Tuesday, April 10, 2007

التاج التاني على التوالي

الدكتور الطيبة جداً جداً ما علينا .. قامت مشكورة بتوجيه تاج للعبد لله .. هو أقرب لمقلب من كونه تاج .. بس بما إنها الأستاذة فأنا لازم اسمع الكلام وأجاوب ..
هو عبارة عن اختبار سمات شخصية .. مين أنت في الزعماء
What Famous Leader Are You?
ومع إني زعيم مستقل وما احبش على رأي محمد صبحي الناس تقول عليا بقلد حد لكني قلت اعمل التيست وأشوف مين من الزعماء .. واخدين بالكم .. مين من الزعماء هو اللي يشبه لي ؟؟
المهم ما كدبتش خبر ودخلت ع الرابط لقيته تست كنت عملته قبل كده وكنت طلعت فيه اشبه
حاجة غريبة .. قلت أكيد ساعتها ما جاوبتش صح .. فرحت مختار أكبر عدد من الأسئلة .. 45 سؤال طلعوا عنيا .. وجاوبت عليهم وفي الآخر لقيت نفسي شخصية تانية .. لقيت نفسي ومش عارف إزاي شبه ..

قلت وماله بس أجرب مرة كمان على أقل عدد اسئلة .. 9 اسئلة .. ونشوف .. فلقيت نفسي شبه ...

قلت لاااااا .. التيست دا أي كلام بقى أنا التلاتة دول !!! .. طيب إزاي ؟؟ .. وبعد التقصي لقيت التيست بيدي تسع شخصيات مفيش غيرهم
غاندي - تريزا - كلينتون - جيفارا - إينشتاين - هتلر - كنيدي - صدام - لينكلون
هما دول وبس .. وفين بقيت العالم ؟؟ .. مش عارف

وبعدين أقول لكم على حاجة بلا تيست بلا بتاع .. لو عايزين تعرفوا أنا بحس إنه اشبه مين من الزعماء .. فانا بحس إنه شبه ...

قصدي هو اللي يشبه لي .. أقول لكم ... ماااااااااااعلينا
عشان كده التاج قبل ما امرره لازم اعدل فيه .. واخليه :
قل لنا أنت بتشعر إنك تشبه لمين من زعماء القرن العشرين .. وليه ؟

أمرره لمين ؟ والله التاج دا ذو طبيعة خاصة فمعلش يا بينو .. كنت ناوي ما امررلكش تاج تاني بس التاج دا لازم يعدي عليك
ميمو كمان عارف إنها مش بتحب التاجات بس التاج دا زي ما قولنا ذو طبيعة خاصة .. وهو كدا كدا اتوجه لها قبل كده بموجب مرسوم من جهات ملكية أخري .. يعني أنا بس بفكرها ..
معلش يادكتور التاج دا برضه محتاجين حضرتك تجاوب عليه
والصارم الحاسم لازم نعرف شخصيته .. قبل ما نرسمك كبير للقعدة
وياريت الأفوكاتو أماني كمان تجاوب لنا مشكورة عليه

9 comments:

Ma 3lina said...

مش معقول كدا كل مرة انا الاول الناس تقول عليا ايه مقبضنى كل بوست

بالمناسبة دى فين حساب اخر رد ؟؟

شخصيتك طلعت كتير اوى كدا عندك انفصام لتلت شخصيات

ههههههههه لازم تتعالج

انا عملت التست دا تلات مرات باختلاف عدد الاسئلة و كل مرة نفس النتيجة مما يعنى انى شخصية متزنة مش بتلات وشوش

انت السادااااااااات ليه ان شاء الله

سكتم بكتم said...

عزيزي الماعاليناوي.لكي تثبت أنك شبه السادات لازم تجاوب علي الأسئلة دي
...هل أنت أصلع....هل أنت أسمر....هل أنت صعيدي الطباع....هل بتحس أن كل الناس مراكز قوي وأنك بتحزرهم جميعا....لو جاوبت بنعم أنصحك ترشح نفسك في الأنتهاكات الجاية-قصدي الأنتخابات- وأنا أوعد ننادي بيك ملكا علنا

Memo said...
This comment has been removed by the author.
أمــانــى said...

قول قول حضرتك اصلا سادتى ههههه يعنى مش ناصرى ولا مباركى هههه
طيب طلعت السادات يعنى ثعلب زيه فى التفكير
يعنى مش ماعلـينا

BinO said...

ماعلينا
واحشني يا واد
وواحشني كلامك
تاجات تاجات وخلاص

بس كتير اللي انت بتعله فيا

علي فكرة انا مش بحب السادات علي الأطلاق
بحس هو اللي كتفنا
هو اللي غمالنا عنينا
معدناش عارفين العدو من الصديق
صحيح هو ليه حاجاته الكويسة

علي كل حال ربنا يرحمه

تاجات حردلك عليها طبعاً
رغم أني مش طايق اتعامل مع اي حد و لا اي حاجة
:)
أن شاء الله
المفروض أرجع الأسبوع ده
أدعيلي

ماعلينا لة عايزين اقول أنت شبه مين
أنت شبه سيدنا مصعب بن عمير رضي الله عنه
:)

جزاك الله خيراً علي حسن صداقتك
وبالنسبة لموضوع الكلام حنلاقيله صرفة لما ارجع ان شاء الله
:)

خمسة فضفضة said...

السلام عليكم ورحمة الله وبركاته

طلعت صدام حسين ، والام تريزا وهتلر
وحاسس انك زي السادات ...يااااه

صحيح يخلق من الشبه اربعين

eldoctor said...

اصبر بس عليا اسبوع .. باحضر تاج .. انما ايه

محمد عبد الغفار said...

الحمد لله انى برأة ، وتحذير للدكتور انا عندى تاجين مردتش عليهم ومتحدفش عليا اى شئ بجد هزعل

ma 3lina said...

إلى الدكتورة ما علينا : سيبي اللي يقول يقول .. وبعدين آه مقبضك .. نسيتي السندوتشات والمشاريب اللي بتنزل كل

يوم .. بقى أنا بتلات وشوش ؟؟ حرام عليكي .. دول أربعة مش تلاتة .. ومش حقولك انا السادات ليه ؟
-------- 11/04/2007 02:20 am ------


إلى سكتم بكتم : أهو أنت كده أثبت لي أكتر وأكتر إن أنا ساداتي .. هي امتى الانتهاكات اللي جاية عشان اربط مع

البلطجية من دلوقتي قبل ما حسحس يربط معاهم
-------- 11/04/2007 02:22 am ---------


إلى الفوهرر ميمو : لو اتكلمت ع السادات حقول كلام كتير .. ودا مش معناه إني بحبه .. بس الراجل دا محتاج نتعلم منه

حاجات كتيرة ..
-------- 11/04/2007 02:31 am ---------


إلى الأفوكاتو أماني : يافندم سيادتك حضرتك إحنا بنلعب على هامش الحياة جنب حضرتك والسادة الأفاضل المحاميين

أطال الله في أعمارهم .. معلش حفضل مؤدب كده وماشي جنب الحيط لغاية ما نتأكد من النوايا
-------- 11/04/2007 02:16 am ---------


إلى بينو : خلي بالك أنا ما قلتش إني بحب السادات .. بس بحس إن فيه نقاط مشتركة بيني وبينه .. المهم أنت

فرحتني لما قلت إنك جاي الأسبوع دا إن شاء الله .. بس زعلتني لما ذكرت رجل لا يشبهنا ولا نشبهه مش عارف أنت

الفكرة دي وصلت لك إزاي ؟ .. بس بقول لك يا بينو كله إلا دول .. الناس دول بعييييد جداً وخاصة مصعب .. يايت لما ترجع

يإذن الله تطمن مجتمع المدونين
-------- 11/04/2007 02:37 am ---------


إلى دكتورة فضفضة : وعليكم السلام ورحمة الله وبركاته .. لا تشاؤم ولا حاجة يا دكترة .. بس الواحد بيفضفض .. ويارب

اللي بتقولي يحصل .. على فكرة صورة البنت دي جميلة جداً ما شاء الله .. وحكاية البوستات الكتيرة بصي على بوست

الجدع دا رغاي كده ليه .. وحضرتك حتفهمي الموضوع ماشي ازاي
-------- 10/04/2007 06:14 am ---------