Friday, December 14, 2012

عن الدستور



وكم بلد بلا دستور صَلُح حالها

وكم من دساتير قل ما تنفعُ

فاشغل نفسك بما هي أهل له

ولا تكن كالغر ينقاد لمن هو يخدعُ

فما صلاح النص فقط يوماً بالذي

يصلح أمة فانتبهوا لي واسمعوا

ولو كان ذا لانتفع إذا عندها

بصالح القرآن خوارج وشِيّعُ

فالعقد لا يحفظ للزوجة سعدَها

إن كان الزوج في المعاصي يرتعُ

فأصلح نفسك وأهلك وقل لهم

إنا نوالي المصلحين ونتْبَعُ

وما الدستور إلا حبر على ورق

وبدون صلاح رعية بالخيبة يرجعُ



38 comments:

Anonymous said...

اصلا... ده كلام مش مظبوط... لامؤاخذة يعنى

ma 3lina said...

ولا مؤاخذة يعني .. اصلا هو ليه مش مظبوط ؟

Anonymous said...

هو كده بأه... عند حضرتك ايتها موانع؟؟
وبالاضافة لما سبق... أصلا... الوزن مكسور.. هه..بس

ma 3lina said...

لا ما اقدرش يكون فيه موانع يافندم.

وبالنوسبة للوزن فدا لأنني انتمي لمدرسة حبة فوق حبة تحت الكلاسيكية واحنا لغينا الوزن ... أصلا.

لا انا حقول لحضرتك الحقيقة .. اصلا .. دا مش شعر عشان يبقى فيه وزن، دا مجرد خاطرة لواحد كان قاعد ساعة بحالها جعان ومش لاقي حاجة ياكلها فقال يقرقض بيتين كده في الساعة دي ع السريع ويصبر نفسه بيهم ... أصلا.

Anonymous said...

حضرتك بتتريق عليّا :(
والا بلاش بتتريق علشان بتنرفزك
حضرتك بتسخر منى؟؟؟

ma 3lina said...

لا لا .. انا مش بسخر
.
.
أنا بتريق .. أصلا
:P

بس برضه ما يمنعش اني بحترم رأي حضرتك واحب اعرفه

Anonymous said...

ما دام بتحترم رأيى وحابب تعرفه وكده اقولك يا سيدى... الضمانة مش الدستور... ولا صلاح الناس اللى هيتطبق عليها الدستور... الضمانة فى الآليات اللى تضمن أن المشرع... اللى هو مخاطب أصلا بالدستور... ما يعملش شغل الحواة وبتوع التلات ورقات وهو بيصوغ مواد القانون" المتعلقة بالمادة الدستورية المعنية" ويسيب ثغرات كده وحوارى يقدر يلعب فيها براحته ويدّى فرصة للى مش مظبوط انه يطعن بعد كده فى عدم دستورية القانون والحلزونة اللى بنقعد نعيشهامع ترزية القوانين ... والضمانة أن القاضى اللى هيفصل فى دستورية أو عدم دستورية قانون يكون نزيه وشريف ويقضى بالحق وما يلاعبناش على الشناكل أو يحمّل النص الدستورى ما لا يحتمل ...والضمانةان يكون عندك آلية " الحديدوالنار"اللازمة لتطبيق القانون ولو على الاقربين...بكده لو الدستور حلو والشعب وحش اعتقد ممكن نوصل لنتيجة كويسة ...وأعتقد ان الدول الكويسة بقت كويسة علشان عملت اللى انا قلته ده... لكن دستور بلا ضمانات حقيقية تضمن تنفيذه يبقى أى هجص وياخسارة وجع القلب اللى احنا فيه
بالمناسبة أنا من الناس البرجوازية اللى شايفة ان الدستور ما ينفعش يطرح للاستفتاء العام على الشعب... أنا شايفة ان مفروض أن يكون فيه هيئة أو جمعية منتخبة من الشعب وتكون مؤهلة جيدا" نقدر نقول أهل الحل والعفد كده ومعاهم فقهاء قانون وفقهاء دستوريين.. بس مش يحيى الجمل .." وهى اللى تقرر ما اذا كان الدستور ده ينفع والا لأ... والسلام ختام

ma 3lina said...

اختلف مع حضرتك لنفس الأسباب اللي قلتها في البوستين بتوع الدستور .. بس الحلو في تعليقك إنه طويل فاستمتعت به.

وعموما اختلاف الرأي .. أصلا .. لا يفسد للود قضية ;)

بالمناسبة، حضرتك قلت نعم ولا لا وبرؤية حضرتك القانونية إيه رأيك في الدستور؟

Anonymous said...

رؤيتى القانونية!!! اللى هى زى رؤيتك الكهربية كده ؟
يا بنى... ما هو حتى لو الناس اللى هتطبق القانون ناس ما حصلتش... لو مافيش آليات تجبرهم بقوة على تنفيذه هييجى يوم أكيد ويتلاعبوا ويتحايلوا عليه حتى لو كانوا ناس بيرفكت وآخر حلاوة... أصلا... احنا مش فى يوتوبيا علشان تبقى الدنيا حلوة والناس طيبين وأمامير وينفذوا القانون من نفسهم... والبنى آدم دعيييف
أنا قلت آه... والدستور حلو... والسلام ختام

ma 3lina said...

أولا : ابنك .......... ايوا برافو

ثانيا: أنا مش معترض على فكرة الدستور لو مجرد اجراء تنظيمي والناس تفهم كده ودا وضحته قبل كده، لكن اعتراضي على اعتبار الدستور مصير أمة مانح الشريعة أو مانعها سلطانها الخافض الرافع المانح المانع وجعل الناس يهتموا بتفاصيل كلماته على اعتبار ان دا مصير أولادهم والاجيال القادمة .. دا فيه ناس بتقول الثغرة الواحدة في السفينة تغرقها والثغرة في الدستور تغرق البلد .. وكأن الدستور لازم يكون معصوم بدون ثغرات ودا مش موجود وإلا يبقى اللي حاطينه معصومين هما كمان والتاني اللي يطالب ان الدستور لا يجب أن يحتمل اي تأويل .. إذا كان القرآن اللى لو كان من عند غير الله لوجدنا فيه اختلاف كثير بيأول ، يبقى فين الدستور الغير قابل للتأويل دا .. دي عقيدة بتتزرع عند الناس والحاجات دي مش اوصاف من عندي للدستور دا كلام الناس اللي في الشارع اللي سمعوه من النخبة العلمانية وانجر وراهم اصحابنا .. وكأننا بنقول للناس فيه كتاب سماوي جديد إحنا بنجهزه خالي من الثغرات وغير قابل للتأويل الباطل وهو مصير الأمة والأجيال القادمة .. عجل جديد عمله لينا السامري عشان نعبده في غياب موسى اللي راح يجيب الشريعة وسكوت هارون عن غير رضى خوفاً من تفريق الكلمة واراقة الدماء ..

لو الموضوع كده يبقى لازم نقول للدستور وانظر إلى إلهك الذي ظلت عليه عاكفا لنحرقنه ثم لننسفنه في اليم نسفا ...

بس خلاص والسلام ياعم.

Anonymous said...

أولا: ياعم... أيوا برافو

ma 3lina said...

طيب وثانيا ؟

Anonymous said...

ثانيا... محدش بيقول ولا حد فاهم ان الدستورمسألة حياة أو موت... وكلنا متفقين بجميع طبقاتنا وأيديولوجياتنا ان الدستور مجرد أجراء تنظيمى بيعمل علامات على الطريق للمشرع وهو بيعمل القوانين ياخد باله منها ... علشان كده بس لازم ناخد بالنا ان العلامات دى تكون كويسة ومعمولة صح... بس كده

ma 3lina said...

محدش بيقول كده ازاي ؟؟

امال الناس اللي قابلتهم بيقولوا كده وأخوة وملتزمين ايه ظروفهم ..

طيب أجيبهم لحضرتك تقنعيهم ؟؟

Anonymous said...

دول أكيد من طبقة وأيديولوجية تانية غير اللى احنا قاعدين فيها
ما تنساش حضرتك اننا حديثو عهد بممارسات الديمقراطية... وطبيعى نحتاس شوية كده فى الاول لغاية ما الرؤى تتضح والامور تهدا...ده لو كملت من أساسه... أصلا

ma 3lina said...

أصلا

أنا زهقت من موضوع الدستور

خلينا نغير السيرة دي بقا

Anonymous said...

كفاية بأه...غيّرنا السيرة كتير... نرجع بأه لموضوع الدستور ... كنا بنقول ايه ! ؟

ma 3lina said...

كنا بنقول حضرتك كنت فين ؟

Anonymous said...

ليه... حد سأل عليّا ؟؟

ma 3lina said...

أيون .. استعوقتك :)
ولا مش مهم :( ?

Anonymous said...

حضرتك استعوق زى ما تحب
الاستعواق حق لكل مواطن... أصلا

ma 3lina said...

اتفلق يعني

ماشي .. عموما شكرا :(

Anonymous said...

كلا البتة
بعد الشر على حضرتك

ma 3lina said...

:)

Anonymous said...

مالك يا هندسة
شكلك كده مأريف !

ma 3lina said...

يعني شوية .. الحمد لله على كل حال

Anonymous said...

كيف الحال دلوقتى؟
أأجيبت دعوتى؟

ma 3lina said...

الحمد لله على كل حال
كانت ايه الدعوة ؟

Anonymous said...

خليها بظهر الغيب أفضل

ma 3lina said...

عشان اقول لك أجيبت ولا لأ ؟

Anonymous said...

راحة البال وسكينة النفس

ma 3lina said...

لا لم تجب دعوتك.

Anonymous said...

ان شاء الله خيرها فى غيرها

ma 3lina said...

بس ياريت غيرها بقا تكون طالعة من جوا القلب عشان ربنا يستجيبها والملائكة تقول ولك بمثل.

Anonymous said...


طيب ما تقول عايزنى ادعيلك بايه
دعوة عمولة يعنى

ma 3lina said...

صعب اقول هنا
:)
لكن هو نفسه اللي بتمناه من زمان

Anonymous said...

ربنا يرزقك اللى بتتمناه من زمان
حلو كده؟

ma 3lina said...

حلو أوي أوي أوي