Friday, August 03, 2007

آه .. طيب .. ما علينا

- هو الشيخ هشام فين ؟؟ مش باين بقاله كام يوم
= آه الشيخ هشام أصله مسافر .. في مارينا
- نععععععم ؟؟!!
= ماريييييينا ...
- إيه اللي وداه هناك
= أبدا واحد صاحبه عزمة يقضي يومين هناك
- آه .. طيب .. ما علينا

- هو الشيخ رمضان شغال فين ؟
= شغال في قرية في الساحل الشمالي
- صحيح .. شغال إيه ؟؟
= ماسك مقاولة حمامات السباحة العامة اللي هناك
- افندم ..
= ما انت عارف .. ظروف الشغل بتحكم
- آه .. طيب .. ما علينا

- الحاج خالد مختفي فين ..
= آه الحاج خالد في الغردقة
- فيييين ؟؟!!!!
= الغرررررررررردقة ... أصله طالع رحلة هو ومراته وعياله البت اللي في ثانوي والواد اللي في الجامعة .. رحلة كده تبع الشغل
- آه .. طيب .. ما علينا

- هو الأخ محمود حيقضي أجازة جوازه .. هنا ولا حيسافر
= حيسافر
- صحيح ما شاء الله .. ما شاء الله .. وياترى حيقضيه فين
= في شرم
-إييييه ؟!!!!
= في شررررررررررررم الشيخ .. حيقضي أجازة الجواز في شرم الشيخ
- آه .. طيب .. ما علينا


تحديث :
تعليق الاستاذة
لحظة على الموضوع:

من حقي اطلع اجازة .. وبالرغم من اننا لسنا شيوخ ولا منتقبات .. الا انني اكره - واكررها - اكره ان اذهب الى مارينا وشارم والغردقة ودهب .. الاماكن دي بالذات معروفة ومش هنتكلم اكتر من كده
انا احب اروح قرية صغيرة في مدينه هادئة محافظة استجم انا واسرتي نستمتع بالبحر والولاد ينبسطوا ويركبوا عجل ونستجم في هدوء ومعانا عائلات زينا ليه اروح اماكن اشوف فيها مناظر تؤذيني وما اقدرش افسرها لولادي لو سألوني اقوللهم هم يعملوا كده لكن احنا لأ؟ الرفض لازم يكون كامل والدنيا ما داقتش فيه اماكن في مصرنا المنحوسة لكل الاذواق وبنا يهدينا جميعا

14 comments:

عصفور المدينة said...

ما علينا ولكن عليهم وعليهم

عليهم إثمهم وإثم من يفتنوهم بالقدوة السيئة بل وتبرير الحال للعصاة

ليحملوا أوزارهم كاملة يوم القيامة ومن أوزار الذين يضلونهم بغير علم ألا ساء مايزرون


قال رسول الله صلى الله عليه وسلم يغزو جيش الكعبة فإذا كانوا ببيداء من الأرض يخسف بأولهم وآخرهم قالت عائشة قلت يا رسول الله كيف يخسف بأولهم وآخرهم وفيهم أسواقهم ومن ليس منهم قال يخسف بأولهم وآخرهم ثم يبعثون على نياتهم

اللهم إنا نسألك اليقين والمعافاة

مرة حضرت درس للشيخ سعيد عبد العظيم يوم أحد سنة1989 فسئل في قرية مارينا لا يؤذنون للصلا بل يفتح الميكروفون ويقول حان الآن موعد صلاة كذا
هل يجوز الصلاة؟
فكانت إجابته
إيه اللي وداك هناك

وتاني يوم يا هندسة كنت في درس آخر للشيخ فاروق الرحماني رحمه الله
نفس السؤال
والإجابة
إيه اللي وداك هناك

mo'men mohamed said...

موضوع جميل اخى ما علينا
بس انا أحب أوجه لأخى عصفور سؤال
وهل الذهاب الى هناك محرم
لا أظنه كذلك
فبلاد الله ملك لعباده
ولكن إن أردت الذهاب الى هناك فعليا أن ألتزم بما امرنى الله به
ومعنى كلام الشيخ سعيد انه بيقولك أوعى تروح هناك
وعلى فكرة فى مارينا والغردقة و المناطق دى مش كلها زى ما الكل فاكر
أكيد فى هناك مصايف وأماكن محترمة شوية
السلام عليكم

BinO said...

طب أيه رأيك في ماليزيا ولا تايلاند
ولا تركيا مثلاً ينفع
:)
رحم الله الأمام حسن البصري حينما عرف الأيمان وقال " الأيمان هو ما وقر في القلب وصدقه العمل "
الموضوع زيه زي اللي جايب تلفزيون وسايبه مفتوح
اللي عايز يقلب يقلب
من قناة لقناة
وكلها أبواب فتن
ربنا يرحمنا
ويهدينا

ftataljanna said...

السلام عليكم

معلش ماعرفتش ارد على المواضيع اللى فاتت كانت الظروف مش مظبطه شوية وزى ما تقول كده النت كان فاصل

اما موضوع مارينا ده

والكلام ده

فيا جماعة البلد بلدنا واللى عايشين فيها مش احنا

مش عارفه ان الواحد يروح الاماكن دى حرام ولا لا

بس فى قصص التوبة كانوا دايما يقولوا سيب البلد دى اصل فيها صحبه سيئة

وكمان ممكن تنزل عليهم لعنه والناس المؤمنين يبقوا فى وسطهم لا ما يروحوش احسن

غير كده الاخ اللى بيسال هل تجوز الصلاة ولا لا

ما مسكش المايك ليه ورفع الاذان

لا حول ولا قوة الا بالله

ده ربنا بيغفر لعبد يرعى غنمه رفع الاذان على قمة جبل فى مكان قفر يعني خالى مافيهوش بنى ادم

وشهد له الحجر والشجر وناس كتير بيسلموا بس لسماع الاذان يمكن كان ياخد ثواب

لا حول ولا قوة الابالله جايز خايفين يرفعوا الاذان هناك لا الناس يفتكروا ربنا فيخسروا مبيعات الخمور

حسبنا الله ونعم الوكيل

أمــانــى said...

أممممممممم مش عارفه
ربنا يهدى الجميع ويصلح حال امتنا يااااااااااااارب آمـــــــين

Abeer said...

طيب ما علينا
:D

Future_Preacher said...

السلام عليكم
و الله اسلوب جميل لنقد هذه الحالة
فمع الاسف ياريتها بتقف عند التصييف و بس
الافظع من كده
يبقوا ملتزمين و ملتحين و منتقبات و مع كل الاسف قدوة سيئة و فتنة كبيرة لغير الملتزمين
لابد من الاهتمام بترسيخ الاخلاق اولا داخل كل واحد مننا طبعا لازم الرجال يلتحوا و النساء تنتقب لكن لا تفتن غيرك بسوء اخلاقك أو بتناقض افعالك مع مظهرك و اقوالك
و لو تأملنا الحديث اللي بيقول إذا جاءكم من ترضون دينه و خلقه فزوجوه
سبحان الله الم يكن الدين كافيا ....نعم كافي و لكن الرسول صلي الله عليه و سلم اراد ان يشير الي اننا لا ينبغي ان نحكم بالمظهر وفي ذلك حكمة بالغة و لولا ذلك ما قال صلي الله عليه و سلم " اقربكم مني مجلسا يوم القيامة أحاسنكم أخلاقا"
و اخيرا : ليس الايمان بالتمني ولكن الايمان ما وقر في القلي و صدّقه العمل
اللهم اجعلنا ممن أفعالهم تطابق أقوالهم

خمسة فضفضة said...

السلام عليكم ورحمة الله وبركاته


موضوع حلو.......وعموما ما علينا

بالنسبه لرايي فاعتقد ان مافيهاش حاجه لما الواحد يروح اماكن زي دي علشان يروح عن نفسه مع شرط انه لا يفعل ما يغضب الله ، وطالما ملتزم بما امرنا الله به ، هايبقي حرااام ليه ..؟؟؟؟؟

"قل من حرم زينة الله التي اخرج لعباده والطيبات من الرزق"

اما بالنسبه للشيخ اللي بيبني حمامات السباحه ، فا دي بقي اللي اكيد ماعلينا

لحظة said...

من حقي اطلع اجازة
وبالرغم من اننا لسنا شيوخ ولا منتقبات
الا انني اكره
واككررها
اكره ان اذهب الى مارينا وشارم والغردقة ودهب
لاماكن دي بالذات معروفة
ومش هنتكلم اكتر من كده
انا احب اروح قرية صغيرة في مدينه هادئة محافظة
استجم انا واسرتي
نستمتع بالبحر والولاد ينبسطوا ويركبوا عجل
ونستجم في هدوء ومعانا عائلات زينا
ليه اروح اماكن اشوف فيها مناظر تؤذيني وما اقدرش افسرها لولادي لو سالوني
اقوللهم هم يعملوا كده لكن احنا لأ؟
الرفض لازم يكون كامل
والدنيا ما داقتش
فيه اماكن في مصرنا المنحوسة لكل الاذواق
وبنا يهدينا جميعا

عصفور المدينة said...

الأخوة والأخوات رجاء قراءة تدوينة طهقانة

http://tah2anwetah2ana.blogspot.com/2007/07/blog-post.html

وهي مرتبطة جدا بهذا الموضوع
وأوجه رسالة إلى أخي وحبيبي مؤمن
أن الحكم على الأشياء فرع عن تصورها فأكيد الذين يذهبون إلى هذه الأماكن يفيدوننا أكثر عن حالها ومنه يتقرر الحكم الشرعي ولو الأوضاع زي مانت قلت فيبقى إن فيه أماكن محترمة وهو صحيح فعلا لولكن المسائل تأخذ حكم الأغلب وخاصة أنك لا تأخذ فرصتك الكاملة لدفع الشبهة عن نفسك

Ma 3lina said...

زى ما قالت دكتورة فضفضة

مفيهاش حاجة الواحد يروح عن نفسه بدل مبيغضبش ربنا

و بعدين مهم الشيوخ دول بيمشوا فى الشوارع اللى فيها مناظر كتير و بيغضوا البصر مفيهاش حاجة لما يغضوا البصر فى الشواطىء كمان

و على العموم مااااااااااا علينااااااااا

Unknown said...

على كدة يبقى ايه اللى مقعد حضرتك فى الإسكندرية؟؟؟

دى فيها بلااااااااوى ياجدعان

:D

الديب said...

ممكن تروح مارينا ..

وتغطس راسك في البحر ..

ساعتها مش هايكون حرام خالص

:D

بس ما تطلعش راسك .. لانك غالبا هاتشوف مايوه معدي من جنبك

:P

جزاك الله خيرا ع الموضوع

الديب said...

ياريت تشاركنا بمواضيعك في موقع افحت
www.ef7at.com

جوزيتا
.
.
اقصد
جزيت خيرا