مطلوب سفنجة

هل تأملت الأسفنج في البحر ؟!
بقالي كام شهر حاطه في دماغي .. مركز معاه قوي ما بتعديش عليا لحظة من غير ما أفكر فيه ..
الأسفنج ده حيوان .. انت عارف الحكاية دي .. حيوان .. وعايش في البحر .. السمك رايح جاي قدامه عمال ياكل في بعض وإشي قروش وإشي حيتان .. وإشي بساريا .. وده قاعد تحت المية ينفش وساكت ... أكله بيجيله لحد عنده ... ولو سمكة قلت عقلها وحبت تاكله ولا تقرقض فيه .. يسيبها تاكله .. وهو يرجع يكبر تاني .. ولا يوجع دماغه ... إنه كما يقول المثل أراح واستراح ... ما أروع الأسفنج .. ما أروع قدرته على الأمتصاص .. هل تعلم أنه لولا هذه الكائنات الإسفنجية التي تعيش بيننا لكنا ولعنا في بعض ولصارت الحياة جحيماً حقيقياً

من مقال بعنوان (مطلوب سفنجة) ليوسف معاطي