Thursday, March 15, 2007

هو احنا عندنا سلاح ردع



* هو احنا عندنا سلاح ردع ؟؟!!
- ومين قال لك إن احنا ما عندناش سلاح ردع ؟
* يعني إحنا عندنا ؟
- طبعاً .. بس واضح إن إحنا مقفلين ع السر دا كويس قوي ... أنت فاكر يوم ما قطعت الكهربا عن مصر يوم بحاله ؟؟
* أيوه
- يوميها كانوا محتاجين الكهربا بتاعة مصر كلها عشان يخصبوا بيها اليورانيوم
* لا يا شيخ !!!!
- طااااااااابعاً أمال أنت فاهم إيه ! .. عارف السحابة السودا اللي بقالها كام سنة ؟
* مالها رخرا ؟
- أنت فاهم إنها تلوث وكده يعني ؟
* أمال إيه ؟
- دا إشعاع طالع من التجارب اللي بنعملها تحت الأرض من ورا العالم
* أنا اتمني يكون عندنا سلاح ردع .. ياريت
- إيه ياريت دي .. هو إحنا ممكن يكون ما عندناش ... ؟؟؟؟؟ .. إحنا لو ما عندناش ... كنت حتلاقي حمى في العلم والتفكير والإنتاج .. إنما الهدوء واللامبالاة اللي احنا فيها دي بتاعة ناس أكيد عندها سلاح ردع

الفبلم من مدونة تمام كوجان .. والحوار من فيلم ليلة سقوط بغداد

7 comments:

Ma-3lina said...

ههه عندنا سلاح

الحوار كوميدى جدا

مكنتش اعرف ان الفيلم دا بينناقش بجد اى مشكلة انا فاكراه اى كلام

خمسة فضفضة said...

عندناماعندناش ليه
هو احنا ملناش نفس
هههههه

http://5fadfada.blogspot.com/

khaled said...

فعلا صح
عندنا سلاح ردحححححححححح
:)

تمام كوجان said...

الاسلحة في البلاد العربية
موجودة من اجل ان تستخدم على الشعب و
ليس من اجل الدفاع عن الوطن او الكرامة
التي خرجت و لم تعد

حسن محمود said...

والله يا أخى مش عايز أقولك ان احنا من مصلحتنا احنا انه مايكنش عندنا اى حاجه نووية
كان فى دكتور فى هندسة نووية جامعة اسكندرية هو اللى حكى ليه القصة دى
سألناه يادكتور ياترى حضرتك موافق انه يكون عندنا مفاعل نووى بحق وحقيقى مش مفاعل انشاص التعبان اللى الطلبة فى المانيا واسرائيل بيتدربوا على واحد زيه ده
قال لا
ما أحبش
ليه يادكتور ؟
علشان ده اللى هايحصل يا أولاد

فى يوم من الايام
المفاعل شغال طبيعى, المهندسيين والفنيين بيراقبوا الشاشات
يجى تليفون فجأه ألو ألو
المهندس .... موجود؟
خير - مين عايزه؟
البيت قله يلحق يجى البيت بسرعه
مامته بتموت
أيييييييييييييه؟
أمى
انا جاى حالا طيران
ويروح سايب المفاعل للمساعد بتاعه

كمان نص ساعه يرن جرس التليفون تانى
ألووو ياترى الباشمهندس ,,, موجود؟
خير نقوله مين؟
المدرسة
أخوك عمل خناقة والمدرسه مولعه نار نار تعالى بسرعه
- أخويا حااااااااااضر انا جاى حالا
ويروح سايب المفاعل للفنى اللى شغال عنده
كمان نص ساعه يرن جرس التليفون
الوووو ياترى ***** موجود؟
ايوا مين ؟
انا خطبيبته واذا ماجاش حالا هارمى الدبله واسيبه
-لاااااااااااااا انا جاى حالا

وعلى اخر اليوم هانلاقى ان عم عثمان البواب هو اللى بيدير المفاعل وطبعا
كل سنه واحنا طيبين
تانى يوم فى الجرايد انفجار مفاعل فى مصر

--------------------------------
على كل حال معانا ربنا أقوى من الكل
بس للأسف احنا بعيد عنه علشان كده بنعانى من اللى احنا فيه دلوقتى
يالا ربنا يتولانا برحمته
ودمتم بخير

سلام

الصارم الحاسم said...

سلاح ردع ...طيب


طب يا ترى اذا فيه ...فيه حد يعرف يستعمله اساسا

ma_3alina said...

إلى حسن محمود : ضحكتني جداً الحكاية .. أنت حتقول لي على دكاترة هندسة أسكندرية .. دول دماغات

عالية .. عندي ليهم مواقف وطرائف .. المهم مااا عليناا .. بس عايز أقول إن عشان يكون ربنا معانا وهو أقوى من

الكل لازم نسمع كلامه الأول .. ومن كلامه سبحانه اللي قاله لنا وأعدوا لهم ما استطعتم من قوة
-------- 16/03/2007 05:27 am ---------

إلى تمام : ما ذكرته صحيح مائة بالمائة .. لكن أحب أتكلم في نقطة أخرى .. وهي مدونتك .. أحب أحييك عليها

.. لك أن تفخر بها هي مدونة أكثر من رائعة واستفدت منها كثيرا جدا .. ومدونتك الإسلامية كذلك .. جزاك الله

خيرا كثيرا ..
---------- 16/03/2007 05:25 am -----------

إلى خالد : سبحان الله .. الباشا سابك تروح ؟؟!! ... قلت له إنك بتحس وبتفكر ولا زوغت .. أكيد زوغت منه
---------- 16/03/2007 05:22 am -----------

إلى الدكتورة فضفضة : شرفتيني بالزيارة .. وطبعاً عندنا نفس .. بس ما إلنا مزاج يكون عندنا .. ربنا يستر علينا

... سعيد جداً بمدونتك الجميلة ويارب ما تكونيش من إخواننا اللي بيزهقوا بسرعة
---------- 16/03/2007 05:21 am -----------

إلى الدكتورة ما علينا : الفيلم ليه فكرة كويسة بس كعادة الأفلام المصرية لازم تحابيش .. فحطوا قذارات كتير ..

أنا بعد ما شفته لقيته لا يصلح للأسرة ولا لأصحاب الحياء ..
---------- 16/03/2007 05:20 am -----------