Wednesday, February 13, 2008

عيد الحب يا عيدهم ومش عيدنا

وكذلك جعلناكم أمة وسطا لتكونوا شهداء على الناس
والشاهد لا بد ألا يكون تابع أو خاضع للمتهم وإلا كان شهادته محل شك وانتقاد من المتهم .. إذ لو شهد الشاهد على المتهم وبين جرمه .. سيصرخ المتهم فيه ولماذا كنت تتبعني اذا وتتمثل بي وتتشبه بي إن كنت مجرما .. لماذا أيها الشاهد تبعتني وتشبهت بي إن كنت في نظرك مجرماً حقاً ...
لذلك لما جاء موسى فرعون بما يخالف أمره كان أول ما انتقده وعير به موسه : قَالَ أَلَمْ نُرَبِّكَ فِينَا وَلِيدًا وَلَبِثْتَ فِينَا مِنْ عُمُرِكَ سِنِينَ
ورفض فرعون وملأه ايضا اتباع دعوة الرسل متعللين بأن قوم هؤلاء الرسل تابعين له : فقالوا أنؤمن لبشرين مثلنا وقومهما لنا عابدون .. فكان اتباع القوم لغيرهم عائق دون ابلاغ الدعاة للرسالة
وكانت اليهود تعير المسلمين قبل تحويل القبلة فتقول : يخالفنا محمد ويتبع قبلتنا
ولكي تقوم الأمة الإسلامية بشهادتها على باقي الأمم لابد أن تتميز عن تلك الأمم فلا تتبعها في صغير ولا كبير .. حتى تكون الشهادة تامة كاملة

كثيرة هي الأمور التي أمرنا فيها بالمخالفة لغير المسلمين .. كثيرة جدا
ففي باب الاعتقاد أمرنا بالمخالفة فعن جندب رضي الله عنه قال: سمعت النبي صلى الله عليه وسلم قبل أن يموت بخمس وهو يقول: ألا وإن من كان قبلكم كانوا يتخذون قبور أنبيائهم وصالحيهم مساجد، ألا فلا تتخذوا القبور مساجد، إني أنهاكم عن ذلك

وفي الآذان رفضت فكرة الناقوس والبوق للنداء للصلاة لأنها فيها تشبه بغير المسلمين

والقبلة ... قلب الرسول صلى الله عليه وسلم بصره في السماء حتى حولت لقبلة يرضاها الرسول صلى الله عليه وسلم وانقطع قول اليهود يخالفنا محمد ويتبع قبلتنا

وفي الصلاة أمرنا بالمخالفة فعن جابر رضي الله عنه قال صلى الله عليه سلم لأصحابه : إن كدتم آنفًا لتفعلون فعل فارس والروم، يقومون على ملوكهم وهم قعود، فلا تفعلوا
وعن شداد بن أوس رضي الله عنه قال: قال رسول الله صلى الله عليه وسلم: خالفوا اليهود، فإنهم لا يصلون في نعالهم ولا خفافهم فكانت رخصة لمن اضطرته الظروف للصلاة في الخفاف أوالنعال ..

وفي الصيام أمرنا بالمخالفة فعن عمرو بن العاص رضي الله عنه أن رسول الله صلى الله عليه وسلم قال: فصل ما بين صيامنا وصيام أهل الكتاب أكلة السحر
وعن عبد الله بن عباس رضي الله عنهما قال: حين صام رسول الله صلى الله عليه وسلم يوم عاشوراء وأمر بصيامه، قالوا: يا رسول الله، إنه يوم تعظمه اليهود والنصارى! فقال رسول الله صلى الله عليه وسلم: فإذا كان العام المقبل إن شاء الله صمنا اليوم التاسع

وفي الهيئة والمظهر والعادات أمرنا بالمخالفة فعن أبي هريرة رضي الله عنه قال: قال رسول الله صلى الله عليه وسلم: إن اليهود والنصارى لا يصبغون فخالفوهم
قال الله تعالى مخاطبا نساء المؤمنين : وَقَرْنَ فِى بُيُوتِكُنَّ وَلاَ تَبَرَّجْنَ تَبَرُّجَ ٱلْجَـٰهِلِيَّةِ ٱلأولَى
وعن عبد الله بن عمر رضي الله عنهما أن النبي صلى الله عليه وسلم قال خالفوا المشركين : وفروا اللحى ، وأحفوا الشوارب
وعن أنس رضي الله عنه أن اليهود كانوا إذا حاضت المرأة فيهم لم يؤاكلوها ولم يجامعوهن في البيوت، فسأل أصحاب النبيِ صلى الله عليه وسلم النبيَ صلى الله عليه وسلم، فأنزل الله تعالى: وَيَسْـئَلُونَكَ عَنِ ٱلْمَحِيضِ قُلْ هُوَ أَذًى فَٱعْتَزِلُواْ ٱلنّسَاء فِي ٱلْمَحِيضِ ، فقال رسول صلى الله عليه وسلم: اصنعوا كل شيء إلا النكاح، فبلغ ذلك اليهود فقالوا: ما يريد هذا الرجل أن يدع من أمرنا شيئًا إلا خالفنا فيه.

لماذا تخرج المرأة الحائض والنفساء إلى مصلى العيد في يومي الفطر والأضحى وهي لن تصلي ؟ ..
لتشارك المسلمين يومهم وعيدهم وتكثر عدد المشاركين .. وتقر بالشرع والشريعة التي جعلت من هذا اليوم عيدا .. مجرد مشاركتها حتى من غير الصلاة جعلها من جملة المعترفين بالشعيرة
وبالمثل فإن مجرد المشاركة في أي من الأعياد يجعل المشارك من جملة المعترفين بشعائر الاحتفال ويكثر من عدد الأمة صاحبة الاحتفال .. فمجرد المشاركة في أعياد ارتبطت بأسماء قديسين يعد اعتراف بقداستهم وبشعائر غير المسلمين

من أين يأتي تقليد والتشبه بالغير ؟
إما من فرط المحبة للغير والولاية لهم والقناعة بما عندهم والانبهار بشعائرهم وعاداتهم أومن شدة النقمة على الذات واستحقارها وهوانها .. أو كلاهما معا
أضافت الباشمهندسة هوندا لأسباب التقليد عدم الانتماء للدين وده نتيجه ضعف التربية الدينيه لبعض الأفراد وثقافه المجتمع كمان
وأضاف الباشمهندس عصفور المدينة لأسباب التقليد التلذذ بالمعاصي التي يفعلونها

11 comments:

Ma 3lina said...

كان احسن تشيل العنوان و تسيب الناس تفكر انت تقصد ايه:))

رخامة مش اكتر

ما علينا و زى ما بيقولو الموضوع
well written

سؤال يا ترى هتحتفل بالفلانتين فين ؟؟؟

رفقة عمر said...

خالفوا اليهود، فإنهم لا يصلون في نعالهم ولا خفافهم

معلش ماعلينا
انا مش باصلى بخف ولا نعل
يبقى كدة احنا بنقلدهم
بس فيه حاجه انا محتاره فيها
لما ناخد منهم التكنولوجيا وبعض النظريات اللى اكتشوها وبعض طرق العلاج
يبقى كدة برضه احنا ينطبق علينا من تشبه بقوما فهو منهم ولا دة فى المعتقدات بس
بجد نفسى اعرف
بس طبعا هاستعير من دكتور ماعلينا
well written

:)

هوندا said...

سلام عليكم
جزاكم الله خيرا اولا ع الموضوع
ثانيا كنت حابه اضيف ان من اسباب الاتباع بردو والتقليد عدم الانتماء للدين وده نتيجه ضعف التربية الدينيه لبعض الأفراد وثقافه امجتمع كمان

الراقـــص مع الذئـــــاب said...

السلام عليكم
تسلم ايدك يا باشمهندس
والله كنت ناوي اكتب في المهزلة ديه بس البركة فيك
غطيت الموضوع


جزاك الله خيرا

عصفور المدينة said...

جزاك الله خيرا
أضيف إلى أسباب التقليد والتشبه
وهو السبب الأكثر شيوعا هو التلذذ بالمعاصي التي يفعلونها يعني لا أهون من الموضوع ولكن أقصد أن كثيرا من هؤلاء المقلدين لا ينطلقون من أسباب عقائدية ونفسية

عصفور المدينة said...

بخصوص الصلاة في النعال السنة عدم تكلف حال معين وإذا أتيحت الصلاة بالنعل أن يصلي بها ولا يتكلف خلعها وإذا كان هناك فرش أن يخلع إذا خاف إتلافه
وأن يحرص على الأخذ أحيانا بهذه السنة كلما وجد فرصة
دخلت مسجد منذ عدة أيام فوجد نفسي سأصلي في آخر صف على حصير خارج المسجد فصليت بحذائي واقفا على الأرض وأسجد وأركع على الحصيروفعل غيري مثلي
وهذا مثال عملي

أبو عمر - الصارم الحاسم said...

يا اخت احلام

اكيد بتهزري
:)

مش انتي اللي تسألي السؤال ده
:)


يبقى النبي صلى الله عليه وسلم والصحابة...لم يكونوا ليزرعوا ولا ليلبسوا درع ولا يتقلدوا سيف ولا يأكلوا طعاما ولا ليشربوا في اناء..ولا ولا
ولا
ولا

رفقة عمر said...

ممكن ماعلينا من فضلك اعلق على كلام باشمهندس الصارم الحاسم ليا

ليه مش انا اسال السؤال دة انا ينقصنى تير قوى فى العلم
وفوق كل ذى علما عليم
انا ااقصد من سؤالى انا اعتقد التشبه فى المعتقدات بيكون هو الخطا لكن لو اخدنا خبرتهم فى امور اخرى مش غلط
وانا شايفه ان فيه بعض امور مش شايفها انه فيها مانع اننا ناخدها منهم زى يوم الام مش حاسه انه حاجه وحشه قوى لانه بجد فيه ناس فى ظروف الحياه الماديه اللى احنا فيها بينسوا اهلهم تماما وسبجان الله يوم الام تلاقى كل واحد بفتكرها اكيد دة مش صح لان الاسلام وصى بالوالدين
بس مافيش مانع انه يكون هناك فيه يوم للتذكير بيهم
دة اللى انا ااقصده من التعليق

أبو عمر - الصارم الحاسم said...

اخت احلام

انا قلقت بس

تحياتي

Anonymous said...

لا مؤخذة ياجماعة تعرفوا قصة عيد الحب
فالنتين هو قسيس روماني ظهر في القرن الثالث الميلادي في عهد طاغية روماني يدعي كلاديوس
والطاغية ده يا جماعة قرر كدة مع نفسة أنه يلغي الزواج علشان ميعطلش الجنود عن الحرب صراحة كتر خيرة
المهم فالنتين معجبوش الكلام ده وقرر أنه يستمر في عقد الزواج في كنيستة مخالفا لأوامر عم كلاديوس
وبالتالي الراجل لما عرف جابة وأداله العلقة التمام وسجنة وحكم علية بالإعدام لمخالفة أوامرة ودعوتة الصريحة للنصرانية وتزويج الشباب
المهم الناس اللي أتجوزت علي أيده كانوا بيروحولوا السجن ويجيبوله الورد عرفانا بجميلة عليهم
ياتري أية رأيكم في القصة دي
؟؟
تيجوا أقولكم رأيي
بصراحة قصة جميلة وأحب أوضح لية
أولا : القصة حدثت قبل ظهور الإسلام بفترة كبيرة يعني ببساطة منقدرش نقول أن الراجل ده كافر زي ما البعض قال لاحظوا أنه صحيح نصراني لكن النصرانية كانت أخر الديانات التي نزلت من السماء علي البشر يعني ببساطة ممكن عم فالنتين دة يكتب عند الله من المؤمنين و الشهداء كمان لو كان يتبع الدين الحق اللذي نزل علي عيسي علية السلام ومات في سبيل قضية ودفاعا عن دينة وربما لأ
لكن أنا عن نفسي مقدرش أكفر حد من الممكن أنه يكون أفضل مني عند الله والله أعلم ده أولا
ثانيا : موضوع المخالفة أنا معاه تماما قلبا وقالبا ومقتنع تماما أن للمسلمين عيدين الفطر والأضحي
ولكن لقد لقد تعودت في موضوع المخالفة أن أنظر للأمر بعين المنافع والمضار
يعني لو نفع الشئ جيد ومفيد للمسلمين يبقي نقلد ونتعلم لية لأ والعكس صحيح
يعني لا يمكطن ترك العلم الغربي والأدب الغربي والملابس والأكل والمصنوعات وحتي الأفكار الجيدة لمجرد أنها من عند الكفار
أنا رأيي
وقياسا علي هذا ما المانع أن يتذكر المرء في هذا اليوم حبه لزوجتة أو خطيبتة ما المانع أن نجدد الحب في جو العداء والكراهية اللتي نعيشها و لماذا يكون هذا اليوم فرصة للفرقة واللإختلاف وأتهام بعضنا بعض بمشابة الكفار وأتهام االتانيين للأولانين بالتزمت والتعنت وربما الإرهاب الفكر
يعني من الأخر اللي عايز يقول لمراتة ولا خطيبتة بحبك مع هدية صغيرة هو حر واللي مش عايز براحته ياسيدي
بس نعرف أنه مش عيد ولا حاجة هو يوم للتذكر الحب وإعلاء الزوج
في غير تبرج ولا إبتزال ولا خلاعة للأننا كمسلمين نقدر نفصل الموضوع علي مقاسنا من غير ما نعصي ربنا
ثالثا وده الأهم : لو سمحتم اللي مش عاجبة رأيي براحته لكن لاتتهمني بما ليس في والحقيقة أنا غير مؤهل للتحدث في الدين ولاتحريم ولاتحليل ولكني أقول ما يمليه علي عقلي وقلبي اللذي أظنه مؤمنا
وبمناسبة يوم الحب عايز أقولكم حاجة
أني أحبكم في الله

شخصية مجهولة جدا

ma 3lina said...

dr. Ma 3lina
طيب وليه بس يا دكتورة نتعب الناس دا الناس شقيانة وتعبانة .. اشكرك بشدة على التشجيع والفلافتين احتفلت بنصه على السرير بعد دور البرد اياه والنص التاني رحت الشغل وانا بجر رجلي .. آ آ آ آ آتشووووووووووووو

رفقة عمر
ربنا يخليكي يا رفقة وارجو إن يكون الموضوع واضح دلوقتي وإن شاء الله أحاول اوضحه اكتر

HoNdA
وعليكم السلام ورحمة الله وبركاته .. جزانا الله وإياكم .. إضافتك في محلها وتم إضافتها على الموضوع

الراقص مع الذئاب
انتبااااااااااااااااااااه ... تمام يا فندم ... وعليكم السلام ورحمة الله وبركاته .. الله يسلمك يا كومندا وجزانا الله وإياكم


عصفور المدينة
جزانا الله وإياكم .. وتم إضافة السبب الرابع وجزيتم الجنة

الصارم الحاسم
شرفت يا باشمهندس
:D

شخصية مجهولة
شوف يا باشحكيم

أولا القصة اللي انت قلتها دي قصة من قصص كتير اتقالت حوالين الشيخ فالنتين بتاعك ده .. كونك مشيت دي وبصمت عليها وخلتها هي المعتمدة عشان حاجة في نفسك فمعلش بقا انا مش داخلة الأدمغي بتاع الأنا

ثانيا : عيب عليك بعد ساندوتشات ابو عوض اللي اكلتها لك تقول لي الراجل يمكن يكون أفضل مني .. النصارنية اتحرفت من عهد بولس الرسول يا مواطن .. ولو سلمنا إنه راجل كويس ومؤمن فدا مش كفاية عشان ناخد شرعنا منه .. وشرع من كان قبلنا شرع لنا مالم يخالف شرعنا .. ومخالفات عيد الحب باينة لعينين سيادتك إلا لو كان لبعيد مش بيشوف وبعدين زوج إيه وزوجته إيه حنضحك على بعض بقا .. ياعم فتح عينك تاكل ملبن ولا فأه الواأع مش بيؤع هنا ؟؟؟ ناقض تقول لي الصديق لصديقه .. ما انا اهو مشفتكش من عشرتاشر سنة ما افتكرتش ليه تبعت لي وردة يا برنس .. ركز الله يكرمك ..
وأضف لكده سيادتك إن الأعياد انحصرت شرعا في المنصوص عليها واي توسعة في الاحتفال خارج الإطار المنصوص عليه يبقى مش تبعنا .. ولو كان الشيخ فالنتين بتاعك ده راجل كويس وأحسن منك وجاب الديب من ديله ياترى ليه النبي صلى الله عليه وسلم ما احتفلش بيه كرجل صالح بيدعو للمحبة ؟؟؟؟ اصحى صحصح فوووووق

ثالثا: فيه فرق بين الاختراعات والعلوم من جهة والقيم الإنسانية من جهة تانية .. وفيه فرق بين اللبس والأكل اللي مباح لينا كل حاجة فيهم إلا المنصوص عليه وبين الأعياد اللي محرم علينا كل حاجة إلا المنصوص عليه .. وعليه فمعنى إنك تخالف في أعياد قساوستهم وقدسيهم مش معناه ترك الأدب الغربي وام الخلول الغربي .. صباح الخيييييييييير

رابعا : أنا مش عاجبني كلامك عشان من الاخر انت عايز تديها هدية .. يا عم انت حر روح اديها هدية انا مالي .. والله شكلك اتكفيت على بوزك ... طب بالله عليك اسألها كده وقول لها ايه رأيها لما نشوف الأزهرية حتقول إيه ؟؟ وساعتها حيبقى شكلك ووووووحششششش

خامسا : احبك الله الذي احببتنا فيه يا سيدي .. هش بقا من هنا حنرش ميا