Thursday, January 31, 2008

الوصلة ضربت يا مينز

والله زمان يا دايل آب

يعني إيه كابل مدفون في البحر وضرب .. هو النت دا كابلات ممدودة في الأرض ولا في البحر .. هي مش الاتصالات في العالم بتتم عن طريق الأقمار الصناعية ولا أنا غلطان .. وإذا كانت مش بتتم عن طريق الأقمار الصناعية .. أومال الأفراح اللي بتتعمل دي على القمر الصناعي للاتصالات إيه لازمتها ؟؟

وبعدين حتى لو احنا واخدين وصلة نت من سيبر في أوربا حناخد من البحر ليه ؟ احنا لو لفينا الكابل من ناحية اسيا كده من نواحي تركيا وسوريا والأردن حيبقى ارخص واوفر من لو حطينا في البحر كابل ..

يعني شبكة الكهربا اللي حفينا عشان نربطها بالشبكة الأوربية لفيناها من فوووووق عشان التكلفة ومحطيناش أي حاجة في البحر إلا اللي الحتة اللي واصلة بيننا وبين الأردن خليناها في خليج العقبة عشان ما نعديهاش جوا ارض فلسطين المحتلة .. طيب وكان لزمته ايه اللفة دي كلها ما كنا مدينا وصلة كده في البحر لغاية اليونان وريحنا الأدموغي .. بدل ما تيجي سمكة معدية في الحر وتضرب لنا الكابل .. لكن عشان التكلفة لفينا خطوط الكهربا كل اللفة دي
طيب إيه بقا الكابل اللي في البحر دا اللي ضرب ؟؟؟ وامتى مدوه ؟؟ .. دا كل ما بيعملوا طوبة يقعدوا يعملوا فرح عليها وإنهم اللي جابوا الديب من ديله .. يعني مدوه في البحر كده من غير لا حس ولا خبر .. وحتى لو مدوه .. دا النت يا عالم ما كملش عشر سنين .. يعني عشر سنين ويضرب كده ؟؟؟؟

طيب هو احنا مادين الكابل دا لغاية فين .. اليونان مثلا .. واليونان متوصلة برومانيا ورومانيا بايطاليا وايطاليا بفرنسا وفرنسا بانجلترا .. طب وبعدين .. انجلترا مادة كابل برضه في المحيط الأطلسي وموصلاه لأمريكا ولا إيه ؟؟؟

طيب الكابل الممدود لينا ده ممدود لينا واحنا بندي للدول اللي جنبنا .. ليبيا والسودان وتشاد واثيوبيا وبقية افريقيا ؟؟؟ وساعتها بقا يبقى المفروض كل الدول دي النت قاطع عندهم ولا فيه كابل ممدود لينا لوحدينا وكابل تاني ممدود لليبيا وواحد تاني لتونس ..

شوية ويقولوا إن فيه حد مشغل النت كت على المصريين ..

ياريت اللي فاهم حاجة يفهمني ....

=================================================
تحديث : تعليق الباشمهندس الصارم
=================================================

شوف انا مش شغال في الحتة دي بالذات لكن اقدر اقولك ياباشمهندس...عشان تعدي وصلة الانترنت للبلد كلها - الحسابات بالتيرابايت - في الأقمار الصناعية بالسعة دي - لاحظ انك بتتكلم عن خط داتا رئيسي داخل للبلد كلها - ده مكلف جدا جدا غير انه غير عملي وكابلات الالياف الضوئية اكثر كفاءة واعتمادية وده مؤكد....الاقمار الصناعية تستخدم لاغراض خاصة وضرورية وليس عامة ارخص وأأمن انك تعديها في البحر وليس البر ..الكابلات الكهربائية تختلف هنا لانها ليس بحساسية كابلات الالياف الضوئية ...والعالم كله شغال كده ....لكن العكس انك تعدي الكابلات الكهربائية بقى في البحر هيكون كده اغلى واقل فاعلية في حالة الكابلات الكهربية على حد علمي - وانت اللي تقدر تقول هنا ..انك في حالة كابلات الجهد العالي الكهربية ممكن تاخد في الطريق وصلات لمحطات تغذية المدن ودي نقطة تانية لمرو الكابلات الكهربية على الارض وليس البحر

اصل الحكاية انك عندك شبكة داخلية دي ممكن تعديها في الارض براحتك اذا كانت الياف ضوئية او انها تكون ميكروويف وده الأأمن جوه البلد..ومصر عندها بنية اساسية في الـ tgransmission عالية فعلا..تستخدم لكل من التليفونات بانواعها والداتا

وعشان كده مثلا موقع مثل مصراوي او الشركات صاحبة السيرفرات اللي بتقع داخل مصر لم تنقطع فيها الخدمة- مصراوي مثلا شغال على طول ...لكن معظم السيرفرات اللي بنتعامل معاها هي خارج مصر للاتصالات بالعالم الخارجي محتاج تعدي على gateways لكل من الاتصالات الصوتية او الداتا على حد علمي ان ال gtaways الاساسية بتاعة مصر في فرنسا والامارات ويمكن ايطاليا ايضا لا تذكر تحديدا الاتصالات بتيجي اولا على الـ gateway ومنه بتتوزع على سنترال كل منطقة - عن طريق الالياف ضوئية او ميكروويف - ومنه توصل للمشتركين

المشكلة دلوقت ان الكابل البحري اللي مطلعك على فرنسا اتقطع

الكابل مش ضرب...صعب جدا وشبه مستحيل ان الكابلات البحرية دي تضرب وخاصة في فترة قصيرة كده ...الكابل اتقطع

الغريب في الموضوع ان هما مش كابل واحد ...هما كابلين المسافة بينهم كيلومتر كامل على الاقل يعملان load-sharing على الارجح..وفي حالة انقطع احداهما فان الاخر يتحمل الخدمة بأكلمها...وعلى حسب ضغط الخدمة هنا ومدى فراغ القنوات تكون الكفاءة في هذه الحالة ...والكابلات بتكون على اعماق بعيدةجدا... ومحاطة بـ"مواسير" خاصة للحماية على هذه الاعماق ولكن ليست مدفونة في ارض قاع البحر ..لانك ان دفنتها في قاع البحر..يبقى اما تيجي تدفن كابل بحري في قاع الاطلنطي مثلا محتاج توصل لعمق 7 كيلومتر ..وقاع الهادي 10 كيلومتر وده مستحييييييييل حتى الآن على حد علمي ايضا

ولهذا العمق- في البحر وليس ارض البحر - فان التصليح يتم عن طريق ربوتات لانه لا بشري سيتحمل الضغط على هذا العمق ...ولهذا فان الموضوع هيطول ..عشان تشحن الكابلات وتجيب الروبوت والمهندسين وتعمل العملية دي على الأقل اسبوع...الوزير لم يبالغ

ازاي بقى الكابلين معا يتقطعوا هو ده الغريب..واشمعنى الداتا هي اللي قطعت ..والحمد لله الاتصالات التليفونية الدولية لم تنقطع هي الأخرى

دلوقت هما هيحولوا الخدمة كلها تقريبا على الخط التاني اللي ماشي في البحر الاحمر ..وارجع لنقطة الـ load-sharing عشان تقدر تحسب تقريبا كفاءة الخدمة المتوقعة حتى يتم التصليح

تقدر تجيب خريطة للكابلات البحرية من على موقع شركة الكاتل على الانترنت على ما اظن ..وهي اكبر شركة متخصصة في الكابلات البحرية

وهي ليست اول مرة تحدث..ان تتضرر الكابلات البحرية...حدثت منذ عدة سنوات في ليبيا ...وفي الجزائر ابان زلزال 2003..وفي باكستان وشبه القارة الهندية واسيا الوسطى قبل وابان زلزال 2005

النهادرة وقعوا عقد كابل بحري جديد بسعة اكبر مع شركة الكاتل ..وهيشارك مع الكابلات اللي هتتصلح ان شاء الله لاعطاء سعة اكبر...لعل وعسى


ولولا الحادثة في الغالب ماكنتش سمعت عن موضوع الكابل الجديد ده- معلش اصل مهندسين الاتصالات بيشتغلوا في صمت في البلد دي...احم احم....شكرا شكرا
(:

19 comments:

خمسة فضفضة said...

السلام عليكم ورحمة الله وببركاته

اتصدمت لما عرفت ان الوصله ضربت ، معني كده اننا هانقعد تحت رحمة الحكومه اللي يومها بالف سنه ومش بتعمل حاجه الا بطلوع الروح
بس بعد ما عرفت ان الكابل ده مش واصل للمصر بس
لا لدول تانيه كتير (من مصر الى بومباي مرورا بعمان والبحرين والكويت وايران وقطر والعراق في الشرق الاوسط. ومن بومباي يربطه كابل آخر تملكه ريلايانس(فلاج تلكوم) بمحطة أرضية في مدينة مدراس الجنوبية حيث يتم توصيله بكابل تحت الماء الى هونغ كونغ لينضم الى شبكة فلاج هناك. كل ده ملك لشركه هنديه اللى اشترت شركة فلاج من 2004 )


استبشرت خير وقلت يمكن ربنا ينفخ في صورتهم ويصلحوه بسرعه

ادعيلهم

mohand said...

السلام عليكم

استغربت لما عرفت انك متعرفش الحكاية دي

بص حسب معلوماتي القليله

ان فيه وصله من امريكا لانجلترا
ومنها لفرنسا

ومن فرنسا لمصر ومن مصر لدول اسيا اللي من ناحيتنا

وهكذا

الوصلة دي والله اعلم وصلة مصر عن طريق جامعة الاسكندرية
اول من وصل نت لمصر
قبل مجلس الوزراء حتي

وتقريبا من 96 ل 98
في الفترة دي

موضوع الاقمار الصناعية
الاقمار الصناعية عندنا بتقوم بدور الارسال لينا
واحنا بنستقبل
لان الاستقبال تكلفتة بسيطة
لكن الارسال للقمر تكليفتة اعلي

ودا برضه والله اعلم المعلومات دي مدي صحتها
اخوك مش دارس يعني بس بقالي كتير في الشبكة دي فعرفت معلومات كتيره عنها


كان فيه فيلم اجنبي مش فاكر اسمه
فيه حرامية حبوا يسرقوا من بنوك سويسرا
نزلوا بغواصة لتحت المحيط
وقطعو الكابل ووصلو كابل بيهم لنقل الداتا والمعلومات

ايه رايك تيجي نعملها ونسرق البنك الزراعي
يطلعلنا قمح وذره
هههههههههههههههههههه

ارجوا اني اكون ساعدتك
تحياتي

الصارم الحاسم said...

شوف انا مش شغال في الحتة دي بالذات لكن اقدر اقولك ياباشمهندس...عشان تعدي وصلة الانترنت للبلد كلها - الحسابات بالتيرابايت - في الأقمار الصناعية بالسعة دي - لاحظ انك بتتكلم عن خط داتا رئيسي داخل للبلد كلها - ده مكلف جدا جدا غير انه غير عملي وكابلات الالياف الضوئية اكثر كفاءة واعتمادية وده مؤكد....الاقمار الصناعية تستخدم لاغراض خاصة وضرورية وليس عامة

ارخص وأأمن انك تعديها في البحر وليس البر ..الكابلات الكهربائية تختلف هنا لانها ليس بحساسية كابلات الالياف الضوئية ...والعالم كله شغال كده ....لكن العكس انك تعدي الكابلات الكهربائية بقى في البحر هيكون كده اغلى واقل فاعلية في حالة الكابلات الكهربية

على حد علمي - وانت اللي تقدر تقول هنا ..انك في حالة كابلات الجهد العالي الكهربية ممكن تاخد في الطريق وصلات لمحطات تغذية المدن ودي نقطة تانية لمرو الكابلات الكهربية على الارض وليس البحر

اصل الحكاية انك عندك شبكة داخلية دي ممكن تعديها في الارض براحتك اذا كانت الياف ضوئية او انها تكون ميكروويف وده الأأمن جوه البلد..ومصر عندها بنية اساسية في الـ
tgransmission
عالية فعلا..تستخدم لكل من التليفونات بانواعها والداتا

وعشان كده مثلا موقع مثل مصراوي او الشركات صاحبة السيرفرات اللي بتقع داخل مصر لم تنقطع فيها الخدمة- مصراوي مثلا شغال على طول ...لكن معظم السيرفرات اللي بنتعامل معاها هي خارج مصر


للاتصالات بالعالم الخارجي محتاج تعدي على
gateways
لكل من الاتصالات الصوتية او الداتا

على حد علمي ان ال
gtaways
الاساسية بتاعة مصر في فرنسا والامارات ويمكن ايطاليا ايضا لا اتذكر تحديدا

الاتصالات بتيجي اولا على الـ
gateway
ومنه بتتوزع على سنترال كل منطقة - عن طريق الالياف ضوئية او ميكروويف - ومنه توصل للمشتركين



المشكلة دلوقت ان الكابل البحري اللي مطلعك على فرنسا اتقطع

الكابل مش ضرب...صعب جدا وشبه مستحيل ان الكابلات البحرية دي تضرب وخاصة في فترة قصيرة كده ...الكابل اتقطع

الغريب في الموضوع ان هما مش كابل واحد ...هما كابلين المسافة بينهم كيلومتر كامل على الاقل يعملان
load-sharing
على الارجح..وفي حالة انقطع احداهما فان الاخر يتحمل الخدمة بأكلمها...وعلى حسب ضغط الخدمة هنا ومدى فراغ القنوات تكون الكفاءة في هذه الحالة ...والكابلات بتكون على اعماق بعيدةجدا... ومحاطة بـ"مواسير" خاصة للحماية على هذه الاعماق ولكن ليست مدفونة في ارض قاع البحر ..لانك ان دفنتها في قاع البحر..يبقى اما تيجي تدفن كابل بحري في قاع الاطلنطي مثلا محتاج توصل لعمق 7 كيلومتر ..وقاع الهادي 10 كيلومتر وده مستحييييييييل حتى الآن على حد علمي ايضا


ولهذا العمق- في البحر وليس ارض البحر - فان التصليح يتم عن طريق ربوتات لانه لا بشري سيتحمل الضغط على هذا العمق ...ولهذا فان الموضوع هيطول ..عشان تشحن الكابلات وتجيب الروبوت والمهندسين وتعمل العملية دي على الأقل اسبوع...الوزير لم يبالغ

ازاي بقى الكابلين معا يتقطعوا هو ده الغريب..واشمعنى الداتا هي اللي قطعت ..والحمد لله الاتصالات التليفونية الدولية لم تنقطع هي الأخرى

دلوقت هما هيحولوا الخدمة كلها تقريبا على الخط التاني اللي ماشي في البحر الاحمر ..وارجع لنقطة الـ
load-sharing
عشان تقدر تحسب تقريبا كفاءة الخدمة المتوقعة حتى يتم التصليح

تقدر تجيب خريطة للكابلات البحرية من على موقع شركة الكاتل على الانترنت على ما اظن ..وهي اكبر شركة متخصصة في الكابلات البحرية


وهي ليست اول مرة تحدث..ان تتضرر الكابلات البحرية...حدثت منذ عدة سنوات في ليبيا ...وفي الجزائر ابان زلزال 2003..وفي باكستان وشبه القارة الهندية واسيا الوسطى قبل وابان زلزال 2005

النهادرة وقعوا عقد كابل بحري جديد بسعة اكبر مع شركة الكاتل ..وهيشارك مع الكابلات اللي هتتصلح ان شاء الله لاعطاء سعة اكبر...لعل وعسى


ولولا الحادثة في الغالب ماكنتش سمعت عن موضوع الكابل الجديد ده- معلش اصل مهندسين الاتصالات بيشتغلوا في صمت في البلد دي...احم احم....شكرا شكرا
(:

الصارم الحاسم said...

نسيت اوقل ان شغل كتير اتعمل في المجال ده اما كان نظيف وزير للاتصالات

كان اكرم له واحسن له ولنا بأمر الله انه يفضل وزير للاتصالات

mo'men mohamed said...

انت عملتها أزمة دولية ليه يا عم
كبر دماغك
والحل عند عصفور المدينة
السلام عليكم

عـلا - من غـزة said...



والله انا كنت جاية اعطيك ..

هالرابط

بس ماشاء الله رد الاخ الصارم الحاسم كان مفيد جدا وياريت لو تنزله في تحديث للبوست للفايدة يعني :D

ان شالله بتنحل المشكلة قريبا ..

تحياتي :)

أمــانــى said...

السلام عليكم
ايه يا هندسة هو حضرتك ناسى
يبقى اكيد انت فى مصر
انا طبعآ مش هتكلم بعد المهندس المخضرم الصارم الذى قام مشكورآ بالشرح الوافى
بس انا على ما اعتقد الاقمار الصناعية اسهل واوفر بكتير بس طبعآ مصر لدواعى امنية الكابلات افضلها حتى تتمكن من خنق وقفش كل من يسول له نفسه العبث والتعبير عن رأيه
المشكلة بقى الاكبر ان مصر هى اللى هتدفع ثمن التصليحات ومفيش تعويض
لان الشركة المالكة بتقول انه قضاء وقدر

~ شيمى ~ said...

اه صحيح ازاى فاتتنى الحكاية دى
معلومات برضه

~ شيمى ~ said...

يعنى احنا اخدين وصلة برضة من سايبر فى امريكا؟
هههههه

ma_3alina said...

خمسة فضفضة
وعليكم السلام ورحمة الله وبركاته
الحمد لله بدأ الموضوع يرجع أهو واخدة واخدة .. وحناخد شهر تعويض .. أكيد حيطلعوا عنينا فيه
:D

mohand
وعليكم السلام ورحمة الله وبركاته
ما تستغربش دا انا ما اعرفش حاجات كتيرة جدا
هههههههههه
بس ما شاء الله .. معلومات مفيدة جدا .. جزاك الله خيرا
بالنسبة لسرقة البنك الزراعي ... فمعنديش مانع .. ولو انه يعني بيقولوا لو سرقت اسرق جمل مش بنك زراعي
شرفت يا باشا

الصارم الحاسم
يا هندسة اسمح لي احييك على إفادتك الغالية اللي ازدانت بها مدونتي .. ربنا يبارك لنا في مهندسينا اللي بيفهمونا بالراحة .. وتعليقك كان حلو قوي لغاية ما بدأت تشكر في مهندسين الاتصالات .. بصراحة بصفتي البورجية فأنا مش بحبهم .. بس عشان خاطرك وعشان تعليقك المتميز .. ححاول احبهم
:D

mo'men mohamed
وعليكم السلام ورحمة الله وبركاته
اممممم .. كبرت دماغي
:)

عـلا - من غـزة
والله انا خجلان ارد على تعليق حد من أهل غزة ولا ارفع صوتي قدامهم
يا أختي اعذريني وادعي لي إن ربنا يرحمنا ويسامحنا
يا أختي مش حقدر اكلمك عن عجزي وقلة حيلتي .. دا مش حيكون عذر ولكنه حيضيف للتهم اللي عليا تهم زيادة
يا أختي بلغي اهلنا عندكم إننا مش راضيين عن أعمالهم وأفعالهم

أمــانــى
وعليكم السلام ورحمة الله وبركاته
حكاية الأقمار الصناعية دي باين عليها طلعت أي كلام ..
مصر حتدفع ثمن التصليحات .. ربنا يستر وما يغلوش الخدمة .. يالا واهو لو غلوها نرفع قضية .. مش حضرتك معانا برضه ؟؟

~ شيمى ~
أهلا وسهلا
خلاص بقا ما هو الباشمهندس الصارم وضح لنا كل حاجة
:)

الصارم الحاسم said...

يا باشمهندس ليه بس كده


ده بتوع الاتصالات دول طيبين وكويسين وعساسيل وجدعان اوي
(:

الصارم الحاسم said...

رابط مفيد ومختصر

http://www.islamonline.net/servlet/Satellite?c=ArticleA_C&cid=1175008843143&pagename=Zone-Arabic-HealthScience%2FHSALayout

الصارم الحاسم said...

وهو كل تكنولجيا لها تكنولوجيا مضادة...وكل وسيلة اتصالات منتشرة حاليا لها وسيلة تنصت..الموضوع فقط بيكون وقت للنوعيات الجديدة وبرضع بيظهر لها وسائل

ma_3alina said...

الصارم الحاسم
مهندسين اتصالات طيبين ؟
ماشي يمكن
جدعان ؟؟
احتمال برضه
لكن العسسلنة دي حتيجي منيييين ؟؟؟؟؟؟
حضرتك استثناء ياباشمهندس من القاعدة العامة للاتصالتجية ..

:D

جزاك الله خيرا على الرابط فتحته أهو وحقراه

Lasto-adri *Blue* said...

ممكمن ارد على أمانى بشئ
انه حقيقة الإتصالات عبر القمر الصناعى أغلى بكتير جدا جدا من الكبلات البحرية.. وسعتها أقل دا غير التعطيل.. همم.. يعنى
delay

بمعنى -لو فرضنا- انك ح تكلمى حد فى أمريكا مثلا وتسمعى كلامه بعد ثانيتين لو بالكابل البحرى... يبقى ممكن تستنى 10 او 15 ثانية عشان تسمعى كلامه عن طريق الساتالايت
هل فاهمة اقصد ايه؟

هى مش دواعى أمنية... ولو انها عنصر من العناصر لكن مش الاساس.. التكلفة وسرعة تقديم الخدمة والسعة عناصر أهم بكتير


وأحب أقول للصارم الحاسم انه لا فص فوك يا باشمهندس
وهو الكابلين فعلا كانوا شغالين
loadsharing as backup to each other

انما تصحيح بسيط للموضوع
الاتصالات الدولية لا تنقل عبر الكابلاات ولكن عير المايكروواف
point to point


الإضافة اللى نفسى أى حد يفكر فيها
إزاى كابلين يتقطعوا فى تقريبا نفس الوقت وعلى بعد 12 كم من الشواطئ المصرية
يعنى فى المياة الإقليمية المصرية
وماحدش يقنعنى انه سفينة قطعت واحد بالهيلب -زى ما اتقال فى الأول- ثم مشيت الى رقعة تانية تبعد عنها على الأقل كيلو متر.. عشان تدور على الكابل التانى وتقطعه
ومحدش يقول لى زلزال لان فيه فرق توقيط للقطع مابين الكابلين....
هى مالهاش فى مخى غير تفسير واحد... غواصة

السؤال اللى يفرض نفسه عليا.. ازاى دخلت المياة الاقليمية المصرية وازاى قطعت واحد وشوية وقطعت التانى... يعنى بتتسلى على كابلاتنا يعنى... ومحدش بلغ عن شئ؟

الصارم الحاسم said...

بالضبط هي اما حاجة من تلاتة...هلب او غواصة او طوربيد بحري...مش ضروري يكون مطلق بشكل متعمد على الكابلات


بس..انا مش قصدي الجدال....لكن الاتصالات الدولية - الصوتية - يدخل فيها كابلات الالياف ايضا ...لم ارها بعيني لكن قرأتها....وسمعتها كثير من الزملاء في الـ
transmission

ma_3alina said...

انا بصراحة مش فاهم قوي .. بس كويس انكم فاهمين بعض

إحم إحم ... هو الميكروويف دا اللي بيتحط فيه الأكل إزاي بننقل عليه المعلومات والاتصالات .. ما علينا .. يظهر إني جيت في حتة غلط

الصارم الحاسم said...

القاسم للمشترك ان كلاهما موجات قصيرة


ميكروويف = موجات شديدة القصر

وكلما كان طول الموجة قصيرة فان التردد يكون اعلى ...وطاقة الموجة اعلى....ومقاومتها للتضعيف
attenuation
بفعل المسافة تكون اعلى

لكن في حالة المطبخ...هي موجات شديدة القصر لرفع
درجة حرارة الطعام والوصول به للنضج


اما في حالة الاتصالات فهي موجات شديدة القصر لكي تكون حامل
carrier
للاشارت المراد نقلها

المدعوس said...

السلام عليكمورحمة الله وبركاته

وكل سنة وحضرتكم طيبين والشهر البلوشي بصحه وسلامة
الحداية طلعت بتحدف فراخ ( خلي بالكم من الانفلوانزا )
شهر ببلاش إيه احمدوا ربنا إننا مدفعناش تكاليف التصليح
والشهر المجاني ده ريق حلو يعني
وقال علي رأي المثل ( من الأمثال المدعوسية الشعبيه المهلبية )

هانقول اللي انت عايزه وهانعمل اللي احنا عايزينه
وأكلوه بالأونطه ولا هوه اللي بياكلها بالمارون جلاسيه

تعيش الحكوووو
كبسسه كبسسه

كح كح كح

لا يابيه ده انا بكح

أصلي العيال ولاد العفاريت عاملين هاتك ياداونلود لغاية ما الكابل ضرب