Wednesday, April 25, 2007

كلمتين في الزور

معلش يا جماعة .. على هامش قصة محمد بتاعتهم دي .. فيه كلمتين محشورين في زوري ولو ما قلتهمش حيحصل لي حاجة .. فلازم أقولهم

بص بقى يا عم محمد أنت عشان أنت واللي زيك بصراحة .. خنقتوني .. أنا مش عايزك تزعل مني .. دا أنت حبيبي والله .. بس مش معقولة تسيب نفسك ريشة كده كل واحد يقول لك كلمة تمشي وراه .. فين عقلك .. ما قريتش في القرآن خالص {......... أَفَلَا يَعْقِلُونَ} ..

بص يا عم محمد الالتزام بالإسلام لا يرتبط بشخص واحد أيا كان هذا الشخص .. دعوة الإسلام دعوة لا تدور في فلك أي شخص أو شيخ أو عالم نحن لسنا بهائيين ولا بوذيين .. نحن مسلمين لله .. محور الدين لدينا هو كتاب الله وسنة النبي صلى الله عيه وسلم .. وأنت يا صديقي جعلت كل الناس محاور لدينك فكل من قال لك كلمة تبعته حتى تسمع كلمة تنقض أختها السابقة فتتخلى عن القديمة من أجل الجديدة .. وأنت في هذا الحال حتى وصلت لما وصلت إليه ...

يا صديقي العلماء والشيوخ والملتزمين يعرضون الأدلة في المسائل المختلفة فقط ثم يقولون آرائهم الاجتهادية .. وآراءهم غير ملزمة لأحد وإنما الأدلة هي الملزمة

وأنت عليك أن تنظر في أدلة كل فريق ثم تأخذ الحكم وفق ما تريد أن تقابل به ربك .. يعني ما ينفعش تقول الشيخ فلان قال كده وأنا ماشي وراه وعلقها في رقبة عالم تطلع سالم ... ما قريتش في القرآن ..{يَوْمَ تُقَلَّبُ وُجُوهُهُمْ فِي النَّارِ يَقُولُونَ يَا لَيْتَنَا أَطَعْنَا اللَّهَ وَأَطَعْنَا الرَّسُولَا * وَقَالُوا رَبَّنَا إِنَّا أَطَعْنَا سَادَتَنَا وَكُبَرَاءنَا فَأَضَلُّونَا السَّبِيلَا} [سورة الأحزاب : 66-67]
العلماء بيقولوا أدلة (قرأن وحديث صحيح وفعل صحابة) وفي الآخر بيرجحوا رأيهم النهائي في المسألة ... إحنا تلزمنا الأدلة فقط ونختار لأنفسنا حسب الأدلة الأقوى .. أما رأيهم فبس عشان نتأكد من ترجيحنا صح ولا غلط

الصحابة رضي الله عنهم لما كانوا بيتسألوا عن مسألة .. كانت إجابتهم على طول بالدليل .. مثلاً .. ما حكم كذا فيرد الصحابي : قال رسول الله صلى الله عليه وسلم كذا ... أو يقول : قال الله تعالى .... مش بيقول رأيه هو خالص ... والأمثلة كثيرة .. لو عايز اذكرها في بوست منفصل

هكذا علمنا العلماء .. إن إحنا ما ناخدش حكمهم النهائي في المسائل دون النظر لأدلتهم .. وإنما نفهم أدلتهم ونختار الحكم وفق قوة أدلة كل فريق ووفق عبوديتنا لله واستحيائنا إن إحنا نقابله بأدلة ضعيفة

بص وشوف العلماء قالوا إيه ...

وقول أعلام الهدى لا يعمل ... بقولنا بدون نص يقبل
قال أبو حنيفة الإمام .. لا ينبغي لمن له إسلام
أخذا بأقوالي حتى تعرضا على الكتاب والحديث المرتضى
ومالك إمام دار الهجرة .. قال وقد أشار نحو الحجرة
كل كلام ذي قبول ومنه مردود سوى الرسول
والشافعي قال إن رأيتم قولي مخالفاً لما رويتم
من الحديث فاضربوا الجدار بقولي المخالف الأخبار
وأحمد قال لهم لا تكتبوا .. ما قلته بل أصل ذلك فاطلبوا
فانظر لما قال الهداة الأربعة .. واعمل بها فإن فيها منفعة
لقمعها لكل ذي تعصب والمنصفون يكتفون بالنبي

فهؤلاء الأئمة الأربعة نهوا عن مقولة أباح أبو حنيفة .. أو أجاز أحمد .. أو حرم مالك .. أو غير ذلك
ودعوا طلبتهم للاهتمام بالدليل والاختيار بين الأرجح من الأدلة

فمثلاً مسألة كاللحية أو النقاب أو غيرها من المسائل .. يقول العلماء أدلة على القول بالوجوب .. أو أدلة على كونها سنة وفضل

فأنت عليك أن تقف هنا وتنظر في أدلة كل فريق ثم تتخذ رأياً تستطيع أن تقابل به ربك .. ولا يصح أن تكتفي بقول الشيخ فلان قال كذا ..

ولكي تستطيع ذلك لا بد أن تتعلم الحد الأدنى من دينك الذي تستطيع التمييز به بين الأدلة الصحيحة وغيرها .. وهو العلم المفروض على كل مسلم في المأثور .. طلب العلم فريضة على كل مسلم .. ومن ترك هذا العلم فقد فرط في أولى مقومات سلامة دينه ...

فلماذا لم تتعلم أخيا دينك .. لماذا لم تنظر في كتاب الله وسنة النبي صلى الله عليه وسلم قبل أن تأتي تلوم على الملتزمين أنهم قد اختلفوا فيما بينهم ... وسببوا لك التشتت والتخبط وقد علمت أنهم مرشدون على الطريق وليسوا مسئولين

لماذا لم تبين للملتزمين كيف يكونوا من سعة الأفق والتسامح بدلاً من جلوسك تندب حظك تزعم أنك أردت الالتزام لكنك تهت بين الملتزمين والاختلافات بينهم

يا صديقي اسمح لي أن أقول لك أنك المسئول عما وصلت له وليس غيرك ..

12 comments:

محمود سعيد said...

والله هو حضرتك المفروض كما يقال أن العامى مذهبه مذهب من يفتيه

يعنى بالبلدى الراجل الجاهل الغلبان اللى فى الغيط المذهب بتاعه هو نفس مذهب عم الشيخ الفقى بتاع الكتاب اللى بيستفتيه

وبس على كده
ولما حد يقول له حرام ليه يقول عم الشيخ قال
حلال ليه علشان عم الشيخ مقالش

لكن المصيبة بتبقى فى اللى بيفهم وعنده مخ وعارف وحافظ وبيقول على نفسه طالب علم شرعى
بس ساعة لما تقول له حرام ليه
يقول الشيخ فلان قال
ولما تقول له حلال ليه يقول عم الشيخ قال (يعنى حتى ميعرفش أن الأصل فى الأشياء الإباحة)

ربنا يهدى

عصفور المدينة said...

أحبك في الله
واعتقد بالنسبة لكلام الأخ محمودج سعيد ومن واقع خبرات المشايخ أنه يمكن تفهيم العامة الكلام البسيط اللي بيقوله الباشمهندس ماعلينا
يتعلم يسأل عن الدليل ويقول فيه دليل على كدة ولا لأ وبعدين يمحص اللي حيمشي وراه لو كان حيمشي وراء حد يكون قوله مطابق لعمله ويكون هو نفسه بيدور على الحق مش بيدور على رخصة وهكذا
شفت اليومين دول الشيخ أبو إسحق بيشرح مصطلح حديث وهو علم متقدم المفروض بيشرحه لعامة المشاهدين بأسلوب بسيط خالص وهو بيقول عايزين نترقى بذوق المشاهد يعني يبعد بيه عن مجرد المواعظ بس بحيث يفهم الأحاديث
تاني
أحبكم في الله

Mohamed A. Ghaffar said...

بالبلدى كده

كل واحد متعلق من عرقوبه

أمــانــى said...

السلام عليكم
معذرة يا يا بشهمندس ليس العقل كل شئ والعقل قد يأخذ كل من تمسك بفكره وعقله فى اشياء كثيرة فانه سوف يهلك ولكن لابد ان يكون لدينا اهم اثنين وهو كما قال رسول الله عليه افضل الصلاة والسلام (عليكم بكتاب الله وسنتي)
وكمان لا ننسى ان المؤمن كيس فطن
وبرضو لا نقلل من شأن العقل لانه هو الذى يفكر ولكن لابد من الاستعانة بالله حتى يخرج بفكر صالح
جــزاك الله خيــرا ويجعله فى ميــزان حســانتك ياااارب امــين

الصارم الحاسم said...

موضوع محمد المعدل اللي انت عملته ده جامد جدا


احلى من الموضوع الاصلي اللي يرفع الضغط بجد


هو صحيح اذا رديت عليا في ركن التعليقات فقمت رديت على ردك هنا وفتحت مناقشة...اللي داخل يقرأ التعليقات هيفهم حاجة
(:


انت عامل ايه...ادعيلي معاك

BinO said...

جزاكم الله كل خير
أنا كنت اوي أعمل بوست و أسميه "أسمه محمد"
وكنت ناوي أقول كلام زي البوست ده
يلا زي العادة كأني كتبته

BinO said...

تم أرسال الأيميل
الرجاء البدء في شحن الهمم لوضع ميثاق ومبادي التحرير للجريدة
وويلكم ابورد
:)

eldoctor said...

ما تتحدث فيه يا أخى .. معضلة .. هل مدرسة العقل .. ام مدرسة النقل ...
ما أراه أنا قريب مما قلته فى موضوعك ..
و هذه وجهة نظر شخصية ..

الامور فى عصرنا صارت .. اوضح من قبل .. ففى وسع أى فرد .. ان يقرأ كتاب حول موضوع معين ... او يرى مثلا الفقه على المذاهب الاربعة كمثال .. و يعرف رأى العلماء .. واختلافه .. و بعدها (هذا لمن كان له عقل و صاحب علم) ان يستفتى قلبه ... و يقبل الرأى الذى يتقبله عقله ..لا هواه .. فالنفس جبلت على ان تتبع الهوى ..
هل وصلت الفكرة ...؟
و لكن العامة عليهم باتباع فقيه واحد .. لعدم التشتت ..

khaled said...

ماشاء الله
هو ده الكلام اللى يتقرى و اللى يتكتب فى المدونات
سلمت يداك
انت الفنان دلوقت
:)
فيه حديث للرسول صلى الله عليه و سلم
قال
طلب العلم فريضة على كل مسلم
و قال ايضا
فضل العالم على العابد كفضلي على أدناكم
حديث صحيح

رفقه عمر said...
This comment has been removed by the author.
رفقه عمر said...
This comment has been removed by the author.
مسلم said...

assalam 3alykom

this message named ESMY MOHAMMAD

i have recieved it through my mailing group Ahl_Aljanna since along time and at this time i replied on it.

actually i will puplish the reply again in a post so u can visit me soon , and u will find it

brother Mahmoud

ma a3refoh en el gahel el mafroud yet3alem mesh ye23od ma7alak ser w ye2oool el sheeekh 2al