Friday, March 23, 2007

الأولة .. هما العصابة

من وحي فيلم شركة المرعبين المحدودة



للي ما يعرفش قصة الفيلم ..
شركة المرعبين المحدودة كانت مسيطرة على مصادر الطاقة في البلد وكانت بتعتمد على صرخات الأطفال لتجميع الطاقة

اللي في النص دا أبو عنكبوت رئيس العصابة .. قصدي الشركة .. قال بالفم المليان إن عنده استعداد يعمل أي حاجة عشان يفضل رئيس وفعلاً كان له خطة شريرة عشان يزود أرباحه بأي شكل وعلى حساب أي حد

واللي ع الشمال دي روز اللي بتنظم الشغل جوا الشركة وبتوزع الأدوار .. وطلعت في الآخر هي اللي بتدبر كل حاجة من تحت لتحت .. واللعبة كلها في إيديها

واللي ع اليمين دا قندل هو وأبو عنكبوت كان ليهم مخطط شرير لتحقيق مكاسب مهولة لنفسهم على حساب الأطفال

الفرق الوحيد إن الشركة كانت بتعتمد على صرخات الأطفال .. الأطفال فقط

13 comments:

الوافي said...

يخرب عقلك .....انت تصدق الحاجات دي يا ما علينا

على العموم اقطع ذراعي لو كنت فاهم حاجة

ما يكونش قصدك بزعيم العصابة هو ..... وابوه ال... لا لا انت ما تقصدش حاجة من دي
على رأي إيمان بكري مفيش حاجة

وللي ما يعرفش انا بتكلم على ايه وبرضو مش فاهم زيي ولا حاجة الرجاء الاستماع للمقطع التالي

http://www.youtube.com/watch?v=wqjFSWwzwG0

أحسنت يا ما علينا
والسلام

Mohamed A. Ghaffar said...

من وحى الواقع وليس من وحى الفلم

eldoctor said...

مش فاهم؟؟؟؟؟؟؟؟؟؟؟؟؟؟؟؟؟؟؟؟؟
الموضوع ده له ابعاد سياسية ؟؟؟
يعنى مين وطنى و مين فى الحكم ....

حسن محمود said...

البوست ده من وحى الشركة المصرية للاتصالات؟
هى ناصبه عليك قوى كده؟؟؟
والله فى مدون اسمه دبور قالها

المصرة للاتصالات شبكه واحده بتقشطنا كلنا

بس ياسيدى أطمن خالص انا فى وزارة مالهاش أى لازمه فى الحياه فى مصر
:)
يعنى انا من اللى الشركة المصرية للاتصالات مقشاطاهم برضه زيى زيك كده

ودمت بخير
سلام

Ma-3lina said...

الفرق الوحيد إن الشركة كانت بتعتمد على صرخات الأطفال .. الأطفال فقط


اما الشركة اياها بتعتمد على كله

فيلم الكارتون دا مالوش حل ارجو ان الفيلم اللى عايشين فيه يبقى ايه حل

khaled said...

قصة جميلة وواقعية و اللى عايز يفهمها كويس يقرب من الصور بالماوس مش بنفسه
لان اللى بيقربوا هما الفيران بس
ما علينا
سرك فى بييييييييييير
;)

BinO said...

يا بن الأيه
ده فيلمي الواقعي المفضل أنا ويوسف بن أختي
وعلي رأي بوه
مارد وششني
وقالي كلام بينعشني
دي بلدي دايماً بتفرفرشني
علي فكرة روز طلعت من قوات مكافحة الأطفال CDA

mohandat said...

السلام عليكم
تصحيح بسيط روز طلعت تبع الحكومه يعني طلعت كويسه مش وحشه وهي اللي قبضت عليهم اللي كان صوتها يخنق ديه
عموما محاولة حلوه لقلب الخيال واقع ولو ان الواقع بقي هوه اللي خيال
السلام عليكم

e7na said...

فى الفيلم كان فيه ناس بتعمل خير وناس بتمنعهم لكن فى فيلمنا يادوب بنفكر ولابننفذ ولاحاجه

إنـســانة said...

بما إنى بعيش حالة من الطفولة المتأخرة حاليا فأنا بحب الفيلم ده اوىىىىىىىى

مارد وشوشنى :D

لكن بالنوسبة للناس الوحشين دول فأنا لما كنت بتفرج على الفيلم كنت بخاف منهم اوى .. مش عارفة ليه

الحق امشى بقا قبل ما العصابة تاخد خبر ويقبضوا على كاميكاز

سلااااام

أمــانــى said...

الله شركة المرعبين المحدودة لذيذ اوووى الكرتون :D
اقولك بقى حسنى مش وحش لاننا احنا اوحش ونستاهل الاوحش منه بجد بقى
وماتخدش اصلى انا خلاص هأخرف ومحدش يعتب عليا

خمسة فضفضة said...

السلام عليكم ورحمة الله وبركاته
جميل اوي يا ماعلينا
بس اوعي حد ياخد باله
ان شاء الله يطلع مننا قريب ناس زي شلبي ووشوشني يخلصونا من العصابة دي

ma_3alina said...

إلى أماني : لا والله اعتب عليكي .. لما الصعايدة يقولوا كده .. امال العالم الكسر اللي زي حالاتي يعملوا إيه ؟!!

.. أما إن احنا وحشين فمش حتكلم فيها .. بس ع الأقل فينا كويسين وبيحاولوا يصلحوا اللي حواليهم .. وبعدين

كلام في سرك أنا مش بحب سعد زغلول ولا نفسي حد زيه يطلع .. بس موقف الناس شوفي كان عامل إزاي

وإن كان ع الالتفاف مش لازم نلتف حوالين أفراد نلتف حوالين الإخوان أو كفاية أو الأحزاب المهم يسقط نظام

الحزب الوطني شعبياً
-------- 25/03/2007 05:50 am ---------

إلى إنسانة : بتعيشي حالة طفولة متأخرة حالياً ... يا بختك .. أنا بعيش حالة طفولة متأخرة طوال الـ 27 سنة

الماضية ومش عارف حتنتهي امتى .. بيني وبينك مش عايزها تنتهي
-------- 25/03/2007 05:37 am ---------

إلى إحنا : كلنا وراك يا ريس .. بس غريبة حكاية إن إحنا بنفكر دي ؟؟؟
-------- 24/03/2007 02:43 am ---------

إلى بينو : أنا عارف إنك بتحبه .. الغريب يا أخي هي من شرطة مكافحة الأطفال .. وعاملة لك ماما روز قال

ومهرجان القراءة ومش عارف أبصر إيه ..
-------- 24/03/2007 12:48 am ---------

إلى خالد : ششششش .. ما تقولش لحد بقى .. الحمد لله إن فيه حد عرف الفكرة .. كان حيجيلي إحباط لو ما

حدش جابها .. سيبك انت الكبير كبير
---------- 22/03/2007 02:53 am -----------

إلى الدكتورة ما علينا : سيبك من الحل .. الفيلم كان له نهاية .. فيلمنا بقى له نهاية ؟؟؟
---------- 24/03/2007 12:37 am -----------

إلى حسن محمود : الموضوع أكبر من كده .. اقول لك برضه مرر الماوس ع الصور
-------- 24/03/2007 12:31 am ---------

إلى الدكتور المحارب : سياسة إيه يا دكتور إحنا برضه لنا في السياسة ؟؟!! بس حضرتك حرك الماوس ع الصور

والمواضيع حتوضح
-------- 24/03/2007 12:29 am ---------

إلى رفقة : انت شوفتي الصور اللي في الخلفية ... دول ناس ما ينفعش يطلع منهم شلبي .. دول يطلع منهم

الأشكيف
--------23/03/2007 11:58 pm ---------

إلى محمد عبد الغفار : بتشرفني بتعليقك .. حتى لو كان من نوع ... الله يا سي محمد
-------- 23/03/2007 11:51 pm ---------

إلى الوافي : قصدي واضح ... بس مرر الماوس ع الصور .. إيمان بكري إنت حتقول لي عليها .. كنت عامل لها

بوست مخصوص .. وعموماً أشكرك ع الرابط
-------- 23/03/2007 11:49 pm ---------