Monday, March 05, 2007

كمان مرة عشان الحبايب

ده كلام برضه .. .. قال الستات مشاكل قال !! .. معقولة ؟؟!!

لا لا عييييب يا جماعة ما يصحش كده .. حد يقول ع الستات إنهم مشاكل وإنهم مربع الفلوس ..
.. بلاش حد يفتري ع الستات

ما حدش لو سمحتم يقول زي عمو فؤاد في مسرحية سيدتي الجميلة .. لما كان بيغني أغنية عجيبة كده
... مش عارف قال إيه بيقول فيها ..

إنما ستات وجواز وخلف وعيال أوهام ..
دول صنف من البشرية تمام زي الألغام
من كلمة تقيد النار في البيت والغيط وعاديك ..
حتلاقي أبوها وأخوها وحما جاية تربيك
ويطلعوا نني عنيك .. ويلموا الدنيا عليك
وعاديك .. أعاديك يتشمتوا فيك ..
وصوات وصريخ وزعيق ومناهج في التشليق
وسلاح قباقيب وحلل وقلل وفريق ينحاز لفريق
طب جرب أنت في مرة وسلم نفسك وحدك ليهم
وأنا اراهنك إن ما صبحت بتلعن أورمة خاش أهاليهم
دول صنف من البشرية إنما معجون مية عفاريت
يملوك بنزين وسبرتو وبمب ويلعبوا بالكبريت
كيدهم دا عظيم وحياتك .. حتى ولو كانوا أخواتك .. إيش حال لو بقوا ستاتك
يخربوا بيتك مادياً .. وحتتعقد نفسياً .. ويضيع أسمك أدبياً
في محاكم ثم في نفقة أو في الحبس احتياطياً

دا كلام برضه يا عمو فؤاد ..

بقى حد يقول ع الستات .. الجنس الناعم .. كده ؟؟!!!

المهم .. الملف دا خاص بالسيد المحترم كاميكاز بيه السادس عشر

6 comments:

BinO said...

ياابني خاف علي نفسك لحد يدوس عليك ويفتكروك من أعداء المرأة

إنسان || Human said...

عدو المرأه الجمله دي اطلقت على ناس كتير .....دوس ولا يهمك
..............
أتمنى أعرف رأيك في تكمله الموضوع

khaled said...

انت باين عليك ناوى على حاجة
مش مستريحلك
ادخل عندى و ليك مفاجأة

Memo said...

و الله العظيم يا ما علينا انت ان ما بطلتش تعادي الحريم

انت حر
امال بتحب مين
لو مبتحبش الستات
هه
ناوي تجوز مين ادام الستات كخ
وحشين

اعقل كدا الست دي امك و اختك و مراتك و بنتك
مش عايزين افكار هدامه الله يسترك

Unknown said...

كاميكاز : متشكرين ياأستاذى
ربنا يكرمك ويعزك ياااااارب

بس لسة هاخد وقت عقبال ما افهم الملف ده بيتعمل إزاى

الدبلون وسنينه بقا معلش

ma 3lina said...

إلى ميمو : قصدك مين اللي كتموا على نفسها ؟؟؟ إني بتتهمي حد معين ؟؟ شكلك بترمي كلام على حسني
-------- 07/03/2007 05:38 am ---------

إلى محمد عبد الغفار : بيقولوا حيبيعوا الأسود عشان يشتروا بتمنها زرافة .. الخوف إنهم يبيعوها ويجيبوا نعامة

برضه
-------- 07/03/2007 05:34 am ---------

إلى رفقة : إيه ده .. دا كل الناس عارفة وأنا آخر من يعلم ولا إيه ؟؟ .. طب مش حد يقول !!!
-------- 07/03/2007 05:32 am ---------

إلى خالد : لا ناوي ولا حاجة دا هو الكلام جاب بعضه .. يالا بقى ما علينا
-------- 06/03/2007 06:08 am ---------

إلى إنسان : يا سيدي انت تأمر وبرغم إني زعلان منك لكن حتعرف رأيي كمان يومين إن شاء الله
------ 06/03/2007 06:07 am -------

إلى بينو : جلبي قايد نار يا خويا يا بينو .. لما صدقت ألاقي حتة أطلع اللي جوايا من ناحيتهن
------ 06/03/2007 06:04 am -------


إلى إنسانة : جزانا وإياكي .. يارب يكون الملف وصل لكاميكاز بيه
-------- 08/03/2007 05:12 am ---------