتي ليك
مدونة جميلة

mohand said...

السلام عليكم
الله المستعان

رينـــــــــــا said...

بجد فاجئتنى
امال لو الواحد راح لهم بالزى الشرعى هيعملوا ايه
اكيد هيمنعوا دخولنا بئا!!!!

على العموم هى مش الجنه
مش رايحه ان شاء الله تولع بيها:D:D:D

حسبى الله ونعم الوكيل بجد

مسلم said...

السلام عليكم و رحمه الله و بركاته



ما علينا

Aladdin said...

صحيح لو المسيحي أو اليهودي عايز يصلي، يصلي فين؟!!

Unknown said...

سبحان الله كنت هناك في الشهر اللي فات وحه وقت الصلاة فسألت واحد من بتع الأمن الداخلي للمكتبة انتوا بتصلوا فين هنا؟ فزي ما يكون فتحت جرح فيه ورد بتنهد وحزن عميق: بره يا بني .. لو عايز تصلي .. اطلع بره! (نفس عنوان البوست بتاعك).

كلام لوجيك said...

تصدق انى اول مرة اعرف المعلومة دي؟؟
بس طبعا حضرتك حرقت دمى بيها
انا مش عارف الناس دي اتلغها من عندها حاجه اسمها حياء ونخوة ودين؟؟
ايه اللى بيحصل ده؟؟
فعلا تغريب
وابلغ حاجه قلتها لما قلت
التغريب .. هو إنك تذبح نفسك كقربان للغرب حتى لو الغرب لم يطلب منك مثل هذه التضحية
احسنت قولا يا اخى العزيز
وربنا عالظلمة
ولاحول ولا قوة الا بالله