عودة

هل اقول سكت فغر المدونين السكوت .. وظنوني لمدونتي قد نسيت .. واني لم انس .. ام اقول الحقيقة وأنه ما أجمل أن أجلس وطيفها من حولي يدعوني أن أكتب .. لكن قبل أن أبدأ أبرر لمدونتي وزائريها توقفي الذي دام شهور وبدأ بشهر رمضان ثم اعقبه انشغال شديد اضافة إلى حالة من الحيرة انتابتي وأنا لا اكتب في الفترة الأخيرة إلا عنها .. وشعرت أنك - يا مدونتي - قد سئمتي مني ومن البوح بمشاعري إليك .. بعد أن رأيتي ان جل ما اكتب منذ ان عرفتها هو عنها فتطالبينني الآن أن اكتب كما كنت أكتب من قبل وهذا مطلب صعب .. حاولت أن أرضيكي - مدونتي - فاكتب عن أي شيء غير تلك المشاعر التي تتجول بداخلي ذهابا وإياباً .. حتى أذهب عنك الملل وأنوع مواضيعك وأثريك بنقاشات المدونين وأحاديثهم وتحليلاتهم .. لكن لم استطع لذلك سبيلا ألم نتفق أنا وأنت منذ ان بدأت ادون أن اكتب ما اريد بلا حدود ولا رقيب ولا إطار ولا توجيه .. ألم نتفق على ذلك ونمارس ذلك طوال عامين هو عمرك الصغير الذي غير في حياتي الكثير والكثير .. فما بالك الآن قد سئمت من كتاباتي .. تراك تغارين منها ومن إقبالي عليها وحدها واعراضي عما سواها ؟؟ إن كان ذلك فهي خير منك .. فهي التي استوصت بك خيرا وأزعجها بعدي عنك .. فلازالت تطلب مني ان اعود إليكي وارعاكي .. وأنا لا ارد لها أمر .. حتى جئتك الآن اقص عليكي ما اقص مدونتي العزيزة هل لنا في بداية جديدة معا .. تقنعين فيها بأنك لست أول اهتماماتي وتتركينني على سجيتي اكتب واقص عليكي ما اشعر به دون ان تفرضي علي طريقة ولا تطلبي مني نهجاً ؟!!

رمضان كريم

اللهم تقبل منا رمضان زوجتي العزيزة .. اكتب لك بمناسبة شهر رمضان الكريم أهنئك بحلول هذه الأيام الطيبة المباركة وأسأل الله عز وجل أن تكوني معي في بيتنا العام القادم .. تحت ظلال من الحب والسعادة ولعل من بشاير وجمال هذه الأيام أن أول أيام شهر رمضان .. أول أيام الرحمة .. هو نفسه أول يوم في عامك الجديد .. أليس هذه علامة لكي .. أن يكون أول ساعة في عامك الجديد هي ساعة الرحمة والمغفرة لكل العالم .. ان تكون سعادة العالم الاسلامي كله مع اليوم الذي أشرقت فيه شمسك في هذا الوجود لتمتزج سعادتي بيوم ميلادك مع سعادة العالم بشهر الخير زوجتي العزيزة أحبك .. كل عام وأنتي بخير كل عام وأنتم جميعا بخير .. أراكم بعد رمضان إن شاء الله

رسائل الريح

اسمحي لي أن اضع حد للخيالات والافتراضات والتكهنات .. اسمحي لي أن أنهي سلسلة الأوصاف التي وصفتي بها نفسك وقد أغلقت عينيك ظناً منك أنك بذلك تمنعينني أن أعرف ما يدور في قلبك .. علماً يا سيدتي أنني لست فقط استطيع أن اقرأ قلبك وأنت مغمضة العينين .. بل استطيع ذلك أيضا وأنا نفسي مغمض العينين .. اسمحي لي أن أختلف معك كلية في كل تلك الاتهامات التي اتهمتي بها فتاتي .. ولأمنع كل تلك الشائعات التي اطلقها قلمك عنك .. لأنك ببساطة - لجميل أخلاقك - لا يمكنك رؤية ذاتك كما يراها الآخرون عموما وكما تراها عيناي أنا بالذات .. اسمحي لي أن أرد عليك تقولين إنك الحلم الضائع والأمل المنتهي ؟؟ .. امممم ... على الرغم من أنك تعلمين جيداً أنك كل شيء وأنك الدنيا .. تقولين إنك لمن يسعى إليك حلم مهدر ضائع وتطلبين منه أن ينساك ويبتعد عنك .. أحسبني أعرف السر والدافع وراء كلماتك .. إنه مكر الأميرات .. أليس كذلك ؟؟ .. تريدين ان تتأكدي من ولائي .. تقولين هذا لكي اجري عليك كما يفعل العشاق وأرتمي تحت أقدامك وأمسح عنك كلماتك وأسرد لكي أوصافك سرداً .. وأقول لك ما أنت حقاً .. اعرف انك تستعذبين وصفي لك وتسقين شجرة حبك لي بكلماتي فتخضر أوراقها وتنبت ثمرتها .. أليس كذلك ؟؟ .. آه منكن .. ترمين الكلمات وتنتظرن صداها .. إذن فلا بأس بقليل من غلاسة الذكور المعهودة.. فقد تربيت صغيرا عليها وكثيرا ما تدربت على ذلك مع أختي صغاراً .. الآن جاء دورك وحيث أنك تنتظرين همسي في إذنيك بكلمات الحب .. فسأدور كثيرا من حولك والتزم الصمت .. وسأحدثك في كل أمر غير هذا الأمر .. لن أرد عليك ولن أقول لك ما أنت .. لن أقول لك أنك كل شيء .. وأنك كل الدنيا .. لن أقول لك : أنت الدنيا وما فيها .. وأحلامها وأمانيها .. بأحداثها وأشخاصها .. بقاصيها ودانيها .. بأزهارها وأطفالها وضحكات تحليها .. بدعوة أم .. وشوق محب .. ورجل يعبد باريها .. بعصفور لعصفورة على الاغصان يناجيها .. بأمطار .. وأنهار .. وبحار تحمل السفن وتحويها .. بهمس .. وإطراق .. وعجوز يسعى طبيب يداويها .. أنت الدنيا وما فيها .. ونسائم لياليها .. وساعات سأقضيها .. أحدث نجم السما فيها .. بأنك أنت الدنيا كل الدنيا وما فيها .. حتى إذا ما انتهت لفاتي حولك وأعياني كتمان مشاعري - كالعادة - وأرهقني الدوران وعجز الكلام أن يخرج مني كما أريد .. عندها سأقبل الريح وأستودعها كلمة واحدة .. ثم سأطلقها لتلمس كفيك .. لتقبضي عليها براحتيك وتستخلصي منها كل رسائلي إليك .. عندها ستدركين يا جميلتي أن الريح كنز لا يعرفه حقاً إلا المحبون ..

هو وقيس

بينما هو يمارس أحد طقوسه المعتادة في النظر إليها وتأمل جمال عينيها بعدما تمكنا أن يقنعا أطفالهما بأن يأووا إلى الفراش فاستطاعا أخيرا أن يجلسا معا في غرفة المعيشة في هدوء ليهمسا معا كما اعتادا .. ينظر هو إليها .. وهي تقص عليه كعادتها من حديثها الممتع الذي لا يمل .. سكتت قليلا ثم بادرته وأخرجت من قلبها كتاب العشاق وأخذت تقلب بين صفحاته وهو ينظر إليها في انتظار ما تئول إليه هذه الحركة المفاجئة .. أخذت تقلب الصفحات وكأنها تبحث عن شيء .. ثم هدأ تعاقب الصفحات إيذانا بأنها قد وصلت لبغيتها .. تركته وغاصت في الصفحات على غير العادة .. لم يحتمل بعدها عنه فقال لها مقاطعا اتحادها مع ما تقرأ : حبيبتي ماذا تقرأين .. ؟ تنهدت فانتفض قلبه وقالت : يالقيس المسكين !! .. لقد كابد وعاني وأحب كما لم يحب أحد من قبله ولن يحب أحد من بعده .. انظر إليه كيف هام بليلاه وأضناه من الهوى ما أضناه .. حتى بلغ في الهوى منتهاه .. فإن للمحبين في عشقهم مآساة .. فلا يوجد بعده محب عاشق ولا في الحب مثله أديب ناطق .. لقد رأي في الحب ما لم يره أحد وصمد بحبه أمام من عاند وجحد .. حتى أتاه أمر الله الذي منه لا مفر فاعترف بصدق حبه كل من كذبه وأقر .. ولكن حين لا ينفع التصديق ولا جدوى من انقلاب العدو صديق .. فرحم الله مثله من عاشق وهدى الله كل عبد آبق .. يحول بين المتحابين فلا يجتمعا في الخير وفي الحب فلا يرتعا .. وألهم الله كل ليلى بعده الصبر فما ثم قيس وقيس في القبر وبعد قيس ولى الحب وأدبر .. كانت اقرب الكلمات إلى فمه بعد أن رأي الحسرة في كلماتها أن يصرخ فيقول : من هذا القيس ؟؟ وماذا فعل ؟؟ .. هو بحبه جنب حبي ما صنع ؟؟ لكنه استطاع بأعجوبة أن يتمكن من غيرته الشديدة على حبه ومحاولة التحدي الفاشلة من قيس ليلى فتأمل قليلا كاتماً ما فيه وأراد أن يجعل نقاشهما موضوعيا ... فقال لها : نعم يالقيس المسكين .. لقد رأى ليلى فعشقها لجمالها وحسنها وبديع صورتها ... وهكذا هم كثير من الرجال يرغبون من المرأة الجمال وجسد فان إلى زوال .. فلولا صورة الحسن ما انشدوا فيهن الأشعار ولا سهروا الليالي إلى الأسحار .. فليت شعري لو لم تكن ليلي لها تلك العينين التي انشد فيها قيس والنهدين.. لو لم يكن ثم جمال في ابتسامة ثغرها .. هل كان قيس يوما هام بها ؟ تعجبت هي من رؤيته لقصة العاشقين على هذا النحو فلم تكن رغبتها أن يكون هكذا الحديث عنهما فامتعضت أسرع هو قبل ان تغضب عليه فقال : لكن يا حبيبتي أتدرين أني أعشقك من قبل أن أراك وأسمعك .. أتدرين أني أتمناك قبل أن تدخلي حياتي وأهواك .. تذكرين أني عاشق من يوم قرأت كلماتك في المدونة فصرت بك هائم أنا .. وقصصت عنك لكل البشر وحدثت عنك النجوم والقمر .. فقلت لهم هناك أمل وكنت في النساء قد فقدت الأمل... وفي رأسي أنك لربما تكونين بيضاء أوربية أو سوداء إفريقية أو صفراء أسيوية .. وقد تكونين رفيعة كعود القصب أو سمينة كالفيل .. وقد تكونين ذات ستين ربيعا أو سبعين .. وقد تكونين تسحبين الأطفال من حولك بعد أن هجرك زوجك لما عاناه من كيدك .. لم أكن وقتها رأيت عينيك ولا حسنك ولا ثغرك ولا نحرك ولا شعرك ولا شفتيك .. فعندها أحببتك دون شروط مسبقة .. لا عينا صبية ولا شعور ذهبية ... فلما أن رأيتك وانكشف الحجاب بيني وبينك .. عندها ازداد عشقي وولعي ودعوت الله أن تكوني دوماً معي .. فهل ذكر كتاب العشاق اسمي وهل لقيس في الهوى سهم كسهمي .. تبسمت وتركت الكتاب وانتقلت لجواره على الأريكة وتابعت حديثها ....

طرائف محاضري الأي تي

هذه المواقف حدثت معي أومع زملاء لي في مجال المحاضرات والتدريس .... باشمهندس انت قلت لنا نفتح قائمة File ونقول open عشان نفتح فايل جديد .. انا روحت البيت وفتحت قائمة File وقعدت اقول Open Open وبرضه مفيش حاجة اتفتحت .. دا درس للباشمهندس عشان بعد كده يختار ألفاظه بعناية وما يقولش قول open ويقول اختار open المحاضر للمتدرب الذي مسك الماوس ووضعها على الشاشة : حضرتك بتعمل ايه ؟؟ .. فرد عليه المتدرب : هو مش أنت قلت حطوا الماوس على قائمة File ؟؟!! ودا درس تاني للمحاضر عشان يفكر الف مرة قبل ما يقول كلمة زي (حط الماوس على ..) دي هو لو انا عملت Static Member داخل class وناديت عليه من جوا الـ Class من Non-Satatic Method وعملت object من الـ Class دي ومن الـ Object ناديت على الـ Non-Static Method هل الـ Static Constructor حيتنفذ ولا لأ ؟؟ .. دا سؤال من نوعية اسئلة التعذيب بالكهربا وجلد الذات .. حرام عليك يا بني بتعمل فينا كده ليه ؟؟!! هو ايه الفرق بين الـ Void والـ Array ... حسبي الله ونعم الوكيل هو ليه القوسين في آخر الـ C# Method مدورين () ومش مربعين [] .. معلش ظروفهم كده باشمهندس .. انا عملت الكود زي ما انت كاتب بالظبط وبيطلع ايرورز .. تبقى المشكلة فين ؟ .. أكيد مش فيك وأكيد مش في الكود وأكيد مش فيا .. غالبا المشكلة في مايكروزفت هي مش الـ Metod مش بتـ Return حاجة ... إيه لازمة الـ Void بقا ؟؟؟!! الله يسامحهم اللي عملوا الـ Void الطالب : هي الـ HTMLControls عاملة زي الـ abstract Class .. المحاضر : نعم ؟؟؟!! .. الطالب : آآقصدي الـ Interface .. المحاضر : افندم ؟؟؟!! .. الطالب : لا لا ولا حاجة الطالب خريج الجامعة المصرية لمحاضر البرمجيات .. ايه ده هو كله فهم فهم مفيش حاجة حفظ ؟؟!! .. معلش تعال كمان يومين اكون جهزت لك حاجة تتحفظ طالب آخر لنفس المحاضر : أفففف .. أنا زهقت من التفكير !!! والمحاضر في ذهنه :: XXXX التعليم واللي جابوا التعليم

إنترنت إكسبلور vs فايرفوكس

كمطور ويب ارشح للمستخدم الانترنت على نظام تشغيل الويندوز برنامج انترنت اكسبلورر7 .. لأن دا حيساعدني اني اعرض صفحات الويب بإمكانيات معينة لا يمكن اظهارها مع متصفح آخر كال فايرفوكس مثلا.. زي مثلا لو كنت عايز عمل خلفية بلون متدرج لخلية في جدول ولا اعرف كم سيكون ارتفاع هذه الخلية .. بمعنى انها خلية والكلام المكتوب داخلها سيأتي من داتا بيز مثلا .. وسأقوم باستخدام شريحة مدرجة اللون كباكجراوند للخلية .. سيكون شكل الشريحة كالتالي : ولو استخدمت الشريحة في خلية حيكون الكود كالتالي <table width="200" align="center" background="bg.png"><tr><td valign="Top">نص الموضوع .... نص الموضوع </td></tr></table> نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع المشكلة حتظهر مع عدم توقعنا لارتفاع الخلية المعتمد على كمية الكتابة الموجود داخلها .. يعني لو كان الموضوع اكبر من كده حتلاقي الشكل كالتالي : نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع بمعنى إن تدرج اللون مش حيطول معاك مع تغير ارتفاع الخلية ... وحتى لو حاولت تمنع التكرار باستخدام الـ Styles بمعنى إن الكود يبقى كده : <table style="background-repeat:repeat-x"width="200" align=center background="bg.PNG"><tr><td valign=top>نص الموضوع نص الموضوع .... نص الموضوع</td></tr></table> نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع طيب وايه الحل ??? الحل بمنتهى البساطة هو الاستغناء عن الشريحة واستخدام الكود التالي لتدرج الألوان : <table style="FILTER: progid:DXImageTransform.Microsoft.gradient (GradientType=0, startColorstr=#0000FF, endColorstr=#FFFFFF);" width="200" align=center><tr><td valign=top>نص الموضوع .... نص الموضوع</td></tr></table> واللي حيطلع لي النتيجة التالية : نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع نص الموضوع واللي بالتأكيد حيكون مناسب تماما لكل ارتفاع لهذه الخلية واللي مستخدمي أي متصفح آخر غير الإنترنت إكسبلورر لن يتمكنوا من مشاهدتها .. واللي حتمثل صعوبة على مطور الصفحة إذا أراد لمستخدم أي متصفح آخر أن يرى بغيته نوع آخر من الإمكانيات أتاحه لي استخدام حضرتك للانترنت اكسبلورر بدلا من غيره من المتصفحات .. وهو اللعب بالصور .. زي تكبير وتصغير الصور onclick="document.images['ImageID'].width -=25;document.images['ImageID'].height -=25;" onclick="document.images['ImageID'].width +=25;document.images['ImageID'].height +=25;" اتفرج على المزيد من اللعب في كثافة الصورة وتدويرها وعمل ميرور ليها وحاجات تانية واتفرج كمان على اللعب بالظلال ياسلام على الصورة لما تتعمل على شكل موجات .. ايه الجمال ده اتفرج على عمل سليدز زي الباور بوينت بالظبط وكله سكريبتات كفاية كدا عشان نراعي مشاعر اخواننا اللي بيستخدموا فايرفوكس .. واللي يا حرام مش شايفين اي حاجة من الحاجات اللي فوق دي  الميزة الرئيسية لموزيلافايرفوكس انه مجاني ومفتوح المصدر .. فلو كان دا السبب لاستخدامك الفايرفوكس أو كنت من مستخدمي نظام تشغيل آخر غير الويندوز فأنا متفق معاك تماما لكن المزايا اللي الناس بتتناقلها كميزة كبرى وفارق شاسع بين الفاير فوكس والانترنت اكسبلورر زي مثلا إنه سريع ؟؟ انا مش عارف مين مصدر الإشاعة .. بس لكل الناس النت بيبقى سريع أو بطيء تبعا لسرعة الاتصال .. اما الفروق بين البروزرات فدي فروق في طريقة تحميل الصفحة .. وهي ايحائية اكتر منها جدية .. يعني لما واحد قديم شوية في النت يقول للتاني الجديد في عالم النت الفايرفوكس سريع ونزله .. التاني ينزله ويجربه وتلقائي بيقول والله فلان دا عنده حق .. الموضوع بالظبط عامل زي نظرية القرود الخمسة ونفس الميزة تنطبق على موضوع الآمان .. فأنا استخدم برامج الحماية المتعلقة بالـ Internet Security واللي وظيفتها الأمان عند تصفح النت بغض النظر عن نوع متصفحك عموما قناعتي بأفضلية الانترنت اكسبلورر 7 لأنه افضل للمطور وبالتالي الفائدة ستعود للمستخدم والنقطة دي مهمة جدا ولا يمكن إغفالها .. إلا إني برضه أوجه تهنئة لكل مستخدمي الفايرفوكس على ظهور الاصدار الثالث من البرنامج ورغم اني مش من مستخدميه لكن نزلته وجربته عندي لاحتياجي لوجود اكتر من متصفح ويب على الجهاز ليرقد بسلام إلى جانب اخويه الاوبرا والنيتسكيب كل في انتظار فرصته للقفز على مكانة الانترنت اكسبلورر

مش حتكلم عليها

اكيد الكل زهق مني .. كل بوستاتي بتكلم عليها .. 3 بوستات ورا بعض بتكلم عليها .. هي وبس .. فانا قلت اعتذر للكل .. وانهاردة اتكلم في أي مواضيع تانية من باب التغيير والتعويض عن البوستات الخاصة جدا اللي فاتت اللي بتعبر عن مشاعري .. ها نتكلم عن ايه ؟؟؟ شفتوا اوباما اخيرا فاز بترشيح الديمقراطي . شيء متوقع .. المنافسة اصلا كانت متقاربة لأن طبيعة اطرافها متساوية مش في القوة لا في الضعف ومش بيلاقوا قبول عند الشعب الأمريكي اللي مش بيحب لا ان واحد من اصول افريقية يحكمه او واحدة ست تحكمه .. وماكين في حالة فوز أيا من كلينتون او اوباما مرتاح ع الاخر لأنه ضامن ان منافسه الديمقراطي أيا كان حيفشل قدامه ... وسقوط المرشحة الست في سباق الرياسة من المنافسة التمهيدية تاكيد اكتر على ان الشعب الامريكي زيه زي معظم شعوب الارض اللي لا تفضل تولي المرأة لمنصب القيادة .. لا على مستوى الفرد ولا على مستوى الأمة ويتساوى في كده شعوب العالم التالت والاول .. وما فوز بعض النساء بمناصب قيادية في بعض الدول إلا لاعتمادها على ميزة غير موجودة عند الرجال .. ألا وهي كونها ست وبتيتغل الدعاية بتاعة رشحوني وادعموا قضية المرأة .. وهو عامل بعيد كل البعد عن الكفاءة والقدرة على القيادة .. لكن ان تقودني امراة فدا امر دائما مرفوض عندي مثلي مثل صديقي الأمريكي .. إلا طبعا لو كانت هي .. هي فقط .. لو كانت هي الوضع يختلف تماما .. هي الوحيدة اللي اسلم لها كل مفاتيح قيادتي .. هي الوحيدة اللي بالاضافة لعواطفها التي كبوصلة حقيقية توجهها نحو الخير لها أيضا عقل منير يرشدها إن اظلمت الطرق .. يعني هي سواء قادها الاحساس أو العقل والمنطق موفقة الى الحق والصواب .. مش كده تستحق تكون قائـ .... ايه ده .. احنا مش قلنا مش حنتكلم عليها .... اسف اسف .. خلينا نتكلم طيب في موضوع تاني الشغل دا بقا حاجة مزعجة جدا .. طب اديني اهو داخل على 3 شهور في الشغل الجديد والحقيقة اني بحب المكان والشغل .. بس برضه لسه كل انواع الشغل بتثبت لي النظرية اللي بتقول ان احنا بنتقاضى مرتباتنا 90% منها مقابل حرقة الدم و 10% مقابل الانتاج والمجهود ... وساعات 100% مقابل حرقة دم .. يعني شغلانة كتير مننا مش مهندس ولا محاسب ولادكتور .. شغلاتنا كلنا محروق دمنا .. الاستاذ فلان الفلان المحروق دمه في شركة كذا كذا .. وعلى هذا الاساس يتقاضى مرتبه .. ولو فكر يتمرد ويرفض حرقة الدم .. اكيد بيبقى بيمضي اوراق استقالته أو اقالته من عمله .. بس الحمد لله اظن اني بدأت اتأقلم مع طبيعة الشغل في مصر واتقبل الصداع اللي بيحصل كل يوم واسلوب اني اعود للبيت محمل بالوان من الاستفزازات والمشاكل والاحباطات .. بس احسن ما في الموضوع اني عندما اعود محمل بكل هذه الشرور أسارع للبيت عشان أجدها في انتظاري والمح فيها اشتياقها لي واسمع كلماتها العذبة المميزة فيزول عني كل سوء .. تكلمني وانا اسمع واستزيدها من حديث شهرزاد الذي لا يمل .. حتى اذا ما انتهت منه غردت لفيروز بهمسات في اذني كي انام كالطفل الصغير وقد زال عنه كل ما يؤلمه ... عارف عارف اني بتكلم عليها برضه .. خلاص حسكت .. وحشوف موضوع تاني يقولوا مصر حتلعب مع مالاوي يوم السبت .. وقبلها لاعبنا جيبوتي والكونغو وغلبناهم ... الغريب ان في كل مرة في تصفيات كاس العالم احس ان سكتنا خضرا والفرق اللي معانا فرق سهلة وظريفة وحتدينا البطاقة على طول .. واذ فجأة الاقينا بره وجورج ويا يلعب في الدفاع ويطلع مرة واحدة من اخر ملعبه وياخد الملعب كله لغابة الجون بتاعنا ومحدش عارف يوقفه ويدخل فينا جون ويرجع ونطلع من كاس العالم على ايد ليبريا .. اللي مليانة حرب اهلية واللي محدش يعرف هيا فينا ع الخريطة ممكن يكون الوضع مختلف المرة دي ويوصل المنتخب لكاس العالم .. ولو إن حماس الناس المبالغ فيه للكورة واستبدالهم مباريات الكورة بمصطلحات عسكرية محضة بتخلي الواحد شاكك في احقيتهم انه يفرحوا بوصول منتخب بلادهم لبطولات مهمة .. ان شاء الله مصر تكسب .. بس ياريت الواد اللي اسمع عمرو ذكي دا ميجبش اجوان .. عشان هي اصلا زملكاوية ولما سي بتاع دا بيجيب اجوان بتبقى فرحانة اوي ان زملكاوي جاب الجون لمصر .. بحس ان حد غيري هو الي قادر يفرحها ويسعدها ... مع إن دي المفروض تبقى وظيفتي انا وبس .. وسعادتها دي هي اللي حتخـ .... ايه ده برضه اتكلمت عليها ؟؟؟ معلش يا جماعة .. مش متعود بس .. معلش نغير الموضوع اخيرا خلصت امتحانات .. الحقيقة الامتحانات جاية سهلة خالص .. بس للي ذاكر .. انا كنت بدخل الامتحان من غير ما افتح كتاب .. يعني كنت بدخل المادة ومعرفش هي اصلا بتتكلم عن ايه .. وطبعا النتيجة متوقعة ومعروفة .. انا مش مشغول فعلا بالنتيجة السنة دي ومستعد للسنة الجاية ولو ان كان نفسي ان انتهي من الدبلومة السنة دي واوفر سنة من عمري .. لكن مع القاعدة اللي حاططها لنفسي اني امشي في طريقي بالراحة وعلى مهلي .. فمفيش مشكلة من اني استنى سنة كمان بدل ما اوتر علاقتي بنفسي وادمر اعصابي .. اوحش ما في الموضوع اني اخشى من نظرتها ليا بعد النتيجة .. اكيد حتبص لي على اني الطالب الفاشل .. ياترى حتتفهم اني ... اوك نغير الموضوع .. أخر محاولة الشوارع بقت فظيعة بجد .. البلد في الصيف بتبقى جحيم ومجرد نزولك الشاعر معناه حرقة دم وعكننة .. ستات ماشية على حل شعرها ورجالة بقرون كتيرة ماشية جنبها كل وظيفتها إنه بتشرف عليها اثناء عرضها لجسدها امام الناس .. ستات شكلهم وحش جدا جايين من كفر ابو طشت فاكرين نفسهم سياح وقاعدين على كافتريا بيشيشوا وكل طشت قاعد جنبها سعيد والناس بتتفرج على المدام وهي بتشيش .. لبحر مقفول .. فكرة اني اتمشى او اقعد عليه انتهت من حوالي شهر .. وحستنى لغاية فك الحصار عشان اقدر اتمشى عليه تاني .. يعني قدامي لغاية ما بعد العيد .. قبل كده ما افتكرش .. مع اني الفترة دي محتاج اروح للبحر جدا واكلمه واقول له رسالتي عشان يبلغها ليها .. بس الحواجز اللي بيني وبينه هي نفسها الحواجز اللي بيني وبينها .. كتل بشرية وزمنية بيننا .. وحضطر اكتفي بالرسائل اللي بيوصلها القمر ليها .. يمكن في يوم تبص بالليل ليه وتسأله عليا ويجاوبها القمر باللي في قلبي من ناحيتها أنا اسف لكل من يقرأ .. مش قادر ما اتكلمش عنها .. كل الكلام يقودني في الاخر إليها

حيرة الأديب العاشق

هلموا .. اقتربوا .. اقتربوا أكثر وأكثر وتجمعوا من حولي .. التفوا حولي يا من اخترقتم حاجز المكان ببعدكم عن مكاني واخترقتم حاجز الزمان فدخلتم هذه المدونة لتقرأوا كلماتي بعد سنوات وسنوات من مصرعي .. اقتربوا .. فالآن سأنشدكم شعرا عن امراة لم ولن تروا مثلها أيدا .. سأنظم لكم في جمال عينيها التي أتخيلها ولم أرها بعد قصيدة من ألف بيت وسأرصعها بألوان البديع ولؤلؤ الشعر .. وسألقيها عليكم بفصاحة لم تعهدوها فتخترق قلوبكم معانيها .. وسأبدأ قصيدتي الألفية بكلمة .. يا حبيبتي .. ثم ...... ................ انتظروا .. عفوا لقد بدلت رغبتي ... فلن اكتب في عينيها شعرا .. بل سأكتب فيها نثراً اختار فيه العبارات بحرية أكبر .. لكي تصل لكم المعاني أسرع وأشمل .. وبعباراتي سأرفع من شأنها بين نساء العالمين واودعها بيدي بين نجوم السماء .. سأجعلها بكلماتي ملكة النجوم .. وستغار كل نساء الأرض منها .. ويحسدني كل الرجال لأني ابصر عن قرب تلك الملكة في السماء .. وسأبدأ نثري هذا بكلمة يا حبيبتي .. وبعدها ... ................ امم .. يبدو اني عدلت رأي مرة أخرى .. دعونا اكتفي بان اقص لكم عنها حكاية فهذا أوقع في قلوبكم وأصدق .. سأحكي لكم قصة عن محاسن أخلاقها .. نعم .. وستكون القصة الأجمل التي تقرأونها طوال حياتكم .. سأذكرها كثيرا في قصتي وكلما ذكرتها لكم ستحبسون أنفاسكم وتشخص عيونكم وتنخلع افئدتكم .. سترتجون رجاً وستنتفض مشاعركم مع وصفي وكلماتي عنها .. وسأبدأ قصتي بكلمة .. يا حبيبتي .. ومن ثم .... ................ كلا .. لن أفعل .. يا حبيبتي ... لا استطيع أن اكتب أي شيء حول هذه الكلمة اعلم انكم احترتم معي .. ولكن اغفروا حيرة الأديب المقتول في هواها .. فهو لايملك الصناعة التي يوفيها بها حقها .. ولم يجد بين فنون الأرض ما يمكن له به ان يرضي قلبه ويصف محبوبه .. تعددت رغباته .. لكن رغبته في نطق اسمها هو العامل المشترك بين جميع أفكاره .. فمن بين كل خواطر ذهنه ما كتب على أوراقه الأدبيه إلا كلمة واحدة أراد أن يبني حولها البناء .. لكن الكلمة كانت أكبر من أن يستوعبها أي بناء .. اعذروني ان لم تجدوا في بضاعتي ما يغذي عقولكم وينير أفهامكم .. فما أنا الا رجل [ خط سطرا في الهوى ] داخل مساحة يملكها ويتركها ليقرأها كل عابر سبيل وجعل في هذا المساحة تاريخه كلها .. حلوه ومره .. ليرى كل من يقرأ هذه المدونة كيف كان صاحبها قبلها وكيف أصبح بعدها .. ليدركوا هذا الفارق الشاسع بين كلماته الآن وكلمات قديمة ممسوحة من داخله موجودة في الماضي المهدر تحت اقدامها ولم يتبق منه سوى الشاهد فلتشهد عزيزي الزائر .. هل الآن أنا .. مثلي قبل سنة ؟؟

ليتكم تعرفونها كما أعرفها

إذا لتمرد الوقت عليكم وكسر كل قوانينكم وثوابتكم ولصار حصانا بريا جامحاً .. ولما استطاع احد ترويضه .. فكلما اقتربتم منها ركض وأسرع فلا تدركونه وكلما ابتعدتم عنها تباطأ حتى إنه يكاد لا يمر ليتكم تعرفونها كما أعرفها إذا لفقدت اللغة عندكم حروفها واهتزت المفردات وتحطمت القواعد النحوية ولعدتم أطفالا تعبرون عن ما بداخلكم فقط بالضحك والبكاء .. وما أدركتم بعدهما وسيلة .. ليتكم تعرفونها كما أعرفها اذا لانهدت الجبال الراسية في قلوبكم .. تلك الجبال التي تحفظ لكم التوازن ستزول .. ولتعرضتم من بعدها لاعنف الزلازل واقوى الرياح .. واصبح استقرار أودية قلوبكم أسطورة من الأساطير .. وياللعجب إذ أنكم ستعشقون ذلك .. ليتكم تعرفونها كما أعرفها إذا لانقطعت آمال النساء في الرجال .. فكل الرجال سيسعون لها وحدها دون غيرها .. الملوك والأمراء والرؤساء والساسة والأتباع .. الأغنياء والفقراء .. الكل سيقف عند باباها ويقدم لها ما استطاع من براهين الهوى .. وسأصبح عندها مجرد رقم في الصف !!!! أحقاً ؟؟!!! إذا ... الحمد لله انكم لا تعرفونها كما أعرفها

تاج الأحلام

تاج الأحلام دا وصلني من العائشة في الأحلام رفقة عمر جزاها الله خيرا واللي بعد إذنها اقتبست اسم البوست من عندها .. بصراحة التاج صدمني .. الواحد بالتاجات دي بيعرف حاجات عن نفسه أول مرة يعرفها .. خصوصا السؤال الأول اللي بيسأل عن أحلامي في الماضي واللي حقيقة حيرني جدا .. مش عارف الواحد معندوش احلام ولا إيه عموما أتا قعدت عصرت دماغي واجمع حلم من هنا على حلم من هنا لغاية ما عملت التاج وإليكموه بالتفصيل .. السؤال الأول .. أذكر خمس أحلام على الاقل ..تخص ماضيك وتحلم فيها بتغيير اشياء ..ماذا ستعدل وماذا ستترك؟؟ خمسة كتير قوي .. انا مش لاقي بصراحة .. كفاية تلاتة المرة دي ويبقى لكم حلمين عندي .. أو خدوا بيهم شوية رغي على شوية حواديت .. براحتكم يعني أول حلم .. كان إني ادخل الفنية العسكرية واكون ظبوطة .. بعد ثانوية عامة خالي قال لك اكلمك اللوا فلان .. وعمي قال لي يعرف المقدم علان .. قلت لهم : لااااااا .. أنا ادخل بمجهودي ومحدش يكلم لي حد .. ودخلت وكان مجموعي في الثانوية 94% .. وكان صف الظباط مستغربين اني داخل العسكرية اصلا .. واحد منهم قعد يقول لي : يا بني حرام عليك تعمل في نفسك كده .. دا بدل ما تاخدلك بنت تروح تتفسح معاها عايز تدخل الجيش .. المهم في الآخر ما قبلتش .. انا وقتها زعلت ورحت للبديل بتاعي .. كلية الهندسة .. وتعدي أيام وسنين وحياتي تتغير تماما .. لكن جوايا برضه كان فيه أسف على الكلية اللي معرفتش ادخلها .. وسبحان الله بعد ما دخلت الجيش كمجند لمدة 12 شهر اتغيرت فكرتي تماما .. ساعتها بس عرفت النعمة اللي ربنا أنعم عليا بيها وأد ايه فضله عليا كبير كان إنه حفظني من الجيش واللي بيحصل فيه .. الحمد لله حمدا كثيرا اني ما بقتش ظابط وبقت حياتي كلها كده .. تاني حلم .. كان لما دخلت هندسة .. كان نفسي ادخل قسم مدني وكنت على طول مخطط لنفسي كده وكنت بقول اني يإما ادخل فنية عسكرية واكون ميكانيكي يإما هندسة قسم مدني .. هندسة بالنسبة لي كانت يعني مدني وبس .. بس اللي حصل اني دخلت إعدادي هندسة وجبت مجموع كبير وحلو كده .. وقسم مدني كان وقتها بياخد مجموع قليل (قسم الشعب زي ما كانوا بيقولوا عليه وقتها) .. زمايلي قعدوا يقولوا لي : ازاي .. وخسارة مجموعك .. ما تضيعهوش .. ادخل كهربا .. وبصراحة الزن على الودان أمر من السحر .. وانا ساعتها ما اعرفش ازاي استسلمت لكده ودخلت كهربا .. الحمد لله على كل حال .. بس اظن مع رجوعي بالزمن لورا كان زماني عدلت رغباتي وخليت اول رغبة : قسم مدني .. تالت حلم .. هو حلم طفولي شوية .. لأني كنت بحلم وأنا صغير إني أكون رئيس جمهورية .. اظن الحلم دا فضل معايا لغاية تالتة ثانوي ولا حاجة .. ما اعرفش هو اتوقف امتى بالظبط .. يمكن لما عرفت النهي عن طلب الإمارة .. يمكن لما الحياة بدأت تبان قدامي على حقيقتها وعرفت إني كنت غلطان لما كنت فاكر إنه الواحد ممكن يترقى في مصر بالمجهود والصبر والعلم ويوصل لأعلى المناصب .. عموما الحمد لله إن الأفكار السودا دي راحت من دماغي .. انا فعلا مش حمل اني اشيل ذنوب الناس دي كلها .. السؤال التاني .. أذكر خمس أحلام على الاقل ..تخص مستقبلك أول حلم .. إني أكمل دراستي في المجال اللي انا بحبه .. واخد دكتوراة في نظم المعلومات وابقى عقبال أملتكم كده استشاري قد الدنيا في نظم المعلومات يشار إليه بالصوباع .. ايييه اوعدنا يارب .. هو مشوار طويل جدا .. بس واحدة واحدة وربنا إن شاء الله ييسر لي موضوع الدراسة دا بس ادعو لي احسن انا كسلان جدا .. والامتحانات قربت تاني حلم إني اتجوز الأميرة اللي بتمناها .. هي .. شهرزاد .. ست بجد .. أميرة .. الدينة الخلوقة .. انسانة تفهمني وافهمها وكل واحد مننا ياخد التاني زي ما هو بعيوبه ومميزاته .. يداري العيوب ويحاول يصلحها ويحمد ربنا على المميزات .. البشوشة المحبة لجوزها .. الواثقة فيه .. الودودة الولودة الطيبة الحنونة الرقيقة .. بيتها جنتي في الأرض .. محافظة على مالي وعيالي .. محترمة لي ولأهلي .. تاخد بإيدي للجنة .. جميلة من غير كبر .. هي أحسن مني دينا وخلقا لكن لأنها هي من هي فعمرها ما حتحسسني بكده .. تالت حلم .. إني اثبت حفظ القرآن في صدري .. وبلاش نتكلم في النقطة دي اكتر من كده عشان شكلي وحش جدا .. وممكن نحشر مع الحلم دا .. زيادة جرعة العلم الشرعي .. نفسي ازيد بجد فيها والله المستعان رابع حلم .. إن ربنا سبحانه وتعالى يفتح على احد ابنائي ويكون قائد للأمة وربنا يفتح على ايده الخير للناس ويكون سبب بفضل الله في قيام الدين وتحكيم شرع الله وعودة عزة أمة الإسلام .. خامس حلم .. إنه يكون معايا فلوس كتير .. أنا بصراحة شدبدة مش حهلكه في الخير ولا حاجة .. عشان مش ابقى كذاب .. برضه حتمتع بيه ومن حولي .. وبعد كده اعمل حاجات كتيرة في دماغي .. السؤال الثالث .. أذكر شخصين على الأقل .متواجدين فى حياتك حاليا ..كنت تود وجودهم قبل الآن بزمن أول شخص .. واحدة .. هو مش حكاية انها تكون موجودة من زمن .. بس نفسي تكون موجودة على طول .. هي انسانة دخلت حياتي وانا بحاول ادخل حياتها .. هي مش زي أي واحدة ممكن تعرفها .. كل كلمة صغيرة بتقولها بتخليني مبهور بيها .. مبهور دي كلمة كبيرة على فكرة .. بس انا ممكن اعجب بناس كتير .. بس اني انبهر بحد دي صعبة شوية .. هي بقا فعلا غير عادية خلتني مبهور ومستغرب من وجودها اصلا .. ابسط كلمة ممكن توصفها إنها من زمن جميل غير زماننا ده .. زي ما تكون من عصر تاني ركبت آلة الزمن وجت لنا هنا .. لؤلؤة في محارتها مخرجتش منها .. بريئة ومحتفظة بجمال وتألق غير عادي غير مختلط بغبار الناس وعوادم السيارات .. كل حدوتة من حواديتها بتقربني منها اكتر .. هي تستحق الأفضل .. هي اكتر من عرفت من النساء اللي تستحق الأفضل .. تتستحق واحد فعلا يسعدها .. وأظنه حيكون الأسعد بين رجال العالم .. لو كنت رجل وبتقرا كلامي فما تحاولش تتخيلها ولا تقارنها بواحدة ست انت شفتها وثق في كلامي هي حاجة تانية .. انا مش عارف لو ليا قصة معاها ممكن تنتهي ازاي ولا حتى عارف ممكن تبتدي إزاي .. خصوصا ان فيه حاجز ومشكلة كبيرة تفصل بيني وبينها وازاي مع وجود الحاجز ده ح اقدر أسعدها .. بس عموما الأيام حتقول لي على كل حاجة .. تاني شخص هو خالتي .. وطبعا دي موجودة من زمن أكيد يعني .. بس انا اقصد إنها تكون اقرب لي من كده .. لأنها ورغم انها موجودة من زمن إلا انها عايشة طول عمري في ليبيا .. ومش بشوفها غير كل فترة طويلة ولأيام معدودة .. انا بحبها جدا .. وهي الوحيدة اللي اتمنيت تكون أمي مكان أمي .. ربنا يخليها ويديها طولة العمر .. المفروض انها حتستقر في مصر بعد ما أولادها الأربعة اتجوزوا .. وقعدت فعلا في مصر .. لكن دلوقتي راحت تزورهم لمدة شهر .. المفروض الشهر قرب يخلص وترجع وتستقر بقا .. الخوف انهم يأثروا عليها ويخلوها تقعد معاهم . السؤال الرابع .. اذكر شخصين على الأقل غير متواجدين فى حياتك حاليا كنت تود وجودهم الان او فى حياة اولادك مستقبلا لا دا بقا صعب جدا .. لكن عموما أي داعية وشيخ - مش من الشيوخ اياهم طبعا - لما بيموت انا بزعل جدا وبتمني يكون موجود في حياة مش بس أولادي .. لا والأجيال الجاية كلها .. لأني بفكر إن الشيخ دا لما كان موجود وحواليا كنت ممكن اروح واسأله .. وكان صورة ليا وقدوة حية اقتدي بيها .. وإن اي حاجة جديدة بتجد في حياتنا هو حبخرج ويقول لنا رأيه واجتهاده فيها .. فبكون مطمئن .. بخاف جدا من ان ابني يحاول يلتزم فيدور على حد يساعده وما يلاقيش القدوة اللي تساعده .. او انه ما يلاقيش أصحاب العلم فيتخذ رؤوسا جهالاً اضيف سؤال كمان للتاج .. فيه حد نفسك إنه يختفي من حياتك ؟ آه .. اليومين دول فيه مدون كده نفسي انه يختفي من عالم التدوين .. يارب يرزقه بسفرية كده لدولة ويقبض 100 الف يورو في الشهر .. انا بدعي له اهو بالخير .. بس يارب تكون الدولة دي مفيهاش نت ولا تليفونات أصلا .. آميييييييين :) التاج أمرره لكل من إنسانة وطعمة ود. ماعلينا

غنوة وحدوتة

أولا الحدوتة .. وهي قصة منتشرة في المنتديات .. والحق الأدبي محفوظ لصاحبها الذي لا أعرفه دخل حمار مزرعة رجل وبدأ يأكل من زرعه الذي تعب في حرثه وبذره وسقيه تسائل صاحب المزرعة في حيرة : كيف يخرج الحمار من الأرض ؟؟ أسرع الرجل إلى البيت وجاء بعدَّةِ الشغل فالقضية مصيرية ولا تحتمل التأخير .. أحضر عصا طويلة ومطرقة ومسامير وقطعة كبيرة من الكرتون المقوى وكتب على الكرتون (يا حمار أخرج من مزرعتي) ثم ثبت الكرتون على العصا الطويلة بالمطرقة والمسمار وذهب إلى حيث الحمار يرعى في المزرعة ورفع اللوحة عالياً ... وقف رافعًا اللوحة منذ الصباح الباكر حتى غروب الشمس ولكن الحمار لم يخرج حار الرجل وقال في نفسه : ربما لم يفهم الحمار ما كتبتُ على اللوحة .. رجع إلى البيت ونام .. في الصباح التالي صنع عددًا كبيرًا من اللوحات ونادى أولاده وجيرانه واستنفر أهل القرية وحكماءها وصف الناس في طوابير يحملون لوحات كثيرة مكتوب عليها (أخرج يا حمار من المزرعة) (الموت للحمير) (يا ويلك يا حمار من راعي الدار) (سنلقي بك أيها الحمار إلى البحر) وتحلقوا حول الحقل الذي فيه الحمار وبدأوا يهتفون : أخرج يا حمار .. أخرج أحسن لك .. والحمار يأكل ولا يهتم بما يحدث حوله .. غربت شمس اليوم الثاني وقد تعب الناس من الصراخ والهتاف وبحت أصواتهم فلما رأوا الحمار غير مبالي بهم رجعوا إلى بيوتهم يفكرون في طريقة أخرى في صباح اليوم الثالث جلس الرجل في بيته يصنع شيئاً آخر لإخراج الحمار فصنع نموذج مجسم للحمار يشبه إلى حد بعيد الحمار المغتصب لأرضه ولما جاء إلى حيث الحمار يأكل في المزرعة وأمام نظر الحمار وحشود القرية المنادية بخروج الحمار وعدسات وكالات الأنباء العالمية وبكل الشجاعة سكب البنزين على النموذج وأحرقه أمام الجميع .. نظر الحمار إلى حيث النار ثم رجع يأكل في المزرعة بلا مبالاة أرسل حكماء القرية وفدًا ليتفاوض مع الحمار العنيد .. قالوا له: صاحب المزرعة يريدك أن تخرج وهو صاحب الحق وعليك أن تخرج .. نظر الحمار إليهم ثم عاد للأكل لا يكترث بهم بعد عدة محاولات أرسل الرجل وسيط آخر قال للحمار : صاحب المزرعة مستعد للتنازل لك عن بعض من مساحته .. الحمار يأكل ولا يرد .. ثلثه .. الحمار لا يرد .. نصفه .. الحمار لا يرد .. قال له : طيب حدد المساحة التي تريدها ولا تتجاوزه .. رفع الحمار رأسه وقد شبع من الأكل ومشى قليلاً إلى طرف الحقل بعيداً عن الوسيط الذي يزعجه بهمهماته التي لا يفهم معناها .. فرح الناس فقد ظنوا أن الحمار وافق أخيرًا .. أحضر صاحب المزرعة الأخشاب وسيَّج المزرعة وقسمها نصفين وترك للحمار النصف الذي هو واقف فيه .. في صباح اليوم التالي كانت المفاجأة لصاحب المزرعة لقد ترك الحمار حدوده واقتحم حدود صاحب المزرعة وأخذ يأكل منه .. جمع صاحب المزرعة اهل القرية ليشهدهم على اعتداءات الحمار المتكررة .. وذهب سريعا لبيته ورجع مرة أخرى حاملا اللوحات المطالبة بخروج الحمار .. وبعد فترة من حملها حدث نفسه : يبدو أنه لا فائدة من هذا الحمار .. وبدأ الرجل يفكر في ترك المزرعة بكاملها للحمار والذهاب إلى قرية أخرى لتأسيس مزرعة أخرى .. ابتهج أهل القرية لهذا الحل الذي يكفيهم القتال ويزيح عن صدورهم هذا الهم .. وأمام دهشة جميع الحاضرين وفي مشهد من الحشد العظيم تقدم طفل صغير خرج من بين الصفوف ودخل إلى الحقل وتقدم نحو الحمار وانحنى والتقط حجرا من الأرض ورمى به الحمار فإذا بالحمار يركض خارج الحقل ... حلوة الحدوتة ولا ملتوتة ؟؟ طيب .. وآدي كمان الغنوة أحترف الحزن و الإنتظار أرتقب الآتي و لا يأتي تبددت زنابق الوقت واحد وستون عاماً و أنا أحترف الحزن و الإنتظار عبرت من بوابة الدموع إلى صقيع الشمس و البرد لا أهل لي في خيمتي وحدي واحد وستون عاماً و أنا يسكنني الحنين و الرجوع كبرت في الخارج بنيت أهلاً أخرين كالشجر أستنبتهم فوقفوا أمامي صار لهم ظل على الأرض و من جديد ضربتنا موجة البغض و ها أنا أستوطن الفراغ شردت عن أهلي مرتين سكنت في الغياب مرتين أرضي ببالي و أنا أحترف الحزن و الإنتظار

خلف باب الأمل

هو .. وقف أمام الباب واستجمع كل أشلاءه المتناثرة وأجزاءه المحطمة واستعاد بعضاً من شجاعته واستخار الله وبقوى خفية لا يعرف من أين جاءته رفع يده وطرق الباب ثم طأطأ رأسه وأغمض عينيه وانتظر .. هي .. وراء الباب تجلس على كرسيها الهزاز تنظر إلى ظله المضطرب وتستمع إلى دقات قلبه المختلطة بطرقاته على الباب .. هو .. قرر أن يشغل لحظات انتظاره ويرسم صورة لها في خياله .. قرر أن يغرق ذهنه في بحر من الخيالات .. أخرج ريشته وألوانه وبدأ يرسمها في ذهنه .. يرسم ويمحو ..ثم يعود فيرسم من جديد ويمحو .. رسمها مرة طويلة ومرة قصيرة .. نحيفة وسمينة .. شقراء وسمراء .. شديدة الجمال وشديدة القبح .. كان يرسم ويمحو وهو مغلق العينين ويبتسم لتناقض صوره المختلفة .. وقعت ريشته منه فرسمتها له مزيفة مخادعة .. اضطرب بشدة وانزعج ومحا هذه الصورة المشوهة سريعاً وانتفض جسمه وسرت فيه قشعريرة فانتبه للحظات الطويلة التي مرت وهي لم تفتح له الباب بعد .. فعاود الطرق على الباب .. هي .. لازالت على كرسيها الهزاز .. تبتسم هو - بعد مدة - يتسائل في خوف : هل هذه إشارة له لكي يتراجع ؟ .. هل يترك الأماني الطيبة التي ينتظر منها أن توصله لأمله .. ولكن أين سيذهب بعدها .. كل الأبواب مظلمة كئيبة محبطة .. ولا يرى في الحي سوى بابها المسحور الذي جذبه إليها تدريجيا منذ اول يوم رآه وتمنى أن يطرقه يوماً .. وها هو قد جاء اليوم .. هل يفقد الأمل الان وينسحب .. كلا .. هتف في نفسه وثبت قدميه في مكانه وطرق الباب وانتظر هي .. لازالت على الكرسي .. قلبها يدق وعقلها يفكر .. هو لا يعرف سري .. بدأ الطفل الغضوب يتحرك بداخله وهم أن يخرج منه ثائرا على عدم اكتراثها بقلقه وانتظاره خلف الباب - هكذا بدا له أمرها - .. لكنه تمالك نفسه وقال له .. أيها السخيف .. أنت مثلي تحتاجها .. لا تحرضني إذن ودعني انتظر ودندن معي .. نطرونا كتير كتير عا موقف دارينا لا عرفنا أساميهم ولا عرفوا أسامينا يا نسمة خدينا يا نسمة جبينا سيارة صغيرة والليل والغيرة والعشاق اتنين اتنين ما حدا عارف لوين ؟؟ نطرونا .. نطرونا كان يظهر له بوضوح انحياز الباب لها وتعاونه الكامل معها .. فلو كان لهذا الجماد مشاعر لرق لحاله وانفتح من تلقاء نفسه .. لكنه بطبيعته تعاون معها .. أعجزته الحيلة واحتار .. ماذا يفعل .. أخرج ورقته وقلمه .. كتب كلمات وصف لها فيها حاله وما حدث في اللحظات الماضية وهو يقف خلف بابها ينتظر إشراقتها وألقى إليها ورقته من تحت الباب .. ثم تراجع وسحب كرسياً وجلس وانتظر ..

مطلوب واحدة ست

لما حد بيسألني أول صفة عايزها تكون موجود في شريكة حياتك تكون إيه - بعد الدين طبعا - برد على طول وأقول له عايزها تكون واحدة ست .. الرد دا طبعا مش حيعدي على صاحب السؤال بالساهل كده فلازم يبدي الاندهاش من ردي ويبتسم على الآخر ويستغرب.. وما يعديش فرصة أنه يتهكم على كلمتي ويوجه بونية في وشي بجملة : يعني أي واحدة ست وخلاص ؟!! .. كأنهم كتير يعني .. أو إنه يقول : ما هو طبعا حتكون واحدة ست أمال حتكون راجل يعني .. هو بيفترض إني قلت صفة عادية جدا وأكيد إنها حتكون متوفرة في أي واحدة حرتبط بيها .. مع إن أنا شايف العكس وإن الصفة اللي أنا عايزها دي - إنها تكون ست - مش موجودة غير في قلة قليلة (مندسة .. على رأي جماعة أصحابنا) بين الصف النسائي .. القلة دي هي الوحيدة اللي فعلا عارفة إزاي تكون واحدة ست واحدة ست يعني لما تشوفها تقول هي دي فعلا { خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً } أبي آدم عليه السلام لما عاش على الأرض واستوحش من الوحدة جعل له رب العزة أنيس وشريك ولم يجعل هذا الشريك رجل مثله بل جعله واحدة ست .. واحدة ست يحصل معها السكن والمودة والرحمة وكل ما كانت شريكة الحياة اقرب على المؤشر من كونها ست وأبعد عن صفات وأخلاق الذكورة .. كل ما تحقق السكن والمودة والرحمة .. وكل ما كانت المرأة ابعد عن أنوثتها كانت أبعد عن الصلاحية لتكون شريكة حياة وعليه فتفسيري لكافة المشاكل الكبيرة وكثير من المشاكل الصغيرة التي تحدث بين الأزواج يكون مرجعها غالبا لابتعاد أحد الطرفين عن طبيعته (الذكورة أو الأنوثة) واقترابه من طبيعة الطرف الآخر .. فيبقى البيت فيه اتنين رجالة أو اتنين ستات .. أما بقى لو الراجل خد دور الست والست خدت دور الراجل بتبقى المصيبة أكبر لأن الفطرة معكوسة وهما الاتنين مش حيقوموا بأي من أدوارهم الطبيعية .. يعني كأن البيت لا فيه راجل ولا ست .. يعني بيت خرابة لكن المرأة لو ابتعدت عن أساليب الحياة الذكورية واهتمت بأنوثتها واعتبرته دور تقوم به حتكون فعلا واحدة ست ولو افترضنا أن أي واحدة قرأت كلامي السابق وفسرته على إني بطالب المرأة أنها تكون دمية وجسد ليتمتع به الرجل الأناني .. فدي مش واحدة ست .. لأنه في تفكيرها القتالي دا والاسلوب الحاد العنيف في تمردها وعدم معرفتها بحقيقة أنوثتها أصبحت بعيدة تماما عن إنها تكون واحدة ست .. وحقيقة الأنوثة أصعب من إني أذكر تفاصيله سردا .. بل إني لا اعرف تفاصيلها ولكن استشعرها مع أفعال الست .. وكل واحدة تعلم بطبيعتها وفطرتها إزاي تكون واحدة ست بجد .. وإن أنكرت نفسها عليها ذلك .. مع قبولها لزن الودان ومكر الليل والنهار (إنتي مش خدامة عنده وعند عياله .. زيي زيك .. حقوق المرأة .. المرأة مهضوم حقها .. المساواة .. المجتمع دا ذكوري .. اشمعنى هو .. كلنا ليلى .. إلخ ) لكن ممكن نتكلم عن مثال لواحدة ست لما قريت عنها حسيت إنها واحدة ست بجد .... الست دي هي جاين أوستن .. جاين أوستن كاتبة إنجليزية تعتبر رقم اثنين في تاريخ الأدب الإنجليزي بعد شكسبير ليه جاين أوستن واحدة ست .. ؟؟ سؤال وجيه جاين أوستن برغم فقرها وعمرها القصير وعدم زواجها وعدم إنجابها كانت سعيدة وأسعدت كل اللي حواليها واسعدت ناس إلي يومنا هذا لما يقروا روايتها الستة فقط اللي ألفتهم .. الماديات لم تكن أبدا مركب السعادة بالنسبة لجاين أوستن .. لا مال ولا قصور ومع ذلك وجدت مركب السعادة ونشرته على الجميع .. عشان كده هي واحدة ست بجد. روايات جاين أوستن دايما كانت تنتهي بنهايات سعيدة لأبطالها .. رغم إنها عاصرت مشاكل كثيرة وحروب وكانت ممكن تشير لها في روايتها ( على نظام سينما الواقع ).. لكنها أبدا لم تعرّض شخصيات رواياتها لهذه الحروب .. واكتفت بذكر حكايات اجتماعية عن الحب المؤدب والزواج بأسلوب خفيف اقرب للكوميديا .. كأنها بتقول يكفي ما في الحياة من شقاء مش لازم اخلي أدبي كمان رحلة شقاء .. كأنها بتحاول ترسم السعادة على وجه من سيقرأ روايتها وتعطي له أمل بحياة أجمل ولتخفف عنه عبء الحياة اليومي .. عشان كده هي واحدة ست وبرغم أن جاين لم تتزوج ولم تنجب إلا أن عطاءها لم يتوقف عند حدود الرواية والأدب فكانت أم وعمة وخالة لأبناء شقيقاتها وأشقائها .. ولما تتوفى زوجة أحد أشقائها تسافر إليه وتضع نفسها في خدمته وخدمة أبناء أخيها اليتامى .. بدون تعقيد ولا صياح ولا شعور إنها ضحية الظروف ولا إن المجتمع ظلمها .. كانت بتعمل كده لأنها حاسة إن دا دورها .. فكانت سعادتها في رعاية من حولها صغارا وكبارا حتى لو كانت هي تتألم بمرضها اللي كان سبب في موتها وهي في سن الأربعين .. عشان كده هي واحدة ست. جاين أوستن لما اتقدم لها عريس غني وافقت عليه لفترة قصيرة جدا استجابة لضغط اجتماعي بيطلب من كل بنت وقتها (أواخر القرن الثامن عشر) إنها تحسن من وضعها الاجتماعي بالزواج .. لكنها تمردت على كده وصحت من النوم في يوم عشان تقول لبنات أختها: يمكن للإنسان أن يتحمل كل شيء يحدث له إلا أن يتزوج بغير حب .. هي كده واحدة ست لأنها عايزة تتجوز مش عشان الشقة ولا العربية ولا الوضع الاجتماعي ولا هروبا من كلمة عانس .. هي كده واحدة ست لأنها بتقدم عاطفتها على ماديتها ومادية الظروف حواليها .. لم تكن جاين تسعى وراء الشهرة والمال وعدد الروايات التي كتبتها ست روايات فقط طوال حياتها .. فلم تكن موهبتها ولا مجدها الشخصي يشغلها عن أسرتها الكبيرة ورعاية أسرتها التي اختارت أن تكون في خدمتهم ولم يفرض أحد عليها ذلك .. ولما انتهت من روايتها الأشهر "رغبة وكبرياء" في سن الثالثة والعشرين ذهب والدها بالكتاب ليعرضه على دور النشر التي لم تهتم بالرواية .. كان الأب مشفقا على جاين من صدمتها إذا عرفت بعدم اهتمام دور النشر بروايتها .. لكن جاين لم تكن لتزيد هم والدها برؤيتها مهمومة فعند عودته محبطاً من دور النشر كان الكل يسأل عن الأخبار إلا جاين التي اشعلت له نار المدفأة وقدمت له الحساء الساخن ولم تسأله عن مصير كتابها بل عرفت من وجه أبيها ما يريد قوله وأخذت هي تواسيه وتطمئنه وتخفف عنه وتقول له : لا تيأس فسوف يبحثون هم عنك .. هي التي تواسيه وهي التي تخفف عنه رغم أنها هي صاحبة الهم .. عشان كده هي واحدة ست في وقت جاين أوستن كان الراجل راجل والست ست .. ما كانش حد بيحاول ياخد دور التاني .. لما كان الرجل يقابل أي واحدة ست لازم يغض الطرف وينظر في الأرض وكانت الست تنحني له نصف انحناءة تعبيرا عن الاحترام المتبادل بينهما .. وكانت سيدات المجتمع الراقي تصب كل الاهتمام في البيت والتربية والقراءة والشعر والموسيقى والتطريز ومساعدة الزوج .. فكانت الستات ستات بجد .. يمكن عشان كده وبغض النظر عن صحة الحكايات المروية عن جاين أوستن من عدمها فبالنسبة لي الأسلوب دا أسلوب واحدة ست

!!هو فيه جواز من غير نيش ؟

بعض الأشياء في هذه الحياة بتكون أبسط من إنها تحتاج لتفسير .. فقط نفعلها لأننا نحب أن نفعلها وأحيانا نتركها لأننا نريد أن نتركها .. بدون أي أسباب غير الارتياح النفسي للفعل أو الترك .. هذا ما اسميه الحياة البسيطة دون الحاجة لمبررات عميقة لكل خطوة تخطوها .. طبعا هنيئا لك إن استطعت أن تحيا مثل هذه الحياة .. يمكنك أن تعدد معي مزايا كونك إنساناً بسيطاً .. فأنت بالفعل من دون البشر جميعا من يستمتع بالحياة .. بل يستمتع بأدق تفاصيل الحياة بدون تكلف وبدون أن ترهق نفسك بالخوض في أمور ترهقك وتفسد عليك لحظاتك بأفعال لا تحبها لمجرد أن الناس يطالبونك بالقيام بهذه الأمور. فأنت تأكل وتشرب ما تريد و ترتدي ما تريد وتمشي حيثما تريد وقت ما تريد وإجمالا تفعل ما تريد من أشيائك الصغيرة التي ترغب فيها دون الحاجة لإيجاد مبررات لفعلها .. هي السعادة إذن أن تحيا كما تحب. لكن أعقد ما في كونك بسيطا هو أنك لبساطتك ستعقد حياتك في مجتمعك الغير بسيط وستكون أنت نفسك لغزا يحتار أصحاب العقول البسيطة في تفسيره وستحتاج إلى تفسيرات غير بسيطة ومعقدة لمحاولة أقناع هذه العقول البسيطة أن جميع تفسيراتهم الغير بسيطة لأفعالك البسيطة هي في الحقيقة غير صحيحة .. وأن كل ما هنالك أنك تحب هذا أو تكره هذا وهيهات أن يقتنعوا بمثل هذا مبررك البسيط .. مش واضح ؟؟ امممم .. مع إنه كلام بسيط .. طيب لو أنت مش بتحب اللحوم الحمرا بكل أصنافها (لانشون سدق بسطرمة هامبورجر .. إلخ) وتفضل سندوتشات الفول والجبنة المقلية على سندوتشات الشاورما والكلاب السخنة .. العلماء النفسيين اللي حواليك في كل حته حيمنجوها إن دا هروب من واقع ارتفاع سعر كيلو اللحة باستخدام نظرية العنب الحصرم بإني اقنع نفسي إن مش بحبها .. تفسير قمة في التعقيد .. فكر كده تقول لمراتك ما نجيبش لحمة .. حتقول لك : لو انت زاهد في الحياة طب إيه ذنبي أنا وعيالك .. وحتلزمك إنك تجيب لحمة حتى لو هي كمان مش بتحبها .. بس عشان ما ينفعش وتتكسف إن حد يعرف إنها بتعمل الطبيخ من غير لحمة .. الناس يقولوا علينا ايه ؟؟ .. احنا فقرا يعني ؟!!. لو أنت وصاحبك قاعدين في مكان مدة طويلة ومش مستعجلين على طلبكم اللي طلبتوه من نص ساعة ولسه ما جاش .. بس لما يجي الجرسون صاحبك يغسله عشان اتأخر .. وأنت تبتسم ومش هامك .. وبعد ما يمشي الجرسون تحاول تشرح لصاحبك إن الموضوع مش مستاهل لأننا كده كده قاعدين وبعد ما ناخد طلبنا - اللي مش مستعجلين عليه – حنفضل برضه قاعدين .. فمفيش داعي لإحراج الشاب .. أو مثلا صاحبك طلب من الجرسون أول ما يجي انه يبعت حد يمسح الترابيزة .. فرحت أنت مطلع منديل ومسحتها .. صاحبك حيفسر موقفك إنك بتتنازل عن حقك لأنك بتدفع تمن الطلبات والخدمة ومن حقك تحصل على أفضل خدمة وإلا حيكون تشجيع منك ليهم على إهمالهم .. وإنك بكده بتضر كل زبون حيجي بعديك. لو انت بتحب عربية زي الفولكس القديمة (البيتل) عاجبك شكلها ومرتاح لها كده نفسيا من صغرك لما كنت بتتفرج وأنت صغير على أفلام العربة الطائشة .. لدرجة إنك بتشعر فعلا إنها عربة بتضحك لك ( عربية بتحبك وبتحبها ) وقلت مرة لواحد صاحبك إنك عايز تشتريها وإنها أحسن من مشاوير الموتورجل اللي بتطخها كل يوم .. حيقول عليك إنك فقري وتفكيرك قديم ومعندكش طموح ومش بتتطلع للأحسن .. !! لو أنت تحب تقعد في نادي المهندسين وما تحبش تقعد في أماكن مقفولة تتكتف فيها .. وخطيبتك بتقول لك إن القعدة في كوستا كوفي حلوة وأنت بتقول لها المكان مش مريح ليا وحفضل قاعد على ترابيزتي بعكس النادي اقدر أتحرك فيه بحرية أكبر .. أو قلت لها إنك مش حتعمل فرحك في الداون تاون لأنك مش بتحب المكان ده .. ساعتها حتقول إنك مش وش نعمة ومالكش في قعدات الأماكن النضيفة وواخد على الأماكن الأي كلام المعفنة من الآخر أنت بيئة يعني !! لو قلت مش عايز أجيب في بيتي تكييف عشان مش بحبه وبلاش صالون نتكتف واحنا قاعدين عليه عشان خاطر الضيوف اللي بيجوا من السنة للسنة وخلينا نجيب أنتريهات نرتاح عليها أحسن .. وكمان إيه لازمة الاختراع اللي اسمه (نيش) ده .. والدتك وحماتك ساعتها حيستغربوا جدا من كلامك ويقولوا : إيه ده هو فيه جواز من غير نيش ؟؟ .. هو فيه عروسة من غير صالون ؟؟ .. لو ما كانش تفسيرهم إنك بخيل ومستخسر في بيتك .. ودا غالبا اللي حيحصل. لو انت مش متعود ومش بتحب تطلب من حد يعمل لك طلب .. شاي أو قهوة أو يجيب لك أكل .. إلخ .. وكل اللي في الشركة (هو انا قلت لكم اني غيرت الشركة ولا لأ .. طب بعدين بقا ) كل اللي في الشركة شغالين على البوفيه الله ينور .. ما هو ببلاش بقا .. إلا أنت .. لا عمرك طلبت ولا يحزنون .. ساعتها عامل البوفيه حياخد موقف منك وحيفتكرك موسوس أو مقروف منه وحتلاقيه يقول لك بزعلة : يا بيه أنت مش بتطلب مني حاجة ليه ؟؟ .. على فكرة إحنا مسلمين برضه !!! اعتقد أنك عشان تعيش حياتك البسيطة كما تريد لازم الأول تقنع الناس (المحللين النفسيين) إنهم يكفوا عن محاولتهم البائسة لتفسير أفعالك أو إنك إمعانا في البساطة تعيش في جزيرة معزولة عنهم وساعتها حيقولوا أنك أكيد انطوائي مش اجتماعي وبتخاف من مخالطة الناس.

تاج مصور

الدكتورة مااا علينا بعتت لي تاج ذو طبيعة خاصة جدا .. وبرغم إن التاج عجبني لأول وهلة إلا انه تعبني جدا وانا بجهزه .. ولولا اني عارف طيبة الدكتورة ... !!! .. كنت قلت انها بتعاقبني لأني مش بسمع الكلام .. وطبعا أنا بحب التاجات جدا عشان بتبقى فرصة للرغي هنا في إمبراطورية أرض الرغي .. لكن وللاسف التاج دا عبارة عن صور فقط .. بدخل على موقع متحدد لي ومعرفش ليه دا بالذات .. واجاوب على كل سؤال في مربع البحث ومن النتيجة اختار صورة تجاوب على السؤال في التاج .. ليه اللفة دي ؟؟ مش عارف .. ما كنت اجاوب على طول واريحكم ؟؟ ما خبرش .. المهم وتطبيقا لمبدأ ما علينا ندخل في التاج ... الحالة الاجتماعية الحالة المزاجية المطرب / الفرقة المفضلة الفيلم المفضل حيوان آليف تملكه محل الإقامة محل العمل كيف تصف شكلك ؟ ماذا تقود عملت ايه امبارح برنامجك التلفزيوني المفضل اوصف نفسك حتعمل ايه انهاردة اسمك الحلوى المفضلة طبعا نص الصورة مالهاش علاقة بالموضوع ومش عارف ايه علاقة الحصان بشغلي .. هو انا كتبت اني شغال في اسطبل ؟!! .. بس مادام احنا في شهر اربعة .. يعني شهر الهرتلة والتهييس يبقى لا بأس وكله شغال وصبح صبح يا عم الحاج والتاج بمرره للتالي ذكرهم ودا مش عقاب لا سمح الله .. بس فرصة لفرض الهدوء شوية والتقاط الأنفاس من الحوارات والمناقشات الساخنة رفقة عمر مجداوية أمولة طعمة محمد عبد الغفار أحمد مبرمج حر آلام وآمال الراقص مع الذئاب براء

التوقعات المرئية لليلة الإضراب

مانشيتات الصحف الحكومية: - الجميع ينتظم في عمله والدراسة منتظمة في المدارس والجامعات - نسبة الغياب في المصالح الحكومية لم تتجاوز النسبة الطبيعية - الدكتور علي علي عوض يقر بفشل الإضراب - إقرار قانون الحد الأدني للأجور التلفزيون المصري : رصدت عدسات التلفزيون المصري حركة المرور وقد افادت بعض المصادر في شرطة المرور بوجود اختناقات مرورية بسيطة وهي المعتادة في مثل هذا الوقت من اليوم نتيجة خروج الموظفين من أماكن عملهم وأثناء جولة التلفزيون كان لنا هذا اللقاء .. - إيه رأيك يا حاج في حركة الناس في الشوارع انهاردة .. - والله انا بقول للعالم كله إن الحركة في الشارع عادية جدا والشعب المصري شعب واعي ومش ممكن يضر نفسه .. واحنا انهاردة بنقول لكل العالم إننا مش حنضرب .. والغلاء دا أزمة عالمية .. والحكومة بقيادة السيد الرئيس محمد حسني مبارك بتبذل أقصى جهدها واحنا بنشكر سيادته الحكومة : دعاوي الإضراب اللي طالب بيه البعض وساعد في انتشارها وسائل الكترونية حديثة كلها دعاوي زائفة لتحقيق مكاسب شخصية .. والحمد لله الشعب المصري الواعي قال كلمته واثبت أنه ملتف حوالين قيادته والحكومة بتعتبر فشل الإضراب بمثابة تجديد ثقة من الشعب في القيادة السياسية صحف المعارضة : - الشعب المصري يقول كلمته .. إضراب كامل ونتائج مبشرة برغم تهديدات الحكومة - الشلل يصيب كافة مرافق الدولة .. المصريين لم يخرجوا من بيوتهم - الأمن المركزي يفرق بالقوة مظاهرات شارك فيها عشرات الآلاف في طنطا والأسكندرية - فضيحة جديدة الداخلية تجبر المواطنين على الذهاب لأعمالهم وتهددهم بالاعتقال - الدكتور علي علي عوض يشيد بإيجابية المصريين .. ويعد الحكومة بإضراب يستمر عدة أيام إن لم تستجب الحكومة لمطالب المعارضة - الحكومة تتكبد خسائر بالمليارات جراء الإضراب - عم محمود تغيب عن عمله لمرض ابنته فاعتقلته أمن الدولة بتهمة التحريض على الإضراب كفاية : وقفة بالشموع أمام ضريح السيدة تضامنا مع ضحايا يوم الأحد

الدعوة إلى الفوضى

إن كل هذه الأنظمة القائمة ستنهار سريعا لأننا على الدوام نفقدها توازنها كي نبليها بسرعة أكبر، وقد فصلنا القوة المراقبة عن قوة الجماهير العمياء، ففقدت القوتان معا أهميتهما ، ولكي نغري الطامحين إلى القوة بأن يسيئوا استعمال حقوقهم وضعنا القوى كل واحدة ضد غيرها وجعلنا السلطة هدف كل طموح إلى الرفعة. وقد أقمنا ميادين تستعر فوقها الحروب الحزبية بلا ضوابط ولا التزامات وسرعان ما ستنطلق الفوضى وسيظهر الإفلاس في كل مكان. وسوف يهيء سوء استعمال السلطة تفتت كل الهيئات لا محالة، وسينهار كل شيء صريعا تحت ضربات الشعب الهائج. ولقد حرصنا أن نقحم حقوقا للهيئات خيالية محضة لا وجود لها إلا في المثل التي لا يمكن تطبيقها عمليا. ماذا يفيد عاملا أجيرا قد حنى العمل الشاق ظهره أن يحصل صحفي ثرثار على حق نشر أي نوع من التفاهات ؟ ماذا ينفع الدستور العمال الأجراء إذا هم لم يظفروا منه بفائدة غير الفضلات التي نطرحها إليهم من موائدنا جزاء أصواتهم لانتخابهم وكلائنا ؟ إن الحقوق الشعبية سخرية من الفقير وكل ما لها أنها تجعله يعتمد على الإضرابات ، والآن يقع الشعب تحت نيران الماكرين من المستغلين والأغنياء المحدثين .. إننا نقصد أن نظهر كما لو كنا من المحررين للعمال، جئنا لنحررهم من هذا الظلم، حينما ننصحهم بأن يلتحقوا بطبقات جيوشنا من الاشتراكيين والفوضويين والشيوعيين متظاهرين بأننا نساعد العمال طوعا لمبدأ الأخوة والمصلحة العامة للإنسانية. نحن نحكم الطوائف باستغلال مشاعر الحسد والبغضاء التي يؤججها الضيق والفقر وتلك هي وسائلنا التي نكتسح بها كل من يصدوننا عن سبيلنا. منقول بتصرف/ البروتوكول الثالث .. بروتوكولات حكماء صهيون

إضراب إيه ؟؟

اللي يشوف بلدنا يقول على طول إن الحكومة عارفة مصلحة الشعب كويس .. عارفاها أكتر من الشعب نفسه .. وعشان كده بتاخد القرارات نيابة عنه ومش بتاخد رأيه في أي حاجة .. حتى في الانتخابات .. الحكومة هي اللي بتختار له وتحدد له مين اللي يمثله .. ومش غريب إن اللي الحكومة بتختاره عشان يمثل الشعب هو نفسه اللي بعد كده يقف جنب الحكومة عشان تستمر في الحكم .. والحكومة في قراراتها عايزة الناس تمشي وراها مغمضين .. ما هو شعب - من وجهة نظرها - حديث عهد بالديمقراطية ... يحبوا - من الحبو - في ممارسة طقوسها. القصد إن دا دور الحكومة في بلدنا تاخد قرارات باسم الشعب .. بتتكلم باسم الشعب .. والشعب لازم يمشي وراها .. مع إنها معهاش توكيل ولا تفويض منه .. وكل الحكاية إن اللي موجودين في الحكومة ورثوها من اللي قبليهم واللي قبليهم رثوها من اللي قبليهم لغاية ما توصل لانقلاب عسكري .. يمكن النظام دا موجود في بلاد كتيرة من بلاد الأرض .. فيها سيف الحكومات متسلط على رقاب العباد لكن في بلدنا حاجة أظرف .. مش بس الحكومة هي اللي بتقوم بالدور ده .. لا .. المعارضة كمان المعارضة كمان عارفة مصلحة الناس وبتاخد قرارات نيابة عن الناس .. وطبعاً مش بتاخد رأيهم لأنها -أي المعارضة - هي نخبة النخب وصفوة الصفوة وخلاصة المفكرين والغيورين على مصلحة البلاد والعباد واللي فاهمين كل حاجة أكتر من الحكومة ومن الناس .. وكمان طبعا بتطلب من الناس إنهم يمشوا وراها .. مع إنها برضه معهاش توكيل من الناس ولا تفويض منهم .. تمام زيها زي الحكومة .. كله بيحاول يمشي الناس وراه .. ومفيش حد بيحاول يكسب الناس في صفه .. كل واحد بيلعب لمصلحته .. المعارضة بتطالب دلوقتي بإعلان يوم 6 إبريل يوم إضراب عام في مصر .. وبتطلب من الناس يقفلوا المحلات والعيادات والمستشفيات والمدارس ... إلخ إلخ إلخ مين اللي أخد القرار ده ؟؟ وشاور مين قبل ما ياخده ؟؟ .. ونزل للناس في الشارع وخد رأيهم ولا هو عارف مصلحتنا ؟؟ .. طب الحكومة بتعمل استفتاءات وتزور نتايجها .. هل المعارضة بقى استغنت كمان عن الاستفتاءات المزورة .. طبعا مش حتعرف تعمل استفتاء .. بس على الأقل تستطلع رأي الناس .. هل اللي فكر في الإضراب عارف طبيعة المصريين ويعني ايه أكل العيش بالنسبة لهم .. ما هي الناس برضه عشان تشارك لازم الأول تقتنع بالشخصيات اللي أخدت القرار ويقتنع بالهدف من وراه .. إحنا مش بهايم .. كل فصيل عايز يمشينا وراه اللي بيدعموا يوم الإضراب زي (العمل وكفاية والإخوان والكرامه والوسط ) مش هما دول نفسهم اللي بيشاركوا في مهازل الانتخابات رغم الدعوات الكتير اللي بتدعوا لمقاطعتها .. مش كده وبس دول كانوا ولا يزالوا بيطلبوا من الناس المشاركة كمان في انتخابات الحكومة اللي كلنا عارفين نتايجها قبل ما تتعمل .. يعني الجهات دي مش قادرة تضرب عن الممارسة الهزلية للعبة السياسية وبتدعم ديمقراطية الحكومة بتمثيل دور المعارضة فيها وفي نفس الوقت بتطلب من الناس إنهم يضربوا عن أكل عيشهم ويقفلوا محلاتهم وصيدلياتهم وعيادتهم !!! طيب واحدة واحدة علينا .. ايه أولى .. ومين اللي يتعمل الأول .. منع الناس من السعي على أكل عيشها في وقت هما فيه ميقدروش يستغنوا عن مصادر دخلهم ولا منع الناس من مشاركة الحكومة في مسرحياتها قدام العالم .. والغريب إن الدعوة مش موجهة للعاملين في قطاعات الحكومة بس .. دي الدعوة لشعب مصر كله .. يعني الناس تهجر اعمالها ومحالها عشان خاطرهم وبعد يومين العمال اللي وقفوا المصانع يلاقوا البهوات الصفوة والنخبة بتوع الدعوة للإضراب موجودين ومشاركين في انتخابات المحليات اللي اتزورت قبل ما تبتدي .. !! لما الجهات دي تكون قدوة ومثل وتمتنع عن مشاركة الحكومة في مسرحياتها وتقول لأ مش حشارك .. ولما تكسب محبة الناس والتفاهم حواليها بتحقيق حاجة يحس بيها الناس .. ساعتها وساعتها بس تبقى تبتدي تقول للناس اعملوا أو ما تعملوش ... اضربوا أو ما تضربوش .. وساعتها الناس حتمشي وراهم مش لأنهم بهايم .. لأ .. لأنهم اقتنعوا بيهم وبقيادتهم

نظرية المركون .. الجزء الأول

هو : لسه برضه مش عايزة تصالحي أشرف ?? هي : مش فكرة أصالحه .. هو الموضوع كله مش مريحني .. عارف يا كريم أنا وأشرف مخطوبين بقالنا سنة .. بس هو بيحبني بقاله تلات سنين هو : طب ليه ما بتتجوزوش ؟؟ هي : مش عارفة ... حاسة إني احتمال أقابل شخص تاني هو : شخص تاني ؟؟!! .. طب وأشرف ؟؟!! هي : أشرف ما هو موجود .. يعني حيروح فين .. بس أنا نفسي اقابل حد تاني .. يعني .. واهي لو ضلمت قوي بقا أشرف موجود الحوار من فيلم عربي

لم أكن وحدي

في الميزان : الأهرام عدد يوم الجمعة 7 مارس 2008 كانت صبيحة شتاء يوم من أيام جمعة، وكنت على مقربة من شاطئ بحر الأسكندرية، لا يفصلني عنه سوى ذلك الشارع الساحلي العتيق الممتد بعرض تلك المدينة الجميلة الهادئة الراقية بأهلها. فلما كان أن انتبه ذلك الطفل الصغير القابع في أعماق أعماق عقلي إلى أطياف زرقة البحر في ناظري، أبت قدماي إلا أن ترضخ لإلحاحه المتصاعد كي تعبر بنا ذاك الشارع لعلنا نقترب من البحر أكثر فأكثر .. ووجدتني أعبر الطريق وعيناي ما انفكت تلاحق موجة تلو موجة تلو أخرى تتوجه جميعها نحوي متسارعة من دون تفكير ، فإذا بهذه ومن ورائها هذه ثم تلك ترتطم بالصخر غير عابئة ، ثم إذا بها تمطرني على استحياء برذاذ موج لم يسع رداءي شبه المبتل بفضلها إلا أن يغض الطرف عنها متسامحا وشاكراً لعموم البحر حسن استقباله !! وعلى عكس ما تصورت لوهلة ، لم أكن وحدي في جوف هذا المشهد ، والذي أكاد ينتابني منتهى الشك في أن رساما أيا بلغت درجة حرفيته في إمكانه أن ينقل تفاصيل ما غيرته إضاءة الشمس ذاك اليوم بالذات في صميم ألوان الأشياء، فلا لون الأسفلت هو ذاك اللون الأسود الذي كان ولا البحر على ذات الزرقة المعتادة ولا حتى السماء !! وإنما هي أطياف أطياف من تلكم الألوان اختلطت بشيء من الألفة تارة ، وبكثير من الرهبة تارات .. غريب هو بحر الأسكندرية ومحير هو البحر عموما في الستاء !! فقد تنبهت فجأة إلى أزواج من أناس ترهق وجوههم كثير من صنوف التفاهة، جلوسا على الأرائك المواجهة للبحر متعانقين متلاصقين ، مختلسين تلك اللحظة التي يسهو فيها (جميع) العابرين فيسرقون مزيدا من قبلة هنا أو ربما احتكاك رخيص هناك من شأنه أن يهدئ من روع هذ التنين الجنسي الثائر في أجسادهم الشاهر لسيفه في وضح النهار وعلى مرأى ومسمع من جميع الناس بلا خجل أو حتى بوادر بصيص منه !! ولقد رأيته قادما عن بعد متجها صوبنا نحن .. وجلبابه الأبيض والقصير مترفعاً عن الدنس ومعطف من فوق هذا الجلباب أظنه كان يميل إلى اللون الرمادي ولحية كثيفة جدا نكاد تغطي ملامح وجهه ، ثم ها هي شبه قلنسوة تعلو رأسه وكأنها عمامة وما هي بعمامة .. لقد كانت ملابسه تدل عليه !! اقترب صاحبنا ، فلما دنا إذا بخطواته تتثاقل رويدا رويدا ، ثم إذا به يتوقف تماما عن السير، ثم إذا به يتلفت بهدوء يمينا ويسارا وكأنه يستطلع شيئاً ما في محيط المكان والجميع تعلو وجوههم بوادر توتر لما قد يحدث بعد لحظات علمها عند الله وحده، إذ أدخل الرجل يده في دهاليز معطفه ليخرج شيئاً كان محددا لمكانه تماماً داخل المعطف ، ثم سرعان ما اتجه إلى إحدى الأرائك الخاوية في قلب الأحداث .. فجلس !! لقد كان مصحفاً شريفا ذلك الذي أخرجه الرجل من معطفه فإذا به يطالعه في صمت رهيب، تفيض من قسمات وجهه نفحات إيمان عميق، ومن ملابسه طيب النسمات، لقد كانت علاقته مختلفة تماماً مع البحر أن " سبحان الذي بيده ملكوت كل شيء وإليه ترجعون " لم يمر من الوقت الكثير حتى تفككت الأيادي المتعانقة وتوقفت الاحتكاكات الرخيصة ولكن دون أن يبرح أصحابها المكان .. فقد نجح الرجل في التأثير فيهم جميعا دون أن يتفوه بكلمة واحدة أو أن يرفع عينيه في أحد منهم. أشرف عبد المنعم amoniem@ahram.org.eg

شلضم ح يضرب شطا

شطا الفتوة القديم عنده تسعين سنة كان عنده مال وحريم .. سلطان زمان فنى ولا ليه في الفتونة شلضم أبو العضلات فتوة الحارات موصوف له يضرب شطا في اليوم تلات مرات لو واد عطس في الحارة .. شلضم بيضرب شطا لو جارة نادت جارة .. شلضم بيضرب شطا لو يوم شطا قال أي .. شلضم بيضرب شطا إرهاب لكل الحي .. شلضم بيضرب شطا شطا الفتوة الهرم .. م الراس لحد القدم ملفوف بشاش فوق شاش والتاني ما استكفاش وتاني راح يضربه .. اكمنه -تستغربوا- خطر عليه بيرعبوا .. رهيب ما يستناش بعبع .. وفي الإنعاش - بهاء جاهين -

معلومات عن مرض السرطان

قاعدين في الدبلونة لا بينا ولا علينا في استنظار السيد الدكتور المحترم واللي معاده معانا الساعة 5 ونص .. بس اتأخر شوية اكمن عنده محاضرة الساعة 5 لسنة أولى .. ودا عادي جدا لأن الدبلونة إدارة أصلا وعشان كده قمة روعة التخطيط والإدارة تلاقيها حدانا .. المهم وعشان ما اطولش عليكم .. قولوا طول .. واحنا قاعدين لاببنا ولا علينا في استنظار السيد ... (الكوبليه دا اتقال قبل كده ؟؟!!!!!! .. ما علينا ) المهم قام الدكتور عاصم وهو طبيب نسا وولادة وقال يا جماعة عايز اتكلم معاكم شوية لو ممكن .. طبعا لانه أكبرنا سنا ورجل له احترامه وكمان حيقضي وقت الانتظار الممل اللي معظمنا بيحاول يقاوم النوم فيه فقلنا طبعا يا دكتور اتفضل ... قال باهتمام بالغ .. يا جماعة أنا عايز اكلمكم في موضوع مهم .. عايز اكلمكم عن مرض السرطان .. وبدأ يشرح يعني إيه خلية سرطانية وإنها عبارة عن خلية بتشذ عن قوانين الجسم وبتخرج عن سيطرة الجسم عليها وتبدأ بالتكاثر .. ولو اتكاثرت في مكان محدد وما خرجتش عنه بنقول عليها ورم حميد ... ولو خرجت من منطقة محددة ووصلت مع الدم لمناطق تانية في الجسم بنقول عليها ورم خبيث قال إن فيه نظريات اتحطت عن سبب تكون الخلايا السرطانية وقال كلام مفهمتش منه حاجة .. قال كمان إن السرطان مرض ويمكن الشفاء منه بس لازم المريض يكون عنده الأمل إنه يقدر ينتصر عليه لأنه لو المخ فقد الأمل حيكون الجسم ومناعته زي الجيش اللي القائد بتاعه اصدر أمر بالانسحاب .. فمهما كانت قوة الجيش حينهزم في المعركة لأنه انسحب .. والأمل أول سلاح للي اصيب من المرض دا وعايز يتعالج قال الدكتور عاصم إن الخلايا دي يمكن بتخرج عن التصرف الطبيعي لخلايا الجسم نتيجة لعوامل وراثية أو ضغوط خارجية زي الالتهابات المتكررة أو السعال المستمر أو التوتر الزائد أو انتقال دم ملوث أو اشعاعات .. وقال إن سبب كلامه في الموضوع إن اساليب الوقاية من السرطان سهلة جدا وبسيطة جدا لو اتبعناها بإذن الله ربنا حيحفظنا من المرض ده وهي : - البعد عن التوتر والقلق والزعل والحزن .. لازم الإنسان يقاوم الزعل بأي شكل .. لأن الزعل مش حيرجع أبدا ما فقدت وعجبا لأمر المؤمن إن أمره كله له خير وليس ذلك لأحد إلا للمؤمن إن أصابه خير شكر وإن أصابه ضر صبر فكان خير له - البعد عن مصادر التلوث بكافة انواعها وخاصة المناطق التي تكثر فيها عوادم السيارات والرصاااااص بالذات وكمان الغبار زي مصانع الأسمنت والبعد عن أماكن الضوضاء السمعي أيضا والبعد تماما عند التدخين والمدخنين والأغبياء والغبيات اللي بيدخنوا الشيشة والسجاير (الجملة الأخيرة من عندي ) - البعد عن كافة الأطعمة التي تستخدم الألوان وأكد على إبعاد أطفالنا عن الحلويات والمواد الحافظة والبعد عن الكورن فليكس والحاجات اللي زيه اللي فيها قمح مخزن - تناول الفيتامينات وخاصة سي .. وقال ان احنا مش نكتفي بعصير اللمون أو البرتقان .. لا كمان ناخده من الصيدلية حبوب .. وإن الجسم بيحتاج عدة جرامات منه يوميا لمقاومة عمليات التلوث اللي بتحصل في الجسم - تقليل التعرض قدر الإمكان لمصادر الإشعاع زي الكمبيوتر والموبيلات وخطوط الضغط العالي مش عارف يمكن اكون نقلت معلومات ناقصة أو مش مفهومة صح .. لكن اهتمام الدكتور عاصم بنشر اساليب الوقاية هو اللي خلاني انشر كلامه .. مين عارف ..

وقليل من عبادي الشكور

نعم الله على الإنسان لا تعد ولا تُحْصَى، يقول تعالى: وإن تعدوا نعمة الله لا تحصوها والعبد يُسأل عن هذه النعم يوم القيامة ثُمَّ لَتُسْأَلُنَّ يَوْمَئِذٍ عَنِ النَّعِيمِ وفي الترمذي أن رسول الله صلى الله عليه سلم قال : لا تزول قدما عبد حتى يسأل أربع : عن عمره فيم أفناه ، و عن علمه ما فعل فيه ، و عن ماله من أين اكتسبه و فيم أنفقه ، و عن جسمه فيم أبلاه أي سيُسأل هل شكر الله عز وجل على هذه النعم وعمل بما توجبه هذه النعم عليه من شكر الله عز وجل والشكر عبادة قلبية كما انه عبادة باللسان والأعمال ومضمونها الاعتراف بنعم الله عز وجل .. وهي عبادة قليل فاعلوها .. يقول الله عز وجل وقليل من عبادي الشكور ويقول قل هو الذي أنشأكم وجعل لكم السمع والأبصار والأفئدة قليلاً ما تشكرون. ومن شكر الله فاز في الدنيا وفي الآخرة فالله عز وجل يزيد للشاكر النعم في الدنيا يقول الله تعالى : وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ لذلك فمن ترك الشكر فهو الخاسر .. يقول الله تعالى : ومن شكر فإنما يشكر لنفسه ومن كفر فإن ربي غني كريم والشكر صفة الأنبياء كما قال تعالى عن نوح ذُرِّيَّةَ مَنْ حَمَلْنَا مَعَ نُوحٍ إِنَّهُ كَانَ عَبْدًا شَكُورًا وقال عن إبراهيم إن إبراهيم كان أمة قانتًا لله حنيفًا ولم يك من المشركين. شاكرًا لأنعمه اجتباه وهداه إلى صراط مستقيم وذكر سليمان لما سمع حديث النملة فَتَبَسَّمَ ضَاحِكًا مِّن قَوْلِهَا وَقَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ الشكر وصية الله عز وجل للأنبياء وللناس جميعا ويذكر الأمر بشكر الله عز وجل في كتاب الله بعد ذكر النعم ليكون أبلغ في الحث على الشكر كما قال تعالى يا أيها الذين آمنوا كلوا من طيبات ما رزقناكم واشكروا لله إن كنتم إياه تعبدون ويذكر نعمته على عبده داود ثم يأمر بشكر النعم يَعْمَلُونَ لَهُ مَا يَشَاء مِن مَّحَارِيبَ وَتَمَاثِيلَ وَجِفَانٍ كَالْجَوَابِ وَقُدُورٍ رَّاسِيَاتٍ اعْمَلُوا آلَ دَاوُودَ شُكْرًا ويخبرنا الله تبارك وتعالى عن حال الأمم السابقة وكيف أنعم الله عليها وأمرها بالشكر فلما أعرضت عن شكر الله زالت النعمة .. يقول تعالى لَقَدْ كَانَ لِسَبَإٍ فِي مَسْكَنِهِمْ آيَةٌ جَنَّتَانِ عَن يَمِينٍ وَشِمَالٍ كُلُوا مِن رِّزْقِ رَبِّكُمْ وَاشْكُرُوا لَهُ بَلْدَةٌ طَيِّبَةٌ وَرَبٌّ غَفُورٌ * فَأَعْرَضُوا فَأَرْسَلْنَا عَلَيْهِمْ سَيْلَ الْعَرِمِ وَبَدَّلْنَاهُم بِجَنَّتَيْهِمْ جَنَّتَيْنِ ذَوَاتَى أُكُلٍ خَمْطٍ وَأَثْلٍ وَشَيْءٍ مِّن سِدْرٍ قَلِيلٍ * ذَلِكَ جَزَيْنَاهُم بِمَا كَفَرُوا وَهَلْ نُجَازِي إِلَّا الْكَفُور الشكر هي وصية النبي صلى الله عليه وسلم للأمة ففي سنن أبي داود عن معاذ بن جبل رضي الله عنه أن رسول الله صلى الله عليه وسلم أخذ بيده وقال يا معاذ والله إني لأحبك أوصيك يا معاذ لا تدعن في دبر كل صلاة تقول اللهم أعني على ذكرك وشكرك وحسن عبادتك .. وروى الإمام أحمد عن شداد بن أوس رضي الله عنه قال : سمعت رسول الله صلى الله عليه وسلم يقول:إذا كنز الناس الذهب والفضة ، فاكنزوا أنتم هؤلاء الكلمات : اللهم إني أسألك الثبات في الأمر ، والعزيمة على الرشد ، وأسألك شكر نعمتك ، وحسن عبادتك ، وأسألك قلبا سليما ، وأسألك لسانا صادقا ، وأسألك من خير ما تعلم ، وأعوذ بك من شر ما تعلم ، وأستغفرك لما تعلم إنك أنت علام الغيوب . وعن ثوبان رضي الله عنه قال : يا رسول الله أي المال نتخذ ؟ فقال: ليتخذ أحدكم قلبا شاكرا ولسانا ذاكرا وزوجة مؤمنة تعين أحدكم على أمر الآخرة .. والشكر عبادة ، وهو من عبادات القلوب قبل الألسنة ، وله أشكال غير الشكر باللسان منها : - كثرة العبادة ، ففي البخاري عن عائشة رضي الله عنها أن نبي الله صلى الله عليه وسلم كان يقوم من الليل حتى تتفطر قدماه ، فقالت عائشة : لم تصنع هذا يا رسول الله ، وقد غفر الله لك ما تقدم من ذنبك وما تأخر ؟ قال : أفلا أحب أن أكون عبدا شكورا. - عدم ازدراء حتى النعم القليلة وشكر النعم القليلة وفي صحيح مسلم عن أبو هريرة رضي الله عنه أن النبي صلى الله عليه وسلم قال : انظروا إلى من أسفل منكم . ولا تنظروا إلى من هو فوقكم . فهو أجدر أن لا تزدروا نعمة الله عليكم - شكر الناس على إحسانهم مهما قلّ فمن لا يشكر الناس لا يشكر الله . وغير صحيح ما يقوله البعض من أن الشكر لله وحده فالشكر الذي هو بمعنى العبادة يكون لله وحده والشكر الذي يراد به مكافأة الناس ومدحهم على ما فعلوه من إحسان يجوز لغير الله فعن النعمان بن بشير رضي الله عنه قال : خطبنا رسول الله صلى الله عليه وسلم على المنبر فقال : من لا يشكر القليل لا يشكر الكثير ، و من لا يشكر الناس لا يشكر الله والتحدث بنعمة الله شكر ، و تركها كفر، و الجماعة بركة ، و الفرقة عذاب .. واولى الناس بالشكر بعد الله عز وجل شكر الوالدين .. وَوَصَّيْنَا الْإِنسَانَ بِوَالِدَيْهِ حَمَلَتْهُ أُمُّهُ وَهْنًا عَلَى وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ - ومن علامات شكر الله عز وجل إظهار نعم الله ، فالله تعالى يحب أن يرى أثر نعمته على عبده شرط أن لا يكون ذلك مباهاة أو رياء أو سمعة . - سجود الشكر فعن أبي بكرة رضي الله عنه أن النبي صلى الله عليه وسلم كان إذا أتاه أمر يسره أو بشر به خر ساجدا شكرا لله تبارك وتعالى ..

البلد دي اللي يشوفها من فوق غير اللي يشوفها من تحت

وراحت شوشو من ميدان السيدة زينب تخترق الأزقة والحواري، وتسأل بعد كل خطوة عن خوخة السعدان، وهي على طول الطريق ترمقها ألف عين نصف نائمة نصف يقظانة، يتمطى أصحابها في كسل لذيذ وفي شمس الشتاء على المقاهي الكثيرة المتراصة بجوار بعضها على الطريق وأحست شوشو بالضنا وأحست بالتعب وتمنت لو استطاعت أن تعود من حيث جاءت بعيدا عن هذه الخرائب التي تفوح منها رائحة كريهة، وكأنها رائحة خنزير مذبوح !! ولكن ماذا يقول عنها بابا وماما وكل أخوتها وقد تحدتهم جميعا، وأصرت أن تسير وحدها حتى نهاية الشوط .. نعم ماذا يقول كل هؤلاء لو أنها نكصت على عقبيها وعادت إلى قصر أبيها من جديد .. ووقع نظرها على عشش مهدمة، وبرك طين تسبح فيها الكلاب واستاءت شوشو لكل هذا الفقر المحيط بها، وتمنت لو تعثر على حل سليم للقضاء على كل ما في هذا الحي من فقر، وتمنت لو أنها تملك ملايين كثيرة، إذن لتبرعت بآلاف عديدة، لتشتري لهؤلاء الناس صابونا وجازاً وخبزاً وسيارة لتنقل أطفالهم إلى المدارس، وأجهزة راديو واسطوانات لموزارت وبيتهوفن ورمسكي كورساكوف .. آه لو استمع هؤلاء الفقراء إلى موسيقى كورساكوف إذن لأرتقت أحوالهم، وتغيرت معالم حياتهم ولأصبحوا خلقاً جديدا .. راحت من جديد تنظر إلى الناس وإلى الحيطان وإلى الأطفال والكلاب واقتحم سمعها كلام غريب يطلقه الناس بلا استحياء ويقصدون به التحية والسلام .. كلام لم تسمع مثله من قبل وأوصاف تكاد تجعلها تضرب رأسها في الحائط ، هؤلاء الفقراء ليسوا مؤدبين، لو أنهم دخلوا مدارس أجنبية إذن لتعلموا الذوق ولفهموا معنى الأتيكيت، ويا سلام يا شوشو لقد هبط الحل السليم الذي كانت ترجوه. وليكن حل المشكلة من هنا .. من المدارس الأجنبية، فإنها لو لاقت وسيلة لاقناع هؤلاء الناس بضرورة الالتحاق بالمدارس الأجنبية، إذن لضمنت تخريج جيل جديد من هؤلاء الفقراء يعرف كيف يتحدث وكيف يأكل، وكيف يحب وكيف يتصرف برشاقة .. وعندئذ سوف تصفو لهم الحياة. وامتلأ قلب شوشو بالخوف عندما هلت على خوخة السعدان .. ليس هذا المكان بشارع ولا بحارة ولا بزقاق ، الوصف الصادق له أنه خرم في الحي وهل من المعقول أن أحدا من الأحياء يعيش في المكان ؟ .. كانت شوشو قد وصلت إلى حالة قاسية من الإعياء .. كانت تود لو ألقت بنفسها على الأرض وبكت إلى ما لا نهاية .. أحست أنها ألقت بنفسها في حفرة مظلمة بشعة، وهؤلاء الفقراء الذين آمنت بهم وتمنت أن تخلصهم من شقائهم مجموعة من الوحوش الضارية .. جهلة حمقى .. وأشرار . مثل أكلة لحوم البشر .. استدارت فأعطت الجميع ظهرها وسارت تقطع خوخة السعدان بخطوات مترنحة .. وراحت تحث الخطى في الشارع الضيق الملتوي نحو ميدان السيدة .. حيث تنتظرها العربة الفارهة هناك .. وعندما أطلت على الميدان الكبير استراحت نفسها واطمأنت .. ورنت في أذنيها كمات بابا الخالدة : هؤلاء الفقراء كلاب .. لا يحمدون الله أبدا وإذا شبعوا تنمردوا .. ومن الخير أن يبقوا على ما هم فيه من شقاء. مقتطفات من خوخة السعدان لمحمود السعدني والعنوان من فيلم طيور الظلام

أتاكم الشيخ فلانتين يعلمكم أمر دينكم ؟؟؟

في موضوع تشبه المسلم بغيره فيه خلط بين أمرين .. فهناك فرق بين العلوم والاختراعات التي وضعها الإنسان لتسهل له الحياة وجعلها مشاع للجميع وبين العقائد العبادات والعادات وهي التي تختص بها أمة دون غيرها وقد تلجأ أمة لنشرها في فترة سطوتها وقوتها لتعم جميع العالم مش معنى مخالفة دين وقيم وعادات غير المسلمين إننا نترك الانتفاع باختراعاتهم .. لأن الدين لم يأتي باختراعات .. ماجاش الدين بطيارة ولا سيارة ولا بنطلون معين وأمرنا بالتمسك بهذه الاختراعات دون غيرها .. إنما ساب لنا الحرية في استخدام كل ما يصل له الإنسان مؤمنه وكافره من اختراعات وعلوم وآداب وفنون شريطة ألا تخالف اصول الدين لكن الدين جاء بالعقيدة والعبادات والقيم والعادات وقفل الشرع الباب دا وقال ممنوع منعا باتا التشبه بغير المسلمين في عقائدهم وعبادتهم وقيمهم اللي اختصوا بيها دون غيرهم من الأمم حتى لو هما نشروها بعد كده في سائر الأمم .. لازم أمتنا ترفض التشبه .. صاحبي بيقول لي اصل دا مش عيد دا يوم للتذكر .. حقول لك .. لو جبت أي شي غير محدد الهوية فلنفرض إنه ( زبنطكنتي ) وهذا ال (زبنطكنتي) له 3 صفات .. أما الأولى فإنه يعود كل مدة محددة لا تتغير .. يعن بيتكرر كل سنة كل شهر كل اسبوع وأما التانية فهي إنه للتذكر .. يعني بنتذكر فيه معنى معين زي ما ربنا سبحانه وتعالى قال على عيد الأضحى إننا نتذكر فيه النعمة : وَلِكُلِّ أُمَّةٍ جَعَلْنَا مَنسَكًا لِيَذْكُرُوا اسْمَ اللَّهِ عَلَى مَا رَزَقَهُم مِّن بَهِيمَةِ الْأَنْعَامِ وفي عيد الفطر نتذكر الهداية : وَلِتُكْمِلُواْ الْعِدَّةَ وَلِتُكَبِّرُواْ اللّهَ عَلَى مَا هَدَاكُمْ وَلَعَلَّكُمْ تَشْكُرُونَ والصفة الثالثة إنه بيتم فيه التوسعة على الغير بالهدايا أو طيب الكلام أو خلافه لو اتوفرت ال 3 صفات دول يبقى (زبنطكنتي) ده يساوي ومكافىء ل(عيد) .. تسموه بقا (يوم) تسموه (يوبيل) تسموه (عفريت ازرق) هو اسمه (عيد) يعود فهو عائد .. وصدق من قال .. يأتي على الناس زمان يشربون فيها الخمر يسمونها بغير اسمها والعيد هو يوم أمرنا الله عز وجل بجعله عيدا يعود علينا كل فترة زمنية .. فالأيام من عند الله عز وجل هو اللي يقول لنا امتى نخلي اليوم عيد وامتى ما نخلوهوش عيد .. ولو قلنا إن احنا ممكن نختار أيام أخرى نجعلها تعود علينا كل عام .. فدا عين التشريع .. إحنا كده بنشرع من دون الله .. وإذا قلنا إن دا حاجة تعم فيها الفايدة والنفع لنا بتذكر عبادات مهجورة كبر الوالدين وصلة الأرحام .. يبقى كده كأننا بنقول إن النبي صلى الله عليه وسلم غفل عن هذا الأمر وترك درب من دروب الخير لم يبلغنا به وكان المفروض يخصص يوم للفقير ويوم للمسكين ويوم للأم ويوم للأب ويوم لليتيم .. وعليه فالنبي صلى الله عليه وسلم ترك أمور فيها الخير لنا في ديننا ولم يبلغنا بها وابلغنا بها الشيخ فلانتين وفين اليوم أكملت لكم دينكم .. وفين اعتقاد أهل السنة بتمام الرسالة وكمالها ولو قلنا إن الأيام التي تعود ممكن تبقى مش من الدين يبقى احنا كده وافقنا العلمانيين على زعمهم إن الدين مش داخل في كل حاجة في دنيتنا .. وإن الدين له حدود لا يتجاوزها وإن كلمة محياي مالهاش لازمة في الآية الكريمة قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ .. وطبعا دا كلام مش صح ولو الموضوع سهل كده وغير الكلمة ونخلص .. طب ما كان النبي لما لقى الناس بيحتفلوا بعيد النيروز كان قال لهم يا جماعة عيب كده ما تسمهوش (عيد) وسموه (يوم) النيروز وسابهم .... الناس بتناضل للدفاع عن حق الاحتفال بعيد الفلانتين .. والسؤال هو ليه ؟؟ ليه فلانتين ؟؟ طب ومن غير فلانتين مش حيبقى فيه حب .. مش حيبقى فيه بر والدين .. مش حيبقى فيه إكرام اليتيم ... يبقى مفيش دين أساسا ... لو الحاجات دي واقفة على احتفال يقام في يوم محدد ونناضل باهتمام بالغ للتأكيد على شرعية هذا العمل كباعث للدين .. تبقى مصيبة .. مصيبة لما الشيخ فلانتين هو اللي حيفكرنا بديننا اللي نسيناه ... وبعدين ما هو النبي صلى الله عليه وسلم جاء بعد فلانتين .. ليه لم يقره على هذا اليوم وأمر بالاحتفال بيه .. دا لو فيه خير ؟ أما هل المسألة مهمة أو غير مهمة ... قبرجاء مراجعة اسباب التقليد والتشبه في الموضوع السابق أخيرا ما سبق .. مش تشدد ولا فكر منغلق .. ما سبق معنى يتعلمه كل من أدرك عزة الإسلام وعرف معناها وأدرك عدم حاجته كمسلم لمثل هذه الأيام ليتذكر شرع الله وأدرك استقلالية الرسالة وتميزها عن غيرها من الرسالات عن عمر بن الخطاب رضي الله عنه قال : أن رسول الله صلى الله عليه وسلم لما خرج إلى حنين ، مر بشجرة للمشركين ، يقال لها : ذات أنواط ، يعلقون عليها أسلحتهم ، ويعكفون حولها ؛ قالوا : يا رسول الله ! اجعل لنا ذات أنواط كما لهم ذات أنواط ، فقال النبي صلى الله عليه وسلم : سبحان الله وفي رواية : الله أكبر ! هذا كما قال قوم موسى : { اجعل لنا إلها كما لهم آلهة } ، والذي نفسي بيده ؛ لتركبن سنة من كان قبلكم سنة سنة وفي الحديث لتتبعن سنن من كان قبلكم شبرا شبرا وذراعا بذراع حتى لو دخلو جحر ضب تبعتموهم .. قلنا : اليهود و النصارى .. قال : فمن ؟؟

عيد الحب يا عيدهم ومش عيدنا

وكذلك جعلناكم أمة وسطا لتكونوا شهداء على الناس والشاهد لا بد ألا يكون تابع أو خاضع للمتهم وإلا كان شهادته محل شك وانتقاد من المتهم .. إذ لو شهد الشاهد على المتهم وبين جرمه .. سيصرخ المتهم فيه ولماذا كنت تتبعني اذا وتتمثل بي وتتشبه بي إن كنت مجرما .. لماذا أيها الشاهد تبعتني وتشبهت بي إن كنت في نظرك مجرماً حقاً ... لذلك لما جاء موسى فرعون بما يخالف أمره كان أول ما انتقده وعير به موسه : قَالَ أَلَمْ نُرَبِّكَ فِينَا وَلِيدًا وَلَبِثْتَ فِينَا مِنْ عُمُرِكَ سِنِينَ ورفض فرعون وملأه ايضا اتباع دعوة الرسل متعللين بأن قوم هؤلاء الرسل تابعين له : فقالوا أنؤمن لبشرين مثلنا وقومهما لنا عابدون .. فكان اتباع القوم لغيرهم عائق دون ابلاغ الدعاة للرسالة وكانت اليهود تعير المسلمين قبل تحويل القبلة فتقول : يخالفنا محمد ويتبع قبلتنا ولكي تقوم الأمة الإسلامية بشهادتها على باقي الأمم لابد أن تتميز عن تلك الأمم فلا تتبعها في صغير ولا كبير .. حتى تكون الشهادة تامة كاملة كثيرة هي الأمور التي أمرنا فيها بالمخالفة لغير المسلمين .. كثيرة جدا ففي باب الاعتقاد أمرنا بالمخالفة فعن جندب رضي الله عنه قال: سمعت النبي صلى الله عليه وسلم قبل أن يموت بخمس وهو يقول: ألا وإن من كان قبلكم كانوا يتخذون قبور أنبيائهم وصالحيهم مساجد، ألا فلا تتخذوا القبور مساجد، إني أنهاكم عن ذلك وفي الآذان رفضت فكرة الناقوس والبوق للنداء للصلاة لأنها فيها تشبه بغير المسلمين والقبلة ... قلب الرسول صلى الله عليه وسلم بصره في السماء حتى حولت لقبلة يرضاها الرسول صلى الله عليه وسلم وانقطع قول اليهود يخالفنا محمد ويتبع قبلتنا وفي الصلاة أمرنا بالمخالفة فعن جابر رضي الله عنه قال صلى الله عليه سلم لأصحابه : إن كدتم آنفًا لتفعلون فعل فارس والروم، يقومون على ملوكهم وهم قعود، فلا تفعلوا وعن شداد بن أوس رضي الله عنه قال: قال رسول الله صلى الله عليه وسلم: خالفوا اليهود، فإنهم لا يصلون في نعالهم ولا خفافهم فكانت رخصة لمن اضطرته الظروف للصلاة في الخفاف أوالنعال .. وفي الصيام أمرنا بالمخالفة فعن عمرو بن العاص رضي الله عنه أن رسول الله صلى الله عليه وسلم قال: فصل ما بين صيامنا وصيام أهل الكتاب أكلة السحر وعن عبد الله بن عباس رضي الله عنهما قال: حين صام رسول الله صلى الله عليه وسلم يوم عاشوراء وأمر بصيامه، قالوا: يا رسول الله، إنه يوم تعظمه اليهود والنصارى! فقال رسول الله صلى الله عليه وسلم: فإذا كان العام المقبل إن شاء الله صمنا اليوم التاسع وفي الهيئة والمظهر والعادات أمرنا بالمخالفة فعن أبي هريرة رضي الله عنه قال: قال رسول الله صلى الله عليه وسلم: إن اليهود والنصارى لا يصبغون فخالفوهم قال الله تعالى مخاطبا نساء المؤمنين : وَقَرْنَ فِى بُيُوتِكُنَّ وَلاَ تَبَرَّجْنَ تَبَرُّجَ ٱلْجَـٰهِلِيَّةِ ٱلأولَى وعن عبد الله بن عمر رضي الله عنهما أن النبي صلى الله عليه وسلم قال خالفوا المشركين : وفروا اللحى ، وأحفوا الشوارب وعن أنس رضي الله عنه أن اليهود كانوا إذا حاضت المرأة فيهم لم يؤاكلوها ولم يجامعوهن في البيوت، فسأل أصحاب النبيِ صلى الله عليه وسلم النبيَ صلى الله عليه وسلم، فأنزل الله تعالى: وَيَسْـئَلُونَكَ عَنِ ٱلْمَحِيضِ قُلْ هُوَ أَذًى فَٱعْتَزِلُواْ ٱلنّسَاء فِي ٱلْمَحِيضِ ، فقال رسول صلى الله عليه وسلم: اصنعوا كل شيء إلا النكاح، فبلغ ذلك اليهود فقالوا: ما يريد هذا الرجل أن يدع من أمرنا شيئًا إلا خالفنا فيه. لماذا تخرج المرأة الحائض والنفساء إلى مصلى العيد في يومي الفطر والأضحى وهي لن تصلي ؟ .. لتشارك المسلمين يومهم وعيدهم وتكثر عدد المشاركين .. وتقر بالشرع والشريعة التي جعلت من هذا اليوم عيدا .. مجرد مشاركتها حتى من غير الصلاة جعلها من جملة المعترفين بالشعيرة وبالمثل فإن مجرد المشاركة في أي من الأعياد يجعل المشارك من جملة المعترفين بشعائر الاحتفال ويكثر من عدد الأمة صاحبة الاحتفال .. فمجرد المشاركة في أعياد ارتبطت بأسماء قديسين يعد اعتراف بقداستهم وبشعائر غير المسلمين من أين يأتي تقليد والتشبه بالغير ؟ إما من فرط المحبة للغير والولاية لهم والقناعة بما عندهم والانبهار بشعائرهم وعاداتهم أومن شدة النقمة على الذات واستحقارها وهوانها .. أو كلاهما معا أضافت الباشمهندسة هوندا لأسباب التقليد عدم الانتماء للدين وده نتيجه ضعف التربية الدينيه لبعض الأفراد وثقافه المجتمع كمان وأضاف الباشمهندس عصفور المدينة لأسباب التقليد التلذذ بالمعاصي التي يفعلونها

الوصلة ضربت يا مينز

والله زمان يا دايل آب يعني إيه كابل مدفون في البحر وضرب .. هو النت دا كابلات ممدودة في الأرض ولا في البحر .. هي مش الاتصالات في العالم بتتم عن طريق الأقمار الصناعية ولا أنا غلطان .. وإذا كانت مش بتتم عن طريق الأقمار الصناعية .. أومال الأفراح اللي بتتعمل دي على القمر الصناعي للاتصالات إيه لازمتها ؟؟ وبعدين حتى لو احنا واخدين وصلة نت من سيبر في أوربا حناخد من البحر ليه ؟ احنا لو لفينا الكابل من ناحية اسيا كده من نواحي تركيا وسوريا والأردن حيبقى ارخص واوفر من لو حطينا في البحر كابل .. يعني شبكة الكهربا اللي حفينا عشان نربطها بالشبكة الأوربية لفيناها من فوووووق عشان التكلفة ومحطيناش أي حاجة في البحر إلا اللي الحتة اللي واصلة بيننا وبين الأردن خليناها في خليج العقبة عشان ما نعديهاش جوا ارض فلسطين المحتلة .. طيب وكان لزمته ايه اللفة دي كلها ما كنا مدينا وصلة كده في البحر لغاية اليونان وريحنا الأدموغي .. بدل ما تيجي سمكة معدية في الحر وتضرب لنا الكابل .. لكن عشان التكلفة لفينا خطوط الكهربا كل اللفة دي طيب إيه بقا الكابل اللي في البحر دا اللي ضرب ؟؟؟ وامتى مدوه ؟؟ .. دا كل ما بيعملوا طوبة يقعدوا يعملوا فرح عليها وإنهم اللي جابوا الديب من ديله .. يعني مدوه في البحر كده من غير لا حس ولا خبر .. وحتى لو مدوه .. دا النت يا عالم ما كملش عشر سنين .. يعني عشر سنين ويضرب كده ؟؟؟؟ طيب هو احنا مادين الكابل دا لغاية فين .. اليونان مثلا .. واليونان متوصلة برومانيا ورومانيا بايطاليا وايطاليا بفرنسا وفرنسا بانجلترا .. طب وبعدين .. انجلترا مادة كابل برضه في المحيط الأطلسي وموصلاه لأمريكا ولا إيه ؟؟؟ طيب الكابل الممدود لينا ده ممدود لينا واحنا بندي للدول اللي جنبنا .. ليبيا والسودان وتشاد واثيوبيا وبقية افريقيا ؟؟؟ وساعتها بقا يبقى المفروض كل الدول دي النت قاطع عندهم ولا فيه كابل ممدود لينا لوحدينا وكابل تاني ممدود لليبيا وواحد تاني لتونس .. شوية ويقولوا إن فيه حد مشغل النت كت على المصريين .. ياريت اللي فاهم حاجة يفهمني .... ================================================= تحديث : تعليق الباشمهندس الصارم ================================================= شوف انا مش شغال في الحتة دي بالذات لكن اقدر اقولك ياباشمهندس...عشان تعدي وصلة الانترنت للبلد كلها - الحسابات بالتيرابايت - في الأقمار الصناعية بالسعة دي - لاحظ انك بتتكلم عن خط داتا رئيسي داخل للبلد كلها - ده مكلف جدا جدا غير انه غير عملي وكابلات الالياف الضوئية اكثر كفاءة واعتمادية وده مؤكد....الاقمار الصناعية تستخدم لاغراض خاصة وضرورية وليس عامة ارخص وأأمن انك تعديها في البحر وليس البر ..الكابلات الكهربائية تختلف هنا لانها ليس بحساسية كابلات الالياف الضوئية ...والعالم كله شغال كده ....لكن العكس انك تعدي الكابلات الكهربائية بقى في البحر هيكون كده اغلى واقل فاعلية في حالة الكابلات الكهربية على حد علمي - وانت اللي تقدر تقول هنا ..انك في حالة كابلات الجهد العالي الكهربية ممكن تاخد في الطريق وصلات لمحطات تغذية المدن ودي نقطة تانية لمرو الكابلات الكهربية على الارض وليس البحر اصل الحكاية انك عندك شبكة داخلية دي ممكن تعديها في الارض براحتك اذا كانت الياف ضوئية او انها تكون ميكروويف وده الأأمن جوه البلد..ومصر عندها بنية اساسية في الـ tgransmission عالية فعلا..تستخدم لكل من التليفونات بانواعها والداتا وعشان كده مثلا موقع مثل مصراوي او الشركات صاحبة السيرفرات اللي بتقع داخل مصر لم تنقطع فيها الخدمة- مصراوي مثلا شغال على طول ...لكن معظم السيرفرات اللي بنتعامل معاها هي خارج مصر للاتصالات بالعالم الخارجي محتاج تعدي على gateways لكل من الاتصالات الصوتية او الداتا على حد علمي ان ال gtaways الاساسية بتاعة مصر في فرنسا والامارات ويمكن ايطاليا ايضا لا تذكر تحديدا الاتصالات بتيجي اولا على الـ gateway ومنه بتتوزع على سنترال كل منطقة - عن طريق الالياف ضوئية او ميكروويف - ومنه توصل للمشتركين المشكلة دلوقت ان الكابل البحري اللي مطلعك على فرنسا اتقطع الكابل مش ضرب...صعب جدا وشبه مستحيل ان الكابلات البحرية دي تضرب وخاصة في فترة قصيرة كده ...الكابل اتقطع الغريب في الموضوع ان هما مش كابل واحد ...هما كابلين المسافة بينهم كيلومتر كامل على الاقل يعملان load-sharing على الارجح..وفي حالة انقطع احداهما فان الاخر يتحمل الخدمة بأكلمها...وعلى حسب ضغط الخدمة هنا ومدى فراغ القنوات تكون الكفاءة في هذه الحالة ...والكابلات بتكون على اعماق بعيدةجدا... ومحاطة بـ"مواسير" خاصة للحماية على هذه الاعماق ولكن ليست مدفونة في ارض قاع البحر ..لانك ان دفنتها في قاع البحر..يبقى اما تيجي تدفن كابل بحري في قاع الاطلنطي مثلا محتاج توصل لعمق 7 كيلومتر ..وقاع الهادي 10 كيلومتر وده مستحييييييييل حتى الآن على حد علمي ايضا ولهذا العمق- في البحر وليس ارض البحر - فان التصليح يتم عن طريق ربوتات لانه لا بشري سيتحمل الضغط على هذا العمق ...ولهذا فان الموضوع هيطول ..عشان تشحن الكابلات وتجيب الروبوت والمهندسين وتعمل العملية دي على الأقل اسبوع...الوزير لم يبالغ ازاي بقى الكابلين معا يتقطعوا هو ده الغريب..واشمعنى الداتا هي اللي قطعت ..والحمد لله الاتصالات التليفونية الدولية لم تنقطع هي الأخرى دلوقت هما هيحولوا الخدمة كلها تقريبا على الخط التاني اللي ماشي في البحر الاحمر ..وارجع لنقطة الـ load-sharing عشان تقدر تحسب تقريبا كفاءة الخدمة المتوقعة حتى يتم التصليح تقدر تجيب خريطة للكابلات البحرية من على موقع شركة الكاتل على الانترنت على ما اظن ..وهي اكبر شركة متخصصة في الكابلات البحرية وهي ليست اول مرة تحدث..ان تتضرر الكابلات البحرية...حدثت منذ عدة سنوات في ليبيا ...وفي الجزائر ابان زلزال 2003..وفي باكستان وشبه القارة الهندية واسيا الوسطى قبل وابان زلزال 2005 النهادرة وقعوا عقد كابل بحري جديد بسعة اكبر مع شركة الكاتل ..وهيشارك مع الكابلات اللي هتتصلح ان شاء الله لاعطاء سعة اكبر...لعل وعسى ولولا الحادثة في الغالب ماكنتش سمعت عن موضوع الكابل الجديد ده- معلش اصل مهندسين الاتصالات بيشتغلوا في صمت في البلد دي...احم احم....شكرا شكرا (: